papirstjerne -slik lagar du den

Då har eg prøvd meg på ein forklaring på korleis ein brettar desse stjernene. Video er nok det rette mediet når ein skal formidle slike forklaringar, men eg og bildene mine gjer eit forsøk. Dersom noko er vanskeleg forklart, sei i frå, så skal eg prøve på ny :) Lykke til!

Stjerna er designa av Paolo Bascetta.

1. Stjerna er bygd opp av åtte kvadrat, så du startar med å klippe ut desse. Eg har laga meg ein mal i tynn papp, då går det raskt å berre teikne rundt og klippe ut. Stjerna eg lagar her er av kvadrat som er 10x10 cm

2. Legg kvadratet framfor deg med ein spiss mot deg, brett på midten

Brett sidespissane langs midtlinja

Brett og dei nye sidespissane langs midtlinja

Ta tak i den øverste spissen, og brett den mot høgre. Den skal gå i flukt/langs den litle trekanten nedanfor. Brett opp igjen, og gjer likt på motsatt side. Du har nå laga eit kryss, sant? :) Snu figuren.

1. Sjå at figuren ligg slik som på bildet.

2. Ta tak i den nederste spissen, og brett den mot venstre, i den bretten som du laga før du snudde figuren.

(No har me kome til den delen der det hadde vore greit med video. Okei, here we go!)

Du har nå ein skrå trekant som ligg over ein litt større. Den største trekanten har ein brett på midten, du skal nå brette her, legg den venstre delen mot den høgre. Den litle skrå trekanten bøyer seg nå, og det du skal gjere med den, er å følge sporene etter krysset me bretta tidlegare, slik at den legg seg fint inntil den store.

Ser den slik ut no? :) Når ein har funne "lingsen", er det veldig enkelt. Og du har god mulighet til å øve deg, for du skal brette åtte slike. Rykk tilbake til start! :)

No har me kome til monteringsdelen. Ein set stjernedelene saman med å stikke den minste spissen inn bak "klaffane" i den største. Eg syntes det er greit å ha dei i fanget, for etter kvart dett kanskje nokre ut. Det er fristande å strame dei godt til, men då blir det vanskeleg å få inn den siste. Det er difor lurt at dei heng litt laust i, så stramar du til slutt.

Når alle delene er sett saman, byrjar du å strame. Det gjer du med å dra forsiktig i tuppane.

..............................................

Så enkelt var det! ;)

No gler eg meg til å sjå korleis stjernene dykkar blir! 

♥