أود لو أضئ :)

عن الاحباطات اليومية 

عن الخيبات المتتالية 

وعن مخزون الحزن الذي لاينفذ ويكفي شعوبا لسنوات وسنوات

عن الحب الذي تنتظر فياتي الواقع بما لا تشتهي 

عنك وعن غيابك المستمر 

عنهم وعن احوالهم الغير مرضيه
عني وعن كل امراضي النفسيه 

عن الخوف الذي لايسمح لك بان تعبر 

وعن الايام التي توقفت 

فلا هي تمر ولا هي تُنسى 

عن الامس الذي بات ذكرى

واليوم الضبابي الكائن غدا ايضا ك ذكرى 

عن الذين يقتلونك ولا تنسى 

يقتلون الروح بداخلك 

فتصيبك لعنه ارواحهم القذره الى الابد 

عن كل ذلك وانت ترميه خلفلك 

عن قوة رغبتك في ان تبدا من جديد 

وتنتظر هداياك من جديد 

:)

نسرين 

12.4.2015

عن الامل رغم كل شئ

والنور بداخلك 

حاصر حصارك

نمرة

في السفر 8 فوايد مش سبعه

ملحوظه :
رجاء اللي هيقرا البوست بلاش مثاليه وميحكمش عليا ولا علي المواقف ويقولي المفروض كنتي تعملي كذا او كذا وهو متحطش في نفس مغريات الاختيار 

يستني لما يتحط ويكتشف نفسه

:)

بيقولو في السفر سبع فوايد 

لكن انا اكتشفت الفايده الثامنه للسفر

الموضوع ابتدي لما سافرت الهند بالذات

السفريه ده كانت مختلفه حبتين عن السفريات اللي قبلها لعده اسباب

اولا انها هتطول جدا جدا

ثانيها انه مكنش معايا حد من اصحابي اللي كانو يعرفوني اصلا

ثالثها ان الهند بعيده جدا يعني الصدفه محتاجه صدفه عشان تلعب لعبتها معايا هناك واقابل حد اعرفه او يعرفني

من الاخر كدا انا وانا فقط ملكه تصرفي بالكامل بدون اي رقيب 

في البدايه  مخذتش بالي من الموضوع ده

لغايه ماكان الويك اند الاولاني

ولقيت كل اللي في السكن بيجمعو بعض عشان يحتفلو بعيد ميلاد بنوته برازليه معانا

قشطه قلت لهم اني راشقه معاهم بس هخلص مشاويري واجلهم علي مكان الاحتفال

واخذت العنوان

وجه المعاد المفروض اروح لهم طلعت موبايلي وكتبت العنوان علي جوجل عشان اعرف هروح ازي

واذا بي اكتشف ان المكان المقرر الاحتفال فيه ماهو الا ديسكو من بتوع الهلس
والمسخره ده

:D

اروح ولا ماروحش؟؟!!

لو رحت هيبقي هو ده العادي وانا مش ملزمه اعمل زيهم يعني

مش لازم ارقص واتنطط زي فرق لوز مع المزيكا زي ما بيعملو مع اني بصراحه ساعات ببقي محتاجه اتنطط واصرخ كدا عشان اخرج الطاقه اللي جوايا

ولا مضطره اني اشرب حاجه هناك  مع انه ساعات بيجي للواحد فضول هو اللي بيشربوه ده عامل ازي

انا بس هروح اتفرج علي الجو مش اكثر ولا اقل وبعدين ابقي امشي بدري

وكدا او كدا محدش هيعرف خالص

اروح ؟!!

ماشي عادي يعني بس انا لو رحت هبقي بنت منافقه جدا وبتاعت منظره

عشان ياما رفضت اكل في عز الظهر في اماكن بتقدم خمور في مصر او في دبي وكنت ببوظ الخروجه ساعات للعيال

ولو رحت هبقي بت ملزقه ومقرفه عشان في سنه من السنين ياما اتكلمت عن ان الواحد
لازم يكون له الكود اوف اثيكس بتاعه اللي بيرجع له في اي وقت واي بلد 

ولو رحت بالحجاب اللي علي راسي ده يبقي بهينه كدا !!!
فضلت كثير احسبها ومن ضمن الحاجات اللي كانت بتيجي في الحسابات اني مش ملزمه باي حاجه هناك 

