Brikke i tavlebragd

Eg laga to brikker i vinter, med raud lin 16/2 og tynn gulltråd i mønsterinnslaget. Renninga er i ubleika og botninnslaget i naturfarga lin i litt tynnare kvalitet.
Mønsteret i kvar side er smetta. 
Botninnslaget går over alle trådane i renninga heile tida. Slik blir det ope stykke i midten.
Etter nedklipping må ein brette inn kantane og sy fint til for hand.

Spjelkavikløpar

Denne bordløparen er laga etter mønster frå ei seng (bolster) frå Spjelkavik. Løparen ver voven i Hoelfeldt-Lund kunstvevgarn med lingarn 16/2 i renning. Mål 60x150 cm.

Smettarose med dobbelt H-L kunstvevgarn.

Her er nærbilete av mønsterborden.

Veggteppe

Dette teppet har eg vove med tjukt Hoelfeldt-Lund åklegarn på kraftig bomulls renning. Eg har brukt lerretsbinding med mønster i gammelbragd.

Nok ein tavlebragd.

 

Den andre tavlebragden i år er laga etter eit gammalt teppe frå Sunnmøre. Eg har brukt friskare fargar enn originalen. Renning og botninnslag er i lin og mønsterinnslaget er i Hoelfeldt-Lund kunstvevgarn.

Vevnader 2010

.

Her er bilete av ei brikke i tavlebragd som eg vov i vinter.  Lin renning og botninnslag, stry i mønsterinnslag. Mønster på sidene er smetta.  Eg broderte inn namn og årstal også.

Adventsløpar

Litt før jul vart eg ferdig med ein lilla løpar, den vart julegåve og då måtte eg lage nok ein, til meg sjølv. Løparen er laga i tynt ullgarn (Rauma prydvevgarn) på lin renning. Innslaga er i 2 lillafargar og sølvtråd.

Båtrye eller napparye

No har eg byrja på ei napparye. Ho har renning av 3 tråds ullgarn og innslag av to tråds ullgarn. Nappet eller frynsene er eit tjukt, kraftig ullgarn, knytta over renningstrådar i mønster. Eg lagar rutamønster. Ryene var mykje brukt før i tida, som overbreidsle eller tepper. Dei er svært varme. Fiskarane hadde dei med seg i båten og kunne bruke dei når dei sov. På kysten var dei meir eigna enn skinnfeller, sidan skinnfellene ofte vart øydelagde i fuktig klima. Ei god rye av ull varma godt, sjølv om ho var våt. Eit lite bilete av ei gammal rye kjem her: