----------------------------- စကားချီး ----------------------------
မောင် Harry တစ်ယောက် NTU က Computer Engineering ကို ပထမနှစ်က စတက်ခွင့်ရတဲ့ အလျောက် အဆောင်လဲ ရတယ်။ ဒီ post နဲ့ အတူ ရေးမယ့် post များကို အလှမ်းဝေးနေတဲ့ ရန်ကုန်က အဖေ၊ တစ်မြို့ထဲ နေပေမယ့် မတွေ့ရတဲ့ ချစ်သူ၊ နောက်ဆိုရင်လဲ တက်ကျောင်းချင်းမတူခဲ့ရင်တောင် တက္ကသိုလ် တက်ရတော့မယ့် ညီလေး အတွက် ကျောင်းသားဘဝ အတွေ့ကြုံတွေကို ခံစားလို့ရအောင်၊ နီးစပ်အောင်၊ သိအောင် ရည်ရွယ်ပြီး ရေးပါတယ်။ ဘဝအတွက် အမှတ်တရအနေနဲ့လဲ သိမ်းထားလို့ရအောင် တက္ကသိုလ် တစ်လျောက် အတွေ့ကြုံတွေကို အခန်းဆက် ပုံစံမျိုး ရေးသွားပါမယ်။ ကျန်တဲ့ ညီအစ်ကို မောင်နှမတွေလဲ
(အားရင်ပေါ့နော်.. ပျော်ရင်လဲ မကြာမကြာ လာဖတ်ပါ :D)ခေါင်းစဉ်မှာ (၁ -- ၁၊ ၂၊ ၃) ဆိုတာတော့ ပထမနှစ်ဖြစ်တဲ့ အလျောက် ၁
(Season 1 ပေါ့နော် :D) နောက်က ဟာတွေကတော့ အခန်းနံပါတ်တွေ
(Episode တွေ) ပါ ။
------------------------------- အခန်း (၁) ----------------------------
------------------------------အပြောင်းအရွှေ့-------------------------
၂၉ ရက်နေ့က ပေါ့ဗျာ၊ မနက်အစော အထုတ်တွေ သိမ်း၊ ပွစိတက်နေတဲ့ အဝတ်တွေခေါက်၊ ကင်မရာတွေ ဘာတွေ သိမ်းနဲ့ တစ်အိမ်လုံး ဘယ်သူမှ အငြိမ်မနေရဘူး။ အဖေက သူ့သား အဆောင်ပြောင်းမှာ မို့ဆိုပြီး တကူးတက လာပြီးလိုတာတွေ အကုန်လိုက်လုပ်ပေးတယ်။ ပစ္စည်းတွေလဲ သူပဲ ကူထည့်ပေးနဲ့ ချွေးတလုံးလုံးနဲ့ အဖေကို ကြည့်ပြီး
( ကြည့်ကောင်းတာနဲ့ သူလုပ်တာ ဆက်ကြည့်နေလိုက်တာပဲ :P ) သနားတောင် သနားတယ်။ အားလုံး အထုတ်တွေ ဘာတွေ သိမ်းပြီးတော့ ဦးလေးက ကားနဲ့ လိုက်ပို့တယ်။ အဆောင်ကို ချောချော မောမောပဲ ရောက်ရော...
ရောက်တော့
Hall 16 Lvl 1 Room 11 တဲ့... ပေးတဲ့ ကဒ်ယူပြီး တံခါးဖွင့်တာပေါ့။ အထဲမှာ သီရိလင်္ကာက ကုလားမိသားစု ရောက်နှင့်နေတယ်။ အဲ့ ဘော်ဒါနဲ့က NTU School of Computer Engineering က လုပ်တဲ့ ပွဲ တစ်ပွဲမှာတုန်းက စကားပြောပြီး တွေ့ဖူးတယ်။ နှုတ်ဆက်ပြီး ဘာညာနဲ့ အစိမ်းသက်သက်က စရတာ မဟုတ်တော့ဘူးပေါ့။
ပစ္စည်းတွေချ၊ လုပ်စရာရှိတာတွေ လုပ်ပြီး အဖေနဲ့ ဦးလေးနဲ့ အတူတူ ထမင်းသွားစားကြတယ်။ ပြီးတော့ ကျောင်းက စတိုးမှာ လိုတာတွေ ထပ်ဝယ်ပြီး အဆောင်ကို ပြန်လာတယ်။ ဟိုဘော်ဒါက ညပြန်မအိပ်ဘူး။ တစ်နေ့လုံးလဲ ပင်ပန်းနေတာနဲ့ဆိုတော့ စောစော ထိုးအိပ်လိုက်တယ်။
