Шчаслівай дарогі)))

У людзей адпачынак, усе некуды збіраюцца...Эх, у мяне ў гэтым годзе адпачынку не прадбачыцца. Але не вешаць нос! Парадуюся за тых, каму пашэнціла больш. Для сваей сяброўкі зрабіла такую паштовачку з пажаданнем прыехаць з адпачынку з поўнымі кішэнямі эмоцый, і пажадана, каб толькі станоўчых)))

Паштовачку зрабіла вось па гэтаму скетчу

Мая сям'я

Па скетчы StudioScrapbooking зрабілася сення такая старонка: просценькая, трошкі наіўная...

Люблю гэты здымак, нейкім па-вясковаму цеплым ен мне здаецца, і трошкі настальгічным, бо вельмі рэдка мы бываем на нашай малой Радзіме...А трэба б часцей. І верш Барадуліна неяк адразу нагадаўся...

Трэба дома бываць часцей,
Трэба дома бываць не госцем,
Каб душою не зачарсцвець,
Каб не страціць святое штосьці...

Цукерка!!! Яшчэ адна!!!

З нагоды свайго вяртання ў стройныя рады скрапераў Лера Just_Shine прэзентуе вось такую неверагодную цукерку. Эх, хачу...вельмі

Just you & me...

А я зноў з паштовачкай, ізноў скрапава-вышывальнай. Спачатку гэтыя маленькія вышывачкі планавалася выкарыстаць у АТСках, думала зрабіць такую серыю "Silhouettes". Але нешта не пайшло, і ў выніку нарадзілася такая паштовачка з намёкам на вінтаж...
Ага, ледзьве не забылася, яна яшчэ і пад скетч вось гэты падыходзіць, мне здаецца.

Just for you...

Па скетчы ад Card Patterns зрабілася такая паштовачка. Скрапава-вышывальная... Напала на мяне ізноў вышывальная муза)))

Inspired by Card Patterns Sketch 68 I've made a "Just for you" card. When working with this card I employed some cross stitching skills...Like such mix very much)))

ЦУКЕРКА

Мой любіменькі блог Артуголок падрыхтаваў проста неверагодную цукерку з нагоды... а нагоды няма, проста вырашылі дзяўчаткі зрабіць людзям прыемнае)))

"Приближая лето"

А ў мяне паштовачка змайстравалася, проста так... І зноў-такі па скетчы АрттУголок

Вось сам скетч



А вось і паштовачка



Так, што з матэрыяламі: папера для пастэлі, скрап-папера, брадсы, пэрлінкі, карунка, кветачка, малюнак і надпіс раздрукавала, усе прашыта ўручную.

Такая вось летняя дзяўчынка =))

За дымам-туманом...

Сення пятніца. У АртУголок новы скетч, а ў мяне - новая старонка. Яна будзе першай у маім вялікім альбоме пра бясконцыя вандроўкі па Беларусі. Спачатку я бачыла яе трошкі інакш, але ўжо што атрымалася =))



.................................
На дальняй старане
Мне наплывае ў сне
Дом з Дубам пад акном
За дымам-туманом...
А там, у тумане,
А там, у тым акне,
А там няма мяне
На роднай старане...

Там босыя сляды,
Там неба ў галубах,
Там ад жывой вады
Так горка на губах...
Там жытам узыйшлі
І запляліся ў лёс
Спеў сцішанай зямлі,
Гнеў зрушаных нябёс...

Мне птушкай з выраю
Да Дому прылятаць
І абдымаць зямлю,
І неба цалаваць...
А як таму не быць -
Дык хоць бы сном праплыць,
Хоць дымам-туманом
Над Дубам пад акном...

З дальняй стараны да Дому
Сам гукаюся самому,
Тому Дому, Дубу тому -
І плывуць, як сны,
З дальняй стараны дадому
З дальняй стараны дадому
З дальняй стараны дадому
Дым ды туманы... (У. Някляеў)

Шлях караля Міндоўга

Я тут з невялічкай справаздачай. На гэты раз не творчай, проста хачу падзяліцца ўражаннямі ад нядзельнай вандроўкі. Ездзіла са сваім любімым фондам "Краіна замкаў". Праўда, вельмі паважаю людзей, якія там працуюць. За тую налегкую працу, што яны робяць, за тое, што столькі шмат людзей адкрылі і адкрываюць для сябе Беларусь з яе шматвекавой гісторыяй, легендамі, паданнямі, мужнымі героямі...

Нашая вандроўка была як раз прысвечана адной з такіх гістарычных постацяў - князю Міндоўгу, першаму князю Вялікага Княства Літоўскага, адзінаму каралю гэтай дзяржавы.

Першы прыпынак - Мір.

Не першы раз я наведваю гэты замак. Чамусьці запомніліся першыя мае ўражанні ад яго: хоць і ў досыць разбураным стане, але з нейкай сапраўднай атмасферай сярэднявечча. Цяпер, канешне, усе даглежана, нават вылізана, але некуды падзявалася тая атмасфера...

Мы з матуляй ў замкавым двары.

Наступны прыпынак - Любча.

Рэканструкцыя Любчанскага замка - неверагодны прыклад таго, на што здольныя воля і жаданне аднаго чалавека. Замак аднаўляецца дзякуючы чалавеку, які нарадзіўся і вырас у Любчы, і з самага дзяцінства марыў аб тым, што аднойчы ен здолее аднавіць з руінаў замак. Кожнае лета там працуюць студэнты-валанцеры, рэканструкцыя дарэчы праводзіцца па ўсіх правілах. Вось ужо адноўлена адна вежа.

У Любчы пачалася анімацыйная частка нашай праграммы - запрашэнне на княжанне князя Міндоўга, а таксама невялічкі імправізаваны канцэрт сярэднявечнай музыкі.

Наш проста неверагодны экскурсавод Жэня. Спадабаўся...вельмі

Потым мы пераехалі ў Наваградак - першую сталіцу ВКЛ.

Я проста закаханая ў гэты горад. Кожны раз сюды прыязджаю, і проста сэрца радуецца. Усе пахне такой даўніной, гісторыяй, легендамі...

На замкавай гары мы каранавалі князя, адзначылі гэтую падзею рыцарскім турнірам і маразуляй.

А гэта мае любімае месца - за спіной - Фарны касцел, і такія далягляды, што аж дух займае...

Скончылася вандроўка фаер-шоў на возеры Свіцязь. Вельмі файна...