Hef flutt á nýjan stað

Kæru lesendur,

Ég hef ákveðið að flytja bloggið mitt yfir á vefslóðina www.hildurflovenz.wordpress.com. Þessari síður verður því von bráðar lokað.

Á nýju síðunni verður eitt og annað skemmtilegt að finna meðal annars reglulegan þátt sem ber heitið Úr plötuskápnum. Öll umfjöllun um Eurovision hefur þó verið flutt á nýja aðdáenda síðu um þá dásamlegukeppni á slóðinni www.jurovision.wordpress.com.

Um leið og ég þakka fyrir lesturinn hér hlakka ég til að heyra í ykkur á nýju síðunni.

Eurovision umfjöllun

Kæru lesendur,

Bendi ykkur á að öll Eurovision umfjöllun mín færist hér með yfir á nýja síðu sem við Eyrún Ellý Valsdóttir höfum komið á fót. Síðan ber heitið Allt um Júróvísjon og er að finna á slóðinni www.jurovision.wordpress.com.

Síðan er í vinnslu en hugmyndin er að hún verði troðfull af nytsamlegum og ónytsamlegum fróðleik um Söngvakeppni Sjónvarpsins, Eurovision og jafnvel undankeppnir í öðrum löndum. Ef þið hafið ábendingar um efnið á síðunni nýju endilega hafið samband.

Söngvakeppni Sjónvarpsins II. hluti

Anna kvöld verður annar undaúrslitaþáttur í Söngvakeppni Sjónvarpsins. Hér á eftir er að finna yfirferð á lögunum sem keppa þetta kvöld.

Gefst ekki upp í flutningi Manna ársins eftir Harald V. Sveinbjörnsson og Sváfni Sigurðarson.
Hér er á ferðinni lag í rólegri kanntinum, svona hefðbundið útvarpslag. Mér finnst lagið hvorki fugl né fiskur, hvorki skemmtilegt né leiðinlegt. Ég hef voðalega litlar skoðanir á laginu og í því ljósi myndi ég alls ekki vilja að lagið kæmist áfram og færi til Oslóar þar sem þetta er dæmigert lag sem enginn ma eftir, enginn kýs og við komumst ekki áfram.

Gleði og glens í flutningi Hvanndalsbræðra eftir Rögnvald gáfaða
Hvanndalsbræður áttu mjög gott ári árið 2009, risu einhvernvegin upp úr því að vera hljómsveit margir vissu hver var en var aldrei sérlega vel í það að eiga eitt af mestu spiluðu lögum sumarsins. Hvanndalsbræður eru gleðibandi og lagið er í algjörlega í þeirra stíl. Ég dilla hausnum og brosi þegar ég heyri lagið. Lagið er nokkuð grípandi en ekki mjög júróvísjonlegt. Ég er þó nokkuð vissum að þeir komist áfram bara fyrir það að vera með skemmtilegt lag og vera Hvanndalsbræður.

I belive in angels í flutningi Sigrúnar Völu eftir Halldór Guðjónsson
Þegar ég heyrði þetta lag fyrst í útvapinu hélt ég að þetta væri eitthvað gamalt lag sem ég hefði heyrt oft oft áður. Það getur verið mikill kostur í Eurovision! Lagið er lífleg ballaða og kunnuleg og ef flutningur er óaðfinnanlegur þá gæti þetta lag náð langt bæði heima og jafnvel í Eurovision fyrir það eitt að vera svona kunnulegt. Ég veit þó ekkert um Sigrúnu Völu og hlakka til að heyra hana flytja þetta á sviðinu.

One more day í flutningi Jógvan Hansens eftir Óskar Pál Sveinsson og Bubba Morthens
Mér finnst alltaf að heyra í Jógvani og mér fannst hugmyndin að sigurhöfundurinn frá í fyrra fengi að eiga eitt lag af undanúrslitalögunum 15. Lagið er eitt af þessu mögru lögum sem mér fannst svo leiðinlegt þegar ég heyrði það fyrst að ég var næstum búin að slökkva á útvarpinu. Hins vegar hefur það unnið svolítið á og mér finnst það bara allveg fínasta lag núna. Þetta er poppuð ballaða og Jógvan mun án efa flytja hana vel. Ég spá því nú bara að þetta lag gæti átt góða möguleika að komast áfram, útsetning er góð, flutningur verður góður og lagið er bara fínt.

Now and forever í flutningi Edgars Smára eftir Albert Guðmann Jónsson
Ja hérna enn ein ballaðan. Ætli hafi verið sendar inn 150 ballöður í keppnina? Mér virðist svona á heildina á þessu kvöldi þó að ballöðurnar séu öllu betri en voru síðasta kvöld. Þessi ballaða er allveg ágæt, mjög dæmigerð í fallegri útsetningu og Edgar Smári flytur oftast vel, þessi tegund laga hentar honum vel. Mér finnst þetta þó bara eitthvað hálf slappt í samanburði við hin lögin og ég veðja ekki á að þetta fari áfram.

