Flere votter fra eventyrskogen *** 7 *** Og: Vinn vottepar!

Eventyrlauv er siste mønster ut i presentasjonen av den nye e-boka vår. Men heile eventyret vårt er så vidt i gang, og i dag kan du vinne eitt av tre ferdigstrikka vottepar (sjå foto og omtale nedst). Er du rask, kan du - eller ein venn - få ei god og varm julegåve sendt i posten allereie i morgon!

Saftige og grøne vårlauv, teststrikka av Tori i Pickles Pure Wool -
og raudglødande haustlauv med gylne striper (grunnmodellen)
strikka av Frida i Ask/Hifa 2 

Litt om Eventyrlauv først: På eit magisk tre kan det vekse alle slags lauv og vottar. Målet med dette mønsteret er den som strikkar gjerne kan dikte vidare, eller kombinere dei tre ulike diagramma som er med i oppskrifta. 

For dei som enno ikkje har prøvd å strikka tofarga vottar med tommelkile i handflata -­ altså vottar à la Selbu -­ kan grunnmodellen av Eventyrlauv vere ein bra start.

Variant 2: "Frostlauv" med hjartestripe (til høgre). Denne blåturkise og kvite votten er strikka i det økologiske garnet Cheeky Merino Joy frå Rosy Green Wool.

Variant 3: Hjartedryss: Her strikka i Shetland Soft frå Malsen og mor (til venstre). For å få til ei avrunda lauvform, er fellinga mot toppen laga meir gradvis enn på vanlege vottar.

No til julegåve-konkurransen: Kommenterer du under dette innlegget, med ynske om kva for vottar du har lyst på av dei tre på fotocollagen nedanfor, innan kl 23 i kveld (fredag 19. desember) er du med i trekninga om eitt ferdigstrikka vottepar. Om du har lyst: Skriv gjerne også kvifor du ynskjer deg akkurat dette paret! Eitt par blir trekt ut (til deg?) rett etter kl 23 i kveld, dei to andre para gir vi i gåve til Kirkens Bymisjon i Oslo.

Vil du vinne: a) Herrevotten "Bjørnen og ulven" i størrelse herre stor 
- strikka i Peer Gynt-garn (til venstre)? 
Eller b) Damevotten Eventyrlauv i størrelse dame medium/stor (kan tovast mindre) 
- strikka i Ask/Hifa 2 (i midten)? 
Eller c) Barne- (og dame)votten "Tornerose" i størrelse ca 6-10 år 
- strikka i Rauma Tumi (til høgre)?

Skriv kommentaren din under dette innlegget, før kl 23 i kveld! 
Oppdatert (20. des) - trekninga er no utført, og begge pakkane sendt: 
Gratulerer til Caroline Murstad, som får Tornerose-vottane! 
Kirkens Bymisjon får "Eventyrlauv" og "Bjørnen og ulven". 

(alle foto: Frida Engeset, bortsett frå fotoet av Tornerose: Ann Myhre)