ERREKALDEKO GAZTE EGUNA 2012

 

Errekaldeko jaietan... 

Iraganaz harro.. etorkizunerako prest!!!

Ongietorri PATAKON!

Patakonen prentsa oharra 2012-6-4

info +: uribarripiztu.blogspot.com

Hamarkadak hutsik zeramatzan Matiko 6.ko eraikinaren okupazioak, ugariak izan diren eskakizunei erantzuten die, urteetan zehar alternatiba soziokulturalak lantzera begira egindako lanketaren barnean kokatzen dugu.

1994. urtean Gure Etxea auzo elkarteak, auzoan zeuden hutsuneak ikusita, Matikoko 6. Zenbakian dagoen eraikin hutsari anbulatorio funtzioa emateko kanpaina sendoa jarri zuen abian. Auzokideen gehiengoaren babesa jaso zuen arren ez zen inongo apusturik egin instituzioengandik eta eskakizun guztiak alboratu ziren. Bestalde, auzoak zituen zerbitzu urriak ikusita, auzokideentzako beharrak aseko zituen bezala proposatua izan da aurrerago, inongo erantzun barik.

Gazte mailan, 1998garren urtean Uribarriko Gazteok-ek Uzturre plazan dagoen Udal eraikina Okupatu zuten Gaztetxe baten helburuz, baina 24 orduren buruan desalojatu zituzten. Ordutik asko izan dira Gazte Asanblada berpiztuak egindako eskakizunak, Gazte! Emaiozu espazioa zure kulturari! Kanpaina kasu.

Auzo elkarteak eta gazteek egiten duten lanaz gain, ezaguna da Aldapan Gora kultur koordinakundeak auzoarentzako egiten duen eskaintza, jaiak, San Juanak, gabonak etabar luzea. Ekimen hauen dimentsioa bermatu eta zabatzeko 2005. urtean barrutiari gune baten beharra azaleratu zion. Ordutik eskaerekin jarraitu du baina inongo erantzunik ez du jaso.

Orokorrean, ibilbide luzea du eragileek egindako lanak auzoa biziberritzeari begira. Asko dira eraikin honek izan ditzakeen erabilerak auzoaren mesedetan, eta bestetik, asko dira Uribarri bezalako auzo baten dituen beharrak plano sozial eta kulturalean.

Beraz, aurrekari guzti hauek kontutan izanda hartu da Matiko erdialdean mende erdia baino gehiago hutsik daraman eraikina okupatzeko hautua. Eraikia izan zenetik inoiz erabilia izan ez den lursaila auzoaren zerbitzura jarriko duen proiektu integrala. Ekainaren 1ean egindako jauzia beste pausu bat besterik ez da izan, espazio hau edukiz betetzeko bide luzean tipi-tapa.

Asteburu honetan ilusioz bete dira kaleak. Auzokideen eta komertzianteen babesa iritsi zaigu. Patakon, dekonari kendu ta ez dekonari emon. Zentzu horretan zenbait konpromiso mahai gaineratu nahi ditu asanbladak:

·        - Patakonen ateak zabalik daudela argi utzi nahi dugu, auzotik egina eta auzoarentzako proiektua dela azpimarratuz.

·     - Auzoarentzako mesedegarria den ordezko planteamedu bat egon arte guk kudeatuko dugu eraikinaren mantenua. Beraz, jabeei kontaktuan jartzeko prestutasun osoa luzatzen diegu proiektuaren bideragarritasuna bermatzeko asmoz.

·        - Gaur bertan martxan jarriko dugun sinadura bilketa aurkezten dugu proiektuarekiko babes eta atxikimendua emateko tresna bezala auzoko norbanako zein taldeentzako.

Behetik gora edukiz bete nahi dugu eraikina. Abesti ezagunak dioen moduan… lehenengotik hirugarrenera, laugarren pisutik espaziora! Besterik gabe, besarkada handi bat autogestio eta asanbladaren printzipioetan oinarrituta, martxan, mehatxupean edota bihotzetan dauden proiektuei… Gaztetxetatik ez dira pasako!

Udal zerbitzu ezaren aurrean… zerbitzu herrikoiak eraikiko ditugu!

Okupazioa aurrera!

Aupa Uribarri!
 

 

ZORIONAK SANTUTXUKO GAZTEAK!!

 Apirilak 21, Santutxuko gazte asanbladak auzoan hamar urtetik gora hutsik zeraman lokala okupatu zuen. Goizean Santutxuko kaleetan barrena burutu zen kalejira baten ostean ekin genion okupazioari.

Asko izan ziren goizean zehar Basarrate plazatik eta gazteontzako liberatu berri dugun lokaletik pasa zirenak. Nahiz eta eguraldia lagun izan ez, giro ederra sortu zen, batzuk garbitzen zuten bitartean beste batzuk bazkaria egiten zuten, beste batzuk propaganda… auzolanaren adibide ezin ederragoa! Gaur, 19.30tan, astero legez, gazte asanblada egongo da Iturriaga 14ko lokalean. Inoiz baino gehiago auzoko gazte guztioi etortzeko gonbidapena luzatzen dizuegu eta atzoko okupazioak zabaldu duen aro berrian parte hartzera animatu.

