Påske....

Så snart min kjære mann kjem heim frå arbeid er det påskeferie. Sånn er det å ha permisjon, eg gleder meg til familien rundt får helg, ein fridag eller ferie, for då har ein nokon å nyta dagane og gledene saman med. Ikkje minst handlar det no om å ha nokon å dele Johannes og alle dei små, magiske Johanneseventyra saman med! Kvar dag med han er ein fest og ei oppdagelsesreise!

Vi har hatt litt påskestemning dei siste dagane, med påskefest for studentKRIK og middagsselskap med gode vener. Då må det pyntast litt.

~appelsiner i ei gammal treskål 

~påskeegg med litt godt i

~påskeduk frå mamma

Eg syns det er så masse fælt av påskegreier rundt omkring, kyllingar og løparar og dill dall. Duken frå mamma derimot, er passe fin og passe robust til min smak.  Paskeegget fremjar gode og barnslige minner, men skulle strengt tatt ikkje vore framme før påskeafta. Appelsinene smakar godt og er eit must. Ved sidan av desse høyrer Kvikk Lunsjen med, definitivt, den ligg oppi egget.

Men: Uansett kor mange marsipanpølser, egg, påskelam og Kvikk Lunsjar vi får trykt ned og kor mange kyllingar vi klarer å stable opp i vinduskarmar og på peishyller, -det heile er fullstendig underordna når ein vender blikket mot påskeevangeliet. Det overgår alt og eg klarer ikkje å fatte innhaldet og storheiten i det. Eg vil aldri fatte storheita i dette, men det har hendt og det skjedde for meg. Og for deg. Wow....

Morsdag

Min første morsdag i dag! Å være mamma er heilt spesielt, det kan nok alle mammaer skrive under på! Dagen starta med verdens beste morgonklem frå verdens beste gutt! (Ja, vi er trøtte begge to, men Johannes blunkar no alltid når det blitsar...)

Etter ein god frukost med dei to gutta boys og ein triveleg overnattingsgjest, gjekk turen til Tverlandet og KRIK messe, etterfølgd av ein god spasertur i solskinnet og middagsselskap hos gode vener. Når det nærma seg kveld unna eg meg eit avslappande bad. Då kom jammen verdens beste mann med te og sjokolade og litt lesestoff for fruen, berre for å gjere dagen komplett!  

Ah, for ein fin dag......!

Vinterdagar med den store guten vår!

Johannes nærmar seg 5månader. Tida flyg, kvar dag er eit lite eventyr. Han blir større og større og meir og meir bestemt. Han vert stadig meir sosial og bevisst på omgivnadene og på seg sjølv. Utruleg mykje moro med ein liten krabat og utruleg for ei spennande tid!

No når sola er på veg tilbake brukar vi meir av dagane ute på tur. I periodar har det vore svært kaldt, men vi har mellom anna vore på båltur og opp til fleire turar på skøyteisen. Når snøen glimrar med sitt fråver må ein drive alternative vinteraktivitetar. Det er litt frustrerande å ikkje kunne nytta skia, men samstundes er den "tørre" vinteren praktisk for oss som trillar vogn. Ja vi har det no ganske greit!

Johannes

Endelig er ventetida over og vesle gutten vår er ute i den store verda. Han er så fantastisk snill og grei og god -og glad i mat! Stolte mor og far nyter kvart sekund i lag med den vesle helten vår. Selvfølgelig er han verdens beste og finaste gut!



Tips og mix

I dag er det 9 dagar over termin, noko som ikkje kan bety anna enn at svangerskapet mot slutten. Medan tålmodet ebbar sakte, men sikkert ut tikkar meldingar, mailar og telefonar inn. Alle er spente på kva ståa er og det er sjølvsagt kjekt at det er fleire som gler seg til minien kjem! 