(အဲ.. မအိပ်ခင် connection ကောင်းမကောင်းဆိုပြီး ဒိုတာ ဆိုသော ဂိမ်းတစ်ပွဲ ဆော့လိုက်သေးတယ်.. ဟီး..)------------------------------- အခန်း ( ၂ ) ----------------------------
------------------------------ ဆေးစစ်ခြင်း -----------------------------
နောက်နေ့ (30th Sep) မနက် ၉ နာရီလောက် အခန်းဖော် က ပြန်လာတယ်။ သူလာမှပဲ ကျနော်လဲ မျက်လုံးပွတ်ပြီး ကယောင်ကတမ်းနဲ့ ဘယ်နားထားမိမှန်း မသိတဲ့ သွားတိုက်တံနဲ့ သွားတိုက်ဆေးလိုက်ရှာပြီး ရေချိုးခန်းသွားတယ်။ အစက မနက်ပိုင်း ဆေးသွားစစ်မယ်ဆိုပြီး ရည်ရွယ်ထားတာမှာ အခန်းဖော်က ပြောတာ ဆေးမစစ်ခင် International Student Centre မှာ အရင် မှတ်တမ်းသွားတင်ပြီး အချိန်တောင်းရတယ်တဲ့။
(မသိလိုက်ပါလား...) သူက ဒီနေ့ နေ့လည် ၁၂ ကို ဆေးစစ်ရမယ် အဲဒါမတိုင်ခင် ဆို သူအဖော်လိုက်ပေးမယ်ဆိုပြီး ဒီ form ဒီ form တွေဖြည့် လိုအပ်တဲ့ စာရွက်စာတမ်းတွေကို ကူလုပ်ပေးပြီး အဖော်လိုက်ပေးတယ်။ နှစ်ကောင်သား မြေပုံကြည့်ပြီး ဟိုဘက်မဟုတ်ဘူး ဒီဘက် မဟုတ်ဘူးနဲ့ ရွာတွေလည်နေတာ။ နောက်တော့လဲ ဟိုဘက်တက် ဒီဘက်ဆင်းနဲ့ ရောက်သွားရော.. နောက်ရက် ဆေးလာစစ်ဖို့ ၄ နာရီကို လာဖို့ မှာလိုက်တယ်။ လုပ်စရာရှိတာ လုပ်ပြီး သူဆေးမစစ်ခင် ထမင်းအတူတူစားပြီး ကျနော် အဖေတို့နဲ့ တွေ့ရအောင် မြို့ထဲ ထွက်လာတယ်။ အဖေနဲ့ တွေ့တော့ Funan ဘက် သွားပြီး လိုအပ်တာ
(လိုချင်တာ) တွေ ထပ်ဝယ်ဖြစ်သေးတယ်။ ညနေပိုင်း ထမင်းစားပြီး အဆောင်ပြန်ရောက်တော့ တစ်မြို့တည်းနေသော်လဲ မတွေ့ရ မကြားရ
( မကြားရဆို.. ကျနော့်ဖုန်း battery လုံးဝ မရတော့ပါ.. ဒီရက်ပိုင်း လွတ်သွားသော msg တွေ ဖုန်း တွေ ရှိရင် ဒီကပဲ လူမသိ ရှင်မကြား တောင်းပန်ပါတယ်) တဲ့ ချစ်သူနဲ့ ဖုန်းပြောဖြစ်တယ်။ ပြီးတော့ ဂိမ်းကလဲ ဆော့ဖြစ်သေးတယ် :D ဟို အခန်းဖော်က လဲ ပေါ်မလာဘူး။ ဒါနဲ့ ၁၂ ခွဲလောက်ကျ အိပ်သွားတယ်။
အိပ်သွားပြီး မနက်ကျ (31st August,2010) တစ်ကိုယ်လုံး ကိုက်ပြီး ကိုယ်လက် မသယ်ချင်လောက်အောင် လေးနေတယ်။ မနက်ကို အင်္ဂလိပ်စာ စာမေးပွဲ သွားဖြေရမှာ။ အဲဒါနဲ့ အားတင်းပြီး သွားဖြေလိုက်တယ်။ နေ့လည်လောက်ကျ ကိုယ်က ပူလာရော။ ဖြစ်ချင်တော့ ဆေးက ညနေသွားစစ်ရမယ်။ စာမေးပွဲ ဖြေပြီးတော့ နည်းနည်း စောနေသေးတာနဲ့ ဆေးမစစ်ခင် စာရေးကိရိယာဆိုင်မှာ လိုတာလေးတွေ ဝယ်ရအောင်ဆိုပြီး စာမေးပွဲ ဖြေတဲ့ နေရာကနေ စာရေးကိရိယာ ဆိုင်ကို သွားတယ်။ အဲဒီမှာဗျာ .. လမ်း ပျောက်လိုက်တာ ပျောက်လိုက်တာ ဆိုတာ လူကို မျက်စိလည်နေတာပဲ။ မြေပုံထဲမှာ ပြထားတာ ဒီ အဆောင်ကနေ မျက်နှာချင်းဆိုင် အဆောင် ကို နီးနီးလေး ဒါပေမယ့် တက်သွားတော့ ဘယ်ကနေကူးလို့ ကူးရမှန်းကို မသိဘူး။ နောက်ဆုံးတော့ ချွေးတလုံးလုံးနဲ့ စာရေးကိရိယာဆိုင်ကို ရှာဖွေတွေ့ရှိသွားပါလေရော။ လိုမယ်ထင်တဲ့ စာရေးကိရိယာ ပေါင်းစုံဝယ်ပြီး ဆေးခန်းဘက်ထွက်လာခဲ့တယ်။
(ဆေးစစ်တယ်ပေါ့ဗျာ.. အောက်က အပိုဒ်က ဆီးစစ်တုန်းက ညစ်ညစ် ပတ်ပတ် အတွေ့ကြုံ ရေးထားတယ်၊ ကျော်ဖတ်ရင်လဲ ဖတ်ပေါ့ :D )ဆေး စစ်တဲ့ နေရာရောက်တော့ ကျနော်က အရင်က စစ်ဘူးလို့ ဓာတ်မှန်ပဲ ရိုက်ရမယ် လို့ပြောတယ်။ မရိုက်ခင် မှာ ဆရာဝန်နဲ့တွေ့ရမယ်၊ ဆီးစစ်ရမယ်ပေါ့ဗျာ။ ဆရာဝန်နဲ့ တွေ့တာတော့ ချောချော မောမောပါပဲ.. ဆီး စစ်တဲ့ တကာလမှာ ပေါက်ထည့်လိုက်တဲ့ ဆီးခွက်ထဲက ဆီးကို ပေးလိုက်တဲ့ တုတ်တံလေး စိမ်ပြီးရင် သွန်လိုက် လို့ပြောလို့ သွန်လိုက်ရာမှာ.. အဲဒီ အတံလေးပါ ရောပြီး အိမ်သာအိုးထဲ ကျသွားလေတယ်။ ဒါနဲ့ နောက်တစ်ခွက်ပဲ သွားယူရမလား..
(မဖြစ်ဘူး ငါ့မှာ ပေါက်စရာ မကျန်တော့ဘူး) လို့ တွေးမိတာနဲ့.. နှာခေါင်းပိတ် လျှာကိုက်ပြီး ပြန်နှိုက်ယူလာတယ် :D ပြီးတော့ လက်ကို သေချာဆေးပြီး Nurse ကို ခွက်သွားပေးတယ်.. nurse က ခွက်ထဲ က အတံကို ထုတ်ပြတဲ့..
"ဗျာ...!" (သေရော..) အဲဒါနဲ့ ကိုယ့်ဟာကိုယ်ပဲ လေဆိုပြီး ဆေးပြီးသားလက်နဲ့ ပဲ ထပ်ကိုင်ပြီး ထုတ်ပြခဲ့ရတယ်။ ပြီးတော့ ဓာတ်မှန်ရိုက်ဖို့သွားရတယ်။
ဓာတ်မှန်ရိုက်ပြီး အပြန်မှာ အခြေနေ မဟန်တာနဲ့ စတိုးဆိုင်က ချဉ်စပ် ခေါက်ဆွဲ ၂ ထုတ်ဝယ်လာပြီး ပြုတ်စားလိုက်တယ်။ ချွေးတလုံးလုံး
(နှာ တရွှတ်ရွှတ်..) နဲ့ စားပြီး Biogesic သောက်ပြီး ထိုးအိပ်လိုက်တယ်။ ညပိုင်း နိုးလာတော့ နည်းနည်း သက်သာသွားတယ်။ လူလဲ နည်းနည်း လန်းလာတော့ သင်ရမယ့် ဘာသာတွေကို အကုန် lecture note တွေ download လုပ်ပြီး လျှောက်ကြည့်ဖြစ်တယ်။ ယူထားတဲ့ ဟာက ကိုယ်အရင်က လုပ်ခဲ့ဘူးတာ မဟုတ်တဲ့ အစိမ်းသက်သက်ဆိုတော့ သူများထက်တော့ ပိုပြီး ပြင်ဆင်ထားမှ အဆင်ပြေမယ်ထင်တာနဲ့ လိုလောက်တာတွေကို အတန်းတွေ မစခင် လုပ်ထားတာ။
(စရင်တော့ ဘယ်လိုလာမလဲ မသိဘူး)------------------------------- အခန်း (၃) ----------------------------
