GLEÐILEGT ÁR OG TAKK FYRIR ALLT GAMALT OG GOTT!

Farið varlega með sprengjurnar

Úff eins gott að ég fór í vinnuna í morgun! Ég var mjög nálægt því að fá letivírusinn en drattaðist svo af stað. Og rétt í þessu var eitt barnið að gefa mér konfektkassa og knús því ég er búin að "lækna" hann!! Mamman er svona svakalega ánægð og auðvitað ég líka því barnið var einstaklega móttækilegt og duglegt! Ég táraðist bara næstum af gleði yfir þessu.

Annars er lítið að frétta. Það er allt lamað hérna í Svíþjóð vegna jarðskjálftans í Asíu. Tala látinna er kominn upp í um 50 og ennþá eru 1500 týndir. Blöðin birta myndir af grátandi börnum og flugvélarnar koma heim með munaðarlaus börn og fólk sem hefur misst maka og foreldra... þetta er skelfilegt. Ríkisstjórnin fær líka svakalega gagnrýni fyrir að hafa ekki hjálpað til fyrr. Þeir eru fyrst núna í dag að koma heim með slasað fólk frá Tailandi og Sri Lanka. Systurdóttir Monu (sem passaði Skrám) var þarna og er gjörsamlega sálarlega í hassi. Búin að vera tína lík uppúr sjónum og finna mömmur barna og svona. Maður getur bara ekki ímyndað sér hryllinginn.

Heimferð

Ef veður leyfir komum Við Hjónin á morgun um þrjúleitið. Ef veður leyfir ekki ætlar pabbi að sækja okkur!!!

Sjáumst:D

Árekstur

Það var keyrt á mig þegar ég var að hjóla á lestarstöðina í gærmorgun! Sem betur fer slasaðist ég ekkert. Það var kolniðamyrkur og grenjandi rigning og ég var að fara að leggja af stað yfir ljós með grænt og allt þegar allt í einu bara fann ég einhvern skell og hálf datt til hliðar. Ég fékk náttúrulega svakalegt sjokk og vissi ekkert hvað ég átti að gera. Fann samt að það var í lagi með mig nokkurn vegin og reyndi að bursta af mér skítinn. Svo sá ég að bíllinn sem keyrði á mig stoppaði og út kom maður. Hann hafi ekki séð mig og ekki einu sinni séð að hann keyrði á eitthvað; bara heyrt dynkinn! Hann var sem sagt að beygja til hægri og var líka með grænt ljós. Vissi ekki einu sinni að ég hefði líka verið með grænt. Við vorum bæði mjög sjokkeruð og ég hálf vælandi. Hann gaf mér símanr. sitt og sagðist borga viðgerð á hjólinu og allt. Svo bara reiddi ég hjólið niðrá lestarstöð og fór í vinnuna! EF ég hefði verið komin aðeins lengra út á götuna hefði hann keyrt á MIG. Ekki bara framhjólið á hjólinu... Og ég var ekki með hjálm því það var svo mikil rigning að ég vildi geta haft hettuna! Eru það ekki góð rök? Vá hvað maður er steiktur. Í þetta skipti var ég heppin, slapp með verk í öxl og læri og marbletti.

Þetta telst auðvitað vera vinnuslys og allir í vinnunni voru voða góðir við mig. Ég var send niður á slysó til að ganga úr skugga um að ekkert alvarlegt væri að, sem gæti komið í ljós seinna uppá tryggingar og svona. Fyrst fór ég niður og tilkynnti mig og hjúkrunarmaðurinn bauðst til að hringja í mig þegar færi að koma að mér. Þetta var kl. 8:45. Kl. 11:15 var hringt og ég mátti koma. Samt beið ég svo í ca 10 mín eftir að hjúkrunarkonan tók á móti mér, mældi mig og tók blóðþrýsting og sagði mér svo að liggja á bekknum og bíða eftir lækninum. Hann kom eftir FJÖRUTÍU MÍNÚTUR!!! Ég lá í sterílíseruðu hvítu herbergi með bara þessum bekk og einum stól og ekkert að horfa á eða gera. Hún fór bara og lokaði á eftir sér. Ég hélt auðvitað að það væri búið að gleyma mér og eftir hálftíma fór ég í dyragættina og stundi hátt og ræskti mig og horfði reiðilega í kringum mig. Það hjálpaði ekki!

