Ísak er í fýlu

út í mömmu sína. Hann fær ekki að drekka eins oft og hann vill! Maggi gengur með hann um gólf og hann er bara með skeifu og tárvota hvarma. En tveir tímar skulu það vera og hananú.
Annars ætlum við að skella okkur í Blómaval og gá hvort það er jólaksraut á útsölu fyrir næstu jól. Svona er maður hagsýnn, en ég er búin að ákveða að þá verðum við með okkar eigins jólatré. Í okkar eigins íbúð. Erum aðeins farin að kíkja á netið, en ekki búin að skoða neitt. Ætlum alltaf að hringja á morgun og á morgun kemur aldrei þessa dagana. Svo gott að vera bara í leti. Ég hringdi samt í heilsugæsluna í Árbæ í fyrradag og við fengum tíma strax í gærmorgun. Ísak hafði stækkað og þyngst vel og allt í góðu standi. Svo hringi ég í Einangrunarstöðina áðan og við sækjum Skrám 2.janúar. Hún sagði að hann yrði nú örugglega feginn því hann væri voða leiður þessa dagana og kelsjúkur. Ekki skrýtið, hann er svo mikil félagsvera hann Skrámur minn að hann er örugglega að drepast úr skorti á knúsi. Kisi litli. Verður gott að sækja hann.

Jæja við gefumst upp á pyntingunum. Hann fær að drekka. Over and out og gangið hægt um gleðinnar dyr á morgun. Nýjar myndir í albúminu

Við erum komin heim á hótel mömmu!!!

Ég verð auðvitað að finna nýjan titil á þetta blogg, þar sem þetta verða ekki sögur frá Sverige í bráð. Skrýtið, mér finnst ég ennþá eiga heima úti og bara vera í jólafríi hérna.

Óska ykkur öllum gleðilegra jóla og hlakka mikið til að sjá alla. Nokkrar nýjar myndir í albúminu af fyrstu kynnum frændanna; Ísaks, Jökuls og Ragnars Steins. Eins og Ingólfur sagði: lítill minni minnstur...

Ekki á morgun, ekki hinn, ekki hinn heldur HINN!

Það gæti mögulega verið að verk-og vindeyðandi droparnir hafi áhrif á Ísak.. þó maður þori nú varla að halda það. Allavega voru gærdagurinn og fyrri hluti þessa dags ágætir.

Í dag kemur Anna H-C í heimsókn og gistir. Á morgun koma svo Anna og Johan líka í heimsókn og verða yfir daginn. Svo fara þau öll saman til Gautaborgar um kvöldið. Það verður sorglegt að kveðja þessa góðu vini. Ég kvaddi einmitt Önnu J í fyrradag og það var eiginlega bara mjög erfitt. En auðvitað hittir maður þetta fólk aftur. En það er skrýtið að hugsa að í gær fór ég í síðasta skipti í H&M (keypti ógó sæt jólaföt á Ísak).... á eftir að sakna H&M maður!!! Og á morgun fer ég kannski í síðasta skipti út í búð... ég er svo mikið fyrir að hugsa svona. Alltaf í síðast skipti sem ég geri hitt og þetta. Síðasta skipti sem ég sé þennan þátt í sænska sjónvarpinu. Ég er alveg ótrúleg með að halda í gamalt og gott og get geymt tilfinningalega tengda hluti (drasl) leeeengi. Maggi elskar að henda og er að reyna að fá mig til að henda t.d. gamla geislaspilaranum mínum sem er eiginlega ekkert bilaður, og sömuleiðis fermingargræjunum mínum sem er alveg hægt að hlusta á með smá lagni! Stundum hef ég kallað á hann ef ég klára tannkremstúbuna og leyft honum að henda henni. Hihihi þá verður hann svo glaður.

Jæja, kominn tími til að næra sig fyrst Ísak sefur.

SJÁUMST

Drengurinn okkar er orðinn HÁS af orgi! Það veldur talmeinafræðingnum móður hans auðvitað áhyggjum. Geta ungabörn virkilega orðið hás?
Áðan vorum við alveg að örvænta og tróðum honum í vagninn og fórum í göngutúr út í búð. Hann orgaði sig í svefn. Aumingja karlinn. En nú er hann búinn að sofa í 1 og hálfan tíma sem er líka áhyggjuefni fyrir nýbakaða móður; hann er ekki vanur að sofa svona lengi!!!

Stór strákur

Haldið ekki að Ísak sé búinn að þyngjast um hálft kíló og lengjast um 4 cm síðan hann kom heim af spítalanum! Dúlegur grákur. Kannski ekki skrýtið þó maður gráti aðeins af þeim vaxtarverkjum...

Skrýtinn dagur. Ísak svaf 2x í tvo og hálfan tíma í nótt. Sofnaði svo þegar við vorum að fara á heilsugæsluna og var svo bara þvílíkt rólegur í dag. Saara og Åsa komu og ég fór að spá í hvort hann væri svona gestasleikja eins og Skrámur, þvílíkt ljúfur og góður. Amanda dóttir Åsu er 2ja og hálfs og hoppaði aðeins ofan á hausinn á Ísaki og það var ekkert mál að hugga hann.

Svo langaði mig að fara að leggja mig núna kl. átta í kvöld en þá byrjaði gráturinn auðvitað. En við fengum "strangar" leiðbeiningar um að gefa honum bara á 2ja tíma fresti svo litliputtinn á okkur varð að duga. Nú liggur hann í fanginu á mér og tottar snuð, voða sáttur.

Maggi er búinn að pakka niður í 18 kassa skal ég segja ykkur! Hér er sko allt á fullu. Nú á bara eftir að leysa bílamál (selja bílinn) og svo erum við á grænni grein og bara 8 dagar í heimkomu! Við Ísak förum til Nynäshamn strax á mánudeginum og verðum í íbúð kirkjunnar þar, þangað til við leggjum í flugið.

TAkk allir fyrir öll góðu ráðin!

Út í vagn

Já Ísak fór í fyrsta skipti út að sofa á svölunum í dag. Ég var nú alveg að gugna á því, búin að spurja mömmu ráða og allt. Svo bara skutlaði ég honum út, en var svo stressuð að ég gat auðvitað ekkert hvílt mig hehe. Hann svaf líka bara í klukkutíma og það var ekki laust við að ég væri fegin að taka hann inn. Maður er svo skrýtinn.

Við erum búin að vera alein heima í dag við Ísak. Það hefur gengið ágætlega þó gott væri að hafa einhvern hjá okkur. Guð hvað verður gott að koma heim!!!

Þessi brjóstagjöf er að breytast. Ísak drekkur betur og gerir hann það ekki tek ég hann bara af. Og set hann aftur á. Og tek hann af...

Til hamingju með nafnið og skírnina Tinna Katrín! Ekkert smá glæsilegt

Hugsa sér

hvað maður á góða að! Fjölskyldan og vinir heima bara tilbúin að pakka niður og koma, já jafnvel fresta skírn síns eigins barns, bara til að hjálpa okkur. Pabbi ætlaði bara að senda Daða (ætli hann hafi spurt Daða) með næsta flugi í morgun. Og ég veit að þið eruð ógó sterkar og þetta mundi ganga á 10 mín ef þið kæmuð en ég held þið getið sparað það þar til við flytjum í nýja ibúð heima. Það er nú alveg áþreifanlegt hvað maður hefur lítið félagslegt net (smá erfitt að segja þetta á íslensku "socialt nätverk") núna þegar maður þarf á hjálp að halda. En það lítur út fyrir að þetta sé að reddast. Allavega með flutningshjálpina og svo spurði ég kollega mína Sööru og Åsu hvort þær gætu þrifið. Er nú ekki búin að fá svar en get ekki ímyndað mér að þær neiti því.

Lilleputt Ísak er búinn að vera eitthvað órólegur í dag.Kannski af því að nóttin gekk svo vel. Núna liggur hann í kjöltu minni og er alltaf að sofna og vakna svo vælandi greyið litla. Hann er líka orðinn bóluhjálmar í framan svo kannski er hann bara með móral yfir því. Ég fór út í búð í dag og hann orgaði á pabba sinn allan tímann. Ísak var alveg orðinn sveittur þegar ég kom til baka. Það var samt rosa gott að komast út þó grindin mín væri nú ekki hress eftir á.

Ég hef náttúrulega eins og örugglega allar nýbakaðar mæður þvílíkar áhyggjur að brjóstamjólkin nægi ekki. Hann drekkur eitthvað illa allavega og þegar hann fær pelann er eins og hann hafi ekki fengið mat í marga daga! Ætla að spyrja heilsugæsluna að þessu. Stundum spýtir hann líka brjóstinu út úr sér og heldur áfram að væla þó hann sé augljóslega svangur. Kann þetta ekki alveg ennþá held ég. Svo spennir hann sig svo mikið að hann er alveg kominn í búmmerang með hausinn við hælana næstum. Já, það er mikið að læra í nýjum heimi. Vá hvað þetta var heimsspekilegt hjá mér!

Í gær náði sængurkvennagráturinn hámarki og er nú á hraðri niðurleið... eða burtleið eða eitthvað. Fór m.a.s. í göngutúr, tvo hringi í kringum húsið áðan. Það var pínu óþægilegt en ekkert vont. Bara skrýtið að finna lífbeinið/n nuddast saman svona þegar maður gengur:S
Lilleputt Ísak leyfði mér líka aðeins að sofa í nótt og það munar nú miklu þó ekki séu það margir tímar í einu. Ég hringdi í Evu fyrrverandi samstarfskonu mína og systir Önnu Johansson og bað hana að koma í heimsókn til okkar í dag. Hún kemur á eftir með börnin sín 3 og sagðist ætla að koma með mat með sér. Góð kona hún Eva.

Hringdi í sjúkraþjálfunarstöð áðan upp á endurkomu og að kíkt yrði á göngulagið hjá mér. Þar var enginn tími fyrr en milli jóla og nýárs og þá verð ég bara að láta líta á mig heima. Ætti ekki að skipta neinu máli. Svo ætlar Maggi að hringja í Eimskip á eftir til að ath nánar hvenær flutningabíllinn kemur. Við erum nú ekki byrjuð að pakka en það er auðvitað á stefnuskránni huhumm...

Barnahjúkrunarkonan frá heilsugæslunni kom í gær. Það var bara svona samtal og svo viktaði hún Ísak sem er búinn að ná fæðingarþyngd sem telst víst mjög gott. Gaman að því. Hún mælti samt með að við héldum áfram með mjólkurblöndu á nóttunni ef ég væri kannski að framleiða eitthvað minna þá og þess vegna öskraði hann svona. Annars sagði hún að maður yrði kannski bara að sætta sig við að maður hefði fengið svona barn sem er næturhrafn! Anna Dögg vinkona hrindi í mig í gær og gaf mér ráð varðandi liggjandi gjöf sem svínvirkaði í ´nótt:D Takk elsku Anna Dögg og það var líka yndislegt að tala við þig!

Best að fara að undirbúa komu gestanna.

Pepp

Virkar þokkalega vel, ég er sko miklu bjartsýnni. Takk stelpur. Enda var ég aldrei svartsýn... bara þreytt. Og ég er þreytt líka núna en ég talaði við hjúkrunarfræðing í morgun sem gaf mér ágætis ráð varðandi brjóstagjöfina og svo kemur hún sennilega hingað heim á morgun. Þá verður piltur líka viktaður og spennandi að sjá hvort við þurfum að halda áfram með ´mjólkurformúlu.
Það gengur rosa vel hjá okkur að vera ein heima. Ísak er reyndar lítið þreyttur enda svaf hann alveg frá fjögur í nótt til átta sko! Þvilíkar framfarir. Við erum samt búin að kúra saman í hjónarúminu. Ég þurfti svo ekkert að fara út í apótek, Magginn minn sá um það fyrir mig. En það var BARA vegna þreytu og ekki að ég hefði ekki meikað það *glott*

Ahh núna sit ég uppí sófa og borða randalínu frá mömmu mmmmmm. Á dagskránni er að horfa á sjónvarpið og fara kannski bara í hreingerningar.... sem sagt sturtu! Don´t worry ekkert meira.

Ísak Magnússon

er sætastur! Örugglega ekki bara foreldraástin, hann er raunverulega fallegasta barn í heimi! Settum inn nokkrar nýjar myndir áðan, myndavélin er stöðugt á lofti hérna og hugsa sér ef maður ætti ekki digital!

Nóttin var erfið eins og fyrri nætur, Ísak sefur ekki og mamman grætur og barnið grætur og pabbinn syngur og syngur. Í dag er engillinn svo búinn að sofa og sofa og leyfa mömmu sinni líka að hvíla sig. En piltur er nú bara 1 vikna gamall á morgun og erfitt að fara að ætlast til að hann sé í e-i rútínu ennþá.

Maggi verður í skólanum mest allan daginn á morgun og mér finnst það nú pínu erfið tilhugsun. Svo stakk hann upp á að ég færi út í apótek áður en hann færi og ég bara svitnaði við tilhugsunina um að fara út fyrir hússins dyr! Út í hinn stóra heim, ómægod!!! En e-n tíman verður maður að taka næsta skref og ég reyni bara að herða mig upp í þetta hehe. Enda verð ég líka að æfa mig aðeins að ganga. Ég er reyndar búin að vera hækjulaus í allan dag hérna heima og gengur mjög vel.

TAKK

Takk kærlega fyrir allar fallegu kveðjurnar sem við höfum fengið. Lífið er ótrúlega breytt núna og bloggið hans Magga lýsir þessari reynslu best. Ég segi "ja hérna" og "þetta er svo skýtið" mörgum sinnum á dag. Hérna er kominn þessi fullkomni einstaklingur inn í líf okkar og sem allt snýst um.

Dagarnir líða við brjóstagjöf og svefn til skiptis hjá okkur mæðginum meðan pabbinn er bestur og sér um allt annað og þjónar okkur. Ég ætla annars að vera skynsöm og reyna að sofa þegar hann sefur og þess vegna kominn háttatími. Við tilkynntum fjölskyldunni nafnið í dag og glöggir lesendur finna út úr því með smá bloggrúnti!!

Búin að gera aðventukransinn (sem er auðvitað enginn krans heldur kerti í bakka) og baka piparkökur. Á morgun ætla ég kannski að baka súkkulaðibitakökur og Söru Bernhards mmmmm. Verst hvað við þurftum að vakna SVAKALEGA snemma, til að fara í messu. 1.sun í aðventu er oftast mikið um tónleika hérna og messan með mikið af tónlist. Maggi ætlar að vera mættur hálftíu sem þýðir að við leggjum af stað héðan ca 45 mín áður. Það er snemmt fyrir mig sem er farin að sofa alveg til 11 stundum hálf 12 á morgnanna.

Svo hlustuðum við á jólalög í dag líka! Það má þegar maður er beinlínis að undirbúa jólin eða aðventuna. Annars er ég fyrir að maður fari mjög rólega í jólalögin og byrji helst ekki fyrr en í desember. Og aldrei fyrr höfum við verið búið að kaupa allar jólagjafir á þessum tíma árs!!! Náttúrulega hluti af því að "vera við öllu búinn":D

Hætt'að telja...

