bo logh

Holmey'e' 'oghbogh vay' vIQultaHvIS Daqvam vISam. SIbI' Hol vIghovbe' vaj vInuDqu'. ghIq bIng tlheghmeyvam vItu':

Taip - Hija’ arba HISlaH (atsakymas į taip/ne klausimus)
Ne - qhobe’ (atsakymas į taip/ne klausimus)
Taip, gerai, aš tai padarysiu - lu’ arba luq
Ne, aš to nedarysiu - Qo’
Labas - nuqneH
Kas nutiko? - qaStaH nuq?
Ką? A? - nuqjatlh?
Aš suprantu - jIyaj
Aš nesuprantu - jIyajbe’
Gerai! - maj
Puiku! - majQa’
Kur yra vonia? - nuqDaq 'oH puchpa’’e’
Su gimimo diena! - qoSlIj DatIvjaj
Kiek dabar valandu? - 'arloqh Qoylu’pu’?
Puikios naujienos! - buy’ ngop

tetlhvetlh mu' wa'DIch vIlaDDI' SIbI' Hol vIngu'choHlaH. Lietuvangan (lItuvya'ngan) Hol 'oH. chorgh ben jIlengtaHvIS lItu'ya' vISuch 'e' vIHechmo' jIQumrupmeH tetlh mach vIgherta'. ngugh tlhIngan Hol vIHaDtaHmo', wa' navDaq mu'tlhegh puS vIghItlhmeH tlhIngan Hol vIlo'. tetlhvetlh retlhDaq Sep Hol mu'mey vIghItlh. 'ej «HIja'»wIj retlhDaq «Taip» tu'lu'. ngugh «Taip» vIghItlhtaHvIS Hujlaw'. Slavic (SIlavngan) Hol 'oH lItuvya'ngan Hol 'ej Sepvetlh luDech SIlavngan Hol. «HIja'» lujatlhmeH jIl «Da» «Ja» «Ya» ghap jatlh. chaHvaD «Taip» lujatlhmoH nuq? jIHvaD Huj 'ej tlhoS vIHarbe'.

not Sepvetlh Hol vIQoypu' veH vIcholtaHvIS. Sep veH vIjuStaHvIS jIHvaD Doychengan Hol jatlh 'avwI'. Doyche Hol vIjatlhbe' 'a vIyajlaH 'ej motlhmo' veH juSmeH mIw yajlaH Hoch. Daq Qatqu' vISuch 'e' vIHech 'e' Sovmo' 'avwI', jIHvaD qID. vIyajbe' 'a loQ jIHagh. qIDDI' veH 'avwI' HaghnIS lengwI' net Sov.

lItuvya' vI'elpu'DI' Daqvetlh Qat vInejchoH. qarlaw' He vIghoSbogh 'a DIch vIghajbe'mo' jIyev. Sum Quj cha' puqpu'. vIchol 'ej lengwI' paqwIj vIpoSmoH. paqDaq Daq Qat vInejbogh 'ang nagh beQ. be'HomvaD nagh beQ vI'ang 'ej jIjatlh «Kur?» (nuqDaq) SIbI' ghov be'Hom 'ej jang.

«Taip!» jatlh. mu'Daj wa'DIch 'oH. nom jatlhchoH 'a ghopDu' lo'mo' 'ej SIlavngan Hol 'oHmo' rurmo' lItuvya'ngan Hol'e' vIyajlaw'. «? ? ? pa' yIghoS ? ? ? Sum ? ? ? tInqu' ? ? ? yItlhe' ? ? ?» vIyaj. vay' tInqu'Daq vItlhe'nIS 'e' vIyaj, 'a tInqu'bogh Doch vISovbe'chu'.

be'Hom mu'mey vIja'qa'. «blblblblb tInqu'?» (blblblblna' vIjatlhbe', be'Hom mu'mey vIjatlh 'a DaH vIlIjchu'pu').

