聖誕快樂!

祝大家聖誕快樂!  2013年一切安好!!!

臣臣:  媽媽帶左我返屋企探婆婆,
我係咪好醒目呢?!!

杜牙根

十一月尾帶左臣臣去洗牙, 發現有隻臼齒脫左隻腳, 要去杜牙根!!!!  原來, 香港係無獸醫牙醫架!  呢個醫生係由外地黎香港, 一年黎香港幾次, 毎次一至兩個星期, 好彩咁岩十二月頭佢再黎, 所以上個星期日帶左臣臣去做手術啦!

因為要麻醉, 所以臣臣由手術前一晚八點就唔可以食野啦..... 結果十點半聽醫生講解個手術大約要做D乜之後, 咁就放底左臣臣係診所準備杜牙根啦!  十二點幾果時姑娘打黎, 話仲有三隻大牙要脫左佢, 嚇到我地死咁細個就要做無牙佬????? 結果急急腳走返去睇清楚情況, 好彩醫生話唔會影響到佢食野, 咁都無咁驚..... 咁我地就走啦... 然後四點鬆D我地就去接臣臣, 佢都叫精靈, 仲偷食診所既貓糧(!)....可能真係餓左好耐.....陰公! 

三個月之後, 臣臣仲要去多次加個永久既crown, 咁至叫做完成.... 好彩平時有幫臣臣買保險, 如果唔係就甘囉!  (不過唔知賠到幾多.... )

臣臣:  我地黎做乜呀?  我無早餐食既??

呢個樣係第一次去洗牙, 好似好精靈!

做杜牙根之前, 同佢walk 一野先...
佢果時仲未知道要去做手術!

呢個係做完杜牙根既臣臣,
好攰咁, 都變左呆雞左幾日... 

呆雞!

以下圖片有少少血腥...........

臣臣的牙齒

入選

前文提要 臣臣今年參加左"您的寵身 x LAWC"既2013年曆咭, 今日收到EMAIL, 臣臣入選了!!!  如果各位街坊想要年曆咭既話, 請send 你地既通信地址去 tysonchan611@gmail.com, 收到年曆咭後, 我會寄俾大家!

臣臣:  多謝各位支持!!!! :)

小寶貝一日遊海鮮餐

襯住公眾假期, 第一日(29.09.12)就帶埋臣臣同朋友再去糧船灣游水食海鮮!!!

係西貢碼頭等船中!

原來個package 有個咁既名!

呢個臣臣最鍾意就係嗲爸爸!

你睇FABI幾開心!!

今日個灘真係好正, 又無乜人, 萬里無
雲, 仲要水清到不得了!

你地睇下, D沙真係幼架!

見唔見右上角既狗狗們跑得幾開心!
肥臣就係淺水區度HEA啦...懶到呢.....

臣臣:  游出去有海盜架!!!!!
要快D游返去~~~

FABI明明搭船都仲好開心, 一俾爸爸
抱出去迫佢游水, 就黑哂口面啦!

玩左一陣, 有隻遊艇既人上左灘,
個個都好鍾意同阿臣玩,
但係阿臣個樣就......
臣臣:  點解無靚女架?!!!!!

爸爸係度補搽太陽油,
呢個肥臣係樹做乜呢???

臣臣:  爸爸迫我影合照!

臣臣:  都係曬下太陽好D!

游左兩粒鐘, 我地就坐返大飛返去食海鮮.. 

俾少少大家睇下啦... 都真係OK架!

(其他因為太肚餓... 大家掛住食, 無再影LU~~)

今年係最後一次出海游水啦... 

下次應該係去行山lu~~~ (不過都要等爸爸考埋試先!)

投票

因為各位BLOG友提議臣臣今年再參加 "您的寵兒 x LAWC"既2013年曆咭, 所以放三張相比大家投選... 最高票數會send過去LAWC, 睇下今年臣臣會唔會入選啦! 
(投票至 12:00 05 Oct 2012)

A.

B.

C.

年曆咭

睇到新一年既 您的寵兒 X LAWC 年曆咭 又招募啦! 
記起臣臣都有參加過, 張咭整左出黎仲好靚添~~ 
所以想幫自己寵物留個念, 又想幫下 LAWC既朋友,
就快D參加啦!!! 

(果時張相臣臣好似老過而家,
但係影果時好似得歲幾架咋喎..... XDDDD)

行outlet

上個星期日好好天, 又涼返D, 

襯有少少時間同臣臣去鴨脷洲OUTLET行下! 

今次既目的地係 whiskers & paws!  佢地逢星期日都會有HKDR狗狗領養活動架!  

想養狗狗既朋友, 就得閒去睇下啦!

你睇肥臣後面幾多狗狗幾多人!  好熱鬧呀!

睇下呢隻唐狗幾得意!!!

臣臣:  做乜樹要我坐定定?!!

爸爸:  影兩張好難為你咩?!!

臣臣:  唔......