Já, þetta fær mann til að hugsa sig nokkrum sinnum um áður en maður fer út á götu næst. Og framvegis verður hjálmurinn alltaf á!!! Og nú skil ég þegar fólk segist alltaf endurupplifa vissa hluti. Ég var alltaf að sjá þetta fyrir mér í gær án þess að ég vildi. Myndin bara kom alltaf upp í huga mér.

Jæja, ég er á lífi og bráðum koma blessuð jólin og allt það. Ég er sko farin að hlakka til að koma heim og hitta alla. Í dag er Maggi að syngja á jólatónleikum með Mikaelikórnum og svo er Nynähamnkórinn með jólatónleikana sína í kvöld kl. 22. Ég er sem sagt með þar sko. Maggi tók uppá því að planta mér og 2 öðrum konum uppá orgelloftið þar sem við eigum að byrja á að syngja Det är en ros utsprungen. Smá fiðrildi í maganum...Svo ætlum við að kaupa julegaver á morgun og svo eru bara 2 vinnudagar eftir!! Best að fara að strauja söngfötin!

Þetta er Daði bróðir minn í hljómsveitinni Fordæmi!!!

Það var æðislegt í Gautaborginni minni. Það gekk líka vel að ferðast og ég notaði fullt af aðferðum til að minnka kvíðann og gekk rosa vel. Svo var þetta bara eins og að koma HEIM. Ohhhhh Gautaborg ohh GAutaborg.... gvöð hvað ég sakna hennar. En því er ekki að neita að það er ólíkt fallegra hérna í höfuðborginni. Ég hitti Þórdísi og Finn og krakkana og fékk góðan mat að þeirra sið. Við Þórdís fórum á mis, ég náði rútunni frá flugvellinum á síðustu stundu og hún mætti til að ná í mig aðeins of seint án þess að ég vissi!!
Hitti svo allar gellurnar; Kristinu, Önnu og Jenny og allt var eins og í gamla daga. Helgin leið hratt og þegar ég kom heim var bara að setja á fullt að undirbúa Luciudaginn sem var á mánudaginn. Ég tók þátt í Luciu í vinnunni, klædd í hvítan náttkjól með glimmer í hárinu og um mittið og kertaljós í hendinni! Ég var auðvitað bara "þerna" því það getur bara verið ein Lucia sem er með kerti í hárinu. Svo syngja alir Sankta Lucia og nokkur jólalög, áheyrendur drekka glögg og borða bollur með saffrankryddi og piparkökur og tárast. Þetta tókst mjög vel, nema ég þurfti að vakna 04:35 til að komast í vinnuna hálfsjö!!! Zzzzzzzzzzzzz Ekki alveg minn tími sólarhringsins. Týpískt ég líka að vakna hundrað sinnum um nóttina til að gá hvað klukkan var! Við Maggi fórum svo í mat til Elle og Kenny (sem á einmitt bróðurinn Jonny-borið fram með j-i ekki dj-!) og sátum fram eftir kvöldi. Þau eru voða sæt og skemmtileg og finnst greinilega kúl að eiga íslenska vini.
Þetta með Luciu er nú dáltið einum of. Öll bæjarfélög og skólar kjósa Luciu og þetta verður oft eins og fegurðarsamkeppni! Oftast er Lucian sem er valin ljóshærð með sítt hár og blá augu! Leikskólabörnin taka auðvitað þátt og stelpurnar klæða sig upp eins og Lucia meðan strákarnir eru jólasveinar eða piparkökustrákar.

Mér tókst það aftur! Og m.a.s. á vinnutíma eins og ég á rétt á einu sinni í viku, já góðir hálsar ég fór í líkamsrækt!!! Tatatata

Til lukku!

Í gær var hægt að lesa á síðum Göteborgs Posten að Hrafnhildur Halldórsdóttir væri listamaður dagsins og sú sem skreytti jólagluggann í vissu húsi niðrí bæ. Hvað á þetta að þýða? Er ég tveir? Hélt ég væri bara einn? Skil svo sem vel að einhver vilji taka sér þetta listamannsnafn...