«Taip» jatlh «blblblblb tInqu'.» mu'meyDaj vIjatlhbogh ghov. qoDwIjDaq jIHagh.

vItlho' 'ej vIlIghtaHvIS Doch tInqu' vInejlI'. vISamDI' vIghov. nuq 'oH? vISovbe'taH 'a blblblblb 'oHba'. Sor Hap 'oH. tIn 'oH. juH 'oHbe'. tlhoy' 'oHbe'. 'a blblblblb 'oHbej. pa' vItlhe' 'ej SiaulaiDaq Kryziu kalnas vISam.

mumonmoH Kas nutiko?. <qaStaH nuq> rurbej.

muvuQ Holvam. luSang 'e' lunID yotwI'. lutuchchu' 'ej jatlhwI' bIjqu' 'a yIntaH Hol. Dat lujatlh puqpu'. wa'logh bong vay'vaD yotwI' Hol vIjatlh 'ej qaStaHvIS vagh tup muqIchqu' ghaH. qatlh yIn wa' Hol 'ej Hegh latlh. vISovbe'. chaq ghItlhmeH pat lughajmo' lItuvya'ngan Hol choq 'e' boQ.

jIjIvpu'. SIlavngan Hol 'oHbe' lItuvya'ngan Hol. Baltic (baltIq) Hol 'oH 'e' vISov 'ach SIlav Segh 'oH baltIq 'e' vIHar. jImuj. rurchuq baltIqngan Hol SIlavngan Hol je 'a rapbe'. nughojmoHmo' 'ISqu' jIbel.

qen SomrawwIj vIHoSmoHmeH Dochmey 'ugh vIpeplI'. Sum cha' loD 'ej ja'chuq. Hockey luqel. (rIQchoHmo' ghommaj HubwI''a', ngoQ HubchoH lIw 'a Qujchu' 'a Do'Ha' Qap Calgary Flames. DISvam Stanley Cup QaplaHbe' Canucks.) jIHvaD jatlh wa' loD «Quj Dabej'a'?» vIbejbe'pu' 'a Quj De' vISuqpu' 'ej Daj Quj 'e' vIQochbe'.

qaS vagh tup. jatlhqa' loD, «toH bIqeq 'e' DatIv'a'?»

«vItIv» jIjatlh. ghaHvaD jIDajlaw'. tugh QebwIj tu' ghaH 'ej mubuSbe'choH 'e' vItul. jIHvaD Qup je. qatlh qanwI' nuQ ghaH?

qaS tup puS. chegh loD. jatlh «wa'leS Quj vIbej. mIvHomwIj Do' vItuQtaH.» jIHvaD mIvHom 'ang.

'ughwI'meywIj vIpeplI'. jIjatlh «maj.»

cheghqa' loD. jatlh «bIqeq 'e' DatIv'a'?» Elbot muqawmoH. Turing qaD lujlaw' vay' cha'logh Dup nIb lo'DI'. loQ Duy'mo' loD yab, pupbe' QummeH to'Daj.

loDvetlh vIvaqbe'. napHa' QummeH to' 'ej nIDba'. 'a jIHvaD Dajqu' wanI'.

mu'tlheghvetlh lo'qa'pa' muneHbogh loD motlh ghaH 'e' vIHar. rurqu'chuq muneHbogh loD, yab Duy' ghajbogh loD'e'. loQ Huj QIchDaj poH. 'utbe' SoQHomDaj. ngaj SoQHom 'ej jIjangmeH loS. ghaytan be' SuqmeH to' luQulta' tej 'a Duy'wI'pu' QummeH to' Qulta''a' vay'? QIpchoH'a' loD nongchoHDI'? mu'tlheghmeychaj ngIp'a' Duy'wI'pu'?

reH QonoSvamDaq jIghel. jIjanglaHchugh vuDwIjvaD boDIlnIS.