Eftir fyrsta undanúrslitakvöld

Fyrsta undanúrslitakvöld í Söngvakeppni Sjónvarpsins var haldið á laugardaginn var. Þar komu fram fimm flytjendur, all ólíkir. Fluttar voru þrjár ballöður, einn rokkslagari og eitt europopplag.

Yfir heildina litið fannst mér þetta fyrsta undanúrslitakvöld heldur slakkt. Annað hvort fannst mér lögin bara ekkert sérlega skemmtileg, flutningur var oft á tíðum ekki góður og einhvernveginn var eins og hljóðið væri ekki allveg í lagi.

Íris Hólm steig fyrst á svið með lagið The one. Lagið sjálft er ágætis ballaða og flutningur Írisar var fínn. Fannst þetta samt allt eitthvað hálf líflaust þó. Það kom þó ekki á óvart að lagið hefði komist áfram enda flutningurinn góður.

Næst steig á stokk Matti papi með lagið Out of sight. Matti flutti lagið óaðfinnanlega en sviðsframkoma hans sjálfs var ekki í takt við hressa hausasveiflandi dansarana. Persónulega finnst mér lagið ekki skemmtilegt og á alls ekkert erindi í Eurovision. Það kom þó heldur ekki sérlega á óvart að lagið hefði farið áfram í ljósi þess að það skar sig úr öllum ballöðunum og var vel flutt.

Ef mig misminnir ekki steig þriðja á svið Kolbrún Eva Viktorsdóttir og flutti lagið You are the one. Önnur ballaðan í keppninni þetta kvöldið. Fluttningur Kolbrúnar var ekkert til að hrópa húrra fyrir, á tíðum hékk hún í tónunum og sjáldan náði hún að halda úti tóni. Ef ekki hefði verið fyrir glæsilegar, vanar og góðar bakraddið hefði lagið algjörlega fallið um sjálft sig. Kolbrún var þó glæsileg á sviðinu í einstaklega fallegum gulum kjól.

Fjórða lagið var You knowked up on my door í flutningi Sigurjóns Brink. Sjonni hefur átt betri flutninga en mér fannst frammi staða hans í heild sinni góð. Lagið var þó ekkert sérstaklega skemmtilegt. Ég hafði getið mér um að annað hvort þetta lag eða lag Íris Hólm kæmist áfram og tel ég að flutningur Írisar hafi átt útslagið um hvort lagið fór áfram.

Síðust á svið var hin unga Karen Pálsdóttir með lagið In the future. Ég vona sannarlega hennar vegna að henni muni ganga betur í framtíðinni en á sviðinu á laugardaginn. Bæði söngur hennar og sviðsframkoma voru vandræðalega. Hún réð engan veginn almennilega við lagið. Auk þess vantaði allt fútt í undirspilið, það var næstum eins og það heyrðis varla. Konseptið þótt mér gott, europopp lag með karldönsurum og söngkonu en þetta féll algjörlega um sjálf sig með of lítill útsetningu, slæmum söng og vondir sviðsframkomu.

Næsta undanúrslitakvöld er á laugardaginn og mun yfirferð á lögunum sem þá keppa birtast hér á morgun.

Söngvakeppni sjónvarpsins 1. hluti

Jæja það er komið að því! Söngvakeppni sjónvarpsins hefst á laugardaginn kemur þann 9. janúar n.k. kl. 20:10. Keppnin fer þannig fram að haldin verða þrjú undanúrslitakvöld þar sem í hvert skipti keppa fimm lög. Kosið verður í símakosningu og munu tvö lög á hverj undanúrslitakvöldi komast áfram í úrslit sem haldin verða þann 6. febrúar n.k.

Að vanda mun ég fara yfir öll lögin í keppninni og segja álit mitt á þeim hér á þessari síðu. Hægt er að nálgast lögin og frekari upplýsingar um keppendur á vefsíðunni www.ruv.is/songvakeppni

Hefst nú yfirferð:

You are the one í flutningi Kolbrúnar Evu Viktorsdóttur eftir Harald G. Ásmundsson.

Hér er á ferðinni rólyndisballaða sem byrjar allveg hreint ágætlega. Eftir rétt tæpa mínútu af laginu kemur heldur óvenjulegur kafli sem ég hélt fyrst að væri viðlag en reyndist svo vera millikafli fyrir fyrsta viðlag. Í laginu er nokkur stígandi. Það byrjar í einfaldri útsetningu og heldur rólega en bætist smám saman á næstum því til loka þegar er vegleg útsetning með strengjum og bakröddum. Lagið endar svo á því að dregið er til baka í útsetning og lagið endar jafn einfaldlega og það byrjaði. Lagið allveg ágætt en dæmis algjörlega hvernig sviðsetningin og flutningurinn.