------------------------------ ကြိုဆိုခံရသည် -------------------------
ဒီမနက် စောစောထရမှာဆိုပြီး alarm ပေးထားတယ်။ သူငယ်ချင်းက မင်ဖုန်းလာနေတယ်ဆိုပြီး လာပေးတယ်။
(alarm မြည်တာတောင် မကြားပါလားနော်) အဲဒါနဲ့ ထပြီး သွားဖို့ပြင်ဆင်တယ်။ ဝတ်မယ့် အင်္ကျီ မီးပူတိုက်ပြီး ရေမိုးချိုးပြီး ထွက်လာခဲ့တယ်။
(အဲမှာ.. မနက် အတန်းရှိတဲ့ ချစ်သူကို နှိုးဖို့ မေ့သွားသော ကျနော်...) ဟောထဲရောက်တော့ များလိုက်တဲ့ ကျောင်းသားတွေ။ သူတို့ လုပ်တဲ့ အစီစဉ်အတိုင်း ပရော်ဖက်ဆာတွေ စကားပြောတယ်၊ လိုအပ်တာတွေ မှာတယ်၊ နောက်ပြီး ထူးခြားတာက ကျောင်းရဲ့ ဂုဏ်ပုဒ်ကို ဘွဲ့ဝတ်စုံ (အလွတ်) တွေဝတ်ပြီး လိုက်ဆိုရတဲ့ အစီစဉ်ပါတယ်။ အားမွေးပြီး တက်ကြွအောင် လုပ်ပေးတဲ့ စိတ်ဓာတ် စစ်ဆင်ရေးပေါ့ဗျာ။ နောက်ပြီး အားလုံးကို ဓာတ်မီး အသေးလေး တစ်ချောင်းစီ ပေးပြီး အစီစဉ်တစ်ခုမှာ မီးအကုန်မှိတ်ပြီး တစ်လက်လက်နဲ့ ထွန်းခိုင်းတဲ့ အစီစဉ်လဲ ပါသေးတယ်။ နောက်တစ်ခေတ်ရဲ့ နိုင်ငံအတွက် လင်းလက်နေမယ့် ကြယ်စင်များကို စတင်တောက်ပခိုင်းလိုက်သလိုပါပဲ။
တက္ကသိုလ်က ကြိုဆိုပွဲ ပြီးတော့ ဆိုင်ရာ ကျောင်းတွေက ဆရာတွေလုပ်ပေးတဲ့ ကြိုဆိုပွဲ သွားရတယ်။ အဲမှာတော့ သင်ယူရမယ့် ဘာသာတွေ၊ သက်ဆိုင်ရာ ပုဂ္ဂိုလ်တွေ၊ လိုအပ်မယ့် ကြိုတင်ပြင်ဆင်ရမယ့် ဟာတွေကို ပိုပြီး အလေးထားပြောတယ်။ တက္ကသိုလ်မှာ အတန်းတွေအတွက် attendance ဆိုတာ မယူတော့ဘူး။ အသက်ကြီးလာတဲ့ အလျောက် လူကြီးတစ်ယောက်လို ဆက်ဆံတဲ့အတွက် ဘယ်သူမှ မျက်လုံးဒေါက်ထောက် ကြည့်မနေတော့ဘူး၊ အကြည့်မခံရတော့တာနဲ့ လာစရာ မလိုတော့ဘူးဆိုတဲ့ အတွေးခေါ်ထက်၊ ငါ ဒီဟာတစ်ခုလောက်များ လွတ်သွားခဲ့ရင် ရလာမယ့် အကြိုးဆက်တွေကို တွေးမိအောင် ဆရာတွေက ရှင်းပြတယ်။ စာနဲ့ ပျော်ရွှင်မှုနဲ့ကိုလဲ မျှတအောင် နေဖို့၊ ကျန်းမာအောင်နေဖို့ စသည်ဖြင့် အစုံမှာ ပြီး အားပေးစကားတွေပြောတယ်။ တကယ် နွေးထွေးတဲ့ ဆက်ဆံမှုပါပဲ။
အဲဒါတွေပြီးတော့ တခြား ကျောင်းနဲ့ ဆိုင်တဲ့ ငွေကြေးကိစ္စတွေ စာမေးပွဲကိစ္စတွေအတွက် ပြေပြတယ့် orientation တစ်ခုထပ်သွားရတယ်။ Singapore Poly တုန်းက သူငယ်ချင်းတစ်ချို့နဲ့ ပြန်တွေ့တော့ သူတို့နဲ့ ထမင်း အတူစားပြီး အဆောင်ကိုယ်ဆီ ပြန်ခဲ့ကြတယ်။
-------------------------------------------------------------
ဆက်ဖတ်ရန်...
ပြန်သိမ်းရန်...
