Naginata
An naginata a zo un arm japanat, stumm ur goaf gantañ. An arz gourenerezh a vez graet naginatajutsu anezhañ.
Implijet e oa an arm-se evit troc'hañ pavioù ar c'hezeg a-benn talañ ouzh o red-arsailh war an tachennoù emgann japanat. Gellet a rae bezañ implijet a-enep an droadegiezh evit difenn dezhe mont war-raok pe bountañ warno.
Goude ar bloavezh 1542 ha donedigezh an armoù-tan war an tachennoù emgann e krogas da vont war zigresk e implij, evel ar sabrennoù.
Abaoe ar XVIIvet kantved ez eo an arm gourenerezh implijetañ gant merc'hed Japan.
Istor an Naginata
Ganet ez eo an naginata e-kerzh mare Tengyō (938–947). Brasoc'h eo evit ur c'hleze. Abalamour da se e oa dedennus an naginata dre ma roe an tu da dizhout an enebour en ur chom pell dioutañ. An naginata a zo un doare sabrenn bet ouzhpennet ur vazh hir dezhi.
Ar sinoù japanaat o reiñ d'e anavezout a c'haller treiñ gant "sabrenn hir" .
Tro-dro d'an naginata
- Tomoe Gozen, ar vaouez samourai a stourme gant un naginata.
- Ikkaku Madarame, un dudenn deus ar manga Bleach, ne implij nemet un arm naginata.