The one í flutningi Írisar Hólm eftir Birgi Jóhann Birgisson
Önnur ballaða hér á ferð í amerískum stíl þar sem samið er eftir öllum reglum og hefði sómað sér vel í Rólegu og rómantísku á FM957 árið 1995! Mér finnst ég hafa heyrt lagið um það bil 100 sinnum áður en það er nokkuð betra en ballaðan You are the one, bæði lagið sjálft og flutningurinn. Óneitanlega eru þessar ballaður áhrif góðs gengis Jóhönnu Guðrúnu í fyrra en ég verð þó að segja að hvorug þeirra nær þeim hæðum sem Is it true nær. Held þó að þetta nái áfram í úrslitin.

Out of sight í flutningi Matta Matt eftir Matthías Stefánsson.
Matti er mættur enn eina ferðina í Söngvakeppni Sjónvarpsins. Núna með lag í rokkaðari kantinum útsett í eighties rokk útgáfu. Þetta lag hefur þó ekkert í bestu rokklög 9. áratugarins og mér finnst það eiginlega bara vond útgáfa af eftihermulagi með leiðinlegum texta þó ég dilli mér pínu við það. Matti flytur þó óaðfinnanlega eins og alltaf og kannski er lagið bara betra með ljósum og hressri sviðsframkomu. Mér finnst það þó alls ekki til þess fallið að gera góða hluti í Eurovision.

You knocked up on my door í flutningi Sigurjóns Brink eftir Jóhannes Kára Kristjánsson

Jæja eins og Matti er Sjonni minn komin enn eina ferðina í Söngvakeppni Sjónvarpsins. Og jú viti menn þriðja ballaðan á þessu fyrsta undanúrslitakvöldi. Þessi ballaða er í Disney stíl og myndi sóma sig vel sem aðallag í hvað væmnu Disneyteiknimynd sem er hvort sem hún væri ný saga eða hefðbundið gamalt ævintýri. Sjonni kemst eins og nær alltaf sérlega vel frá flutningum þó mér finnist eitthvað bogið við að hlusta á hann syngja svona tegund af lagi. Það er lítið hægt að setja út á þetta, útsetning hentar laginu vel, lagið hentar Sjonna vel að syngja og lagið er bara fínasta Disney ballaða. Kannski kemst Sjonni bara í úrslitin að þessu sinni, ég mun allavegann kjósa hann sem endra nær :o)

In the futrue í flutningi Karenar Pálsdóttur eftir Bryndísi Sunnu Valdimarsdóttur og Daða Georgsson

Jæja fyrsta Europopplagið í þessari keppni! Það er svona allveg ágætt og gæti allveg vanist vel. Líkist svolítið mörgu Europopp laginu sem skotið hefur upp kollinum í Eurovision liðin ár með fallega en heldur fáklædda söngkonu í farabroddi. Eins gefur lag og útsetning upp á mikið sjow og er kafli í laginu þar sem ekki er sungið en næstum eins og gert sé ráð fyrir góðu dansatriði þar á stóru og flottu sviði í Osló. Mér finnst eiginlega nokkuð gefið að þetta lag fari áfram og veðja á að með því fari annað hvort ballaðan You knocked up on my door eða The one.

Hlakka svo til að heyra ykkar skoðanir hér í kommentakerfinu!

Ein hátíð búin og önnur að hefjast

Nú þegar jólin og áramót eru liðin þá er stutt í að næsta hátíð hefjist. Nefninlega EUROVISION! Að tæpri viku liðinni hefst Söngvakeppni sjónvarpsins þar sem úr því fæst skorið hver verður fulltrúi Ísland í Eurovision í Osló í lok maí á þessu ári. Af þessu tilefni mun þessi síða lifna við að nýju. Að vanda mun ég fara yfir lögin sem keppa og segja álit mitt á þeim. Svo Eurovision aðdáendur, fylgist með!!

Myndablogg - Smákökubaksturstilraun

Í tilefni þess að ég lauk prófinu mínu í dag og að á fimmtudaginn kemur blæs ég til árlegs smákökufestivals Gleðikórsins ákvað ég að skella í nokkrar smákökur í kvöld. Það vildi nú ekki betur til en að tókst alls ekki. Kökurnar runnu út, voru með kartölfumjölsbragði og voru bara almennt bæði ljótar og vondar. Held barasta að þetta hafi aldrei hent mig áður í bakstri! Þetta átti víst að vera myndablogg svo ég hætti að skrifa og set inn myndir af tilrauninni.

Deigið var látið í kæliskápin til að kanna hvort það stífnaði ekki við það.

Svona litu þær svo út eftir að þær komu úr ofninum:

Unnur smakkaði þær og svipurinn var ekki fallegur

Svo lentu þær bara í ruslinu