غلطاني بالرقم

-        ألو صباح الخير أبو عباس، ابعتلي بعض الخضار عل بيت.

-        ع راسي مدام، أمريني.

-        بندورة، باذنجان، عنفوان

        بقدونس، نعنع، فكرٌ مقنّع

        خس، خيار، هل المسار يشير إلى الدمار؟

-        يا عبيس، تاع شوف شو بها المدام.

-        أتعلم، إلغي كل ما ذكرته سابقًا وارسل إليّ كلّ ما يعدم الذاكرة

       ما يهدّأ البال  والسبيل إلى الخوف محال.

              أتعلم، كنت أتمنى لو نواجه خوفنا بمجازفة أكثر

              مسالمة أعمق

             عمق الوديان الأوروبية

              والصحراء العربية

             مجتمعة اجتماع القبائل البدائية..

-        يا بييّ، ايش بيها هاي، ايش تحكي، أبفهمش اشي

-        اتركها تحكي اتركها، الله يساعد الناس، حرام بعدها بعز شبابها

-        ما بالك تقاطع أفكاري وتمانع أنواري

    دعك من الخوف والقلق.. ولنسير نحو الغسق

    نرتشف حياتنا نقطة بنقطة

    خطوة بخطوة

   ثقة ما فوق ثقة.

-        اتروك هالتلفون وتاع ساعدني يا حيوان، شو مبسوط؟

-        يا بييّ قولك طالبة حكيمها النفساني والله عن جد بدا دولوفيري؟

-        عطيني هالتلفون، ألو مدام أوشبيك شي؟ ألو؟ ألو؟

    ييه! سكّرت بوجيّ!!