.. þett'er ég!! Þýðir ekkert að vera að telja dagana svona löngu fyrir.

Í gær var ég að fara í yoga og missti af strætó. Ég "hljóp" aðeins á eftir honum (eða meira svona hlussaðist aðeins hraðar áfram) en náði ekki. Eftir þá áreynslu get ég bara varla gengið!!! Þetta fór alveg með nárana svo nú er vont að bara standa en að lyfta fótunum er bara glatað! En þá er nú gott að vera heima í fríi og þurfa ekkert að vera á ferðinni nema milli sófans og rúmsins hehehe.

Er samt að hugsa um að sækja mjólk út í búð svo ég geti þambað hana, mjólk er góóóð. Það er annars allur snjór farinn og kominn 5 stiga hiti og bara vorfílingur í fuglunum. ég get kannski mokað pínu laufblöðum? Svo þarf að halda áfram að föndra jólakortin... já og nokkrar nýjar myndir í nóvember

Dagur 2

Stundum gerist allt á einum degi. Maggi kominn með fasta vinnu heima fram á vor og Skrámur fékk loksins flug heim! Við fórum með hann til dýralæknisins í síðasta skipti í morgun (heimsókn sem tók klukkutíma) og þá var hringt út af fluginu. Nú eru bara 9 dagar þangað til hann fer búhúhúúúú...

Dýralæknirinn þessi er kominn á eftirlaun, algjör afi. Er með stofuna sína í heimahúsi og eldgamlar bækur upp um veggi. Hann tók sér sinn tíma í þetta allt saman, hrærði vel og lengi í kúknum hans rassa og tók svo örugglega hálftíma í að fylla í heilbrigðisvottorðið, með gömlum fallegum skrifstöfum. Skrámur greyið var mestan tíman inní búrinu sínu og vældi og vældi. Stundum er m.a.s. eins og hann "gaggi" á okkur. Setur svo eina loppuna út og mænir á okkur með stórum augum.

Þetta með flutninginn heim mun örugglega reddast á besta hátt eins og allt annað. Ég og Krulli leikum bara statíf eða verðum á hótelherbergi með roomservice og heitan pott hehehe! Ef við svo verðum hérna um jólin koma kannski tengdó og Gunnar Emil svo það verður sko notalegt.

Barnið er eitthvað voða spennt í dag, Maggi á ekki orð yfir hvað ég er framstæð og hló að mér þegar ég var komin í lopapeysuna. Ég var líka alveg eins og barbapapa! Núna er verið að gera snúninga og kollhnísa sem ég skil ekki alveg fyrst barnið er skorðað. Ætli það hafi ekki bara orðið misskilningur og það séu TVÖ börn þarna inni?

Dagur 1

Þvílíkt notó hjá okkur Krulla í dag. Sofa út, morgunmatur í rúminu, lesa blaðið, þvo þvotta og svo leika sér á netinu þangað til var kominn tími að leggja sig í tvo tíma! Var að vakna af þeim blundi og fyrst að það er orðið kolniðamyrkur úti er ekkert að gera nema kveikja kertaljós og vera undir teppi og halda áfram að hafa það notó. Og borða frostpinna, það er nýjasta æðið hjá mér. Íspinnar og frostpinnar.

Hrindi annars í Eimskip í Gautaborg í dag. Talaði við hina ofurhressu Karen. Ég vissi að það væru tímamörk á gámnum þegar maður fær hann. En haldið ykkur nú, fyrst við erum ekki með heilan gám (þá fær maður klukkutíma) þá fáum við heilar 35 mínútur til að hlaða!!! Hún var voða vandræðaleg þegar hún sagði þetta, og ennþá meira þegar hún sagði að síðan tekur bílstjórinn 240 sænskar fyrir hvern byrjaðan hálftíma framyfir þessar 35 mín. Og hann hjálpar ekki til! Jisses, það verður bara að safna fólki af götunni til að rumpa þessu af. Gott að við búum á jarðhæð, segi ekki meir.

Nei ekki orð!

Snjórinn er ennþá, m.a.s. snjóaði meira í gærkvöldi. Og ekki orð um það meir.

Takk Guðrún

...fyrir sendinguna!!! Reyndar hefur hún dreifst ansi vel svo það verður meira svona að "skafa" af jörðinni á völdum stöðum en þetta er samt betra en ekkert! Kannski snjóar í alvöru á morgun, þetta er meira svona frost.... Bara meiri áreynsla er það ekki;)

Það var skrýtið að hætta að vinna. Allir vildu náttúrulega faðma mig en létu mig lofa að koma og hafa sýningu þegar barnið væri komin. Vonandi næ ég því. Fékk voða fallega sprittkertastjaka (iittala) frá þeim og svo frá Åsa og Saara talm.fr. fékk Krulli bók; "Max lampa" Sömu höf og skrifa "Mamman och den vilda bebin" svo ég er hæstánægð með þetta. Og Krulli líka. Fékk svo alveg svakalega gott meðmælabréf frá Sven svo maður ætti ekki að vera í vandræðum seinna meir með vinnu.

Hvíldardagurinn byrjaði á því að ég svaf till 11 en svo ruglaðist ég víst eitthvað og fór að þvo þvotta og taka til... reyndar skipaði ég sjálfri mér með reiðu röddinni að setjast nú í sófann og hvíla mig. Er að því núna og hlusta á kórtónlist. Svo erum við að fara á Galdrakarlinn frá Oz í kvöld. Åsa er með í kórnum, það er Södertälje Opera sem setur þetta upp. Nýsamin tónlist svo þetta er ekki Distney-útgáfan. Saara og hennar kærasti koma líka og svo ætlum við út að borða á eftir. Já, best að fara að panta borðið.

Á morgun er bannað að kommenta á hvaða dagur er.... við munum láta vita þega aksjónin byrjar;)

Nýjar myndir

Þá eru komnar nýjar myndir af Ingólfssyni í nóvemberalbúmi og "nokkrar" myndir af einkabarninu okkar sem er svo kelinn núna að hann veit ekki hvað hann á að gera við sig!

Er að baka fyrir síðasta vinnudaginn. Glútenfrítt og venjulegt og engar hnetur eða möndlur eða kiwi... Svíar!!! Ætli þeir séu með meira ofnæmi en Íslendingar?

Síðasti vinnudagurinn á morgun:) Vona að það verði ekki voða drama og gert mikið úr því að ég sé að hætta. Er eiginlega komin með nóg af "ohhhh ertu að hætta? Ohhh þú ert með svo sætan maga...Hæ feita..."

TENS

Þetta er hið stórmerkilega tæki TENS! Athugið að þetta er ekki ég á myndinni!

Var að koma úr ólléttuyoga. Rosa góður tími. Mikið áherlsa lögð að sjálfsögu á öndun og áreynslu = að anda sig í gegnum áreynsluna og sjá fyrir sér að maður geti það. Næsta skipti mega makar koma með til að sjá að við erum ekki bara að teygja okkur og nota þriðja augað. Maggi kemst því miður ekki svo það verðum bara við Krulli. Sem kemur hvort eð er á sunnudaginn svo þá er engin ástæða til að fara í yoga HAHA!

Ein að springa

Heyrðu ruslapokinn svínvirkaði! Svoleiðis rúllaði mér fram og til baka í nótt! Það brakaði náttúrulega pínu og ég svitnaði eitthvað undan honum en mjög jákvæð reynsla! Svo fékk ég Tens-tækið í dag og er að æfa mig á öxlunum. Kannast nú við svona síðan í sjúkraþjálfuninni í denn svo þetta er ekkert skrýtið. Bzzzzzzz

Svo normal

Allt gott að frétta eftir heimsókn hjá ljósu. Ég er með allt í fullkomnu lagi, öll próf svo svaðalega normal og engin ástæða til að setja mig af stað hehehe! Ein sem var að vona... (Reyndar var blóðsykurinn dálítið hár og skildi þá ekki vera kökan sem einhver borðaði óvart í morgunmat :S) Svo eigum við einn tíma í viðbót bókaðan en ég kvaddi innilega og sagðist ekki koma aftur, ég mundi vera búin að eiga barn þá (1.des!) Hún samþykkti það alveg og bað okkur að senda póstkort frá Íslandi! Því miður lítur ekki út fyrir að bumban lækki eitthvað, hún sagði allavega að ég mundi sennilega finna mjög lítið fyrir því. Þá er bara að halda áfram að sofa á vinstri. Mamma sagði mér svo frá einni sem setti plastpoka undir lakið hjá sér til að eiga auðveldara með að snúa sér, og spurning um að prófa það bara í nótt! Eitt stykki svartan ruslapoka... þá er maður líka í góðum málum ef vatnið fer!

Nú ætlum við hjónakornin að slökkva á sjónvarpinu, setja góða tónlist á og ráða aðeins krossgátu.

strengir

Í morgun vaknaði ég með e-a verki í náranum og niður í lærin. Svo í allan dag er ég með eins og strengi í bumbunni og smá illt hægra megin því þar rekst alltaf fóturinn/hnéð á Krulla svo ég held ég sé með marblett að innan! Þessir verkir í náranum koma ekki í sambandi við neina samdrætti svo ekki fara að ímynda ykkur neitt. En þið "kommentakonur" sem eruð heima í barnseignarfríi megið samt alveg miðla af reynslunni... held sjálf að þetta sé grindin. Hef einmitt fundið þetta aðeins pínu smá áður þegar ég vakna og þá er ég náttúrulega búin að liggja í sömu stellingunni í fleiri fleiri tíma.

37 vikur á morgun! 5 dagar eftir í vinnunni! 5 jólagjafir keyptar! 6 vikur til jóla! Þetta er allt að koma!

Óspennandi blogg...

Þetta var ekkert þrívíddar! Þetta var svona risa skjár sem náði yfir og undir og alltumkring. Sáum sem sagt víkingamynd og af 45 mín held ég að 20 hafi farið í landkynningu á Íslandi! Mér varð pínu flökurt þegar var verið að fljúga yfir landið en þetta var fínasta skemmtun.

Það eru voða margir að spurja okkur hvenær við flytjum heim. Við getum bara ekki nákvæmlega svarað því. Krulli ræður. En það verður alltaf fyrir 1.janúar. Við verðum náttúrulega að panta búslóðarflutning og við getum ekki verið hér í tómri íbúð svo þegar við pöntum hann pöntum við líka miða heim fyrir ÞRJÁ!

Vitiði hvað? Bara 6 dagar eftir í vinnunni! Það er svo ótrúlegt. Börnin eru byrjuð að kveðja mig, gefa mér gjafir og bara læti. Á mánudaginn ætla ég að fara með öll blómin okkar í vinnuna og leyfa stafsélögunum að taka það sem þau vilja. Held ekki að þau þoli gámaflutninga. Ég get svarið það, hugsa sér að ég sé búin að vinna þarna í rúmt ár. Þetta er búin að vera svakaleg reynsla og ég hef þurft að læra mjög mikið á mjög stuttum tíma. Örugglega eftir að koma mér til góða (er hægt að segja svoleiðis?) í framtíðinni. Það erfiðasta hefur verið að kljást við foreldra barnanna!!! Og nú er maður að verða eitt stykki svoleiðis. Foreldri altsvo!!

Í kvöld ætlum við í þrívíddarbíó með Kenny og Elle. Hef aldrei farið á svoleiðis áður og er rosa spennt. Myndin er reyndar kannski ekki svoooo spennandi eins og maður gæti óskað, um líf víkinganna. Mundi vilja sjá eitthvað svona neðansjávardæmi eða um mannslíkamann. Held að maður fái svona gleraugu og allt.
Annars er þetta típískur letidagur hjá mér, liggja leeeengi lengi í rúminu og færa sig svo yfir í sófann. Horfði á spaugstofuna og hlustaði á Orð skulu standa, ekkert smá uppáhalds þáttur! Spurnig hvort maður fari að tékka á krossgátu morgunblaðsins bara.

Mamman och den vilda bebin

Hahaha svona held ég að framtíðin líti út miðað við lætin núna! Hlakka sko bara til, þetta er MITT vilda barn:D

Skeyti

Þetta skeyti barst í dag:

" 12:34 fæddist stelpa 3270 gr og 51 cm. Aðeins feitari og styttri en Guðmundur Gígjar og ekki eins fingralöng (og náttúrulega ekki með með jafn stóran pung) og ekker lík Samúel Erni. Allt gekk vel, mæðgum heilsast vel en föður er illt í hnénu"
-Gunnhildur


TIL HAMINGJU MEÐ ÞETTA LITLA FJÖLSKYLDA!!!!

Ég hef nú minn grun um að ákveðinn faðir hafi skrifað skeytið....

Bumbumyndir

...komnar í Krullaalbúm. Bannað að horfa á klæðaburð tilvonandi móður. Setti líka 3 nýjar í októberalbúm.

Þessi sunnudagur er búinn að vera hinn besti. Í nótt breyttist klukkan í vetratíma sem þýðir að maður græðir 1 klukkutíma. Sváfum til 10 í morgun (sem sagt í raun 11) og lágum svo uppí rúmi með tölvuna, blaðið, sudoko og krossgátuna til kl. 13!!! Svo var bara skipt um og farið uppí sófa, Maggi steikti pönnsur, við þvoðum nokkrar vélar svona bara til að sýnast og svo er bara sjónvarpið búið að ráða í allt kvöld. Ég kíkti reyndar á stúdentsritgerðina hans Daða um búddisma sem telst kannski helsta afrek dagsins. Þurfti reyndar að taka pásu í miðju kafi því Krulli var með svo mikil læti að ég gat ekki með nokkru móti setið. Hehe fór að reyna að ganga um gólf og hoppa aðeins til að svæfa barnið! Bara undirbúa komandi mánuði...

Heyrðum í agnarsmáum Ingólfssyni í morgun. Greyið er með í maganum og Indra með sýkingu en þetta er víst allt á réttri leið. Hann er nú bara 3ja vikna pilturinn.

Bara 3 vikur eftir í vinnunni:D

Innkaupaferð

Í dag redduðum við ÖLLU held ég bara. Skrámur búinn að fá flutningsbúr og teppi, ísskápurinn fullur fyrir helgina og svo FULLT af barnadóti; föt, snuð, bleyjur,burðarpoka (sem maður ber barnið í á maganum), útigalla... bara nefnið það! Það sem ekki var keypt verður látið bíða þar til barnið fæðist. Náðum líka að kaupa 2 jólagjafir svo ekki sé meira á ykkur lagt.