Men med ventetida og prat med vener og kjende følger og utallige tips om korleis ein kan få sett i gang fødselen. Eg har prøvd dei (nesten) alle, men må sei at dei har skuffa alle saman. Mitt siste håp må være å kombinere dei alle og kanskje slik forsterke effekten. Om eg ikkje hadde hatt ein del andre småting på timeplanen i dag skulle lagt opp dagen og menyen slik: 

- Frukost: kokte egg

- Ei god økt med hopping i trappa med tresko

- Lunsj: Reker

- Ein lang blåbærtur i skogen

- Middag: lam saag (sterk mat: her indisk frå Great Ghandi som vi testa ut allereie søndag)

- Ei økt med spensthopp 

- Ettermiddagsmat: kanel (ein liten cappuchino med ein god dose kanel på toppen, litt vaniljeis med godt med kanel på og gjerne nokre ekstra skeier med kanel i tillegg). 

- Ei god økt med hopping i senga

- Kveldsmat: ein stor porsjon baccalao (denne har eg ikkje prøvd enno vel å merke)

- Massasjeøkt: godt med massasje på utsida av lilletåa, i korsryggen og i nakken.

- Kveldssnacks: store dosar smågodt 

- Sove (rier kjem visst som oftast om natta då det er då kroppen verkeleg slappar av. Ikkje rart etter ein slik dag....) 

Eit anna tips eg har fått er lakserolje, noko eg vel å la være uprøvd. Kombinasjonen av det og rier ser eg ikkje på som god, så då får det heller bli med litt ekstra venting. 

Om DU derimot har andre gode råd og tips som kunne gjort denne dagen endå meir spanande både med tanke på kulinarisk innhald og aktivitetar må du gjerne komme med dei!

Nye Garnessider!

Hildegunn og Ingelin, mi kjære svigerinne, utgjer superduoen Garness. For dei som ikkje kjenner til dei frå før er det på tide å bli kjent med dei! Dei lagar nydeleg og variert musikk, har fantastiske sangstemmer og er utruleg dyktige musikarar! Full pakke ;) 

Ville berre nytte muligheten til å drive litt reklame for dei nye nettsidene som Hildegunn har laga. Her kan du også høyre litt av musikken, sjå bilder og etter kvart fleire musikkvideoar. Verdt eit besøk, ja gjerne fleire!

Klikk her og kos deg!

  

Permisjonsprosjekt

Då graviditeten vart offentleg tok det nesten av på ulike frontar, då var alle svært så produktive og skulle strikke og sy og både det eine og det andre. Det har vi verkeleg fått nytt godt av, og vi ventar i spenning på å ta det alt i bruk når tida er inne for det. Men som vordande mamma har eg kjent at eg nesten burde produsere litt sjølv og, så eg har prøvd meg på nokre små prosjekter. 

Samstundes er eg nok av den praktiske typen som helst vil sjå at ting gjer nytte for seg. Det var kanskje grunnen til at jakka eg tok til å strikke på for ei god stund sidan, framleis manglar armar. Vi har jo så mange allereie! 

Men la meg no presentere det første ferdigstilte prosjektet, heile 4 dagar før termin: ammepute!

Ammepute virka som eit enkelt prosjekt. Dei ein finn i butikkane er stort sett dyre og svært kjedelege, nokre av dei dristige utgaver er kanskje stripete... Eg sette i gang, teikna litt og kjøpte stoff på panduro. Brunt med prikkar på baksida og friske fargar, litt mønster og dyr på framsida. Fornøyd med det! Men så var det å få fylt den, helst med isoporkuler. Då måtte praktiske, sparsommelege meg igjen tenke nytt då desse kosta meir enn ei ny ammepute i seg sjølv. Då bar det sjølvsagt på finn.no for å kjøpe ei brukt ammepute å putte inni. Billig og enkelt. Tipp topp!

No ligg ammeputa i sofaen klar til bruk, og no kan eg enkelt sy nokre nye trekk om eg føler for forandring med tida. Minien inni magen ser ut derimot ut til å la vente på seg, men ventinga er kanskje litt av sjarmen....?