Gaur(22) zehaztuko ditugu hurrengo asteetako lan-egunak. Horien berri Santutxuko paretetan topatuko dituzuen kartel urdinetan, ezagunei galdetzen, lokalera bertaratzen, bloggaren zein tuentiaren bidez izan ditzakezue.

Kaleetan eta gaztetxean topatuko gara!!

Auzo bat gaztetxe bat!
info +:

http://bilbokobranka.info/?p=21014

http://santutxunbizi.blogspot.com.es/

IRALAKO GAZTETXE BERRIA!!!

Irala auzoko gazteen oharra:

Iazko maiatzean Bilboko udalak Gazte Lokala itxi zigunetik, kale gorrian egon gara Iralako gazteak. Kurtso berri honetangure lehentasuna lokal berria lortzea izan da. Kurtso osoan lanean ibili ostean lortu dugu.

Duela aste batzuk, auzoan betidanik hutsik egon den lokal batera sartu ginen atea irekita zegoela ikusi ostean. Lokal hau bi helburu nagusitarako erabili nahi dugu: aurrera begira, auzoko gazteen topagune izango den lokal aske bat izatea eta beste alde batetik, lehen momentutik betetzen ari garena, gaur egungo krisi egoera eta etxebizitzaren arazoa kontutan hartuz, gazteei bizitzeko alternatiba bat ematea.

Momentuz lokalaren garbiketa eta atonketa lanetan dihardugu. Informatzen jarraituko dugu.

GORA IRALAKO GAZTETXEA!!!

ERANDIOK BADU GAZTETXEA!

ERANDIOK BADAUKA GAZTETXEA!!!
BADAUKAGU GAZTETXEA!!!

Jose Luis Goyoaga 11 zenbakiko eraikina okupatua izan da urriaren 23an.

Oharra:

Duela 5 urte gazte asanblada martxan jarri genuen, gazte alorrean zeuden gabeziei erantzuna emateko. Urte hauetan gazteon artean zein herriko jendearekin sormena, herri kultura, elkartasuna, parte hartzea...etabar Sustatu ditugu, eta asko izan gara proiektura bildu garenak.

Gazteak gara: alaiak, errebeldeak, biziak, euskaldunak, aktiboak, sortzaileak gara. Eta elkarlanaren bitartez proiektu honek bizirik jarraituko du.

Azken garaian, gure ilusio eta ametsak herriari isladatu nahi izan dizkiogu hamaika dinamiken bitartez. Erandioko kaleetan laranja kolorea hedatuz gaztetxe baten beharra zegoela ozen oihukatu dugu.

Gaur arte gure proiektua mugatua egon da, gune propiorik ez baitugu izan. Udalak ez dio gure beharrei erantzunik eman eta honen aurrean erandioko gazteriak bere bidea aukeratu du, okupazioa!

Hauxe izan da gure hautua eta hemen gaude!!! Guztion artean eraiki eta gazteok gestionatuko dugu gaztetxea!

Hau da gure gaztetxea! Hau da gure oraina eta etorkizuna! Hau da herriko gazteon momentua!

Berpiztu genuen herriaren ametsak egi bihurtzeko unea heldu da, ilusioz beteak gaude! Goazen ba kale gris honetako txoko guztiak mila kolorez buztitzera!

GORA ERANDIOKO GAZTERIA!!!!!!

GORA ERANDIOKO GAZTETXEA!!!!

IRALAKO GAZTE LOKALA DESALOJATUA!

IRALAKO GAZTE LOKALA DESALOJATUA!

ASTEARTEAN 20tan Txalet de Hiedratik MANIA!!

Gazte Asanbladaren oharra:

"Iralako Gazte Lokala gazteon gune askea da, gure ideiak eta proiektuak garatzeko balio duena. Zeharo toki irekia da, jende guztiari zabaldua dagoelako. Bertan egiten den lana auzoari eta jendarteari zabaldua dago eta autogestioan oinarritzen den proiektua da. Bertan burutzen den lana, ikuspegi kritikotik egiten dugu, egungo egoera akritiko, insolidario eta sumisoa gainditzeko asmoarekin. Gazte Lokalean mota guztietako jarduerak sozio-kulturalak eramaten ditugu aurrera: hitzaldiak, kontzertuak, eztabaidak, antzerkiak, zine-forum-ak, etab.
Hau guztiarekin salatu nahi dugu, alde batetik instituzioen hipokresia eta bestetik, gaztetxe eta gazte asanbladen lanaren etengabeko kriminalizazio saioak. Urtarrilaren 28an izandako Gazte Lokalaren miaketaren arira, zipaioen jarrera oldarkor eta neurriz kanpokoa salatu nahi dugu. Ezin ahaztu gabe utzi nork agindutakoa den. Auzoko jendeari zabaldu nahi diogu nahiz eta txakurrek ateak irekitzeko giltzak izan , handikeria demostratu nahi izan zutela, lokaleko hainbat ate behera botaz. Horregatik gure lanaren garrantzia berretsi nahi dugu. Gure lanean jarraitzeko asmoa dugu, gaur egungo gizarte ereduaren aurrean, guk oraina eta etorkizuna erabaki nahi dugulako."