Skrámur er að gera út af við okkur hann er svo sætur þessa dagana. Vill endalaust kúra og malar og malar og sleikir okkur í bak og fyrir. Litla skinnið þarf að fara til dýralæknisins á þriðjudaginn og verður svæfður! Það virðist hægara sagt en gert að flytja hann heim, vandamálið er að finna einhvern sem tekur það að sér! Maggi er búinn að hringja í a.m.k. 4 aðila og kominn í hring. Ég hélt eiginlega að maður bara pantaði flug fyrir eitt stykki kött! En það er víst ekki svo einfalt, hann fer í fraktflug og meira höfum við ekki fundið út.

Fengum fleiri myndir af Ingólfssyni agnarsmáuum sem ég ætla að setja inn í albúm. Á morgun eru svo komnar 35 vikur hjá okkur og kannski tími til að taka bumbumynd?

Það er auglýsingahlé í Lost. Og maður er gjörsamlega lost. Aldrei nein svör, bara spurningar og meiri ruglingur. Ég verð alltaf jafn æst og pirruð en get ekki misst af einum þætti. Í kvöld er ég samt alveg að sofna svo ég ákvað að blogga í pásunni svo ég sæi endinn.

Fór í yoga fyrir ólétta áðan. Virkar rosa fínt, mjög litlar og rólegar æfingar sem taka samt mikið á, mikið lagt uppúr að anda og kenna æfingar sem hjálpa í fæðingunni. Ég er sú sem á von á mér fyrst og va sko ekki með neitt sérstaklega stærri bumbu en hinar svo ég er hætt að tuða um það! Ég næ hins vegar (vonandi) ekki að klára kúrsinn þar sem hann er 6 vikur og Krulli á að mæta eftir í mesta lagi 5!!

Jæja, nú hverf ég aftur inn í sjónvarpið!

Þá er Jóna farin og nammið búið! Alltaf svona... En það er rúgbrauð og hangikjöt eftir og fötin erum við ekki búin að klára heldur...

Ég er farin að sofa eitthvað illa. Eða öllu heldur eiga í erfiðleikum með að sofna. Í fyrsta lagi er það fótapirringurinn sem er að trufla mig. Í öðru lagi er það barnið sem er að gera æfingar og í þriðja lagi brjóstsviðinn. En ég segi eins og Guðrún Elísabet:"Ég er búin að ákveða að það séu bara 4 vikur eftir". Hætti að vinna e 4 vikur og sef svo út á laugardeginum eftir síðasta daginn og svo má Krulli koma á sunnudeginum. Er það ekki gott plan? Verst að maður getur ekki ákveðið þetta bara si svona!

Það virðast flestir sammála um að þetta sé stúlkulísa sem við eigum von á. Pabbi, mamma og Daði hafa reyndar ekkert tjáð sig.... hvað á það að þýða? Ég er allavega alveg rugluð og veit bara ekki neitt. Segi ýmist "Krulli" eða "barnið" núna. Vonandi hjálpar þetta manni í fæðingunni... spennan að vita hver kemur í heiminn.

Jóna og pakkarnir

Jóna jólasveinn kom í gær:D Hlaðin gómsætindum og pökkum auðvitað. Fengum svaka sendingu frá Jökli og þurfum nú ekki að kaupa nein smábarnaföt, mamma sendi peysuna og vettlingana sem ég fór í heim af spítalanum e að ég fæddist og var búin að prjóna húfu í stíl, Jóna gaf Krulla líka prjónahúfu og vettlinga og mömmunni bók og Daði sendi mér bók og nýja diskinn hennar Emelíönu. Svo kom auðvitað rúgbrauð, flatbrauð, hangikjet, Nói og Síríus og ég veit bara ekki hvað. Þið getið rétt ímyndað ykkur jólin hérna.

Fórum svo í bæinn við frænkur í dag. Komumst nú ekki langt en í nokkrar búðir. Svo var orkan búin og ekki fékk hún einu sinni að sjá Gamla Stan eða höllina! Bara H&M! Jæja, hún er ánægð með að bara klappa mallanum mínum svo hún grætur það ekki.

Lenti í ömurlegri reynslu í vinnunni í gær. Fór á fund og endaði á að fara grátandi út og með ekka! Mamman réðst svoleiðis á mig og kallaði mig lygara og ég veit ekki hvað og hvað. Það voru þarna 2 kennarar, sérkennari, skólastjórinn, ég og foreldrar drengsins og þessir 2 kennarar komu á eftir mér út báðar með tárin í augunum og höfðu aldrei upplifað annað eins á sinni starfsævi. Ég er nú búin að jafna mig á þessu en ætla að þvo hendur mínar af þessu máli. Skólastjórinn sagði að ég gæti kært hana en ég held nú ekki að ég fari svo langt. En þetta gerði mig alveg máttlausa allan daginn og manni finnst náttúrulega eins og sé verið að ráðast á sig persónulega en ekki á "talmeinafræðinginn". Ég reyni að nýta mér þetta á jákvæðan hátt, nú hef ég allavega lent í svona. Og maður er náttúrulega extra viðkvæmður í þessu "ástandi"

Tölfræði

Nú liggur við að fólk úti á götu sé farið að klappa mér á magann! Hefur ekki gerst ennþá, en held að bókstaflega allir í vinnunni séu búnir að stoppa mig og klappa mér og "ohhh þú ert með svo sætan maga". Mér finnst hann auðvitað flottur en mest STÓR! Og ljósmóðirin sagði mér í fyrradag að hann ætti eftir að stækka. Gaman að því....

Maggi spurði mig að því í gær hvernig hlutföllin væru hjá mér varðandi kynið. Mér finnst svona 60-40 strákur og honum 70-30 stelpa! Hér með verður sett af stað könnun hjá ykkur lesendur góðir og miðað skal eingöngu við tilfinningu hvers og eins. 50-50 er ekki reiknað með!!!

Djammað

Vika 34
Nú mun barnið nýta sér allt það pláss sem það mögulega getur og þrýsta á allt sem það getur, til dæmis lungun. Ef þér finnst erfitt að ná andanum getur hjálpað að sitja eða standa. Ef þú hefur áhuga á fara á námskeið til undirbúnings fæðingunni eða foreldrahlutverkinu þá er ekki seinna vænna en að drífa sig. Það er líka tímabært að byrja að taka til föt á barnið.

Barnið er ansi upptekið við að undirbúa sig fyrir lífið utan legsins. Það æfir sig að sjúga, gerir öndunaræfingar, blikkar augunum, snýr höfðinu, tekur utan um það sem það nær í (hina höndina og naflastrenginn) og réttir úr fótunum. Húð barnsins er að verða mjög mjúk og ekki eins gegnsæ. Barnið vegur nú um 2,1 kíló og lengd frá höfði að rófubeini er um 30 sm.

Já ekki skrýtið þó mér finnist ég vera að rifna stundum!

Fór á rosa flotta hádegistónleika hjá Magga og Ingibjörgu í gær. Þau spiluðu eitthvað eftir Mahler sem ég hef náttúrlega aldrei heyrt en varð rosa hrifin af. Ingibjörg kynnti það líka svo vel að maður sá alveg fyrir sér hvað var að gerast í tónlistinni. Barnið var alveg villt og galið alla tónleikana þangað til þetta kom, og þetta var sko dramatískt og ekki einhver vögguvísa! Fyndið. Svo fórum við út að borða með Åsu og Sööru vinnufélögum mínum og mökum í gær. Fórum á afríkanskan stað sem var rosa flottur. Við Maggi sátum svo smá stund hjá Sööru og Patrick þannig að þetta var bara versta djamm á okkar mælikvarða;)

Stúlkubarn

Til hamingju með stúlkuna Guðrún, Siggi og gríslingarnir! Okkur reiknaðist að það væru þá komnar 6 strákar og 8 stelpur af þessum 17 eða 18 börnum sem fæðast í kringum okkur þetta árið!

Prinsinum í Þingholtunum heilsast víst voða vel. Algjör rófa og rúsína auðvitað. Ég fékk forláta afmælisgjöf frá þeim sem ég fer varla úr! Og talandi um afmælisgjafir fékk ég einmitt svona vídeómyndavél til að tengja við tölvuna frá Hjalta og Völu. Prófaði það í gær og þau sögðust sjá mig skýrt og greinilega. Þetta er auðvitað bara sjálfselska í þeim sem krefjast þess að fá að sjá Krulla "í þrívídd" áður en þau sjá hann live. Sniðugt hjá þeim.

Sat á hækjum mér í búð áðan að skoða í neðstu hylluna. Þegar ég ætlaði að standa upp hafði ég ekki kraft til þess og bara byrjaði að húrra afturábak. Í panikki tókst mér að rétta mig af áður en ég missti allt úr höndunum og klessti á næstu hyllu. Maður er víst að verða eitthvað þungur á sér!

Guðrúnarbarn

Þá er Guðrún Elísabet komin af stað! Krossleggjum fingur og vonandi gengur allt vel.

Við fórum á foreldranámskeið í dag. Vorum 5 pör sem öll eigum von á svipuðum tíma. Þetta var nú voða týpískt, ljósmóðirin talaði, sýndi myndbönd og alltaf þegar hún spurði hvort það væru einhverjar spurningar varð dauðaþögn! Ég spurði reyndar nokkurra spurninga en það urðu engar umræður eins og ég hafði vonast eftir. Í dag var talað um fæðinguna sjálfa og við fengum að sjá myndband um þetta. Ég hef séð þetta oft áður en nú var virkilega sýnt hvað þeim leið illa! Konunum altsvo. Húvva...voinevoine. Það besta er samt að vita að maður lifir þetta af og er ekki einn í þessu. Heppin ég!

Ætla að reyna að setja inn fleiri myndir af Ingólfssyni í kvöld, en þær voru víst á einhverju skrýtnu "formati" svo ég þarf aðeins að fikta í þeim.

12.október

Þann 12. október gerðist eftirfarandi:

Ég las 3 HEILAR greinar á íþróttasíðunum! Þetta á sér sínar skýringar þótt ég skilji að flestir muni samt ekki skilja neitt í mér. Það er sem sagt Ísland-Svíþjóð eins og þið heima kannski vitið. Ég rak augun í litla fyrirsögn á forsíðu blaðsins og mín bara kynnti sér málið. Las allt um hvort Zlatan mundi vera með, um íslensku 4-5-1 uppröðunina sem sennilega breytist í 4-4-2 í kvöld þar sem besti maður Íslands er í banni. Svíar halda auðvitað að þeir vinni þetta en lýsa íslenska landsliðinu sem fersku og ungu liði á uppleið. Hananú og megi sá besti vinna! (Heja Ísland).

Þá erum við búin að sjá myndir af nýjasta prinsinum. Hann er svo mannalegur og sætur. Okkur finnst hann líkur pabba sínum! Er það lögmálið? Fyrsta barn er alltaf líkt pabba sínum? Við töluðum við hina stoltu móður áðan og hún var ágætlega hress og náttúrlega agalega hamingjusöm.

Ég er farin að telja niður vikurnar þangað til ég hætti að vinna. Finn að ég er ekkert sérlega mótíveruð (finn ekki ísl orðið) til að byrja á nýjum verkefnum og sinni bara svona því nauðsynlegasta. Dagbókin mín er eiginlega orðin full svo ég hef ekki tíma fyrir fleiri börn! Held kannski að síðustu 2 vikurnar séu nokkrir einstaka tímar lausir. Í dag fékk ég teikningu frá einum strák og lyklakippu með kanínu fyrir "litla barnið í maganum". Ógó sætur.

Jæja, bakið er eitthvað að mótmæla og brjóstsviði á byrjunarstigi svo ég ætla að fara í heita sturtu og fá mér svo köku hehehe. Er það ekki einmitt gott við brjóstsviða?

Bara 10 dagar í Jónubjarkarheimsókn:D

Ingólfsson

Já, herregud, Indra og Ingólfur eignuðust son í gær, 14 merkur og 52 cm. Endaði í keisara en öllum líður vel. Við erum ekki búin að sjá neinar myndir en vitum að hann er fullkominn! ELSKU INDRA OG INGÓLFUR, INDRIÐI OG ÞORLÁKUR: TIL HAMINGJU MEÐ PRINSINN. Og auðvitað til hamingju amma Kristín og Maggi móði og Gunnar móði. Settar inn myndir við fyrsta tækifæri. Það sem ég get ekki skilið er að þetta var strákur!! Þetta átti að vera stelpa og ekkert annað! Og ég bara get ekki meðtekið þetta! En ótrúlega yndislegt.

Nýjar myndir í Krulla-albúmi og september og októberalbúmi

Meira annað kvöld

Hóhóhó

Ég er jólasveinninn!! Mæti 13 dögum fyrir jól... rétt hjá Völu að fljótlega hefðu jólakveðjurnar verið komnar inn á sama komment og afmæliskveðjurnar!Ætli þetta séu endalokin á vandræðum okkar með síma/internetfyrirtæki??

Allavega þá er þetta í lagi núna. Því miður verður þetta ekki langt, ég er að fara út úr bænum og verð yfir helgina. Fer til Härnösand sem er fyrir norðan Sundsvall fyrir áhugsama. Frida vinkona býr þar núna og við Anna J ætlum í heimsókn. Tökum auðvitað lestina sem tekur um 3 tíma. Maggi sæti ætlar að vera svo elskulegur að skutla mér inn í Stokkhólm. Þvílíkur djenterlmaður eins og alltaf. Kannski skutla ég nokkrum myndum inn áður en ég fer... allt í lagi fyrir ykkur að kíkja.

Gaman að vera mætt aftur! Góða helgi

Búin að gleyma að segja frá því að ég fæ að vera skráð hjá Önnu vinkonu hérna í Sverige þegar við flytjum heim! Mikill léttir að redda því. Svo vorum við að kaupa rúmföt handa Krulla um helgina og á morgun sækjum við kommóðu/skiptiborð sem við fundum á netinu! Gaman að því.

Í kvöld ætlar íbúðarnefndin H&V að kíkja á 2 íbúðir í Laugarnesinu! Spennó! Allt á fullu á öllum vígstöðvum. Gott að eiga góða að, það verður aldrei of oft sagt.

Nýjar myndir í septemberalbúmi og Krulla-albúmi

Ég náði ekki að lesa þessar fínu tillögur að matarréttum áður en við fórum að versla svo úr varð svona kjúklingafahítas í ofni eins og Hjalti og Vala gera. Vakti mikla lukku. Og svo heimsis einfaldasta eplakaka sem Maggi gerir. Mmmm

Í gær þegar ég var að hátta og fór til að pissa, girti ég niðrum mig og settist svo án þess að taka upp klósettsetuna! Hahahah mér brá svo þegar kom svona kalt á bossann og dó svo auðvitað úr hlátri. Þessi fer í bókina stelpur.

Góða nótt

Flóðgáttir

Ég held ég hafi opnað flóðgáttir þegar ég fór að tala um ruglaðar óléttar konur! Hvernig væri að við mundum skrifa bók saman? Mundi örugglega slá í gegn! Hvernig er hægt að vera svona hahaha.

