JÆJA

Á ég að nenna að blogga?

matur handa börnum

Það eru 13.295 börn í skólum ABC barnahjálpar. Vegna lágs gengis krónunnar hefur víða þurft að hætta að gefa börnunum skólamáltíðir sökum fjárskorts.
Skólamáltíðin er oft á tíðum eina máltíðin sem börnin fá þann daginn og því afar mikilvæg til að börnin haldi heilsu og þreki. Börnin koma frá mjög fátækum fjölskyldum sem hafa lítið sem ekkert á milli handanna og því veltur stundum á skólamáltíðunum hvort barnið er sent í skóla eða út á göturnar til að vinna.

Treystir þú þér til að borga 1000 kr. á mánuði fyrir skólamáltíðir eins barns?

Smelltu hér ef þú vilt greiða fyrir skólamáltíðir barns http://www.abc.is/ABChjalparstarf/Styrkjastarfid/Skolamaltidiraskrift/

Smelltu hér ef þú vilt taka að þér barn (persónulegur stuðningur) http://www.abc.is/ABChjalparstarf/Stydjabarn/
Fjölmörg börn í ABC skólunum hafa ekki enn fengið stuðningsaðila.

Viltu vera svo væn/vænn að áframsenda þessa beiðni á alla sem þú getur.

Takk fyrir stuðninginn
ABC barnahjálp

draugagangur í túnunum

Ég er svo innilega sammála Guðmundi Andra í dag (bls. 12). Turninn í Túnunum er minnisvarði skelfilegs tímabils.
Á Þorláksmessu gerði ég innkaup í Nóatúni í Nóatúni og heyrði mikinn gjallanda. Fyrst hélt ég að það væri mannmergð í mótmælum en það var hæpið og sá í hendi mér að þetta kæmi úr turninum hálfkaraða.

geir og ólafur

Ólafur baðst afsökunar á hegðun sinni og sinnileysi gagnvart gagnrýnendum.
Geir sagði að EF hann hefði brugðist bæði hann afsökunar. EF?
Hann var nú m.a. sagður hafa brotið landslög með ráðningum. En hei, honum fannst það nú ekki alvarlegt.

Gleðilegt ár 2009

kríli verður að ærslabelg

Ég lagði mig fram við að finna kynhlutlaust "vinnuheiti" á bumbubúann. Kríli varð fljótt tamt. Enda vildum við ekki vita kynið. Eftir tvær sónarskoðanir og eina hjá mæðravernd þar sem erfitt var að gera mælingar vegna þess hve krílið hreyfði sig mikið. Og aðeins hægt að heyra hjartslátt í stutta stund, því það skrapp alltaf undan mælinum.
Mér fannst ég þá skilja hvers vegna ég væri stöðugt þreytt og með óróleika í maga, meiri en á fyrri meðgöngu.
Vinnuheitið breyttist því í ærslabelg, þar sem það ærslast um í belg móður sinnar! Sumir hafa tekið því þannig að við vitum að um dreng sé að ræða, en svo er alls ekki. Við vildum ekki vita í sónarnum og það gaf í raun ekki færi á því heldur.
Dóttlu finnst það skrítið að fá ekki að vita áður, kom í ljós í jólaboði nýlega þar sem þetta kom til tals. Hvað ef það er strákur og ég kaupi allt bleikt? Ég benti henni á að það væri ekki líklegt að ég keypti allt bleikt þar sem ég vissi það ekki. Þar að auki keypti ég bara ein föt, heimferðaföt í drapplitum tón, fyrir hennar fæðingu, og ég keypti ekki föt fyrstu árin, hún fékk svo margt gefins og lánað. Og hún var oft í bláum fötum af frændum hennar.
Ég er komin 22 vikur á leið og fannst það mikill áfangi að ná 20, því þá er ég hálfnuð. Á fyrri meðgöngu átti ég eftir að gera svo margt að mér veitti ekki af tímanum. Nú hef ég verið "tilbúin" frá fyrsta degi og finnst níu mánuðir langur tími. Er alltaf að hugsa til vors, en mundi svo skyndilega eftir jólunum og tókst að gera þau vel úr garði, þrátt fyrir veikindi.