هبص بس عليهم وامشي 

بس انا لو رحت برضو مش هقدر ارفض اي خروجه بعد كدا وده منكن يخلي اي حد يتجرا عليا 

لا يابنتي متكبريش الموضوع ده العادي بتاعهم اصلا 

وبعد مناوشات وصولات وجولات مع نفسي

وبعد ماكنت زهقت من قاعده الرصيف اللي كنت قاعده عليه بفكر 

قررت اني انفض لاي حسابات واعمل اللي احسه مريحني 

وقتها حسيت اني عايزه اروح انااام اووي 

وروحت وقفلت الموبايل ونمت نوم فيه احساس غريب

صحيت الصبح لقيتني بتكور علي نفسي واحضنها وبعيط جامد
معرفش ليه بس فضلت اعيط كثير :")

كل ده وانا مش مركزه برضو مع حاجه مهمه مش هكتشفها الا وانا في تونس 

بعد كام يوم كان ثاني صدام ليا مع نفسي
اكتشفت انه فيه يوم في الاسبوع بتتجمع فيه بنات السكن لوحدهم وبيداو يشربو شيشه 

تفاح علي خوخ علي مانجه ...

وكل واحده بتحكي عن مغامراتها العاطفيه وجروح قلبها الغائره 

من الاخر بتبقي ليله عنب عنب في السكن بتاع البنات لانهم بيهيسو فيها جامد 

وبيعلمو بعض ازي الدخان يطلع وازي مش عارف ايه وهكذا
في اليوم ده كنت انا المستجده في السكن

والعربيه الوحيده

فكانت الحفله كلها عليا وعلي الواجب اللي هيتعمل معايا 

في الاول سالوني بتحبي ايه اكثر فاكهه فقلت لهم الخوخ

لما بدات الليله لقيتهم جايبين ليا شيشه خوخ ليا لوحدي ترحيبا بيا 

!!!

وبعيدا عن التريقه اللي اخذتها لما قلت اني مش بشرب شيشه ولا سجاير 

وعن النصائح العظيمه جدا واللي اول مره اسمعها في حياتي عن فؤائد الشيشه 

وبعيدا عن انهم شايفينه مجرد لعب وهزار وانه عادي عشان فيه مسلمات كثير في السكن بيشاركو 

اعتذرت لهم وفضلت قاعده علي سريري 

اتفرج عليهم وهما بيتسابقو يطلعو الدخان من فين وبانهي كميه
واسمع في قصص حبهم الغريبه 

مش هكذب واقول مكنش عندي فضول اجرب واعرف طعم البتاع ده
واشاركهم مكنون روحي وطعنات قلبي النازف 

والشيشه راحت ولا جت زيها زي السجاير

وبعدين مفيه بنات واولاد كثير في مصر بيشربوها 

يعني لو جربت مره مش مشكله

وهنا احلي ميزه انه محدش هيعرف زي ماهما قالو ليا انه ده بتبقي جلسه سريه خاصه

وقتها حسيت انه طلما انا عندي فضول اجرب مبتجربيش في مصر ليه ؟

!!

لو جربتها هنا يبقي انا مبجربش في مصرعشان خايفه من الناس والمجتمع  مش اكثر وانا اللي دايما بقول الناس مبتهمنيش ...!!!
 ها ايه ؟

البعده يشربو ويضحكوا وانا بلف حولين نفسي في نفس ذات المعركه 

واخيرا اتنفضت وقمت من علي السرير فتحت دولابي وغيرت هدومي وسبتلهم السكن
ونزلت وانا بدعي عليهم الهي ارجع القاه والع بيكم يابعده 

خذتها جري حولين السكن لغايه مانفسي اتقطع

وانا عماله اقول مش هشرب عشان انا نظيفه بجد  

مش هجرب هنا ودوات عشان انا مش جبانه
الهي تولعو يابعده 

طلعت بعد ساعتين لقيتهم مولعوش ولا حاجه و اتخمدو 

اتخمدت جنبهم من التعب 

صحيت تاني يوم من غير عياط المره ده بس كنت حاسه بحاجه جميله :")