Þessi vika er búin að vera ótrúlega fljót að líða og nú er komið haust. Bara 6 gráðu hiti í morgun en það er allt í lagi því haust er fín árstíð ef það rignir ekki of mikið. Svona svalt haustveður með fallegum litum og brakandi laufblöðum er æði. Svo styttist líka biðin eftir Krulla:D með hverjum deginum. Nú er hægt að finna greinilega fyrir fótum og olnbogum. Barnið er búið að finna uppáhaldsstelligu og ég held að það njóti þess í botn að ýta með hæl eða hné í vinstri síðuna! Held að það hljóti að koma gat bráðum.

Hey! Best að gera eina sudoko og bíða eftir að Maggi komi með pizzuna. Á morgun erum við með vinnufélaga/söngfélaga Magga í mat og það þarf kannski að líta í eina eða tvær matreiðslubækur. Hvað á maður að hafa þegar ein er grænmetisæta? Tillögur takk!

Ekki er öll vitleysan eins

Netið búið að liggja niðri síðan á miðv.daginn. Hrindum og eftir lon og don og miklar tilfæringar og lagfæringar með hjálp tæknimannsins í símanum sendi hann bara tilkynningu um bilun í einhverja miðstöð. Sagði að það tæki um 3 virka daga að tékka á þessa. Í dag voru þeir liðnir og netið ekki enn komið í lag þegar ég kom heim ur vinnunni. Ég hringi, er nr 54 í símaröðinni....bíðibíði og borða bara kvöldmat á meðan, sms:a aðeins og stari á krossgátu moggans. Svo kemur að mér og ég held ég hafi verið í símanum í 20 mín með öðrum tölvugæja sem lét mig ýta á takka, slökkva og kveikja, taka úr sambandi og setja i samband og égveitekkihvaðoghvað. Ekkert gerðist. Hann sagðist ekki sjá að neitt hefði verið tilkynnt í síðustu viku og þess vegna enginn farið í málið. PIRR. Hann ætlaði að senda nýja tilkynningu. Þegar ég lagði á var ég svo pirruð að ég tók í módemsnúruna og ýtti fast og sparkaði svo aðeins í innstunguna og PLING!!!!!!!!!!!!!!!!!!!!!!!! Allt fór í gang!!! Ég er ekki að grínast, ég fór næstum að grenja. Þetta var bara sambandsleysi! Sennilega hefur Skrámur dottið um snúruna og þetta hefur farið svona. Og allan þennan tíma hefðum við getað verið að skoða íbúðir! Grrrr, en þetta er nú pínu fyndið líka og sýnir vel hvað ég er orðin biluð. Var ég nokkuð búin að skrifa um þegar ég fór í krummafót á Gotlandi? Sko ég fór úr sandölunum í ferjunni og svo þegar við vorum búin að keyra næstum 50 km varð mér litið á fæturna og ég byrjaði bara að grenja úr hlátri. Ég var búin að vera í krumma síðann í ferjunni! Náttúrulega ekki búin að standa í fæturna mikið en samt, jiii hvað ég hló.

Fórum í skoðun í morgun. Ljósmóðirin hló bara og spurði hvort barnið sparkaði alltaf svona mikið. Hún gat ekki haldið hlustunartækinu kyrru á maganum á mér, því var bara sparkað í burtu! Fann samt hvernig barnið lá og náði hjartslættinum eftir smá leit. Allt í góðu og ég er voða hress. Skil bara ekki hvernig ég get hafa vaxið uppúr buxunum sem ég keypti í síðustu viku!!!???

Jæja, best að halda áfram að skoða íbúðir. Búin að sjá í Langholtshverfinu, Grafarvogi, Hlíðunum og eina geggjaða á Ásvallagötu. Verst að verðið er ekkert að lækka....

Ruglaða óléttan

Þá erum við byrjuð! Komin á "markaðinn"! Hjalti og Vala ætla að kíkja á eina íbúð fyrir okkur í kvöld. Mér finnst þetta nú pínu mál, en auðvitað leysist það eins og allt annað hefur gert hingað til:D Væri auðvitað draumur í dós ef þetta væri bara "okkar íbúð" og við gætum bara gengið frá öllu. en þetta er nú bara sú fyrsta sem er skoðuð.

Við Skrámur erum ein heima að bíða eftir að Þórdís frænka hringi og segist vera í lestinni. Hún er á ráðstefnu hér í borg og auðvitað verður maður aðeins að sjást. Annars sit ég og set inn myndir í albúm sem við settum í framköllun. Gaman að eiga þannig líka. Miklu skemmtilegra að skoða þær þannig.

Sunnudagur

Eða sunnudagsmorgun. Klukkan er bara hálftíu og ég er glaðvöknuð sem er í sjálfu sér ekki skrýtið, það er bara það að ég er búin að vera vakandi síðan rétt fyrir níu og það er frásögu færandi. Maggi þurfti í vinnuna og svo gubbaði Skrámur á gólfið og ég var svo svöng svo þetta var bara vonlaust dæmi að ætla að sofa. Þannig að þá fer maður bara á netið! Fráhvarfseinkennin eru svo svakaleg að ég verð að bæta mér upp þann tíma sem ég er búin að missa.

Kenny og Elle komu í gær í mat. Elle er alveg að drepast hana langar svo í barn og vildi vita allt! um óléttuna. Kenny snéri sér bara undan þegar hún var að finna Krulla sparka, honum leyst ekkert á þetta. Hahaha! Ég ákvað reyndar að fara í bæjarleiðangur í gærdag og var ansi þreytt eftir hann. Maður hefur ekkert þol lengur. Fór með notuð óléttuföt af Evu í svona second hand óléttubúð og ég fór út svoleiðis á kolvitlausum stað úr neðanjararlestinni svo ég þurfti að labba í ca hálftíma. Ég var svo þreytt eftir þetta að ég hélt að fæturnir myndu detta af mér! En ég kom heim með tvennar buxur og einn bol svo þetta var ekki allskostar til ónýtis ó nei.

Svo ætla ég að heimsækja hana Önnu ritara í dag. Hún býr í bæ sem heitir Järna og ætlar mín bara að taka strætó þangað svona rétt eins og í denn! En Maggi kemur svo að sækja mig auðvitað. Anna þessi byrjaði á deildinni e áramót og líður alls ekki nógu vel hjá okkur. Hún þolir ekki hina ritarana, sérstaklega eina sem er með útvarpið á fullu allan daginn, selur hjálpartæki ástarlífsins í gemsanum og sveiflast eins og jójó í skapinu. Ég þoldi hana ekki heldur fyrst en ég þarf ekki að sitja í sama herbergi og hún svo það rann af mér. Hún þráast við að kalla mig Raffa sem ég þoli ekki! RAFFA!!! Anyways, mig grunar að Anna þurfi að létta af sér svo ég ætla að setja upp hlustunareyrun og loka fyrir´rásirnar inn því ég nenni ekki að taka þetta eitthvað nærri mér. (Ég er hvort eð er að hætta hahaha). En það er víst ofsalega fallegt í Järna, foreldrar mínir voru allavega yfir sig hrifnir, og sólin skín svo það er barasta sennilega pilsaveður í dag.

En fyrst bíður uppvaskið síðan í gær. Eins og við höfum verið með 50 manns í mat og ekki 2!! Já, og nú er ég komin 27 vikur á leið!! Akkúrat 3 mán eftir samkvæmt dagatalinu. Þetta styttist skal ég segja ykkur. Og við erum byrjuð að versla; búin að kaupa baðbala, vatnshitamæli, bleyjutunnu og hárbursta (þetta var á svona tilboði). Svo þarf að fara að skrifa niður hvað maður getur fengið lánað og svona. Erum allavega komin með rimlarúm heima. Man ekki hvað Indra sagði að hún ætti tvennt af; var það bílstóll og burðarpoki???

Ótrúlegt...

en satt!! Ykkur er ekki að missýnast, ég er mætt aftur! Ég skil að biðin hefur reynst ykkur erfið en ég ætla að setja lengdarmet í bloggi núna og segja frá öllu sem hefur gerst síðan síðast, og hlífa ykkur ekki við neinu. En fyrst vil ég óska Írisi vinkonu og Pétri til hamingju með Gabríel Snæ sem fæddist 27/8 og auðvitað Bryndísi með Freyju litlu sem er fædd í lok júní. Svo eignuðust Bjartur og Jóhanna strák í fyrrinótt... nú er niðurtalningin hafin!!! En að efninu...

VINNAN: Byrjaði aftur eftir sumarfríið 1.ágúst. Búin að hafa svakalega rólegt allan ágúst en nú er allt að komast á skrið. Erum búin að fá nýjan kollega, hana Söru frá Finnlandi og heitir hún réttu nafni Saara Ojantakanen. Kúl. Hún er voða yndæl en frekar svona lítill kraftur í henni. Náttúrulega hefur ekki unnið í Svíþjóð og kann ekkert á kerfið svo það er kannski eðlilegt.

HEILSAN: Bakið er enn að láta heyra í sér. Lá hérna kylliflöt fyrstu dagana eftir að við komum hingað, mamma var sett í að nudda mig lon og don og hitateppið frá tendó hefur aldeilis verið notað. Nú er ég bara ágæt, get allavega hreyft mig og alveg unnið. Fór til sjúkraþjálfara sem sagði mér að kaupa belti og vera stillta! Vildi ekkert nudda eða neitt. Annars er ég í fullu fjöri andlega og líkamlega. Krulli er orðin svaka stór og ég passa ekki í óléttufötin af Evu! Reyndar allt buxur í small og ég bara skil ekki í hverju hún var síðustu mánuðina. Og skil heldur ekki alveg hana másu mína Völu sem notaði "strokk" utanum venjulegar buxur. Ég bara get ekki verið í venjulegum buxum þó ég sé með rennt niður því þær detta bara niðrum mig eða kremja greyið Krulla þegar ég sit. Þannig að það er stefnt á fataleiðangur um helgina. Ekkert leiðinlegt við það. Það er auðvitað ýmislegt sem er byrjað að hrjá mann, sérstaklega svefnleysi vegna sinadrátta á nóttunni og erfiðleika við að snúa sér í rúminu. Þessir sinadrættir eru nú alveg! Hver fann upp á því að láta óléttar konur þjást svona! Maður hrekkur upp með krampa í kálfanum, stekkur upp úr rúminu án þess að vita hvernig maður fer að því, og trampar í gólfið eins og vitleysingur. Og eftir hálftíma er tími kominn á hinn kálfann!!! Svo þegar morgnar koma í ljós blettir út um allt lak vegna brjóstaleka! Ótrúlegur þessi líkami! Og ekki nóg með að maður vakni út af kvillum, heldur er Krulli alltaf með karatetíma eða fimleika þegar ég er að fara að hvíla mig, og stundum linnulaust alla nóttina. Æ þetta er YNDISLEGT. Og stórkostlega skrýtið. Maggi nuddar bumbuna á hverju kvöldi, ég er búin að kaupa langt skóhorn og hálkumottu í baðið (híhíhí).

HEIMILIÐ: Langar helst ekkert að minnast á það. Virðist nú samt sem það mesta sé barasta komið í lag! Þvílíkur lúxus að vera með hyllur í skápunum, innstungur fyrir loftljósin, gluggakrækjur og SÍMA. Og svo núna netið. Bíð enn spennt eftir að heyra frá leigumiðluninni hvort við fáum ekki afslátt af leigunni. Yfirmaðurinn sjálfur kom hingað og tók í höndina á mér og skoðaði þetta allt saman vel og vandlega. Síðan hef ég ekkert heyrt. En okkur líður vel hérna núna, nennum ekki að hengja upp mikið af myndum eða þannig, ætlulm hvort eð er að segja upp fljótlega.

FLUTNINGSMÁL/ORLOF: Í stuttu máli: Erum ekki búin að finna íbúð heima enda ekkert búin að geta leitað á netinu. Stefnum á flutninga milli jóla og nýárs. Ætlum ekki að bóka miða fyrr en Krulli kemur. Ég á rétt á ársfríi ef ég er skráð í Sviþjóð. Verð að finna einhvern til að þykjast búa hjá. Maggi er kominn með vinnu frá 1.jan sem stjórnandi Fílharmoníukórsins!!! SKo minn!! Hann verður sennilega í lausamennsku meðfram því, enda er það bara 2 kvöld í viku held ég. Búin að bóka pláss fyrir Skrám á einangrunarstöðinni á Reykjanesi og hann mun fljúga heim 1.des. Á eftir að fá allar sprautur og skoðanir. Jóna Björk yndislega ætlar svo að passa hann þar til við finnum húsnæði.

Jæja, nú held ég að þetta sé bara ágætt. Ætla að eyða restinni af kvöldinu í að setja inn myndir af bumbunni (í Krulla-albúmið) og af öllum brúðkaupunum sem við erum búin að fara í hérna. Öllum segi ég og meina þessi 2 núna í ágúst. Það var geggjað, sérstaklega að koma til Gotlands og hvet ég alla til að fara þangað e-n tíman. Visby er eins og miðaldabær og í góðu veðri er þetta bara alveg stórkostlegt umhverfi. Lína Langsokkur var tekin upp þarna og svei mér þá ef ég fann ekki nammibúðina sem hún fór í!?

Heim

Já, nú förum við heim til Svíþjóðar á eftir. Það á eftir að verða fínt en ég er ekkert svaka spennt að byrja að vinna aftur. Gott að vera í svona fríi! Fékk líka tak í bakið í fyrradag, sennilega vegna þess að ég er með byrjun á grindargliðnun og er ansi stíf og ómöguleg eitthvað.
Við erum ekki nettengd ennþá úti, svo það verður lítið bloggað á næstunni. Getum auðvitað komist á netið í vinnunni en mér finnst óþarfi að eyða vinnutímanum í að blogga...eða hvað?
Nú ætla ég að fá mér í gogginn fyrir ferðalagið og svo hittumst við öll fljótlega aftur!Takk fyrir samveruna ÍSLAND.

Sónarmyndir!!!

Hann afi Halldór kann sko allt. Nú eru komnar sónarmyndir í albúmið "Krulli". Það verður svo bara hver að túlka eins vel og hann getur en hægt er að senda fyrirspurnir í kommentin...

Myndir

Nýjar myndir í albúminu hans Jökuls, komið smá Krulla-albúm (þó ekki sónarmydnir en pabbi ætlar að reyna að skanna þær inn) og svo bara úr fríinu hérna heima. Ég ætla að skella mér í meðgönguyoga með Indru á eftir, það verður spennandi. Örugglega gott fyrir bakið. Svo skilst mér að það verði kjötsúpa í kvöldmatinn! Sælan tekur engan enda hérna. Hitti Jóhönnu og Írisi í gær og við fórum í sólbað í Öskjuhlíðinni. Yndislegt en frekar heitt í skjólinu. Og eitthvað af flugum sem fóru í skrækina hjá henni Jóhönnu minni! Híhíhíhí

Mér finnst alveg yndislegt að vera hérna heima. Veðráttan á sérlega vel við mig og sömuleiðis aðgengið að heitum pottum út um alla borg. Við erum búin að vera á fullu í heimsóknum en nú lítur út fyrir tíðindalausan dag. Ætlum kannski að skreppa í bíltúr á jeppanum með m&p og fara í göngutúr. Annars er verið að plana fjölskylduferð út í Skáleyjar þar sem pabbi litli var í sveit, um næstu helgi. Voða spennó og sennilega boðið upp á súra selshreifa og spik, namminamm segir Krulli! Hann stækkar og stækkar og er alltaf á iði! Um daginn sást eitt sparkið utanífrá, það var ferlega skrýtið. Við segjum alltaf hann, ekki fara að halda að við vitum kynið. Þetta er bara Krulli þangað til hann fæðist og annað kemur í ljós. Ég prófaði að máta Jökul við magann á mér um daginn og get ekki séð hvernig þetta á að komast allt saman fyrir! Og samt var hann nú enginn risi.