qanaDaDaq Hol cha'DIch ghojnIS Hoch ghojwI'. motlh vIran'eS Hol HaDnIS 'a DaHjaj qech chu' maq Alberta qum. Hol cha'DIch ghojnIStaH 'ach DaH Soch wIv Daj lutu'lu': Cree, vIran'eSngan Hol, Doyche Hol, 'uqray'Inya'ngan Hol, nIpponya'ngan Hol, Mandarin, 'eSpanya'ngan Hol je. Sung Hol 'oH Cree'e'. vengHom lubelmoHbe'chugh Holvetlh, latlh Hol wIvlaH. vaj Sung Hol qub choqlaH wo'Hom. AlbertaDaq qub Chipewyan, Blackfoot, Sarci, Stoney, Assinaboine je. qubbe' Cree 'a DechtaHvIS DIvI' Hol, choqmeH DughnISba' jatlhwI'.

Alberta qun Del Hol tetlhvetlh. pa' qaStaHvIS SaD DIS Cree jatlhlu'. cha'vatlh ben pawchoH DIvI' Hol jatlhwI' vIran'eS Hol jatlhwI' je. bIQ'a' SIchbogh He lunejlI'. wa'vatlh ben, baS He lupwI' chenmoHlu'pu', pawchoH wIjwI'. rInDI' veS, 'uqray'Inya'vo' Doyche puHvo' ghoS. lalDanchajmo' Hol choqtaH. DaH yuQvamvaD potlhchoHpu' nIpponya'ngnan Hol, Mandarin je. qanaDaDaq potlhchu'be' 'eSpanya'ngan Hol 'a t'wvaD potlhbej 'ej mechtaH Alberta vaj SaHlaw' natlIS.

jatlh 'oSwI': Hol cha'DIch ghojpu'DI' vay' ngeDchoH Hol wejDIch, loSDIch je. qechvammo' jIbel.

  (Le Festival de Cannes)   ▲    ▼    ▼   ▼   ▼   ▲          ▲           ▲   

   ▼    (Marché du film)  ▲        ▲ «The Market badge gives access to the Festival de Cannes» ▼  ▼    ▲«For the independent filmmaker, the Cannes Market is of more significance than the Festival»          ▲    ▼ «you cannot be overdressed here» (tuxedo     ) ▲      ▲   

        ( )  SONEW.    .  SONEW,   Earthlings. Earthlings     .

    ▲       

    :    

wa'leS HaSta muchmey wIvpu'bogh Cannes quprIp 'anglu'. loQ jImIS: Eartlhings (?) Earthlings Press KitDaq bIng De' vIlaD:

Cannes Film Market Information
Booth number: 23.01 in Palais des Festivals
Booth Name: SONEW Productions (Mostly Water)
Screen Times (CFM only, Palais G):
* 13 May @ 18h00
* 16 May @ 20h00
* 19 May @ 18h00

(Earthlings runtime is 70 minutes. All screenings are in Palais G)

Dung De'mo' muchmaj cha'lu'bej, vaj qatlh quprIp wIv DIloS? yupma' qach wa'DIch 'oH Palais des Festivals'e'. (machlaw' pa' G: pa' ba'laHlaw' cha'maH ghot.) Cannes Film Market neH 'oSlaw' CFM only: lubej latlh net tuch. chaq DaH 'ov Hoch much, 'a wa'leS luj HochHom 'ovwI' 'ej 'ovwI' Qav wIv quprIp. qaStaHvIS yupma''e' QapwI'na' wIv.

wa'Hu' VancouverDaq SoQ jatlh Dalai Lama wa'maH loSDIch 'ej pa' jISaH. jatlhpa' Dalai Lama lIH Archbishop Desmond Tutu. jup chaH Archbishop, Dalai Lama je 'ej vaqchuq jatlhtaHvIS.