بعدها توالت المواقف والقرار بعد كدا مبقاش صعب 

الرد دايما اني بحب نفسي وبحافظ عليها هنا زي هناك 

واني لو عاوزه اجرب حاجه اجربها في بلدي من غير مااستخبي لو هي بالنسبالي صح 

لغايه هنا برضو مكنتش اكتشفت نعمه كبيره ربنا ادهالي 

رجعت مصر ورجعت الاختيارات سهله ومش محتاجه حيره ولا حسابات ولا تفكير 

هي بتمشي لوحدها بحكم العاده والمجتمع والاسره والطبيعي والروتين اليومي 

الي ان سافرت تونس 

يتبع 

نسرين

في السفر 8 فوايد

7/11/2014

Extremely Loud and Incredibly Close

الفيلم ده فكرته هما الناس اللي حاسين بالضياع والفقد

ايا كان السبب بقي او حتي الحاجه اللي هما مفتقدينها 

فكرته احنا لما بنفتقد حاجه ونعوزها قووي 

ونجري في كل مكان ندور عليها 

ونبقي شايفين انه ضروري نوصل لها 

عشان نعرف نعيش ونكمل 

جايز قوي نكتشف في الاخر ان الحاجه ده طلعت  مش مهمه 

او تطلع متخصناش من اساسه 

وانه مكنش مهم نوصل لها اصلا

بس ربنا خلاك تتعلق بيها وتسعي ليها بالرغبه والشغف ده 

عشان وانت في طريقك ليها 

هتقابل الحاجه اللي تخصك بقي 

منكن مش تاخذ بالك في وقتها ولا انك تفهم ده بسرعه  

مش مهم

المهم انك تفهم 

وتاخذ بالك في الاخر 

زي مابيقولو كدا الكنز كان في الرحله

 :)

(الي كل الضايعين امثالي .. مسيرك يوم وانت تايهه وبدور تخبط في اللي يخصك )

نسرين

7/6/2014

التفاصيل الصُغيره

عارف انت اللي يبصولك وانت خايف

بصه حنينه كدا فتتطمن

واللي بياخذو بالهم من كوبايه النسكافيه بتاعتك 

دول اللي عارفين انت بتقول كام (اصلا) في وسط الكلام

هما هما  اللي لما يجو يكلموك يتكلمو بـ لغتك البايظه وحروفك المتشقلبه ده 

اهو هما دول بقي الحلوين اللي شبه قوس قزح 

^^ 

الناس اللي بتاخذ بالها من التفاصيل الصُغيره بتاعتنا ده ناس تستاهل اننا نحبهم

نسرين 

6/6/2014

ذات اللفته _ هبه الطوخي 

أقولك علي سر ؟!!

 

!!اقولك علي سر ؟

قولي

بس هو عبيط شويه

وانا بحب حاجاتك العبيطه ده

!!طيب مش هتضحك عليا ؟

لا مش هضحك قولي بقى

 

(انا عنيا بتطلع نجوم لما بتكلم عنك)

^^ 

نسرين
وانت لي عالم من الخيال
4/13/2014

لما حدي بتكون_مي جمعه

خناقه

 

كل خناقاتهم عباره عن: 
 هي عايزه تتخانق دوات وهو ملوش مزاج يتخانق دوات
هو في الاخر بيطر ياخذها علي قد عقلها ويخليها تتخانق دوات
هي بكل عصبيه: عاجبك كدا اديني نسيت احنا المفروض نتخانق ليه

 

 

نسرين

(مجانين واتلمو علي بعض)

^_^

8/4/2014

 

 

 

شو صاير بحالك _ جوليا بطرس

Malang

انت عارف ان بصتك 

 ليها ملمس مخملي بيدغدغ جوايا كدا !!؟ 

طب انت عارف لما بقعد اقطع الورق اللي قدامي ده لـ فتافيت صغننه

ببقي بداري اللخبطه والدوخه اللي بحس بيها وانا قريبه منك 

طب سيبك من ده كله وقولي هو مينفعش يعبو من ريحتك في ازايز!!؟

بجد بقي 

الله 

;)

Nesreen

انت لي 

9/1/2014

;)

Malang - Dhoom3

قوس قزح

كونك بسيط مش معناه إنك حد عادي 

ياحبيبي

أصله مفيش أبسط من الوان قوس قزح 
:)

نسرين 
10/6/2013
سلام عليك
:)

كنا نتلاقى_فيروز

ضحك دافي

الضحك فيه منه انواع كثيره 

اجملهم الضحكه الدافيه المتلخبطه 

اللي تودي براك لـ جوه 

وتجيب جواك وتطلعه لـ بره 

نسرين 
في ضحكتك طريق حريه
:)
22/9/2013

لوحدك_ فيروز كروايه 

ابتسامتي ^^

هو أنا لو قلت لك إنك ابتسامتي 

هتعمل ايه ؟!

:)

Nesreen 

8/8/2013

حاضر يازهر _ منير