Morgonkaffi

No er eg i gang med pemisjonsvekene fram mot termin. Det er svært rart å stå opp frisk og rask kvar morgon og ikkje skulle arbeide, berre fordi nokon har sett ei grense på tre veker. Eg har full forståing for at mykje arbeid ikkje er spesielt behageleg eller bra for høggravide, men likevel kunne eg gjerne ha arbeidd ei stund til. Men eg må uansett innrømme at eg nyt dagane. Mykje rart som tidlegare ikkje har blitt prioritert har eg no god tid til å kose meg med!

Morgonkaffien har eg sjeldan kost meg meg slik som no. Eg held meg til koffeinfri kaffi, men det kan vere vanskeleg å finne variantar som er like gode som koffeinhaldig kaffi. Men tirsdag kjøpte eg ein på Smak og Behag. Espressobrent hadde dei ikkje, men den eine typen dei hadde måtte eg no prøve i mangel på anna. Espresonmaskina får altså kvilt seg på morgonen ein periode, då eg likevel for nokre veker sidan gjekk til innkjøp av Aeropress.  

Aeropressen lagar utruleg god kaffi og har blitt flittig brukt. Den er også svært reinsleg, praktosk på tur og perfekt om ein skal lage 1-2 koppar, stort sett den mengda vi lagar her i huset når det er kaffitid. Då eg i dag skulle lage meg morgonkaffi var det kaffien frå Smak og Behag som skulle til pers. På Den late ku fann eg riktig malingsgrad for Aeropresskaffi og nokre gode tips. Vel måla eg ikkje opp bønner og vatn i gram, men kaffien vartb nydeleg. På same bloggen finn du også ein spennande artikkel om Aeropress om du er nysgjerrig.

Trur dagens morgonkaffi er den beste koffeinfrie kaffien eg har smakt!

Berre god smak og ingen bitterhet!

Sommar, kjærleik og forventning

Sia førre innlegg har også eg hatt ferie. Deilige dagar, nokre slappe og andre hektiske, har forsvunne som ein vind. Først for eit par veker i Bergen med min herlege og småkaotiske familie der, telttur og vennetid med gode, gamle kjende, og deretter familietid på Rognan med favorittfamilien der, før ein aldri så liten hyttetur. SÅ mange koselege og gode stunder... 

Fiskelukke på hyttetur

Men arbeidet kalla oss tilbake til Bodø att, Ole Ragnar til sin nye arbeidsplass medan eg tok fatt på dei siste dagane før permisjonstida tar til. Men kvardagen er også herleg og mandag kom supermannen heim med ein nydeleg rosebukett. Same kveld inviterte han likegodt ut på middag. To års bryllupsdagen vart feira med eit ubeskrivelig godt måltid på Smak. Vi vart servert både and, kveite, lam, blåskjelsuppe, diverse mellomrettar, dessert og ein nydeleg jusmeny til! 

Nydelege roser frå verdens beste venn og mann!

Men om sommaren har vore aldri så herleg og bryllupsdagen vart feira på aller beste måte er det ikkje tvil om at sommarens høgdepunkt enno lar vente på seg. Minien inni magen er ikkje så liten lenger og krev stadig meir plass der inne. Svigermor strikkar, eg ryddar plass til den vesle og omorganiserer i leiligheita, og Ole Ragnar syng god natt-sangar og les om babyar, ja her er alle er i sving! Vi gleder oss til å møte den vesle krabaten, berre tre veker igjen no....

Sommarhelg

Fleire og fleire tar ferie rundt meg. Til og med min kjære mann har fått fri. Eg prøver så godt eg kan å være flink å gjere det eg skal. Det er ikkje berre enkelt, spesielt på solskinnsdagar som i dag, men eg veit at det er ikke mange veker igjen til også eg kan legge bort alt arbeid med god samvittigheit og berre slappe av og kose meg. No skal det seiast at eg har ein fleksibel jobb og at eg i stor grad styrer dagane sjølv, men likevel må ting gjerast...