Ahhh

Komin heim í kuldann! Mikið er það yndislegt. 30 stig og sól er bara ekki fyrir mig. Ætla svo að njóta þess að vera í rigningu og kuldabola hérna.

Spriklisprikl!

Já, við erum sem sagt komin heim frá France og búin að kíkja á Krulla í sónar. Stressaða mamman svaf nánast ekkert í nótt yfir þeirri skoðun en allt lítur vel út og áætlaður komutími er 3.desember. Krílið spriklaði og spriklaði og grúfði sig niður í móðurlífið og vildi sko ekkert að verið væri að skoða framan í sig. Ljósan átti í vandræðum með að ná góðum myndum því barnið hreyfði sig svo snöggt. Svo við fengum víst enga "prófílmynd" en hverju skiptir það þegar allt er í lagi? Ótrúlega skrýtið að sjá þetta og er svona að síast inn eftirá þó að ég sé búin að finna fyrir spriklinu í langan tíma.

Frakkland var voða notalegt þrátt fyrir voðalegan hita. Brúðkaupið magnað og ofsalega falleg athöfn og Maggi söng auðvitað yndislega fallega! Hin ólétta lagðist svo til hvílu í lítilli íbúð meðan hinn blívandi faðir trallaði langt fram yfir sólarupprás. Svo var bara að skella sér í laugina hjá nágrönnunum ef manni var of heitt, tína kirsuber af trjánum ef maður var svangur og vínið í veislunni var auðvitað frá akrinum við hliðin'á. Ekkert slor. Við brunuðum svo á rivíeruna og slæptumst í sól og sjósulli. HIttum líka nokkra höfrunga og mörgæsir sem sprelluðu fyrir okkur og fórum í vatnsrennibrautagarð.

Í dag var síðasti dagurinn sem ég ferðaðist í 1½ klst úr vinnunni og á morgun síðasti dagurinn sem ég vakna til að fara í þetta ferðalag. Á morgun flytjum við til Södertälje. Skrýtið að fara ekki hingað heim heldur annað heim eftir vinnu! Nú verður kvöldið tekið í að pakka restinni. Pizzan er komin í ofninn og bara að bretta upp ermar. Sjáumst svo á Íslandi eftir viku:D

Endilega kíkjið á Jökul gegnum krækjuna hér til hliðar. Sko svo flottur að hann er með eigin blogg!!!

Myndir af englinum

Loksins er ég búin að fá myndir af þessum engli. Ég fór nú bara næstum að gráta hann er svo fallegur. Myndirnir eru í albúminu: notendanafn hrafnis@yahoo.com og leyniorð myndir

Jökull Hjaltason!!!!!!!!!!!!!!!!!

Jibbíííííí!!!!!!!!!!!!!!!!!!!!!!!!!!!!!!!!!!!!!!!!!! Lítill drengur fæddist Hjalta og Völu kl. 5 í nótt (23.júní). Hann heitir Jökull og allt gekk vel! Ég er orðin föðrusystir og hvernig á ég nú að geta einbeitt mér að því að vinna??? Klukkan er bara 10 og ég bara varð að blogga þetta, næsta sem maður kemst að segja öllum heiminum hversu stoltur maður er. Oh Hjalti og Vala, til hamingju, ég er svo stolt föðursystir. Brosið fer ekki af mér. Mikið eiga Jökull og Krulli eftir að leika sér saman. Híhíhí

Sumar

Rétt að skjótast inn úr sólbaðinu til að
1.pisssa
2.borða
3.kæla mig og gá hvort ég er að missa af e-u í tölvunni

Pakkaði niður slatta af fötum og öllum kristalnum (!) áður en ég settist út að sleikja sólina. Held að það sé sama veður hér og heima bara. Við ætlum að reyna að vera búin að pakka öllu áður en við förum til Frakklands eftir viku. Það ætti að takast svona í rólegheitunum.

Á fimmtudaginn var var svaka gleði í vinnunni. Hin árlega "Drakbåts"-keppni átti sér stað. Deildirnar skipta sér uppí lið og svo er keppt í kanóróðri í 23 manna bátum á kanalnum. Og öll liðin eru í grímubúningum og svo er grillveisla og verðlaunaafhending á eftir. Við vorum auðvitað flottust því við vorum STRUMPARNIR. En við unnum engin verðlaun af e-m undarlegum ástæðum. Kannski af því að sumir strumparnir urðu allt of glaðir mjög snemma um daginn. Testósterónið fór alveg úr hófi. En þetta var samt rosa gaman. Við urðum í 4.sæti af 12 í róðrarkeppninni með tímann 1,36. Ég var trommustrumpurinn og sat fremst í bátnum og sló taktinn og hvatti liðið áfram. Allt valt á mér því ef liðið kemst í ótakt fer allt í vaskinn. Þarna hætti ég lífi og limum fyrir strumpana þvi maður situr á litlum pinna og hefur ekkert að halda sér í nema trommukjuðana! Ég klemmdi lærin svo fast um trummuna að ég er ennþá með harðsperrur í náranum. Svo eftir grillið spásseraði ég heim til Monu og ómægod hvað fólk snéri sig úr hálsliðunum til að glápa! Ég var auðvitað ein á ferð og helblá í framan...híhíhí. Það tók ekkert smá langan tíma að þvo þetta af og neglurnar eru ennþá bláar eftir litinn! Ég set inn myndir í albúmið hérna til hliðar á eftir svo þið getið skoðað herlegheitin. Verður í júní-albúminu. Farin út aftur!

Pælingar

Er ég komin með bumbu? Eða ekki?
Er ég farin að finna hreyfingar? Eða ekki?

Þetta er það sem allt gengur út á þessa dagana. Ég held að svarið við báðum spurningunum sé stórt feitt KANNSKI! Ég er hreinlega ekki viss. Enda bara komnar 15 vikur. Maður er ekki einu sinni hálfnaður en eins og Maggi segir þá líður þetta ótrúlega hratt. Nú er t.d. bara 2 vikur þar til við förum til France og svo flytjum við og svo er það bara Frónn!! Geht gaman eins og unglingarnir mundu segja.

Við erum að fara í grill til Åsu og Magnusar. Åsa er vinnufélagi minn. Hún býr rétt fyrir utan Södertälje og ég vildi óska að við ættum bíl núna. Eða þyrlu! Það er svona spurning hvort verður hægt að sitja úti. Hitinn er reyndar 18° en alveg skýjað og hvasst. Kemur í ljós. Hlakka allavega til að fá grillað og sjá hvernig húsið hennar er. Hún er algjör innréttingafrík og allt svo stíliserað. Eva ólétta og hennar fjölsk koma líka svo þetta er svona talm.fr.hittingur áður en Eva eignast barnið. Á að koma eftir 2-3 vikur. Sem minnir mig á að barn Hjalta og Völu er alveg að koma híhíhí (strákur grunar okkur). Hlakka svo til að sjá það barn. Verður örugglega kinnamikið og bollulegt haha.

Ég er búin að vera pínu dugleg að pakka í kassa, sérstaklega úr eldhúsinu. Það er leiðinlegast því allt er brothætt. Samt ekki eins leiðinlegt og að pakka upp! En við ætlum að vera sniðug og pakka sumu í kassa fyrir heimferð um áramótin. Eins og kaffistellum og þess háttar sem við notum ekkert.

Jæja, best að fara að athuga hvort er komin bumba;)

Gamli góði Bangsímon

"There is a thing called Twystymes," he said.
"Christopher Robin tried to teach it to me once but in didn´t"
"What didn´t?" said Rabbit.
"Didn´t what?" said Piglet.
Pooh shook his head.
"I don´t know" he said. "It just didn´t. What are we talking about?"

Heja Sverige!

Í fyrsta skipti í sögunni halda Svíar uppá þjóðhátiðardaginn þann 6.júní. Sýnist vera mikið prógramm planerað en allir sem ég hef talað við eru lítið spenntir. SJá þetta meira sem langa helgi og ætla ekki að gera neitt sérstakt. Þeir hafa ekki neina þjóðerniskennd þessir Svíar!
Langt síðan ég hef verið á Íslandi á 17.júní og ég sakna þess. Hæ hó jibbí jey og allt heila klabbið. Sennilega næsta ár:D
Nú ætla ég að búa um mig í sófanum og lesa bókina sem ég var að byrja á og gjóa augunum á sjónvarpið. Maggi er á tónleikum.

Enn af óléttu

Held ég sé orðin ólétt uppá nýtt! Er það hægt? Ógleðin sem var næstum horfin kom tvöföld til baka í gær og í dag hefur mér verið óglatt allan daginn og svoleiðis hefur það nú ekki verið hingað til!

Í dag hætti Eva í vinnunni. Hún á að eiga eftir 3 vikur. Það er nú missir af henni því hún er svo asskoti hress. Åsa er fín en við náum ekki eins vel saman. Við verðum svo bara 2 í sumar fyrir utan afleysingastelpu í nokkrar vikur. Saara Ojantakanen hin finnska (ef þið föttuðuð það ekki) byrjar svo í ágúst. Jamm og já það verður nú spennó.

Til hamingju Hjalti og Vala með íbúðarkaupin:D Vona að flutningar og allt annað gangi vel. Hlakka til að heimsækja ykkur í sumar á nýjum stað með nýjan fjölskyldumeðlim.

Á morgun byrjar allsherjar reykingarbann á veitingarstöðum, börum og þess háttar. Hugsa sér að geta farið út á lífið og anga ekki af reyk eftirá!!! Flestir eru nú sáttir við þetta, jafnvel reykingarmenn. Sjúkrahúsið er einmitt reyklaust síðan 1.maí þ.e.a.s. starfsmenn mega ekki reykja á svæði sjúkrahússins og ekki sjást í sjúkrahúsklæðnaði með sígarettur. Þetta er allt gott og blessað og þeir sem reykja skipta bara um föt og fara eitthvað. En þurfa alltaf að stimpla út auðvitað. Hahaha... En eitt er nú pínu skrýtið að námskeiðið til að hætta að reikja er ekki í boði fyrr en í ágúst! Pínu langt fyrir stubbana að bíða... Talandi um stubba; það er róðrakeppni framundan í vinnunni. Allar deildirnar taka þátt og keppa á "kanalnum". Þetta eru stórir bátar eða fyrir um 23. Svo er grillpartý á eftir og skemmtilegheit. Nema hvað að allir klæðast grímubúningum og í ár erum við STRUMPARNIR! Ég verð "trommustrumpur" af því að ég á að sitja í stafni og slá taktinn til að hvetja liðið áfram höhömmmmm... Ég lenti svo í svaka umræðum um daginn hvort strumparnir væru með dindil eða ekki. Endaði á því að þau hlógu bara að mér og sögðu að það hlitu að vera íslenskir strumpar. En hí á þau ég sá mynd af strump á netinu og hann var með dindil!!! Hu einsog ég muni ekki hvernig strumparnir eru, eftir öll strumpapáskaeggin?!

Sunnudagur

Mikið er þetta öldungis ágætis helgi. Held áfram að vera í leti, er reyndar búin að taka til og setja súkkulaði á kökuna. Bakaði sko bæði súkklaðiköku og bananabrauð í gær. Bætti við frænkum mínum Sólveigu og Soffíu í frændaskarann og tengli yfir á slúður frá henni stóru ameríku.

Laugardagur

Mmmmmm
*vakna klukkan 11
*fara fram úr klukkan 12 (eftir að hafa fengið morgunmat í rúmið)
*fara í sturtu
*fara aftur uppí rúm og lesa
*vaska upp (smá mínus)
*leggjast uppí sófa og horfa á vídeó og borða popp
*tékka á tölvunni
*allt óákveðið, sennilega leggja sig aðeins

Mmmmmm

TAKK

...allir fyrir hamingjuóskirnar. Nú er ég líka búin að segja í vinnunni og yfirmaðurinn óskaði mér bara til hamingju og glotti út í annað. Sagðist hafa grunað þettaþví ég drakk ekki vín í veislunni um daginn.
Ég ætla nú ekki að fara að breyta þessu í einhverja meðgöngudagbók en það mun auðvitað slæðast með... ekkert annað sem maður hugsar um þessa dagana. Hér eru sko taldir dagar og vikur og voða gott að vera komin yfir 12 vikur. Verst að þurfa að bíða þar til í 19.viku eftir sónarnum.
Anyhúv... MSN-ið hjá okkur er lasið og við komumst ekki inn á hotmail eða spjallið eða neitt. Gerðist einu sinni í Gautaborg líka en Maggi gat lagað það. Sjáum til, ég held hann geti það líka núna. Bara þarf að finna tíma. Þið bara sendið mér tölvupóst ef þið þurfið að segja eitthvað, sjálf held ég að ég hljóti að vera með smá tölvufýkn því mér finnst alveg ómögulegt að sjá ekki hverjir eru á MSN-inu og spjalla aðeins um ekkert.

Best að fara í sturtu og svo að sofa! Einn galli við þetta "ástand" er þessi þreyta. Þarf að fara að sofa um 9, en það er svo sem ekki mikið seinna en áður...híhíhí algjör kvöldhæna. Klukkan er orðin átta og ég held ég dragi bara fyrir og hvíli lúin bein.

...eða Krulla Krulladóttir;-)

Bara eintóm gleði hér! Kíkið á bloggið hans Magga og þér sem ekki eruð upplýstir munuð upplýstir verða. Híhíhí
*vinkvink*

Lífið leikur; Maggi kominn inn í Uppsala og við komin með íbúð í Södertälje. Ekki á besta stað en samt bara 20 mín strætóferð í vinnuna og kannski hálftíma ganga. Hugsa sér muninn!!!! Það kemur til með að muna KLUKKUTÍMA! 2 tímar á dag sem ég get nýtt í eitthvað allt annað en að sitja í lest. Fáum hana 1. júlí. Ég fór í gær og kíkti á 3 íbúðir og 2 af þeim er verið að gera upp; skipta út hurðum, gólfum, veggfóður, eldhúsinnréttingu... name it. Þetta verður það næsta sem við höfum komist í að búa í nýju. Sennilega verður tvöföld leiga í einn mánuð því við erum ekki búin að segja upp hérna... ble. En leigan í S-tälje er um 10þús kr ódýrari á mánuði og það munar um það.

