Istanteko transkripzioa

Istanteko transkripzioa eta soinu-jakinarazpenak izeneko aplikazioarekin, gorrek eta entzumen-arazoak dituztenek erraztasun handiagoz hautemango dituzte eguneroko elkarrizketak eta inguruneko soinuak, Android-eko telefonoarekin edo tabletarekin.

Gailu gehienetan, Istanteko transkripzioa eta soinu-jakinarazpenak zuzenean atzitzeko, egin urrats hauek:
1. Ireki gailuko Ezarpenak aplikazioa.
2. Sakatu Erabilerraztasuna eta, gero, Istanteko transkripzioa edo Soinu-jakinarazpenak, abiarazi nahi duzun aplikazioaren arabera.
3. Istanteko transkripzioa edo Soinu-jakinarazpenak abiarazteko, erabili Erabilerraztasuna botoia, keinua edo ezarpen bizkorra (https://support.google.com/accessibility/android/answer/7650693).

Soinu-jakinarazpenak:
• Jaso etxeko soinuetan oinarritutako balizko arrisku-egoeren eta egoera pertsonalen jakinarazpenak (adibidez, ke-alarma, sirena eta haurtxoen soinuak).
• Gehitu jakinarazpen-soinu pertsonalizatuak etxetresnek bip-soinuak igortzen dituztenerako.• Jaso jakinarazpenak mugikorrean edo soinean eramateko gailuan, argi keinukari baten edo dardararen bidez.
• Egin historian atzera zerrenda-ikuspegiarekin (gaur egun 12 ordura mugatua), une jakin batean inguruan zer gertatzen ari zen ikusteko.

Denbora errealeko transkripzioa:
• Denbora errealean transkribatzen du 80 hizkuntzatan/dialektotan baino gehiagotan.
• Gehitu maiz erabiltzen dituzun hitz pertsonalizatuak; adibidez, izenak edo etxeko gauzak.
• Ezarri gailua dardara egin dezan norbaitek zure izena esaten duenean.
• Idatzi erantzunak elkarrizketan bertan. Ireki gailuaren teklatua eta idatzi behar duzuna elkarrizketa eten ez dadin. Idatzi ahala agertuko dira transkripzioak.
• Audioa hobeto jasotzeko, erabili entzungailu kabledunetako eta Bluetooth bidezko entzungailuetako kanpoko mikrofonoak edo USB bidezko mikrofonoak.

Transkripzioak berriro ikusteko aukera:
• Gorde transkripzioak 3 egunez. Gordetako transkripzioak gailuan izango dituzu 3 egunez, eta beste tokiren batean kopiatu eta itsatsi ahal izango dituzu. (Modu lehenetsian, transkripzioak ez dira gordetzen.)
• Egin bilaketak gordetako transkripzioetan.
• Kopiatu eta itsasteko, eduki sakatuta transkripzioko testua.

Eskakizunak:
• Android 6.0 (Marshmallow) eta bertsio berriagoak.

Istanteko transkripzioa eta soinu-jakinarazpenak aplikazioa Gallaudet University-rekin, AEBko gorrentzako eta entzumen-arazoak dituztenentzako unibertsitate garrantzitsuenarekin, elkarlanean sortu da.

Bat egin https://groups.google.com/forum/#!forum/accessible helbideko komunitatearekin oharrak bidaltzeko eta produktuen berritasunak jasotzeko. Istanteko transkripzioa eta soinu-jakinarazpenak erabiltzeko laguntza lortzeko, jarri gurekin harremanetan https://g.co/disabilitysupport helbidean.

Baimenen oharra
Mikrofonoa: Istanteko transkripzioa aplikazioak mikrofonoa erabiltzeko baimena behar du inguruko hizketak transkribatze aldera. Audioa ez da biltegiratuta geratuko transkripzioa prozesatzen amaitu ostean. Soinu-jakinarazpenak erabiltzeko, mikrofonoa erabiltzeko baimena behar da inguruko soinuak entzute aldera. Audioa ez da biltegiratuta geratuko prozesatzen amaitu ostean.
Erabilerraztasun-zerbitzua: aplikazioa erabilerraztasun-zerbitzu bat denez, zure ekintzak ikus ditzake.
Jakinarazpenak: soinu-jakinarazpenak darabiltzaten eginbideek jakinarazpenak erabiltzeko baimena behar dute soinuen berri eman ahal izateko.
Inguruko gailuak: Istanteko transkripzioa aplikazioak inguruko gailuak erabiltzeko baimena behar du Bluetooth bidezko gailuekin konektatu eta mikrofonoa hautemateko.