Men i helga smaka eg på ferielivet. Laurdag for vi til Dversetvatn, finaste plassen på jord som Ole Ragnar seier. Eg har ikkje like mange sterke minner derifrå som det han har, men eg må likevel sei meg ganske enig. Det er ein nydeleg plass, den gamle fjellhytta ved vatnet der....

Når ein kjem opp hit legg ein bort alt anna som måtte henge over ein. Her er det heller ikkje mobildekning. Digg...

Den nye fiskestanga til Ole Ragnar vart testa ut for første gong og jammen beit det på ein fin fisk!

Medan pølsene sto på spidd over bålet vart hytteboka signert. Den herlege hytta i bakgrunnen.

Satsar på fleire turar opp hit, både før og etter den vesle minien vår er født. Ikkje lenge igjen no, og eg veit om nokon som gler seg til å ta han med på hytta!

Kveldssnacks

Etter ein våt kveld på sandvolleyballbana med ein ivrig jentegjeng var det godt å komme heim i ei varm stove. Eg kom også akkurat i tide til å få med meg Brann trekke det lengste strået i straffesparkkonkurransen mot Sogndal, og dermed avansere til kvartfinale i cupen. Derette bar det i dusjen for å spyle av seg svette og sand. Då eg endeleg var passe fresh att hadde Ole Ragnar diska opp med eit herleg kveldsmåltid. Han er rett og slett ein skikkeleg skapgourmet! Mmmm....

Siste veka har vi vore på reisefot, på oppdrag for Universitetet i Nordland i forbindelse med eit kartleggingsprosjekt av fysisk helse i den norske befolkninga. Etter mykje farting, overnattingar på hotell, i rorbu, campinghytte, og litt teltliv er det godt å komme heim igjen. Herleg å slappe av i sofakroken med eit slikt godt og ikkje minst sunnt måltid (etter siste vekas folkehelsefokus).

Mmm, sveler...

Siste tida har vore svært travel. Ulike prosjekter på arbeid har krevd mykje tid og hodebry, og semesteroppgåva har blitt skreve i ein fei. Midt i dette har det også blitt heimreisetur i anledning mamma sin 60 årsdag og bryllup på Hamar. Men kvalitetstid med familie og litt jobbing innimellom lot seg kombinera fint. Dog vart det ikkje så mykje tid til vener som eg hadde ynskt, men ein kan vel ikkej få til alt på ein gong heller.

Vi er tilbake i Bodø og framleis er kvaldagen hektisk både med arbeid og eksamenslesing. Oppi alt dette har eg latt meg engasjere i dugnadskomité til eit svært arrangement i Bodø Spektrum neste helg. Her skal vi lage mat til og drive kafé for 800 seniorar på seniordanstreff! Eg tok på meg produksjonsansvaret og foreslo mellom anna å steike sveler som vi kunne selge. Dette meinte dei andre var ein flott idé og i dag sette eg i gang og laga smaksprøvar til kveldens planleggingsmøte. Eg laga likegodt ein ekstra stor porsjon med røre, slik at eg skulle ha eit lite lager i frysaren til arrangementet.

På møtet vart det kjempestemning, svelene forsvann og godorda strøymde på. Likevel vart det bestemt at det ikkje blir sveler, då det ikkje er bra nok straumforhold i lokala til å bruke takker. Takke meg til! Så no har eg mengder med svelerøre her. Og kva gjer eg med den? 

   

Kanskje det blir svelefest i Framlia 12 til helga?

Pudder.....

Slepte med meg min kjære mann ut på tur i dag. Veret var skiftande, men vi fekk små solgløtt innimellom! Turen oppover var dryg, snømengdene var store og Ole Ragnar trokka spor for konemor som labba etter.