玩左個幾鐘就返去, 等笠果時,
你睇隻肥臣... 肥到呢.....
真係要得閒同佢去跑多D!

近照

原本上星期六約左班狗友食海鮮+游水既, 

點知有狗狗唔舒服, 取消左,  希望下個月可以再戰啦!

而訂左去沖涼剪毛都照去,

因為 Sammy 姐姐遲D去台灣學藝,

臣臣又要一排都無得去sammy姐姐度啦!!!

臣臣:  Hello!  各位!! 阿四辦事不力,
成日都咁遲post 我d 相, 大家有無掛住我呢?!!!!

臣少至愛...

因乜究竟臣少咁開心呢?!!!!

|

|

|

|

|

|

|

|

|

就係呢個玩具啦!!!!

臣臣其實都有好多玩具, 但係自從兩年前, 佢遇上圈圈之後,
就好專一地愛上左佢啦!  不過玩得耐都會有爛既一日,
但係搵左好耐都搵唔到, 結果要靠朋友訂回來.... 

大家睇下佢.... 叫佢... 佢望一望就算, 

又繼續玩佢個圈圈... >.<

臣少趕牛?!!



佢唔係臣臣, 只不過爸爸係FB
見到呢隻來自俄羅斯既哥基, 
個樣同臣臣好似呢!!

臣臣細個果時都有哥基既本性,
就係會咬爸爸隻腳, 當佢牛咁趕...
哈哈哈! 不過, 而家無LU~~



頭搖又尾擺

呢件就係日本買返黎既雨褸啦.. 有次落雨同臣臣落街, 就著左件雨褸.... 佢好攪笑.. 行到扭下擰下... 成條裙仔咁!

再去南豐灣 (21.07.2012)

因為上次去糧船灣唔夠喉, 結果同一伙人就再戰南豐灣啦!  今次真係天氣好好.... 

臣臣:  見唔見到我隻手仔?!!! 今日D水好清啊!!!! 

臣臣: 後面果D人同狗, 就係今次一齊黎既朋友仔啦~~

臣臣既好朋友 finfin 同埋 fabi (對眼碌得好大果個呀!)

海亀擱淺!

唔鍾意游水既fabi, 一上海亀即刻開心哂!!

fabi 同 finfin 一齊上海亀, 但係finfin似乎有D淆底... 哈哈!

臣臣唔係好想同隻海亀影相,
你睇佢避隻海亀避到個身都側哂!

泥狗!

游左兩粒鐘, 我地就回程去糧船灣去食海鮮啦! (次次都無影相, 因為太肚餓, 唔等得...食左先!  哈哈哈)  我地食海鮮既時候, 臣臣就係樹抖下啦~~   話說之後我地送左佢去姐姐度沖涼果時, 風雲色變, 落起大雨, 真係好好彩啊!!! 

夏日炎炎, 游水去~~~

(7.7.2012)

好耐無去游水啦~~ 襯好好大陽約埋FINFIN 去西貢得生游下水先~~~

天氣好.. 即刻去游下水先~~~

泰臣:  邊個!?!!!  邊個禁我落水?!!!!!

Finfin:  正~~~ 有浮板~~ 休息下先!!!

肥臣真係肥到連塊浮板都差D浮唔起佢~~~~

臣臣:  咩呀?!!! 你睇我.. 厚毛咋..... 我係slim架!!!!!!!

出水芙狗~~~ YEAH~~~

泰臣紅葉之旅 2010 (8)

Day 8 (19.11.2010)

快樂既旅程到尾聲啦~~ 因為只係訂到早機返香港, 所以唯有一早就送臣臣同CHERI 去日本既貨運站啦~~~~~~ 其實我地係送佢地上office, 不過離開既時候已經見到少爺小姐去到貨運站啦!!!

阿四:  臣臣, Cheri 你地乖乖地搭飛機啦~~~
好快就返到香港架啦!!

臣臣:  阿四, 返到香港你記得第一時間接我呀!!!
唔係你就知味道!!!!!

跟住我地就去機場入閘啦~~

襯未上機啪個豬扒飯先!!!

.
.
.
.
幾個鐘之後, 我地落機後, 拎埋行李
就搭的士去機場貨運站接少爺啦!!

呢個就係貨運站既漁農署... 

辦一連串既手續... 

等左好耐.. 差唔到成半個鐘, 至接到少爺~~

臣臣:  嘻嘻~~~ 返屋企LU~~~~ 唔知幾時再去旅行呢?!!!

小意外: 爸爸係等臣臣既期間放低左個backpack係漁農署, 見到臣臣出黎, 就急急腳拎埋D野就同臣臣上的士.... 結果唔記得拎返個袋!!!!!!!!!!!!!   裡面仲有部電腦架!!!!!


結果, 阿四被吩咐飛的士再去呢個貨運站拎返個袋.... 好彩無野唔見.... THANKS GOD!!!!!!!!!