Það var yndislegt að hafa Önnu Dögg hérna um helgina. Við fórum auðvitað niður í miðbæ í þeim tilgangi að tæma kreditkort Önnu. Það tókst víst með ágætum að hennar sögn. Við þurftum að panta flutningabíl undir fötin úr H&M og vorum með 3 að afgreiða okkur. Með naumindum að það sást í okkur undir pokunum í lestinni. Lukkunnar pamfíll þessi Sunneva sem á einhvern hátt þekkir Önnu Dögg... híhíhí. Svo fórum við í gufulest til Nynäshamn á jólamarkað. Það var spes og lestin sagði tufftuff og flautaði alveg eins og í bíó! Markaðurinn var svo ekkert spes...keypti samt smá marsípan í ávaxtalíki og ætla að gefa heppnum í jólagjöf. Það skemmtilegasta við helgina var auðvitað bara að kjafta og hlæja! Gaman gaman.

Ég var eitthvað að tala um jólafríið í kaffitímanum í dag og einhver spurði hvað við ætluðum að gera við Skrám. Ég sagði eins og var að við værum í vandræðum og værum að spá í kattarhótel. Þá stundi Mona upp að það væri nú ekki hægt og hún skildi bara taka hann. Krakkarnir hennar myndu verða svo glöð og það gerði ekkert til þótt hún hnerraði öll jólin! Það er til svo gott fólk. Ég gaf henni auðvitað stærðar knús og þetta er nánast ákveðið ef eitthvað betra dúkkar ekki upp. Mona er góð. Hún hefur líka gefið mér súkkulaði og sagt að ég sé dugleg!

Takk fyrir allar hamingjuóskirnar. Ég er mjög stolt af þessu tilvonandi afreki að verða föðursystir. Takk Hjalti og Vala;-) Ég er auðvitað svo spennt að ég er að drepast og hlakka ekkert smá til að hitta hina verðandi foreldra. Já, nú er hægt að fara að telja niður í jólafrí. Best að setja einn jóladisk á og skrifa nokkur jólakort.

En fyrst Pooh:
"What I don´t like about it is this," said Rabbit. "Here are we - you, Pooh, and you Piglet, and Me - and suddenly -"
"And Eeyore," said Pooh.
"And Eeyore - and then suddenly-"
"And Owl," said Pooh.
"And Owl - and then all of a sudden-"
"Oh, and Eeyore" said Pooh. "I was forgetting him."
"Here - we - are," said Rabbit very slowly and carefully, "all - of - us, and then, suddenly, we wake up one morning, and what do we find? We find a Stange Animal among us. An animal of whom we had never even heard before! An animal who carries her family about with her in her pocket!"


Svona getur þetta verið!

Tregða?

TIL-VON-ANDI FÖÐURSYSTIR!!! Þarf ég að stafa þetta skýrar til að fá viðbrögð? :-D

Heimsókn

Anna Dögg mín kærasta vinkona er að koma á morgun!!! Ég hætti kl. 12 í vinnunni og sæki hana niður á centralinn (=lestar/rútstöðina). Ohh það verður svo gaman. Verst hvað hún verður stutt, bara yfir helgina. En ég er með þvílík plön um notalegheit og heitt súkkulaði og jóladót og gufulest...já ég sagði gufulest! Spennandi.

Var að koma af kóræfingu. Maggi hélt áfram niður í bæ því hann ætlar að taka næturrútu til Gautaborgar. Er að fara í próf í fyrró og kemur svo með flugi annað kvöld. Nóg að gera á öllum vígstöðvum. Hann stingur þessu prófi sko í nösina ég er viss um það. Ég kom heim og rassakastaðist aðeins í hreingerningum. Skellti svo köldum fiskafgöngum í örrann og stappaði fisk og kartöfflur og smjör.MMMMMMMMM það má þegar Maggi sér ekki til *glott*.

Nú er klukkan löngu orðin háttatími og best að leggjast á koddann og reyna að vera ekki allt of einmana í nótt.

Hrafnhildur tilvonandi föðursystir