Í morgun skiptust á öfgarnir í skjólstæðingum. Fyrst einn sem er sennilega einhverfur; ekkert smá erfitt að ná sambandi, babblaði endalaust eitthvað óskiljanlegt og vildi bara pússla. Svo einn sem ég hef haft í þjálfun sem er orðinn svo duglegur að ég sagði að hann þyrfti ekki að koma meira. Hann setti upp hvolpaaugun og sagði: En ég á eftir að sakna þín og gaf mér svo heimsins stærsta faðmlag og svo annað og svo annað og lagði höfuðið á öxlina á mér...sniff sniff. Lá við að ég segði að hann mætti bara koma svona til að vinna mig í memory! Ég átti allavega bágt með að fara ekki að skæla yfir þessum innilegheitum. Ohh þessi börn.

Skrýtið með þessar myndir, í tölvunni okkar sjást þær en ekki í vinnunni hjá mér eða hjá Magga! Hvað er málið? Ef maður er að deyja úr forvitni er hægt að fara inn í myndaalbúmið, þetta er allt saman þar.
Stuttur vinnudagur í dag, fór um hálfþrjú til að komast í nudd kl. fjögur. Rétt náði auðvitað út af seinkunum og rugli. En mikið var gott að komast til "Æerþérilltesskan", hún nær nú þrátt fyrir allt hnútunum í burtu. Á morgun er svo öðruvísi dagur þar sem ég verð á Huddinge sjúkrahúsinu allan fyrripart að fundast. Þýðir hálftíma lengri svefn fyrir mig haha!

Maggi er í Uppsölum núna, fer í inntökupróf eftir hálftíma held ég. Það á eftir að ganga vel. Ég fer svo að skoða 2 íbúðir á morgun sem eru nýuppgerðar og lausar í júní/júlí svo vonandi lýst mér á þær því þá held ég að við tökum aðra. Önnur er á jarðhæð og ég er að vona að það þýði smá garður í stað svala.... þá gæti Rassi komist út og maður gæti þróað græna fingur í sumar. Mér finnst sko ekkert leiðinlegt að reita arfa!

Talmeinafræðingur

Hér eru ég og David að æfa F och S! Einn af sætustu skjólstæðingum mínum og ógó duglegur auðvitað. Mamman svo stolt að hún smellti nokkrum myndum af okkur.

Er hann að fá'ann?

David vinnur alltaf í memory, sama hvað Hildur æfir sig. Hann segist reyndar æfa sig dag og nótt og veit að ég vinn ekki á nóttunni...

Tallin

Það var yndislegt í Tallin! Gamli hluti borgarinnar þar sem við gistum er ofboðslega fallegur og ég er einmitt að hlaða inn myndum í þessum skrifuðum orðum. Maður sá samt mikinn mun á þeim hluta og nýrri sem leit bara alveg eins og kommúnistasteypa út. Flugvöllurinn er í miðri borginni og við ákváðum að strætó færi nú sennilega niður í miðbæ. Sem hann og gerði. Málið var bara að strætóbílstjórinn talaði enga ensku og benti bara á hljóðnemann eins og hann ætlaði að kalla upp þegar við ættum að fara út. Hann sagði vissulega eitthvað fyrir hverja stoppustöð en það voru bara nöfnin á stoppustöðvunum og við vissum ekkert hvar við vorum! Þegar við svo vorum allt í einu komin niður að höfn fór mín að ókyrrast og Hinn 30 að rýna í kortið. Hann fann auðvitað út hvar við vorum og strætó sem nú var að keyra sömu leið til baka sleppti okkur út. Við gátum svo bara gengið á hótelið eftir kortalestri. Svo eyddum við helginni í göngutúra og minjaskoðanir, búðarráp og mattarát! Fórum á rússnenskan veitingarstað sem var alveg geggjaður með live dönsurum og söng. Maggi át bjarnarkjöt og ég steik sem rauk úr í hálftíma! Borðuðum líka á miðaldaveitingastað þar sem allir voru í búningum og maturinn eins og hann hefði verið eldaður á 14.öld! Það var allt í lagi því stemningin var svo flott. Ég nenni nú varla að lýsa þessu frekar, þetta var bara alveg frábært og ég væri til í að hafa verið þarna lengur. Eitt sem sló okkur þarna í gamla bænum var að það voru engar matvörubúðir eða sjoppur! Bara minjagripaverslanir og fatabúðir inn á milli veitingastaða og íbúðarhúsa. Ég var svo ekkert smá ánægð þegar við fundum ísbúð í mollinu sem seldi bragðaref!!!!!!!!!!!!! En það sem var hægt að fá útí var ekkert spes; mismunandi kex! En ég át nú samt smá bara til að njóta tilhugsunarinnar um BRAGÐAREF!
Farið endilega inn á nýjar myndir (notendanafn er hrafnis@yahoo.com og leyniorð myndir)

Mmm hvað er gott að vera í fríi.... svo bara einn vinnudagur og svo helgi! Ahhh ljúfa líf!

Tallin yfir helgina

Við hjónin erum farin til Tallin:-D Ekki hægt minna þegar maðurinn manns er að verða þrítugur. Veiiiiiii!!!!!

Myndir

Ég er löngu búin að setja inn nýjar myndir, bara búin að gleyma að láta vita;)

Helgin er búin að vera afskaplega notaleg hjá "okkur hjónum", göngutúrar og sófalega út í eitt. Það er reyndar ekkert sérlega hlítt þó hitamælirinn sýni 10 gráður, en ég segi það enn og aftur mér finnst svo gaman að sjá öll vorteiknin. Sjúklingurinn er bara hress og allur að koma til. Greinilegt að hann jafnar sig fljótt á þessu. Eins gott því hann þarf að geta borið allan kristalinn frá Tallin;) Eða ekki...

Botnalanginn

Já, þá er maður búinn að upplifa botnlangakast! Ekki síns eigins heldur síns ektasta maka! Bara búmm. Elskan ég held ég sé með loft í maganum! Elskan ég er uppá spítala að fara í uppskurð! Búmm, bingó! Maður fékk nú smá endagarnatitring en allt gekk vel og hann er bara kominn heim aftur, ekki einu sinni sólarhring eftir aðgerðina. Hef aldrei séð Magga veikann. Nú á hann að taka því rólega og vera heima í 2 vikur. Má samt fara til Tallin næstu helgi sem betur fer. Allt er þrítugum fært. Erum sem betur fer búin að bóka flott hótel í miðbænum svo við tökum því bara rólega. Allavega verður þessi helgi kúruhelgi með DVD og Betty Crocker. Verst að það er einn föstudagur eftir en svo kemur hún. Helgin.

Já og gleðilegt sumar. Það snjóaði hér í dag. Skýjin rugluðust eitthvað á staðsetningu. Allt varð bara hvítt á nokkrum mínútum, en svo er það nú farið. Þetta var bara smá misskilningur. Það ER komið sumar!

Allt er farið að sýna vorteikn; komnir smá knoppar á trén, túlípanar og "vitsippor" út um alla velli og moldarlykt í loftinu. Í gær (í svona millísekúntu) fann ég grilllykt!!! Mmmmm
Fór með Önnu J á svona "crepéstað". Fengum okkur bæði aðal- og eftirrétt. Himneskt gott. Sérstaklega þessi með ís, súkkulaði og hnetum. Ætlaði svo að kaupa fyrsta íspinna ársins áðan en viti menn, ég hef gleymt veskinu í vinnunni. Og ekki læstu inní skáp heldur barasta á hyllu fyrir framan klósettið. Það voru auðvitað allir farnir úr vinnunni þegar ég fattaði þetta og ég get bara krossað fingur að það verði á sínum stað á morgun.

Másufrænka

Já, VEIIIIIIIIII! Indra og Ingólfur eiga von á barni:D

Ég er rétt að jafna mig á þessu fljótræði mínu með feitu mömmuna og þá kemur næsta; einn pabbi sem ætlar kannski að kæra okkur!!! Málið er að við erum með hópastarf þar sem við hjálpum börnum með talgalla. Okkur langaði að taka upp á videó hvað við værum að gera uppá að sýna kollegum og kannski nemum. Við spurðum foreldrana tímann á undann, svo næsta skipti létum við foreldrana skrifa undir leyfisbréf en þessi mamma vildi ekki gera það strax en vildi samt ekki að við hoppuðum yfir drenginn þegar við filmuðum. Svo kom þetta í hausinn á okkur næsta skiptið; pabbinn brjálaður og heldur því fram að við höfum farið rangt að þessu og höfðum ekkert leyfi til að filma! Ætlar að tala við lögfræðinginn sinn og læti. Hvað ætli þau hafi í pokahorninu? Og svo kemur drengurinn til mín seinna í sumar. Æ best að reyna að hafa ekki áhyggjur af þessu.

Í gær komu Kristín og Hlö með læri og alls konar góðgæti. Það var bara íslenskt lamb og brúnaðar kartöfflur og læti hérna í gærkvöldi!!! Mmmmmmm og svo flatbrauð með hangikjöti og lakkrís og harðfiskur og ég veit ekki hvað....

Fljótræði

Á föstudaginn í vinnunni tók ég á móti strák sem var með mömmu sína með sér. Talm.fr.deildin er nýflutt og það þarf að fara upp um eina hæð. Mér sýndist mamman vera komin á 9.mánuð óléttu og spurði hvort hún vildi frekar taka lyftuna. Neiiii, hva, er þetta langt? spurði hun.
Svo þegar ég var að reyna að finna nýjan tíma fyrir drenginn í tölvunni æli ég út úr mér; bíddu, hvenær áttu svo að eiga? -Eiga!!!!?? Ég er ekki ólétt!

Mig langaði að sökkva ofaní jörðina.

Sumarplön

Þá eru 4 páskaegg komin norður og niður og bara 1 eftir. Settumst niður í gær eftir vel heppnaða páskamáltíð með brúnni sósu og allt og bókuðum ferðalögin í sumar. Fyrst Frakklandsför 26.júní í viku og svo heimferð 12.júlí í rúml. 2 vikur. Þetta verður viðburðaríkt og skemmtilegt sumar með 3 brúðkaup og 2 utanlandsferðir (3 ef Ísland telst utanland...) og Gotlandsreisu þangað sem ég hef aldrei komið. Hef reyndar ekki komið til Tallin eða Nice heldur ef út í það er farið.
Svo lítur út fyrir að Kristín sé að mæta á svæðið fljótlega og er hún meira en velkomin! Ekki leiðinlegt að fá góða gesti. Vonandi pantar hún sem fyrst.

Bara 4 daga vinnuvika framundan og rétt að skála fyrir því!

Í gær fór ég út á peysunni í 13 stiga hita, rölti út í skóg og náði mér í nokkrar greinar sem ég svo setti í vasa lalalaaa það er komið suuuumar! Það er bara alltaf glampandi sól svo snjórinn bráðnar frekar hægt, en herregud hvað þetta er notalegt. Annað tákn um að sumarið er að koma er að Skrámsi náði sinni fyrstu flugu í dag og var ekki lengi að éta hana! Svaf svo barasta út á svölum í sófanum. Já, við erum nefninlega með sófa út á svölum!
Í dag komu fleiri páskaegg með póstinum. Ekki að orðlengja það nema að við þurftum aðeins að gá hvort þessi sem brotuðu væru örugglega í læji... Keyptum svo í páskasteikina og páskaliljur og nú er bara að gjöra mér svo vel að segja: GLEÐILEGA PÁSKASÚKKULAÐIMOLAUNGA!!!!

Vorið er komið..

og grundirnar eru enn hvítar og á kafi í þessu sem kallast snjór. En það eru plúsgráður og í gær kom hjólið úr vetrardvala þótt það þyrfti smá að krækja fyrir skafla og polla. Það er hægt að vera með fráhneppt og án húfu!!!! Og við eigum fullt af páskaeggjum og í dag útskrifaðist ég frá sála!!! Svo frábært og skemmtilegt!
Og nú erum við aðeins farin að þreyfa fyrir okkur á skiptimarkaðinum fyrir íbúðir. Vonandi leysist það átakalaust.

Loksins

Þeir segja að vorið komi á mánudaginn með heitum vindum frá N-Afríku. Ég vona að það stemmi! Eins og ég elska snjó þá er alveg komið ágætt. Reyndar er vorsól í dag; varla hægt að hafa augun opin!

Það var yndislegt að hafa stelpurnar hérna. Þær komu á miðvikud og fóru á mánud og ég held að Stokkhólmur sé enn að jafna sig, þ.e.a.s. þeir sem eru í búðarbransanum. Held þær hafi keypt upp lagerinn fyrir Stokkhólm eins og hann leggur sig. Það var haldið niður í miðbæ snemma á hverjum morgni og komið heim við sólsetur á hverju kvöldi. Reyndar fórum við í einn menningarleiðangur, á safn sem heitir Junibacken og er aðallega Astrid Lindgren-safn en líka aðrar frægar persónur eins og Einar Áskell og Elsa Beskow. Þetta var æðislegt. Það vorum við og svo fullt af 2ja og 3ja ára börnum og sko allt á fullu. Við hittum m.a.s. Línu og sjóræningjana, rosa spennó. Fengum líka að fara inn í Sjónarhól og klappa hestinum hennar.

Annars er það að frétta að Maggi mun ekki byrja í námi hér í Stokkhólmi. Hann stefnir á Uppsali og ætlar að ferðast á milli. Ég er hins vegar alveg að gubba á að ferðast í vinnuna og við ætlum að byrja að leita okkur að e-u sem er nær vinnunni minni á næstu dögum. Ekkert er samt öruggt í plönum okkar og ekki ráð að hrópa húrra fyrr en við erum komin yfir lækinn. Hljómar eins og eitthvað sem Bibba á Brávallagötu hefði sagt.

Annað kvöld erum við að fara á Eddie Izzard! Hlakka mikið til og vona bara að ég skilji hvað hann bullar. Annars verð ég bara að þykjast og biðja Magga að pikka í mig þegar ég á að hlægja.

Vitiði bara hvað rassispassi er búinn að fá!? Haldið ykkur nú; kötturinn er farinn að horfa á DVD! Ég keypti DVD-mynd sérhannaða fyrir ketti þar sem fuglar koma og fara á trjágrein og tísta og slást. Live! Hann sat í ca 20 mín um daginn og glápti og hallaði undir flatt og reyndi að veiða fuglana! Algjört krútt. Gott að hafa þetta þegar maður skilur hann eftir einan heima lengi.

Ætla að bæta við myndum í dag frá heimsókn Jóhönnu og Írisar.