Men etter mange tunge steg nådde vi målet. Fornøgde roa vi ned med lunsj på toppen. Innpakka kvar si dunjakke, men i felles vindsekk fekk vi ny energi og var etter kvart klare for litt deilig skikøyring!

Ikkje ofte ein kan sei at det er for mykje snø eller at ein har for smale ski, men om ein skal driste seg til noko slikt var i dag dagen. Men pudder opp til magen er moro uansett!

Berre den blå himmelen som mangla....

Ole Ragnar hadde eit fall i dag som må nevnast. Det var då han heldt på å køyre ned ei rype. Ho flaksa seg avgårde i tide, men Ole Ragnar vart så paff at han vart heilt sett ut av spel, hehe! Like etterpå såg vi ei til under ein liten busk. Stilig!

Gud med god humor...

I dag hadde eg ei oppleving av Guds overblikk og gode humor. Det heile starta mandag kveld då vi kom heim frå langhelg i hovedstaden. Eg fann ikkje nøklane mine då eg kom heim, men det er ikkje anna enn normalt innimellom. Difor har eg ikkje tatt meg bryet med å leite noko ssærleg før i dag. 

I kveld skulle eg ha volleyball med ei ny barnegruppe, og plutseleg sto eg utan nøklar til gymsalen. Argh... Eg var komt fram til at eg kanskje måtte bite i det sure eplet og ringe rektor og innrømme at eg er eit rotehovud når det gjeld nøklar og småting. Men stolt som eg er var det ikkje spesielt fristande....

Eg vasa rundt i huset, tøymde vesker og endevendte skuffer og kom plutseleg til å tenka på bibelverset "be så skal du få, leita så skal du finna...". Vart oppmerksam på rekkefølga her, be først, deretter kan du leite. Så eg sette meg ned og ba og fekk det veldig sterkt for meg at det var på tide å tømme alle bagar og anna som sto halvfulle etter dei mange utfluktene både sørover og nordover siste tida. Eg sette i gang og tok for meg alt eg fann, la saman kvar ei t skjorte, tømde alle lommer og la alt på sin rette plass. 

Etter kvart såg det beint fram ryddig ut! Eg hadde tømt alt og brukt mykje tid på dette, men ikkje funne nøklane. Så eg var oppgitt for all den jobben som var "bortkasta" ut i frå kva målet var. Så eg tok siste bagen og bar den ut i boden. Men då eg skule putte den inn i hylla kjende eg nøklane i den vesle innerlomma eg hadde oversett. Dette var den siste bagen som var tømt, og det var einaste lomma som ikkje var sjekka i alt av vesker/bagar/sekkar i heile huset. 

Eg trur Gud hadde ein plan. Eg trur han meinte det var på tide å få rydda opp i rotet. Og var det dette som skulle til så var det absolutt ikkje dumt! Og tenk så mykje betre det blir å gå helga i møte i eit ryddig hus. I ettertid må eg sei at han har no jammen god humor og.

Heimekontor

Etter ei flott helg med strålande sol i Narvikfjellet, ski på beina og mange gamle og nye KRIKvenner frå Bodø, Narvik og Tromsø kom kvardagen tilbake med eit brak. På ein mandag morgon må ein igjen gjera ein innsats på kontoret.....

Det var tomt for brød både i skapet og i frysaren då vi kom heim i går kveld. Dagens arbeidsøkt vart difor kombinert med litt baking. Men då gjæren var frykteleg treg i dag trudde eg den var øydelagd og laga ei ny gjærblanding. Men då vart det jammen fart på den første blandinga óg og eg stod med dobbel dose. Då måtte det bakast meir.

Litt tid har dett gått med til utbaking, men utan om det har det mest lukta godt på kontoret. Til lunsj vart det nybakte bollar. Ei lita kringle er lagt i frysaren til ein passande anledning. Om nokon vil komme på besøk ein dag kan den alltids tinast opp att.