ADIMEN KOLEKTIBOA 2.0 DONOSTIA MINTEGIA

zer da adimen kolektiboa 2.0?

Adimen kolektiboa-Inteligencia colectiva IC- proiektu bat da, zeina ezagutza kolektiboan oinarritutako kooperazio sare internazional bat sortzean datzan. Adimen kolektiboa, tokiko teknika eta artisautza, produktu erdi-industrializatuak eta estandarizaturik ez diren eraikuntza soluzio-sorta bezala ulertzen dugu.

mintegiaren istoriotxoa...

IC proiektuak Colombian du sorrera, 2008ko uztailean 2 tailer antolatu zire, Izaskun Chinchilla arkitektoaren zuzendaritzapean, Lys Villalba Leon11 kolektibotik eta Manuel Pascual zuloark taldearen osagai gisa, Maria Carmona zira02 taldearekin batera. Proiektua Universidad Pontificia Javeriana de Bogotá, Pontificia Bolivariana de Medellín eta Medellineko Arte Garaikideko Museoaren elkarlanean burutu zen.

2009.etik aurrera proiektua zoohaus kolektibo madrildarrak hartu eta jarraipenari ekin zion, 2010eko azaroa eta abendua bitartean, 2.fase bat izan duelarik, Hego Amerikako unibertsitateetatik ibilbidea eginaz. Bestalde, inteligencias colectivas webgunea sortu dute egindako lan eta bildutako adimen kolektiboarekin.

Hego Amerikan jasotako esperientzia ondoren, IC-Adimen kolektiboa Donostiara dator!

zer landuko da mintegian?

Mintegiak Euskal Herrian den "adimen kolektiboa" biltzeko helburua du. Mintegiaren ikerlana beraz, gure testuinguruko gune batean kokatuko da, bertako aukera-egoera ikertuz, hala nola adimen kolektiboa detektatuz. Bildutako jakinduria kontzeptu edo sistema gisa definituko da, landu beharreko gunearen egoera zehatzean aplikatzeko, tokiko ezaugarriak hobetu, osatu edo aldatzeko helburuaz. Honela, adimen kolektiboa eraikuntza-sistema berri bihurtuko da prototipo gisara, prototipo hau eraikiz. Azkenik, ikasitakoa eta deskubritutakoa elkarbanatzeko, jadanik sortutako sare digitaleko artxiboan kokatuko da.

nola antolatzen da mintegia?

Mintegia OTSAILAK 28TIK MARTXOAK 4RA bitartean gertatuko da, Donostiako Arkitektura Eskolan. Irekia eta partehartzailea izatea nahi dugu. Aste trinko bateko luzapena du mintegiak. 2 aukera daude mintegian parte hartzeko: mintegiko 5 egunetan zehar lanean aritzea, edo partzialki etortzea. Goizeko 9:00htatik arratsaldeko 1930htara izango gara lanean, bazkaltzeko atsedenaldia eginaz noski. Bakoitzak erabakiko du zer eskaini nahi dion lantaldeari eta zer ikasi nahi duen esperientzia honetatik. Hainbat saio kanpoko jendeari irekiak izango dira eta beste batzuk, izena ematen dutenentzat bereziki prestatuak izango dira. Mintegia ZOOHAUS, plataforma partehartzailearen gidaritzapenarekin burutuko da, DAGETeko hainbat irakasleekin batera.    

Izena emateko...

Zure izen eta 2 abizenak bidali email bidez, eta esaiguzu zerk motibatzen zaituen mintegi hau burutzera. (klktblktb@gmail.com)

Izena emateko azken data: OTSAILAK 25, ostirala.

Mintegiak 15 eurotako kostua izango du, mintegiaren lehen egunean ordainduko dena.
Tailerra egiteagatik aukera askeko 2 kreditu emango dira.