பிற Google சேவைகளில் நீங்கள் மேற்கொள்ளும் தேடல்களையும் செயல்பாடுகளையும் உங்கள் Google கணக்கில் இணையம் மற்றும் ஆப்ஸ் செயல்பாடு சேமிக்கும். பின்வருபவை போன்ற மிகவும் பிரத்தியேக அனுபவங்களை நீங்கள் பெறலாம்:
- விரைவான தேடல்கள்
- மிகவும் பயனுள்ள ஆப்ஸ்
- உள்ளடக்கப் பரிந்துரைகள்
எப்போது வேண்டுமானாலும் இணையம் மற்றும் ஆப்ஸ் செயல்பாட்டை முடக்கலாம், கடந்தகாலச் செயல்பாடுகளை நீக்கலாம்.
உதவிக்குறிப்பு: பணிபுரியும் நிறுவனம் அல்லது கல்வி நிறுவனம் வழங்கும் Google கணக்கை நீங்கள் பயன்படுத்தினால் இந்தச் சேவையை உங்கள் நிறுவனம் பயன்படுத்த இணையம் மற்றும் ஆப்ஸ் செயல்பாட்டை இயக்கும்படி உங்கள் நிர்வாகியிடம் நீங்கள் கேட்க வேண்டியிருக்கும்.
இணையம் மற்றும் ஆப்ஸ் செயல்பாட்டை இயக்குதல் அல்லது முடக்குதல்
- கம்ப்யூட்டரில் செயல்பாட்டுக் கட்டுப்பாடுகள் பக்கத்திற்குச் செல்லவும். உங்கள் Google கணக்கில் உள்நுழையும்படி கேட்கப்படலாம்.
- இணையம் மற்றும் ஆப்ஸ் செயல்பாட்டை இயக்கவும் அல்லது முடக்கவும்.
- இணையம் மற்றும் ஆப்ஸ் செயல்பாடு இயக்கப்பட்டிருந்தால்:
- "Chrome செயல்பாடுகளையும் Google சேவைகளைப் பயன்படுத்தும் தளங்கள், ஆப்ஸ், சாதனங்கள் ஆகியவற்றில் மேற்கொள்ளும் செயல்பாடுகளையும் சேர்" என்பதற்கு அடுத்துள்ள பெட்டியை நீங்கள் தேர்வுசெய்யலாம்.
- "குரல் மற்றும் ஆடியோ செயல்பாட்டைச் சேர்" என்பதற்கு அடுத்துள்ள பெட்டியை நீங்கள் தேர்வுசெய்யலாம்.
- இணையம் மற்றும் ஆப்ஸ் செயல்பாட்டை நீங்கள் முடக்கும்போது:
- முடக்கு என்பதைத் தேர்ந்தெடுத்த பிறகு, முடக்கு அல்லது முடக்கி செயல்பாட்டை நீக்கு என்பதைத் தேர்வுசெய்யவும்.
- முடக்கி செயல்பாட்டை நீக்கு என்பதைத் தேர்வுசெய்தால், எந்தச் செயல்பாட்டை நீக்க விரும்புகிறீர்கள் என்பதைத் தேர்ந்தெடுத்து உறுதிசெய்ய அதற்கான வழிமுறைகளைப் பின்பற்றவும்.
உதவிக்குறிப்பு: சில உலாவிகளிலும் சாதனங்களிலும் கூடுதல் அமைப்புகள் இருக்கலாம். அவை இந்தச் செயல்பாடு சேமிக்கப்படும் விதத்தில் மாற்றத்தை ஏற்படுத்தலாம்.
'எனது Google செயல்பாட்டில்' இணையம் மற்றும் ஆப்ஸ் செயல்பாட்டைக் கண்டறிதல் நீக்குதல்
எனது Google செயல்பாட்டில் உங்கள் இணையம் மற்றும் ஆப்ஸ் செயல்பாட்டைக் கண்டறியலாம் நீக்கலாம்.
- செயல்பாடுகளை நேரடியாக நீக்குவது எப்படி என்று தெரிந்துகொள்ளுங்கள்.
- தானியங்கு நீக்குதலை அமைப்பது எப்படி என்று தெரிந்துகொள்ளுங்கள்.
உதவிக்குறிப்பு: கூடுதல் பாதுகாப்பைச் சேர்க்க, ‘எனது செயல்பாடுகள்’ பக்கத்தில் உங்கள் செயல்பாடுகளின் விவரங்கள் முழுவதையும் பார்ப்பதற்குக் கூடுதல் சரிபார்ப்புப் படி தேவைப்படுமாறு நீங்கள் அமைக்கலாம்.
