Ez, bi aplikazio ezberdin dira. MPlayer multimedia irakurgailu bat da, hasieran Linuxerako garatua eta gero beste sistema eragile batzuetara ekarria. Oso ona da, ia den dena irakurtzen du, eta iragazki pilo bat ditu eta abar. Baina erabiltzaile gehienek erabiltzeko zaila aurkitzen dute.
Zorionez, MPlayerrek beste aplikazio batekin batera lan egin dezake (bideo leihoa beste aplikazio baten EIG-n barneratu daiteke, aplikazioak bidalitako aginduak betetzen ditu). Hortaz SMPlayer aurre-amaiera bat besterik ez da egitan MPlayer erabiltzen duena bideoak irakurtzeko.
SMPlayer zuk ikusten duzun leihoa da, menuak, hobespen elkarrizketa... (ikusten ez dituzun beste gauza batzuekin batera, MPlayerren aginte eginkizunak bezala). Baina SMPlayerrek ez daki ezer agiri irakurketaz. Ez daki kodek bat zer den ere. MPlayerrek beste alde batean, agiriak ireki, dekodeatu, bideoa erakutsi eta audioa irakurtzen du. Azpidatziak ere MPlayerrek irakurri, aztertu eta erakusten ditu ikusleihoan.
MPlayer2 MPlayerren adar bat da. MPlayer2-k hobekuntza eta ezaugarri ugari eskaintzen ditu MPlayerren aldean eta bateragarria da SMPlayerrekin.
SMPlayer Qt erabiliz garatzen da, hau plataforma-anitzerako garapena ahalbidetzen duen C++ liburutegi bat da. Ituruburu kode bera bildu daiteke Windows, Linux eta Mac SE-an. Argibide gehiago: http://qt.nokia.com/products/.
SMPlayer Gidagailu hobespenetan (Aukerak - Hobespenak - Gidagailuak), gaitu "Gaitu DVD menuak (Esperimentala)" aukera eta ezarri zure DVD gidagailua. Ezaugarri honek libdvdnav sostengua duen MPlayer eraiketa berri bat behar du.
MPlayerrek irteera gidagailu ugari ditu, bideo eta soinurako. SMPlayerrek berain artean nahi duzuna hautatzea ahalbidetzen dizu (Hobespenak -> Orokorra -> Bideoa/Audioa).
Bideoarentzako gomendatzen da erabiltzea xv (Linuxen) edo directx (Windowsen). Hauek hardware bizkorpena erabiltzen dute eta egintza hoberena ematen dute. Directx-ren alde txarra Aero ezgaitzen duela da Windows Vista eta ondorengoetan.
x11 eta directx:noaccel hardware bizkorpen gabeko gidagailuak dira. Hauek egintza okerrena ematen dute. Bestalde directx:noaccel-ek ontasun txarra ematen du ikusleiho-osoko moduan.
gl eta gl2-k 3D bizkorpena erabiliko dute grafika txarteletik. Directx:noaccel eta x11-k baino egintza hobea emango dute baina ez directx edo xv-k bezain ona. gl/gl2 erabilgarriak izan daitezke Windows Vista eta ondorengoen erabiltzaileentzat.
Soinuarentzat, arrunt alsa erabili behar duzu Linuxen. Nik ez ditut gogoko esd edo arts, CPU gehiago erabiltzeko erabiltzen dituztenak.
Windowsen soinu gidagailuak dsound eta win32 dira. Irakurri dut dsound-ek audio-bideo aldiberetze arazoak eragin ditzakeela batzuetan. Arazo hori nabaritzen baduzu saiatu win32-rekin ordez.
Beste gidagailu batzuek bideoa irudi agiri bezala gordetzea edo soinua diskan idaztea ahalbidetzen dizute. Gidagailu hauek ez daude ofizialki sostengatuta SMPlayerren. Erabili itzazu bakarrik zer egiten ari zaren badakizu.
Ez duzu agiriterik hautatu ikusleiho-argazkiak biltegiratzeko. Egizu hemen: Hobespenak -> Orokorra, eta ikusleiho-argazki aukera gaitu egingo da.
Zenbait heuskarrirekin (mp4 edo ogm bezalakoak), MPlayerrek ezin du audio bidea aldatu ekinean dagoela. "Audio bide aldaketa azkarra" (Hobespenak -> Performantzia) aukera ezgaituz gero audio bidez aldatu ahalko zara heuskarri hauetan.
Hobespenak -> Teklatua eta sagua. Lastertekla gehienak aldatu ahalko dituzu.
MPlayerrek heuskarri arrunt gehienak irakurri ditzake "kutxatik kanpo". Baina oraindik jatorrian gehitu ez diren kodekentzat, beharrezkoa da kodek binario pakete bat ezartzea. Hau hemen lortu dezakezu: MPlayer jeisketa orrialdea.
Windowsen, ezarri kodekak mplayer\codecs azpizuzenbidean. Linux distros-etan paketea eskuragarri egon daiteke pakete arruntetan, agian w32codecs izenarekin edo horrelako zerbait.
"Erakutsi ikurra erabide erretiluan" (Aukerak menuan) aukera ez badago hautatuta, orduan bai, bi aukerek gauza berdina egiten dute: aplikazioa utzi.
Baina aukera hori gaituta badago, orduan Open -> Itxi aplikazioa ezkutatu besterik ez du egingo (eta uneko agiria gelditu), baina SMPlayer oraindik ekinean dago. Ireki -> Amaitu egitan uzten du aplikazioa, berdin da erabide erretilu ikurra gaituta dagoen edo ez.
CD irakurketarako sostengua 0.5.18 bertsioan gehitu zen.
Windowsen oraingoz ezinezkoa da audio CD-ak irakurtzea.
Zihurrenik MPlayerrek ezin du agiria irakurri. Ireki mplayer oharra (Aukerak -> Ikusi oharrak -> MPlayer), zihurrenik akats mezu bat aurkituko duzu azken lerroetan.
Windowsen oso arrunta da MPlayerren zenbait eraiketek huts egitea zeren SMPlayer erabiltzen saiatzen den ezaugarri batzuentzako sostengu gabe bildu ziren. Akats mezuak zantzu bat eman ahalko dizu. Katxeaz kexatzen bada, saiatu katxea ezgaitzen Hobespenak -> Performantzia. Hizki itxurapenaz kexatzen bada, saiatu ttf hizkia erabiltzen sistemaren hizkiaren ordez Hobespenak -> Azpidatziak -> Hizkiak eta margoak -> Gaitu azpidatzi arruntak.
Aukera batzuek MPlayer prozesua gelditu eta parametro berriekin berrabiaraztea behar dute. Horregaitik eteten da une batez.
SMPlayer matxuratu da, baina MPlayer oraindik ekinean dago. Amaitu MPlayer prozezua ataza-kudeatzailean.
Edonola SMPlayer matxuratzen bada, zuzendu beharreko akats larria da. Jakinarazi ezazu.
Gomendatzen dut erabiltzea gutxienez MPlayer SVN r33216 (2011-04-05) edo MPlayer2, baina SVN/git-eko bertsio berri bat hobea litzake kodek hobetuen sostengurako eta akatsen zuzenketarako.
SMPlayer saiatuko da ahal duena egiten bertsio zaharragoekin lan egiteko, baina zenbait aukerek badaiteke lanik ez egitea.
Bideo iragazkiak -> Gehitu hertz beltzak
expand=:::::4/3 bezalako bideo iragazki bat gehitu dezakezu hemen: Hobespenak -> Aurreratua -> MPlayer aukerak.
Beste aukera batzuk:heartbeat-cmd="gnome-screensaver-command -p &>/dev/null"(kde)
heartbeat-cmd="dcop kdesktop KScreensaverIface enable false &>/dev/null && dcop kdesktop KScreensaverIface enable true &>/dev/null"
Mesedez bota begirada bat MPlayerren eskuliburu orrialdeari argibide gehiagorako.
OSD-ko hizki neurria zehazteko, MPlayerretik denbora eta beste mezu batzuk erakusten dituena ikusleihoaren goi-ezker bazterrean, joan Hobespenak -> Aurreratua -> MPlayer aukerak, eta Aukerak: eremuan, gehitu hurrengo hau:
-subfont-autoscale 0 -subfont-osd-scale y
Non y zuk hobetsitako neurria den. Berezko balioa -subfont-osd-scale 20 da.
SMPlayerren itxurapen agiri nagusia smplayer.ini da. Zure itxurapenaren arabera, gordetzen dira banakako ezarpen agiriak smplayer_files.ini (ini agiri bat) edo file_settings azpizuzenbidean (ini agiri anitz). Zure SE-ren arabera helbidetuta daude:
Linux $HOME/.config/smplayer Windows 2000/XP C:\Agiriak eta Ezarpenak\<zure_erabitzaile-izena>\.smplayer Windows Vista/7 C:\Erabiltzaileak\<zure_erabiltzaile-izena>\.smplayer
Baita ere ikusi dezakezu SMPlayer oharrean (Aukerak -> Ikusi oharrak), bilatu hau bezalako lerro bat:
* ini path: '/users/xabier/.config/smplayer'
smplayer.ini-k SMPlayerren itxurapena biltegiratzen du eta smplayer_files.ini-k zuk irakurritako agirien ezarpenak biltegiratzen ditu.
Oharra: Linuxen, .config berez ezkutatua egon daiteke. Zihurtatu gaitzeaz ezkutuko agiriak eta agiritegiak zure agiri kudeatzailean.
directx bideo gidagailu bezala erabiltzen duzunean (Hobespenak -> Orokorra -> Bideoa) bideoa monitore bakar batean erakutsi daiteke. Honen ordez gl, gl2 edo direct3d erabiltzen baduzu bideoa edozein monitoretan erakutsiko da..
Edonola directx erabiltzea nahiago baduzu bideoa erakutsiko den ikusleihoa hautatu dezakezu menuan Bideoa -> Ikusleihoa.
Hau gertatzen da directx bideo gidagailu bezala erabiltzerakoan (Hobespenak -> Orokorra -> Bideoa). Aldatu dezakezu hona: gl, gl2 edo direct3d.
Ezin baduzu hizki-kode bereziekin edo ez-Ingelerazkoekin agiririk ireki, gaitu Bidali agirizen laburrak (8+3) MPlayerri. Aukerak -> Hobespenak -> Aurreratua arazo honen inguruan lan egiteko.