ég er barnshafandi

Við skötuhjú eigum von á barni með vorinu. Það er mikil gleði því fylgjandi.
Sagt er að engin meðganga sé eins og ástæða til. Ég fann fyrir meiri þreytu og ógleði og kúgaðist stöðugt allan daginn núna og dró þá ályktun að kannski væri ekki allt með felldu. Á köflum. Ég fékk einhver lyf síðast við þessu að kúgast oft og kastaði upp einu sinni. Nú eru engin lyf og uppköst fleiri en ég hef tölu á. Ég veit að það er ekki rökrétt að draga ályktun út frá því, en við hugsum jú ekki alltaf rökrétt, allra síst í hormónaflæði að viðbættu þjóðfélagsástandi sem hér var í október. Svo skrapp kreppa á á heimilinu og landinu og það skyggði um tíma á gleðina og minnkuðu les á ljosmodir.is en jukust á eyjan.is!!!
Heilsan einnig. Ég mátti ekki taka neitt við hóstanum, svo sem kódein, né "alvöru" nefsprey með mentóli. Fannst að þegar ég loks náði svefni fyrir hósta, vaknaði ég upp vegna þvaglosunur. Á 2 kslt. fresti. Það er svo mikil aukning á nýrnastarfsemi fyrri hluta meðgöngu, svo fellur allt í samt lag og síðar mun barnið ýta á blöðruna. Mér finnst ég útsofin núna, ef é næ 6-7 tímum í strikk, alger lúxus. Já, það er hægt að gleðjast yfir ýmsu.
Ég keypti brjóstsykur gegn ógleði á meðgöngu, sem kostaði kr. 200 stk. og tímdi ég ekki að taka fleiri en 2 á dag. Einn í morgunsturtu og jafnvel annan í bílnum á leiðinni. Hraðahindranir ollu ógleði, eru alveg óþolandi fyrirbæri. Getum við ekki bara keyrt varlega/hægar?
Jæja, en þetta tímabil virðist liðið hjá, kastaði síðast upp áður en ég fór í 20 vikna sónar 15. des.

veikindi

Endurtekin veikindi settu svip á síðasta ársfjórðung ársins hér á bæ. Það var húsbóndinn sem byrjaði og náði hann þremur pestum á sex vikum með stuttum hléum en ég tveimur með mjög stuttu hléi á fjórum vikum. Þar sem ég var veik heima kunni ég ekki við að blogga mikið eða hanga í tölvunni, fannst ég þá allt eins geta mætt í vinnuna, en auðvitað var ekki svo. Ég hóstaði daga og nætur og því var lítið um svefn og meira um dúra dögum saman. Dóttla kom heim uppúr 2 úr skólanum og reyndar var erfitt að horfa á eftir henni í náttmyrkrið kl. 8 á morgnana og fara síðan aftur uppí rúm! Mér finnst skóli kl. 8 ill meðferð á börnum.
Pensilín, verkjalyf, nefsprey, hóstamixtúra og allur pakkinn. Jóladagur var fyrsti dagurinn sem var enginn hósti hjá mér, eitthvað smá fyrr hjá honum.
Ég var nánast laus við pestir í eittoghálft ár, eftir að hafa tekið til í mataræði, borðað hollari mat, minna af E-efnum, mjólkurfæði (nema OST) og hef verulega slegið af á þessu ári, ekki síst í haust. Bæði það að ég sé minna um innkaup og eldamennsku en áður... og matarlystin var fremur í venjulegan mat, ef einhvern því...

klára árið

Best að klára árið á þessum vígstöðvum.
Ætli ég segi ekki gott af krepputali, áhugasamir lesa yfir sig nóg annars staðar. Einhverjum fannst ég þunglynd að spá í eignastöðu og hvenær hún næði núlli en síðar urðu allir fjölmiðlar uppfullir af fólki sem er að spá í þetta núna, að láta bankann yfirtaka eignina frekar nú en síðar.En sumsé. Við hér í kotinu höfum tekið ákvörðun um að halda okkur við fyrri ákvarðanir þar til mál skýrast.
Við opnuðum því á milli íbúðanna okkar og eigum nú HEILA HÆÐ í miðbænum. Orðið innangengt milli íbúðanna okkar og alger lúxus. Bjart og fallegt. Ráðist var í framkvæmdir tveimur vikum fyrir jól enda iðnaðarmenn á leið úr landi með tæki og Pólverja eftir áramót... Þetta eru ekki ýkjur. Það á eftir að sparsla og heilsparsla svo við innrömmuðum gatið með rauðu siffoni og hengdum í það jólakúlur og stjörnur. Bækurnar fá líka að bíða í kössum þar til verkinu er að fullu lokið svo bókaskápurinn er einungis með jólaskrauti. Það er því jólajóla hér á fyrstu sameiginlegu jólum okkar nýsambúðarfólksins. Þetta var hörkudjobb að færa veggfasta skápa og finna þeim framtíðarstað. En gaman. Kosturinn við þessar breytingar eru að þær er hægt að framkvæma eftir efnum og aðstæðum hvort sem það er kreppa eða ekki og ekki þurfum við að vera í millibilsástandi einhvers staðar. Breyttar aðstæður stofna því ekki plönum okkar í hættu, enn sem komið er.

íslensk stjórnmál undanfarið

1. Davíð Oddsson
2. Ólafur Ragnar Grímsson
3. Jón Baldvin Hannibalsson
4. Ragnar Arnalds

Ég hélt það væri langt síðan þeir hefðu hætt í stjórnmálum!?!?!?!

sala eða gjöf

Ég skil ekki hvernig hægt er að selja hlutabréf ef engin greiðsla kemur í staðinn. Er það ekki gjöf?