Errekaldeko Gazte Asanbladaren Jaialdia!!!

Apirilaren 16an, Errekaldeko Gazte Asanbladak bere lehenengo jaialdia burutuko du abenduan priektua martxan hasi zenetik. Tailerrak, bazkaria, poteoa, kontzertuak eta beste sorpresak izango dira.

kontzertuak

TXORTAN
OTB(ostikada ta barrura)
SEMBRANDO KAOS
ODOLAZ BLAI

ERREKALDEKO GAZTE ASANBLADA

Errekaldeko Gazte Asanblada 2010eko abenduaren hasieran Bilboko Errekalde auzoko hainbat gazteek antolatutako kolektiboa gara. Asanblearismoan oinarritzen dugu gure barne funtzionamendua eta autogestioan gure kudeaketa.

Gazte kolektibo honen helburu nagusiak, gazte problematikaren orokortasunaren baitan kokatzen dira. Hortaz, honen lan eremua, gazteek kolektibo gisa dituzten arazoen zerrenda bezain zabala izan daiteke: kultura eta aisialdi alternatiboak sortzea, etxebizitza eskubidea borrokatzea, prekarietatea salatzea, hizkuntz eskubideak... Gazteriak bizi duen egoeraren salaketarekin batera, honen aldaketarako alternatibak landu ohi ditugu.

Alternatibotasun hau sistema ezarriaren aurkako jarrera bilakatzen da; honek dauzkan osagai guztiak barne direlarik (kapitalismoa, matxismoa, espekulazioa, ustelkeria...).
Normalean barikuero batzen gara Errekaldeko Kukutza gaztetxean asanbladan eztabaidatzeko, eta hona etortzera gonbidatzen zaitugu.

Gogoratu:

BARIKUERO, 19:30-ETAN KUKUTZA GAZTETXEAN

Kontaktatzeko egin klik

"Ermitatze".Plentzia ta Gorlizko gaztetxea.

Hona doa, gazte asanbladak bidalitako gutuna, jendea gaztetxera gonbidatzen.

Abenduaren 18an beste etxe batean sartu ginen Plentzia ta Gorlizko Gazte Asanbladako lagunak, baina lau ordu baino ez genuen iraun bertan. Sartu eta gutxira agertu ziren Plentziako Artekaleko eraikinean udaltzainak, jabearekin harremanetan jarriko zirela esanez. Handik bi ordutara agertu zen aipatu laguna. Otsailean etxea bota eta sei apartamentu eraikitzen hasiko zela esan zigun jabeak. Eraikinaren egoera kaskarra zenez alde egitea erabaki genuen.

Orain dela lau egun Andra Mari kaleko 1.zenbakiko etxean sartu ginen Plentzia ta Gorlizko Gazte Asanbladako (PGGA) kideok, bertan gaztetxea egiteko asmoz. Izena ere jarri diogu jada eskualdeko gune autogestionatu berriari: Ermitatze gaztetxea. Izan ere, baseliza atzealdean dago, Piruli plazatxotik eta Jai Alai frontoitik gertu. Lehenengo egunean udaltzainen bisita izan zuten. Hiru gazte identifikatu zituzten arren, ez genuen arazorik eduki. Ostiral gauean ordea, ERTZAINTZAK agertu ziren gaztetxetik etxeko jabeen salaketa jaso ostean. 6 gazte identifikatu zituzten eta hurrengo asteartean getxoko epaitegian epaituko dituzte. Hori gutxi balitz, Ertzaintzaren partez tratu iraingarria jasan eta hurrengoa entzun behar izan zuten besteak beste; "agachate y mira mi bragueta", "tu compañero es tonto del culo".... Hala eta guztiz, GAZTETXEAK ZUTIK DIRAU!!!

Oztopoak oztopo, egun hauetan garbitze eta atontze lanetan gabiltza. Albait lasterren hasi nahi dugu tailerrak eta hitzaldiak egiten. Bi aste barru etxeko hiru solairuetatik behekoa prest egotea espero dugu PGGAkoek, desalojo mehatxurik egon ezean. Hori dela eta, eskualdeko neska-mutilei Ermitatze gaztetxera hurbiltzeko gonbitea luzatu diegu, auzolanetan laguntzeko asmoz ,epaiketa salatzeko eta desalojoa ekiditzeko.

ETORRI GAZTETXERA!!!

Plentzia ta Gorlizko Gazte Asanblada