Nýjar myndir

Bætti við 3 nýjum albúmum undir krækjunni "Nýjar myndir; Skrámur, jan-feb og Karlstad en þar eyddi ég helginni með góðum vinkonum. Tók lestina og átti yndislega 2½ tíma með einum 4 ára sem samkjaftaði ekki allan tímann. Ef ég rétt leit í bókina eða út um gluggan var hann strax farinn að kalla "hallo". Á endanum gafst ég upp og spjallaði við hann alla leiðina um allt milli himins og jarðar. Hann hét Jamie og átti bleika kanínu. Hann elskaði hana allt lífið og spurði hvort ég elskaði "Skran" allt lífið! Svo spjölluðum við heillengi um krókódíla, og slöngur. Hann var nebblega í Gambíu og klappaði krókódíl! Þetta var reglulega spennandi samtal og allir í næstu sætum fylgdust spenntir með.

Til heiðurs Jamie legg ég til nokkur góð barnatilmæli í viðbót!

-Það er ekkert erfitt að vera í jólasveinaskólanum. Maður lærir að drekka glögg, vera góður og segja svona: "hóhóhóhó". Það er miklu erfiðara að vera múslimi.
BENNY, 7 ÁRA

-Jesús fæddist á aðfangadag. Síðan dó hann á aðfangadag. Svo hann dó þegar hann fæddist nema aðeins seinna.
SOFIA, 7 ÁRA

-Svíar tala sænskara en þeir sem tala önnur mál.
HAMPUS, 8 ÁRA

-Á einhvern hátt hefur Noregur fests við Svíþjóð. Ég veit ekki hvort þeir sleppa takinu einhverntíman.
ALMA, 8 ÁRA

-Hundurinn minn er hálfnorskur, en hann er samt frekar fallegur. Hann skilur frekar mikið miðað við hvernig það er vanalega ef maður er hálfnorskur.
ALEX, 8 ÁRA

-Afi vill ekki hafa rifrildi. Sérstaklega ekki á svæðinu í kringum eyrun. Þá fær hann vöðvaverk í höfuðið.
TONY, 6 ÁRA

Stundum verð ég rosa þreytt þegar afi segir mér sögu. Hann hættir eiginlega aldrei.
VANESSA, 8 ÁRA

-Ein saga er um Hans og Grétu sem búa í piparkökuhúsi. Þar er norn sem vill éta þau. En hún vill þau ekki hrá svo hún grillar þau fyrst. Það er skemmtilegt.
KATHRINE, 7 ÁRA

-Litlasystir Minas er alltaf full af banönum.
MARIA, 5 ÁRA

-Besti vinur minn er ekki með neinar tennur. Ég er bara búin að missa tvær. Við ætlum að gifta okkur, en ekki strax. Við ætlum að bíða þangað til við fáum nýjar tennur.
AGNETHA, 6 ÁRA

Börnin eiga að erfa landið. En ég erfi líka silfurhjarta med tönnunum hans pappa í frá ömmu.
CLAIRE, 5 ÁRA

Margir í minni fjölskyldu eru dauðir og hanga á veggnum.
TOBIAS, 5 ÁRA

Amma mömmu minnar lifði á risaeðlutímanum og heimspekitímanum. Amma mín er dáltið yngri. Hún hafði aldrei séð banana fyrr en hún varð tvítug.
ROSEANNA, 7 ÁRA

Í gamla daga sagði mann "Ég elska þig" við fólk. Nú þarf maður sem betur fer ekki að leggja svo mikið á sig. Ég held að það sé nóg að segja "Komdu hingað!"
HOLGER, 8 ÁRA

Mömmur eru alveg eins og pabbar, nema með aðeins meiri brjóstahaldara.

Mamma mín segir að ég fari í taugarnar á henni þó ég standi alveg kyrr.
SIGURD, 6 ÁRA

Pappi minn elskar mig rosalega mikið. Hann elskar mig svo mikið að hann öskrar á mig í búðinni.
STINA, 6 ÁRA

Mamma mín gerir aldrei neitt rangt. Nema þegar löggan stoppaði okkur og hún grét og sagði að við þyrftum svo mikið að flýta okkur því að við værum að fara á barnaspítalann, þó að við værum bara að fara í Hagkaup að kaupa gos.
TOMAS, 9 ÁRA

Smábörn eru rosalega mjúk. Ég veit ekki úr hvernig skinni þau eru gerð, en það má allavega þvo það.
TILDA, 6 ÁRA

Oscar slæst mjög mikið. Hann sló sjálfan sig í augað svo að hann fótbrotnaði.
DANIEL, 7 ÁRA

Þegar Rasmus segir "fura" í staðin fyrir "fyra" fær maður svona tilfinningu í brjóstið. Kannski er það ást. Ég veit það ekki.
CAROLINE, 7 ÁRA

Að finna sér maka getur tekið mjög langan tíma. Maður byrjar kannski að leita þegar maður er 10 ára og svo finnur maður engann fyrr en maður er nítján.
THOMAS, 9 ÁRA

Svo flaug Jesús upp í himininn, og þar hitti hann Jesús og situr nú við hægri hlið sjálfs síns. Það er ómögulegt að skilja þetta og ekkert til að hafa áhyggjur af.
STINA, 8 ÁRA

Jesús var ekki með neina vasa. Bara bleyjur. Síðan gekk allt voða illa.
KEVIN, 8 ÁRA

Heilagur Andi er eiginlega Jesús í dulargerfi.
RUNAR, 8 ÁRA

Frosið hor

Það er kuldaboli í bænum. Og fer versnandi. Í fyrradag var -14, í gær -15 og í morgun -18 þegar ég var á leið minni í vinnuna. Afleiðingin er að lestarnar frjósa og þar með er ég aftur í þeim sporum að vera 2 klukkutíma á leiðinni í vinnuna. Og það er sko ekkert grín þegar það er svona kalt. Í gærmorgun skildi ég ekki af hverju var svona skrýtin tilfinning í nösunum þegar ég gekk þangað til ég fattaði að horið fraus og gerði íshrönga í nösunum á mér. Ekki það að ég sé með mikið hor... Samhliða þessum frosthörkum fylgir glampandi sól svo það er sko fallegt vetrarveður, allt svona kristallshvítt og svo brakar og ískrar í snjónum í hverju fótspori. Týpískt gluggaveður segi ég nú bara. Ég sver það ég minnist þess ekki að hafa upplifað svona kulda! Eins gott að ég á hlý föt. Það er auðvitað ekkert vit að hjóla á lestarstöðina svo ég er búin að finna uppá nýjum leik sem gengur út á það að sparka snjóköggli eins lengi og hann endist. Undanfarið endast þeir og endast því þetta eru bara ísmolar. En ég er orðin asskoti klár að sparka beint. Er allt í tánum. Man samt að Torfi frændi skammaði mig alltaf ef ég sparkaði með tánum í fótboltann hans!

Plön

Eins og sönnum Íslendingi sæmir ætla ég að tala aðeins um veðrið. Það er búið að vera svo furðulegt um helgina. Í gær skiptist á brjáluð hríð svo sást ekki út úr augum og glaða sólskin! Á svona 10-15 mín fresti. Við Maggi löbbuðum út í verslunarmiðstöð og löbbuðum bókstaflega út úr hríðinni inn í sólskinið. Og í þessum skrifuðu orðum sé ég gráan himinn út um stofugluggann og bláan út um svalahurðina! Og það snjóar! Snjóar og snjóar og snjóar... mjög langt síðan maður hefur upplifað svona vetrarveður dag eftir dag. Sko ekkert nema langbrók og ullarvettlingar sem duga fyrir þá sem eru að koma í heimsókn!!!
Nú erum við að plana Frakklandsferð í lok júní. Markús og Dóró ætla að gerast sæmdarhjón og við mætum auðvitað á svæðið. Það virðist ekki vera svo dýrt að koma sér til Nice og svo kostaði bílaleigubíll í viku skít og kanil. Ætlum að vera í viku og ferðast aðeins um. Mig grunar að leiðin eftir brúðkaupið liggi á frönsku rívíeruna... Hlakka mikið til.
Nú styttist heldur betur í heimsókn Írisar og Jóhönnu. Um næstu helgi ætla ég að skella mér til Karlstad og hitta Kristinu, Önnu og Önnu fyrrverandi bekkjarsystur og vinkonur. Þ.e.a.s ekki fyrrverandi vinkonur...heldur já þið skiljið. Það er 4. undankeppnin í söngvakeppninni svo það ætti að snúast eitthvað um það. Svo þegar Í og J koma er úrslitakeppnin bara svo þið vitið á hverju þið eigið von elskurnar!

Lítur út fyrir að við hjónin verðum ein um páskana. Allar heimsóknir sviknar þessa hátíð. Held að það sé í 2. skiptið síðan við fluttum út sem við erum ekki með gesti og það þykir frúnni á heimilinu heldur sorglegt. En við lifum það af. En hver á að koma með páskaeggin??? Mmmm páskaegg *slef*

Veiiiii

Kom Magga á óvart í gær með miðum á Eddie Izzard 20.mars!! Veiiiii!!! Og svo erum við að fara til Tallin (Eistlandi) þegar Maggi á afmæli! Veiiiiiii!!! Og það bara snjóar og snjóar og er skítakuldi! Veiiiiiii!!
Farin í Qi Gong!

Að sakna marblettar

Í brúðkaupsveislunni steig einhver ofaná á tærnar á mér. Afleiðingin var marblettur undir nöglinni á stórutá vinstri fótar. Núna, 6 mánuðum og 12 dögum síðar hvarf hann! Ég er ekki frá því að ég sé dálítið sorgmædd, þetta var nú einu sinni brúðkaupsmarbletturinn minn!

Já maður veit ekki í hvorn fótinn maður á að stíga þessa dagana. Maggi er ýmist að fara í próf, ekki að fara í próf, fara í önnur próf... Yfirmaðurinn minn stynur bara og biður mig að láta sig vita þegar ég veit hvernig þetta verður, hvort ég er að fara að flytja heim eða ekki.

Þessi vika er búin að vera ansi lengi að líða finnst mér. Samt fór deildin mín í rosa skemmtilega ferð á þriðjud.eftirmiðdag. Við fórum í gamla höll (meira svona eins og herragarðu) og í hlöðunni var okkur skipt upp í 2 lið og svo leystum við alls konar þrautir, t.d. að skjóta af boga, skjóta pílum með blástursröri, leggja púsl með því að horfa í spegil (hrykalega erfitt) og svo alls konar samvinnuverkefni. Þetta var alveg frábært og auðvitað nennti maður ekki að fara aftur að vinna á miðvikudeginum. En ótrúlegt en satt er komin helgi og ég get sofið út. Við vorum að kyngja pizzunni og settum svo rassaspassa í sturtu!!! Greyið karlinn, það er nánast ekkert eins aumkunarvert og rennandi blautur köttur. Það heyrðist nú samt ekki píp í honum en hann er búinn að vera ansi lengi að sleikja sig.

Góðar stundir

Lost

Þvílíkir þættir! Fyrsti var sýndur fyrir 2 vikum og eftir að hafa horft á hann var ég alveg yfir mig hrifin. Spenna og aftur spenna og svo eitthvað dularfullt sem maður veit ekki hvað er. Er þetta sýnt heima? Fólk sem er fast á eyðieyju eftir flugslys? Húúúvvva, ég er svo spennt að sjá 2. þáttinn núna á eftir að ég ætla að halda mér vakandi þangað til eftir 22:00 og það er nú ekki mikið sem fær mig til þess!

Kórtónleikarnir í gær gengu vel, það var fullt á báða og stemning. Reyndar var hljómsveitin svo fölsk á köflum að ég fékk alveg illt í eyrun mín en það var gaman að syngja þetta. Maggi stóð sig auðvitað ótrúlega vel eins og vanalega. Það er svo gott að fylgja honum. Svo er þessi elska með rómantíska píanótónleika á morgun, Valentínusardaginn. Úff, ég er reyndar með svona égvildiaðþaðværiekkimánudagurámorgun-tilfinningu! Reyndar finnst mér erfiðast að vakna svona á þriðjudögum og miðvikudögum af e-i ástæðu. Sennilega af því að það er svo mikið eftir af vikunni þá og maður er svo sybbinn eitthvað. Og á morgun verð ég að fara aðeins fyrr af stað því það er svo mikill snjór að ég get ekki hjólað. Þetta er nú meira kveinið í mér! Eins og ég sé gömul og þreytt kerling. Þetta verður örugglega góð vika!

Verið góð hvert við annað!

Heilinn

Ég er með frunsu! Skrýtið hvað er erfitt að láta hana vera, ég er alltaf að sleikja og fikta með puttunum eins og maður á alls ekki að gera! Alveg sama sagan ef ég er með munnangur eða eitthvað fast á milli tannanna, ekki séns að láta þetta vera. Einmitt af þessari ástæðu eru stundum settar sérstakar "gómplötur" með litlum kúlum uppí börn sem þurfa að æfa tunguhreyfingar!

Maggi komst ekki inn í Kaupmannahöfn :( en það er bara að drífa sig áfram í næsta kafla sem er Stokkhólmur vikuna fyrir páska. Þegar ég sagði yfirmanninum mínum þetta sagði hann YES! Hmm, maður er allavega öruggur um vinnu ennþá...

Það eru tónleikar á morgun, voða spennó. Maggi senst að spila og stjórna og ég senst að syngja. Svo verður festað á eftir á sænska vísu þeas eitthvað samansafn og vínið verður maður að keypa sjálfur. Ætli það verði sungið?

Fredrik 7 ára sagði mér í dag að hann gæti reiknað! Nú? sagði ég. Já ég geri það með vinstra heilahvelinu!

Bolludagsbollur

Þessi reynslusaga er tileinkuð Völu mágkonu. Það skal tekið fram að ég var ekki alveg með fúlle, sökum lasleika.

Í gær bakaði ég bollur. Bolludagsbollur. Náði í uppskriftarbókina og hugsaði með mér að þetta yrði allt of lítið og ákvað að tvöfalda. O ó mistök hugsar nú Vala. Allavega, ég set 1 dl af hveiti og 1 dl af sykri í skál en tvöfalda svo restina af dótinu...hélt ég. Voða er þetta þunnt, bara eins og sósa hugsaði ég. Lít í uppskriftina og Ó! Það átti að vera KÍLÓ af hveiti!!! (Alveg eins og í piparkökusöngnum). Ég skelli því út í en eitthvað er þetta skrýtið samt. Já alveg rétt ég ætlaði að tvöfalda...hmmm á ég virkilega svo mikið af hveit? Jú það rétt dugði en ekki leit þetta gums betur út en svo að mig grunti að enn væri eitthvað skrýtið. Mundi þá að ég hafði ekki tvöfaldað mjólkina. Dreif í því og fór að hnoða. Þetta var ekki svona gúmmílegt eins og uppskriftin sagði og eftir 40 mín lyftingu hafði þetta ekkert lyfts. Fattaði líka þá að ég tvöfaldaði ekki sykurinn. Hvað tvöfaldaði ég þá eiginlega?? Jú, smjörið, lyftiduftið og saltið!!!! HAHAHAHA

Anyways þá urðu þetta ansi þéttar og staðgóðar bollur sem henta sennilega betur til að höggva mann og annan en að borða með sultu og rjóma. Ég staulaðist nú samt í að þeyta rjóma og gera möndlumassa í dag en eitthvað fannst manni mínum þetta skrýtið og vill heldur borða þetta bara með smjöri.