<Broken English> jatlh Dalai Lama 'e' maq 'a DIvI' Hol jatlhbej. rut Qagh, rut qeSmeH mughwI', mughwI'vaD tlhup, 'ej rut loQ tIbetngan Hol jatlh ghIq maHvaD mugh mughwI'. povbe' mughwI'. reH DIvI' Hol jatlhtaHvIS Dalai Lama 'IH mu'mey 'a nap. Sung HolDaj jatlhtaHvIS 'IH 'e' vIpIH, 'a yepqu'mo' mughwI' Dal mu'meyDaj. DIvI' Hol jatlhchu'be'mo' mughwI' SuDvIp. DivI' Hol Qagh junchu'meH, Hol Daj lo'vIplaw'. wa'logh qech DelmeH wejlogh tIbetngan Hol mu' jatlh Dalai Lama: mInDu' SIqtaHvIS, qoghDu' SIqtaHvIS, 'ej ghopDu' SIqtaHvIS. jatlh mughwI' «beauty for all the senses» 'a «leghDI' 'IH, QoyDI' 'IH, HotDI' 'IH» rurbogh mu'tlhegh jatlhpu'.

jatlh 'IHlaH DuDechbogh Dochmey 'a 'IHbe'chugh yablIj qechmey bIQuchbe'. moHlaH Dechbogh Dochmey 'a 'IHchugh qechmeylIj bIQuch.

qatlh not be' ghaH Dalai Lama'e' jatlh wa' 'IjwI'.

jang ghaH «taghDI' lalDan tIghvetlhvaD loD potlh law' be' potlh puS 'ej taH lurDech. tugh jIHeghchugh, loD ghaH vebwI''e' 'a chaq vaghmaH nem lalDan DevwI' moj be'.» [chaq «be' moj lalDan DevwI'» jatlh. vIqawbe'. lalDan DevwI' wIvmeH mIw DaSovchugh mISHomwIj Dayaj.] ghIq ghIq jatlh «'ach be' vImojmeH muchoH HaqwI' 'e' vIchaw'Qo'.» qIDvIpbe'bej.

tIbetngan Hol De' Daj vIghaj 'a jIDoy'mo' latlh jaj vImuch.

yer chavtaHvIS tlhoy' jaS choH'a' cha' Dop Hol 'e' vISIv. tlhoy' puS vIqel:

 taghDI' DaHjaj DIS toghmeH pat, cha'vatlh ben chaynaDaq yotwI'pu' botmeH ta' tlhoy' tagh
 tera' DIS wa'vatlh cha'maH cha' tayHa'wI' SeHmeH tlhoy' chenmoH ta' Hadrian
 tera' DIS wa'SanID Hutvatlh javmaH wa' Berlin chavchoH tlhoy'. tera' DIS wa'SanID Hutvatlh chorghmaH Hut pejlu'
 qen Hung tlhoy' chenmoHlI' Israel qum

qechwIj tobbogh De' vISambe'pu'. Doyche Hol vIjatlhbe'mo' ghItlhmey vIpojlaHbe' 'ej ghu' pojbogh ghItlhmey vInejlaHbe'. ghaytan chavchuqchoH tIgh Hol je chavlu'taHvIS Berlin. qaS 'e' chup paqvam 'a vIghajbe'mo' chovnatlh vImuchlaHbe'. jIQultaHvIS wanI' vIqelbe'pu'bogh vItu': tlhoy' chenmoHtaHvIS charghwI', choH Hol, 'ej nargh tlhoy' luDelbogh mu'.

jInmol tInqu' lucher tlhoy' chenmoHwI'. (BerlinDaq nom chenmo' tlhoy' jaS ghu'). chentaHvIS tlhoy', tay' veng mang, veH wIjwI' je. mechmeH qoj SuvmeH qoj vummeH QumchoH.

DIvI' HolvaD tayHa'wI' bot bogh tlhoy' qel «beyond the pale» -- tayHa' 'oS -- tlhoy' luchenmoHbogh naQ Del pale.

DaHjaj qechmey neH vImuch; De''e' vImuch vIneH. muvuQtaH qech.