இணையம் மற்றும் ஆப்ஸ் செயல்பாடு என்று சேமிக்கப்படுபவை எவை?
இணையம் மற்றும் ஆப்ஸ் செயல்பாடு இயக்கப்பட்டிருக்கும்போது இவை போன்ற தகவல்களை Google சேமிக்கும்:
- Maps, Play போன்ற Google தயாரிப்புகளிலும் சேவைகளிலும் நீங்கள் மேற்கொள்ளும் தேடல்கள் மற்றும் செயல்பாடுகள்.
- உங்கள் மொழி, பரிந்துரைப்பவர், நீங்கள் பயன்படுத்துவது ஆப்ஸா உலாவியா, நீங்கள் பயன்படுத்தும் சாதனத்தின் வகை போன்ற உங்கள் செயல்பாடுகளுடன் தொடர்புடைய தகவல்கள்.
- நீங்கள் சாதனத்தைப் பயன்படுத்தும் பொதுவான பகுதி, IP முகவரி ஆகியவற்றின் மூலம் பெறப்படும் உங்கள் இருப்பிடம் பற்றிய தகவலும் செயல்பாடுகளில் அடங்கலாம். இருப்பிடங்கள் பற்றி அறிக.
- நீங்கள் கிளிக் செய்யும் விளம்பரங்கள் அல்லது விளம்பரதாரரின் தளத்தில் வாங்கும் பொருட்கள்.
- ஆப்ஸ் அல்லது தொடர்புகளின் பெயர்களுக்கான சமீபத்திய தேடல்கள் போன்ற உங்கள் சாதனத்தில் உள்ள தகவல்கள்.
- நீங்கள் இயக்க நினைக்காதபோதும் தற்செயலாக இயக்கப்படுவதை Google Assistant கண்டறிவது உள்ளிட்ட Assistantடின் செயல்பாடுகள்.
உதவிக்குறிப்பு: நீங்கள் ஆஃப்லைனில் இருக்கும்போதும் செயல்பாடுகள் சேமிக்கப்படலாம்.
இணையம் மற்றும் ஆப்ஸ் செயல்பாடு இயக்கப்பட்டிருக்கும்போது, பின்வருபவை போன்ற கூடுதல் செயல்பாடுகளை நீங்கள் சேர்க்கலாம்:
- விளம்பரங்களைக் காட்டுவதற்காக Googleளுடன் கூட்டாளராக இருக்கும் தளங்களும் ஆப்ஸும்
- Google சேவைகளைப் பயன்படுத்தும் தளங்களும் ஆப்ஸும் (Googleளுடன் ஆப்ஸ் பகிரும் தரவு உட்பட)
- உங்கள் Chrome உலாவல் விவரங்கள்
- பேட்டரி நிலை, சிஸ்டம் பிழைகள் போன்ற Android உபயோகம் & பிழை கண்டறிதல் தொடர்பான தகவல்கள்
இந்தத் தகவல்களை Google சேமிக்க வேண்டுமானால்:
- இணையம் மற்றும் ஆப்ஸ் செயல்பாடு இயக்கப்பட்டிருக்க வேண்டும்.
- "Chrome செயல்பாடுகளையும் Google சேவைகளைப் பயன்படுத்தும் தளங்கள், ஆப்ஸ், சாதனங்கள் ஆகியவற்றில் மேற்கொள்ளும் செயல்பாடுகளையும் சேர்" என்பதற்கு அடுத்துள்ள பெட்டி தேர்வுசெய்யப்பட்டிருக்க வேண்டும்.
Chrome உலாவியில் உள்நுழைந்திருந்து உங்கள் செயல்பாடுகளின் ஒத்திசைவை இயக்கியிருந்தால் மட்டுமே Chrome செயல்பாடுகள் சேமிக்கப்படும். Chrome உலாவியில் உள்நுழைவது குறித்து மேலும் தெரிந்துகொள்ளுங்கள்.
கவனத்திற்கு: பலர் பயன்படுத்தும் சாதனத்தை நீங்கள் பயன்படுத்தினாலோ ஒன்றுக்கும் மேற்பட்ட கணக்குகள் மூலம் உள்நுழைந்திருந்தாலோ, நீங்கள் பயன்படுத்தும் உலாவி அல்லது சாதனத்தில் இருக்கும் இயல்புக் கணக்கில் செயல்பாடுகள் சேமிக்கப்படலாம்.