Á morgun fer hann til Köben og ég held ég verði heima frá vinnu sökum lasleikans. Mamma mín sagði það og maður á að gera eins og mamma manns segir.

Gaggó var með reunion í gærkvöldi og tókst það víst svona svakalega vel. Ég hefði sko viljað mæta! Fékk nokkrar myndir frá Írisi og jahérnahérallamínadaga sumir eru sko alveg eins og suma bara kannaðist ég ekki einu sinni við. Ótrúlegt að sjá þessi gömlu andlit. Synd að missa af þessu en ég mæti sko eftir 5 ár! Best að klappa Skrámi og leggja sig aðeins í sófanum.

Mín fyrsta bók um Palla Pumm

Ég er með e-a fjárans flunsu. Og svo hóstaði ég í gærkvöldi og "pang!" eitthvað í bakinu brast eða losnaði eða klemdist eða ég veit ekki hvað, nema ég get ekki rétt úr mér og geng eins og gömul norn. Tók 5 mín að leggjast í rúmið í gær. Af þessu tilefni og engu öðru ætla ég að bjóða ykkur uppá smá færeysku.

Hann fór burtur frá vindeyganum og at leita runt í húsinum, allastaðni har tað ikki stóð undir í vatni, og at enda fann hann ein blýant og ein lítlan turran lepa og eina fløsku við proppi í, og so skrivaði hann øðrumegin á lepanum:
HJÁLP
PURKIL (EG)
og hinumegin:
TAÐ ERI EG PURKIL,
HJÁLP!HJÁLP!

So koyrdi hann lepan niður í fløskuna og setti proppin í, so fast, sum hann kundi, toygdi seg út av vindeyganum, so langt sum hann rakk uttan at detta útí, og so kastaði hann fløskuna, so langt sum hann orkaði at kasta - tjums! - og eina løtu seinni kom hon undan aftur, og hann sá, hvussu hon spakuliga fleyt avstað langt burturi, til hann fekk ilt i eyguni av at hyggja, og viðhvørt helt hann tað vera eina fløsku, og viðhvørt helt hann tað vera bara eina aldu, sum hann sá, og so við eitt visti hann, at nú fór hann ongantíð at síggja hana aftur, og at hann hevði gjørt tað, sum hann kundi fyri at verða bjargaður.
"Nú eru tað onkur onnur, sum mugu gera okkurt," hugsaði hann, "og eg hopi, at tey gera tað skjótt, tí era tey ikki tað, so noyðist eg at svimja, og tað dugi eg ikki, so eg hopi, tey gera tað skjótt." Og so suffaði hann tungliga og segði: "Eg vildi ynskt, at Pumm var her. Tað er nógv meira vinsamt, tá tað eru tvey."

Rugl

Meira ruglið!
Nú eru tvö comment!!! Endilega skrifið comment segi ég þá bara! Aldrei of mikið af þeim.

En spurningin sem brennur á vörum mér síðan í gær er: Hver er óléttur af tvíburum? Og Tarot-spilin mín eru horfin síðan í flutningunum...grrrr.

Ég heiti Hrafnhildur og ég er Vog

Jú eins og sjá má er ég enn að breyta og bæta! Það hefur löngum verið þekkt að ég er óákveðin enda er ég vog (þó svo að ég sé rísandi Meyja og Tungl í Sporðdreka)

Það sem er að pirra mig núna er að öll commentin eru horfin. Finn ekki út úr þessu og bíð því bara eftir að þið ráðleggið mér:D
Svo er eitthvað fjárans lóðrétt strik líka þarna undir Bansímon og mig grunar að þetta séu commentin sem bara birtast svona....

Og hvernig setur maður krækju í textann? Þ.e.a.s. ef ég vil að þið ýtið HÉR til að komast á e-a síðu.

Haloscan commenting and trackback have been added to this blog.

HAMINGJA

Er að borða volgt rúgbrauð með osti og lesa Mannlíf! Pabbi kom með Mannlíf og Vikuna, Fréttablaðið og Moggann og það er sko hamingja í hnotskurn! Var að klára viðtalið með Magneu Karlsdóttur sem er með MND eða ALS-sjúkdóminn. Mæli með því og hérna er hún að blogga:http://www.blog.central.is/magneak

Fær mann aldeilis til að hugsa og ég hef auðvitað mikið lesið um þennan sjúkdóm í sambandi við námið og held ég sé sammála því að þetta sé hræðilegasti sjúkdómur sem hægt er að fá! Lokast svona inní eigin líkama! Ekki það að það séu ekki til margir ömurlegir sjúkdómar og sennilega ekki hægt að segja að einhver sé verri en einhver annar.

En þetta er ekki það sem ég vil tala um í hamingjukastinu mínu. Get t.d. sagt ykkur þau gleðitíðindi að nú er orðið bjart þegar ég kem í vinnuna á morgnana og það er sko munur!. Dagurinn veður 4 mín lengri á hverjum degi og ég fylgist sko spennt með.

Í gær var ég með strák í meðferð hjá mér, þetta var í 3ja skiptið sem hann kemur til mín og á eftir að koma tvisvar. Í 40 mínútur eða alla heimsóknina kallaði ég barnið Linus. Mörgum sinnum. Þegar ég svo fór að skrifa skýrsluna heitir barnið Lukas!!!! Og hann sagði ekki neitt og mamman sem var með allan tíman sagði ekki neitt!!! ER ekki í lagi, mundi maður ekki segja til ef einhver kallaði mann kolvitlausu nafni trekk í trekk? Ég hló lengi og upphátt að þessu og veit ekki hvort þetta er pínlegra fyrir mig eða þau fyrir að hafa látið mig halda áfram að tönglast á þessu! Híhí ég brosi ennþá þegar ég hugsa um þetta

Jæja, Vikan bíður! Tjolahopp

Loksins LOKSINS

Yes! Ég kláraði Belladonnaskjalið í gærkvöldi! Síðustu 20 bls voru afskaplega seigar og ég held ég hafi lesið ca 3ja hvert orð! Enda fattaði ég ekki nema einn þriðja. Það væri mjög áhugavert að heyra frá e-m sem hefur lesið hana og kannski þá á ensku svo ég geti staðfest að það sé kannski íslenska þýðingin sem fer svona illa í mig eða hvað það nú er.

Ef vel er að gáð sést að ég skrifa þetta um hálfátta að morgni. Ójú, ég er mætt í vinnuna. Tók strætó kl. sex í morgun. Hér er sko ekkert verið að hangsa (nema rétt til að blogga *roðn*). Fyrsti skjólstæðingurinn kemur reyndar ekki fyrr en 9 en ég hef ýmislegt að dunda mér við. Fyrst ætla ég samt að bæta aðeins á morgunverðarforðann sem varð ekkert allt of mikill. Talandi um mat þá gerði Maggi voða spennandi og góðan rétt í gær þar sem hann sauð og svo steikti spaghetti! Og í kvöld er sko fiskisúpa! Það er ekki að spurja að því að maður hefur gifst vel:D

Helgi

Þessi vika er búin að vera löng! Rosalega er gott að það er komin helgi sem þýðir bara eitt í mínum huga; sofa lengur!
Pabbi kom á miðvikudaginn og auðvitað færandi hendi! Þetta var bara eins og jólin! Svo áttum við notalega kvöldstund og svo fór ég bara í vinnuna eldsnemma eins og vanalega og hann sá um sig sjálfur. Pabbi og mamma eru á góðri leið með að verða flottasta fólk á landinu og verður kannski sagt frá því síðar...

Maggi verður að heiman alla helgina og ég ætla þvílíkt að vera á náttfötunum eins lengi og ég nenni í dag. Á morgun er svo Åsa samstarfskona mín búin að bjóða mér á textílmessu í Älvsjö og ég ætla að skella mér, kannski eru töff gardínur fyrir stofuna í boði.

Það er að verða meira og meira áþreifanlegt að Maggi er að fara í prófin. Fólk er alltaf að spurja okkur hvenær við vitum hvernig framtíðin líti út. Það er sem sagt þannig að hann fer í prófin í Köben 7.febrúar og verður minnst í 2 daga, ef vel gengur í 4 daga. Svo fær hann að vita hvort hann verður tekinn inn í maí. Prófin hérna í Stokkhólmi eru í Dimbilvikunni og þá fær hann strax að vita hvort hann kemst inn eða ekki. Svona er þetta, svo í mars vitum við alla vega hvort við erum að flytja héðan eða ekki, bara ekki hvert það verður....heim eða "suður".. HVorugt okkar er voða spennt fyrir að flytja til Köben. Auðvitað mest fordómar. Yfirritarinn í vinnunni minni kom til mín í gær og spurði hvort ég vissi að afleysingarstaðan mín rennur út í febrúar? Eins gott að hún sagði þetta því þó að ég og yfirmaðurinn minn værum búin að ræða að ég yrði út ágúst (allavega) þá er ég ekki búin að skrifa undir neitt og var ekkert að spá í það. Svona skemmtilegra að fá laun fyrir að mæta!

Jæja!

Bráðum koma...

Eftir 2 daga...eða einn fer eftir hvernig maður telur og þá telur maður náttúrulega EINN.... allavega þá fæ ég harðfisk og rúgbrauð og hangikjöt:) Pabbilabbi er að koma og verður með fulla tösku af góðgæti til okkar. Skil ekki hvernig hann kemur nokkru öðru í töskuna. Þetta er fyrri ferð af tveimur svo kannski deilir hann farangrinum niður. Hver veit? Þetta er allavega aðalspennan og það eina sem er framundan í bili. Alltaf gaman að hafa eitthvað að hlakka til.

Talandi um makeover! Þekkir einhver þennan mann?
Before


After...þessi í miðjunni sem heldur um fegurðardísina

Áramótaheitin

Nýja árið byrjar vel. Við erum búin að fara á eitt safn og ég stefni á að fara á annað á morgun svo það áramótaheiti virðist ætla að verða auðvelt. Svo fór ég 2x í líkamsrækt í síðustu viku sem er nánast jafn oft og ég fór á öllu síðasta ári...hmmmm. Ætla að fara í sund í næstu viku.

Ég fór í nudd í vikunni sem var sko kominn tími til að ég gerði. Konan talar ennþá við mig eins og ég sé lítið barn; ææææ eeeeelsku kerlingin, er þér iiiiilt...ohhhhh auuuumingja þú! En núna finnst mér það bara fyndið.

Það er komið á hreint að deildinni minni verður lokað 3 síðustu vikurnar í júlí. Við stefnum að því að fara í brúðkaup Markúsar og Dóró í Frakklandi 27.júní og svo veit ég ekki hvort við komum þá beint heim þaðan eða hvað við gerum. Mig langar voða mikið að vera heima þegar kríli HjaltaogVölubarn mætir á svæðið en við verðum kannski að sjá til því þá verða þetta samfellt 5 vikna frí og ég á nú ekki svo mikið frí inni... Sorrý krakkar, en þetta kemur nú allt í ljós.

Er svo ekki kominn tími á Pooh? Jú fyrir löngu!
Þeir byrjuðu að tala í mesta vinskap um hitt og þetta. Piglet sagði: -Ef þú skilur hvað ég meina, og Pooh sagði: -Það er algjörlega mitt álit, Piglet, og Piglet sagði: -En á hinn bóginn, Pooh, verðum við að muna að...

Þetta kallast spjall milli vina.

Nýjar myndir

Sonja vinkona kom mér inná síðu þar sem ég virðist geta geymt endalaust af myndum. En það er leyniorð og ef maður vill skoða þá klikkar maður á krækjuna "Enn fleiri myndir" og loggar inn sem hrafnis@yahoo.com og leyniorðið er myndir! Góða skemmtun!

2004-2005

Er ekki hefð fyrir því að líta yfir farinn veg í byrjun árs og rifja upp hvað á daga manns hefur drifið? Árið 2004 var náttúrulega ár áranna frá mínu sjónarmiði, árið þegar ALLT gerðist. Ég man nú ekki sérstaklega eftir neinu í byrjun ársins nema ég var að skrifa ritgerð alveg endalaust og út í eitt sem var bara gaman. Svo byrjaði ballið:
12.maí kynntum ég og Anna mastersritgerðina okkar
4.júní útskrifaðist ég sem talmeinafræðingur eftir að hafa byrjað námið 1998. Yndislegur dagur með fjölskyldunni og vinum.
7.ágúst giftum við Maggi okkur. Við hjónin. Það er sko besti dagur í lífi mínu og ég býst ekki við að neitt toppi það nema mögulega barneignir framtíðarinnar
27.ágúst flutti ég til Stokkhóms
1.september byrjaði ég að vinna í Södertälje

Síðan þá hefur nú lítið gerst... Anna vinkona kom í heimsókn núna í desember sem var auðvitað æði. Svo hefur auðvitað margt smálegt skemmtilegt gerst en þetta ár einkenndist nú mest af undirbúningi brúðkaupsins og útskriftinni.

Áramótin voru róleg og fín. Við vorum hjá Önnu J. vinkonu. Maggi var að spila við minningarathöfn kl. 18 og kom aðeins seinna en þarna voru allar systur hennar 3 og makar þeirra. Svo var bara kjaftað og spilað og kl. 0.00 skutum við Maggi upp eins og einni tertu! Það vakti þvílíka lukku að annað eins hefur örugglega ekki sést á þessum slóðum. Enda þetta fólk ekkert vant að skjóta upp. Það var aðeins skotið í kringum okkur en ekkert mikið. Svo fórum við bara heim um tvöleytið og vorum komin heim um hálffjögur held ég. Rosa mikið fólk á ferðinni með börn og hvaðeina og við klofuðum yfir nokkrar ælur á leiðinni...

Ég er nú ekki vön að strengja nýársheit en eftir dúk og disk og samtal við Önnu um helgina hef ég ákveðið eftirfarandi:
-vera duglegri að hreyfa mig. Alltaf klassískt og aldrei vitlaust.
-fara oftar á söfn. Maggi er með mér í þessu og ætlum við að reyna að fara um helgina. Það er líka ókeypis á flest söfn núna í Svíþjóð.
-þyngjast um ca 4 kíló. Hægara sagt en gert en skal takast. Markmiðið er sett á maí.

Hmmm var það virkilega ekki meira? Jæja, allavega... Og svei mér þá Torfi, ég hugsaði einmitt til þín á miðnætti... Reyndar föðmuðumst við ekki heldur í fyrra þegar ég var með fjölskyldu Magga. Já tímarnir breytast. Frétti líka að mætinginn á "stokkinn" hefði verið frekar léleg! Ég hefði sko viljað vera þar.

Nú er ég búin að skrifa allt of mikið til að einhver nenni að lesa þetta. Best að fara bara að sofa. Nei, fyrst hringja í Elle og Kenny!