leið mig ... ???

r: þú leiðir mig mamma.
m: hvað segirðu?
r: þú gerir mig leiða.

af rmb

þegar rmb var að klæða sig í fötin fyrsta skóladaginn sagði hún:

mér líður alveg eins og ég sé að fara í leikskóla, samt er ég að fara í skóla!

---

það þarf ekki að vera djúpt og merkilegt innihald í bókunum sem hún dóttir mín fær heim að lesa þessa fyrstu skóladaga til að hún lesi úr þeim djúsí tengsl og sambönd. rmb les milli lína og blaðsíðna og ræður í myndirnar sem fylgja ekki síður en fátæklegt ritmálið ... sem henni finnst nú stundum asnalegt, sérstaklega í allra fyrstu bókunum (eftir gloppóttu minni móður):
ási á net.
göt eru á neti.
þetta er asnalegt, af hverju stendur ekki "göt eru á netinu"?
eða:
sísí á sám og sísí á rósu.
asnalegt, hahaha, þetta á að vera "sísí á líka rósu" eða "sísí á sám og rósu"

-----

það er laugardagur, örugglega rigning, og við hjónaleysin erum með rmb í bílnum á leið í parkettbúðir. gaman. djass streymir úr viðtækinu. síðan er afkynnt og þá heyrist í rmb aftur í:

er þessi kona með gleraugu?

góð tónlist

er mannbætandi!
hér er góðverk dagsins:

+/- 10?

í skópokanum eru tveir skór á hægri fót, annar númer 38, hinn númer 47 1/2. hlaupum dagsins frestað þar til síðdegis.

rmb um benna erlings: er hann að fagna af því að hann vann svona margar freyjur?

jæja

nú er sama hvað á dynur, ég verð alltaf fínni! gerði mér ferð upp á laugaveg og festi kaup á bestu vinum stúlkunnar. í sömu ferð uppfyllti ég jafnframt minn hluta samnings sem ég gerði við yngri dóttur mína í vor og hún er búin að rukka oft um. þannig er mál með vexti að hún á pleimó sem hún leikur sér gjarnan með. alls konar pleimókalla sem eru þó flestir kvenkyns. þarna eru mæður með börn á ýmsum aldri en líka prinsessa, henni fylgir reyndar prins, og læknir (kvenkyns allt svo). en dóttur minni finnst konurnar skorta kærasta. þess vegna hafði hún valið að fá eina ákveðna tegund pleimókalla í skiptum fyrir að vera dugleg að sofna sjálf í vor. og stóð sannarlega við sitt, hér fyrir nokkrum vikum ... eða mánuðum ... svo að nú sló ég til og fjárfesti í kassa einmitt eins og hana langaði í, sem inniheldur tvö kærastaefni handa gæðalegu pleimómæðrunum. hér eru kærastarnir.

hin djúpu vísindi????

rakst á þetta hjá nöfnu minni og jafnöldru sem líka er krabbi ... nema hvað hún er brjálaður hrútur innst inni. en svona er ég ...

Your True Sign Is Libra

Arty Charming Easygoing Extroverted A Total Flirt Social Butterfly A Total Chameleon Friendly and Outgoing

What's Your True Sign?

hehehe

tungumál

við fengum unga stúlku í heimsókn í gær sem talar bara ensku. rmb fannst nú bara gaman að reyna að gera sig skiljanlega í samskiptum við hana og ma heyrðist hún segja þessa setningu:
ví tala leisítán!

taugar

gleði og ærsl samborgara minna hér úti á túni hafa sjaldan farið eins mikið í taugarnar á mér eins og í dag ... hopp og hí og trallalla, smábörn að hjala (börn í bala) og rónarnir þenja raddböndin (fólkið sem ríkið þarf að ala), glamur berst frá öllum nærliggjandi veitingahúsum og helv reykingafólkið hér fyrir neðan pústar eins og mófó. sjálf hef ég verið njörvuð niður við tölvuna, bundin í báða skó ...

varúð! hlaup

eftir vel heppnaða og viðburðaríka helgi fann ég mig knúna til að fara út að hlaupa ... kortéri fyrir miðnætti! þegar á fyrstu metrunum fann ég að ég var mun léttari á mér en þegar ég fer á morgnana. planið var samt að fara hægt yfir. ég sá fram á að ná ríflega hlaupamarkmiði dagsins, 6,4 km, ég ákvað að fara nesið, samtals 7,5 km, og leið vel á eftir. ég fór því 20 km í vikunni!
næstu helgi verður langa hlaupið 8 km.
annars er unaðslegt að vera á ferli á þessum tíma sólarhrings ... logn og fagurt útsýni til allra átta.