இணையம் மற்றும் ஆப்ஸ் செயல்பாடு இயக்கப்பட்டிருக்கும்போது, Google Search, Assistant, Maps ஆகியவற்றுடனான உங்கள் செயல்பாடுகளில் இருக்கும் ஆடியோ ரெக்கார்டிங்குகளை உங்கள் செயல்பாடுகளின் ஒரு பகுதியாகச் சேர்க்கலாம். ஆடியோ ரெக்கார்டிங்குகள் பற்றி அறிக.
இந்தத் தகவல்களை Google சேமிக்க வேண்டுமானால்:
- இணையம் மற்றும் ஆப்ஸ் செயல்பாடு இயக்கப்பட்டிருக்க வேண்டும்.
- "குரல் மற்றும் ஆடியோ செயல்பாட்டைச் சேர்" என்பதற்கு அடுத்துள்ள பெட்டி தேர்வுசெய்யப்பட்டிருக்க வேண்டும்.
இணையம் மற்றும் ஆப்ஸ் செயல்பாடு இயக்கப்பட்டிருக்கும்போது, தேடுவதற்கு நீங்கள் பயன்படுத்தும் படங்களை உங்கள் செயல்பாட்டின் ஒரு பகுதியாகச் சேர்க்கலாம். உங்கள் காட்சித் தேடல் பதிவுகள் குறித்தும் உங்கள் படங்கள் எங்கிருந்து சேமிக்கப்படக்கூடும் என்பது குறித்தும் மேலும் தெரிந்துகொள்ளுங்கள்.
இந்தத் தகவல்களை Google சேமிக்க வேண்டுமானால்:
- இணையம் மற்றும் ஆப்ஸ் செயல்பாடு இயக்கப்பட்டிருக்க வேண்டும்.
- “காட்சித் தேடல் பதிவுகளையும் சேர்” என்பதற்கு அடுத்துள்ள பெட்டி தேர்வுசெய்யப்பட்டிருக்க வேண்டும்.
சேமிக்கப்பட்ட உங்கள் செயல்பாடுகள் எப்படிப் பயன்படுத்தப்படுகின்றன?
சேமிக்கப்பட்ட உங்கள் செயல்பாட்டை Google எப்படிப் பயன்படுத்துகிறது என்பதையும் அதைத் தனிப்பட்டதாக வைத்திருக்க எப்படி உதவுகிறது என்பதையும் குறித்து மேலும் அறிக.
தேடல் வினவல்களை Google பொதுவாக எப்படிக் கையாளுகிறது என்பதைப் பற்றிய கூடுதல் தகவல்களுக்கு, தனியுரிமைக் கொள்கை தொடர்பான பொதுவான கேள்விகள் பக்கத்தைப் பார்க்கவும்.
கணக்கிலிருந்து நீங்கள் வெளியேறிய பிறகு இணையம் மற்றும் ஆப்ஸ் செயல்பாடு எப்படிச் செயல்படுகிறது?
கணக்கிலிருந்து வெளியேறிய பிறகும் கூட, தேடலுடன் தொடர்புடைய செயல்பாடுகளைப் பயன்படுத்தி பிரத்தியேகமான தேடல் மற்றும் விளம்பர முடிவுகள் காட்டப்படக்கூடும். இதுபோன்ற தேடல் பிரத்தியேகமாக்கலை முடக்க, தனிப்பட்ட முறையில் தேடலாம் உலாவலாம். மறைநிலைப் பயன்முறையில் உலாவுவது எப்படி என்று தெரிந்துகொள்ளுங்கள்.
உலாவியிலுள்ள பதிவுகள்
சாதனத்தில் உங்கள் செயல்பாடுகளைச் சேமிக்க வேண்டுமா என்பதைக் கட்டுப்படுத்த:
- செயல்பாட்டுக் கட்டுப்பாடுகள் பக்கத்திற்குச் செல்லவும்.
- "Chrome செயல்பாடுகளையும் Google சேவைகளைப் பயன்படுத்தும் தளங்கள், ஆப்ஸ், சாதனங்கள் ஆகியவற்றில் மேற்கொள்ளும் செயல்பாடுகளையும் சேர்" என்பதற்கு அடுத்துள்ள பெட்டியைத் தேர்வுசெய்யவும்.
நீங்கள் மேற்கொள்ளும் தேடல்களையும் பார்வையிடும் தளங்கள் குறித்த விவரங்களையும் உங்கள் உலாவி சேமிக்கக்கூடும். இவற்றில் உங்கள் பதிவுகளை நீக்குவது எப்படி என்று தெரிந்துகொள்ளுங்கள்: