Click on a word to bring up parses, dictionary entries, and frequency statistics
[30]
Ut enim, si omnis cera commutabilis
esset, nihil esset cereum quod commutari non posset,
item nihil argenteum nihil aeneum, si commutabilis
esset, natura argenti et aeris—similiter igitur, si omnia
quae sunt * * e quibus cuncta constant mutabilia sunt,
nullum corpus esse potest non mutabile; mutabilia
autem sunt illa ex quibus omnia constant, ut vobis
videtur; omne igitur corpus mutabile est. at si esset
corpus aliquod immortale, non esset omne mutabile;
ita efficitur ut omne corpus mortale sit. Etenim
omne corpus aut aqua aut aer aut ignis aut terra
est aut id quod est concretum ex is aut ex aliqua parte
eorum.
de Natura Deorum. M. Tullius Cicero. O. Plasberg. Leipzig. Teubner. 1917.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.