tempèstes visceraus

non ei hújer

poder escapar

non ei témer

voler-se amagar

non ei indigne

deishar-se portar

non ei fàcil

mès ei volar

m'ac a dit eth men gat

era vida cor e cor

e cor tant

que cor mès que jo

e cor tant

que se m'escape

mès no me i esfòrci

entà perseguir-la

era mia vida

non servirie d'arren

ja ac è sajat

ja sabi coma ei

era mia vida

ja hè fòrça ans

que mos coneishem

per açò quan la veigui córrer

la dèishi passar

era mia vida

e de net quan era vida se pare

jo hèsqui coma es gats

me i apròpi pòga pòc

e l'atrapi

atau hesqui qu'era vida

sigue era mia