PW (PhysicsWallah)’s Post

>>>>>> My Journey in PW <<<<<< Hi LinkedIn Family, Aaj mai apne career ki journey 🛣️ share karna chahta hu. Baat 1st October 2021 ki hai jab maine PW join kiya tha. Lekin PW ki journey batane se pehle, mai apko apne career ka recap de deta hu. PW join karne se pehle mai ek UPSC ✍️aspirant tha. Maine apni life mai 4 baar SSB diya Army Officer👮♂️ ke liye. Jisme har baar screen out hua . Maine UPSC CSE ki preparation ki aur prelims diya but safal na ho saka. Maine RRB 🚂NTPC ka Tier-1 exam crack kiya but Tier-2 ke exam ka pta exam ke 2 din pehle lagne se preparation ka time nhi mila kyuki tab tak maine PW mai apni journey 🛣️start kar di thi. Khair, insaan ki puri zindagi chand shabdon mai bayan nhi ki ja sakti, toh shuru karte hai PW ki journey ke baare mai. Maine PW mai apne career ki shuruaat as BDA (counsellor)📞 ki thi aur apne kaam ko lekar hamesha se dedicated raha. Six months ke baad Assistant Team Lead ki vacancy aayi aur maine interview diya, but reject🥲 ho gya. Ek mahine baad fir se interview diya for Quality Analyst but phir se reject ho gya😣. Few months baad manager ka call aaya ki QA ke liye interview schedule hua hai aur aapke paas 1 ghanta hai prepare karne ke liye. Ek ghante mai main kya hi prepare karta, toh honestly jo aata tha woh bola. Luckily, is baar QA ke liye select ho gya😌. 1-2 months mai as QA work kiya, lekin mujhe counselling karna zyada pasand tha. As a counsellor, mujhe lagta tha ki mai kisi ki counselling karke us student ki life mai bada impact la raha hu, hero 🦸♂️wali feeling aati thi. 2 months baad, PW apna UPSC launch kar raha tha. Pratik Rajawat sir UPSC aur counselling department ko head kar rahe they. Training team mai UPSC ke liye koi trainer nahi tha, aur luckily mera QA team ki taraf se office visit tha. Pratik sir ko pata tha ki main UPSC ki preparation karta tha, toh unhone mujhe task diya ki market research karo aur UPSC ka A to Z document banao. Maine PPT banayi aur 3 din baad raat ke 12 baje mail kiya. Sir ne kaam dekh kar mujhe UPSC ki training lead karne ko bola, jaha maine 300+ counsellors aur 20+ managers ko training di. Jab SSC aaya, maine SSC lead kiya aur kuch aur training jaise CSIR NET, IIT JAM, JEE, NEET ke liye bhi kaam kiya. Fir, Pratik sir ne mujhe Noida head office bula liya 🚶♂️inbound team setup karne ke liye. Mai Noida move hua, hiring ki aur successful inbound operations team build ki. Aaj ye team on-season mai 100 ki hoti hai aur off-season mai kam hoti hai. Iske alawa maine BPO📞, AOC, Vidyapeeth ki offline team mai bhi kaam kiya. Beech mai PW ke official YouTube channel pe aane ka mauka mila, jaha Med Ed ke launch ke liye students ka interview liya. YT-Link: https://lnkd.in/gra6NKSj Meri growth ka chart within 3 years kuch is tarah se hai: Associate >> Senior Associate >> Associate Manager >> Manager. #PWRockstars PW (PhysicsWallah) Sahil Mishra Special Thanks to Simran Kaur Hora Pratik Rajawat Amit Kumar Sharma 🙏