نـــــــــــــــــــــــــــــاس.......

ﻧﺎﺱ ﺑﺘﻤﺸﻲ ﻭ ﻧﺎﺱ ﺑﺘﻴﺠﻲ ﻭ ﻧﺎﺱ ﺗﺮﻭﻭﺡ ....


ﻭ ﻧﺎﺱ ﺗﻌﻠﻢ ﻓﻲ ﺍﻟﻘﻠﻮﺏ ....


ﻭﻧﺎﺱ ﺗﺴﻴﺐ ﺣﺒﺖ ﺟﺮﻭﺡ ......


ﻭﻧﺎﺱ ﺑﻴﻤﻠﻜﻬﺎ ﺍﻟﺴﻜﻮﺕ ....


ﻭﻧﺎﺱ ﺗﺴﻴﺐ ﻛﻼﻡ ﻋﻠﻲ ﺟﺪﺭﺍﻥ ﺑﻴﻮﺕ ....


ﻭ ﻧﺎﺱ ﺗﻌﻴﺶ ﻭ ﻧﺎﺱ ﺗﻤﻮﺕ .....


ﻭﻧﺎﺱ ﻋﺎﻳﺸﺎﻫﺎ ﺑﺎﻟﻌﺎﻓﻴﺔ ...


ﻭﻧﺎﺱ ﺭﺍﻳﻘﺔ ﻭ ﻧﺎﺱ ﺣﺎﻓﻴﺔ ...


ﻭﻧﺎﺱ ﻟﺴﺎ ﺍﻷﻣﻞ ﻓﻴﻬﺎ ... ﻭﻧﺎﺱ ﺃﺣﻼﻣﻬﺎ ﻣﺶ


ﻛﺎﻓﻴﺔ ....


ﻭ ﻧﺎﺱ ﻛﺎﺭﻫﻪ ﻭ ﻧﺎﺱ ﺑﺘﺤﺐ ....

ﻭﻧﺎﺱ ﺗﻠﻌﻦ ﻓﻲ ﻧﺎﺱ ﻭ ﺗﺴﺐ ....

ﻭﻧﺎﺱ ﻋﺎﻳﺸﺎﻫﺎ ﺑﺲ ﻫﺰﺍﺭ .....

ﻭﻧﺎﺱ ﻣﺶ ﺷﺎﻳﻔﻪ ﻏﻴﺮ ﺍﻟﺠﺪ ....

ﻭﻧﺎﺱ ﺗﺤﺴﺒﻬﺎ ﺑﺎﻟﻤﻠّﻠﻲ ....

ﻭﻧﺎﺱ ﺍﺻﻼً ﻣﺎﻫﻴﺶ ﺑﺘﻌﺪ .....

ﻭﻧﺎﺱ ﺗﻌﺸﻖ ﻓﻲ ﺣﺒﺖ ﻧﺎﺱ ....

ﻭﻧﺎﺱ ﻋﺎﻳﺸﺔ ﺑﺪﻭﻥ ﺃﺣﺴﺎﺱ ...

ﻭﺍﻧﺎ ﻭ ﻓﻮﺳﻂ ﻛُﻞ ﺍﻟﻨﺎﺱ ....

ﻭﺑﺮﺿﻮﺍ ﻭﺣﻴﺪ !!!!

ثـــــم !!!!!!

ثم ان الحزن عورة

ثم ان الفرح سُترة

ثم ان العشق خبرة

ثم ان نهايته مرة

ثم انك دقت منه

واتكسيت مرة ومرة

واتفضحت الف مرة

ثم انك حينَ غرة

قولت شعرك من عنيها

قولت شعرك عن صحابك

سبتها تفلت اديها

قام جنون الغنوة صابك

قمت فالت من عيارك

قمت دايس ع اللي سابك

ثم اصله حتة منك

ثم انك ف الخسارة

كنت أشطر وبجدارة

من مناورة تلاقي غارة

من متاهة تخش حارة

ثم انك من ده كله

ايه اللي نابك يا عزيزي

ثم ثم ثم ايه

اللي فيك ده شئ غريزي

ثم انك بالأمانة

مش لوحدك ف القصيدة

انت خانة ف ألف خانة

ثم ان كتير سوانا

قلبهم محتاج اعانة

كاس وداير م البداية

ثم انك دقت منه

ثم كَمِل للنهاية

أحـــــــبـــك وكـــفي ......

أحِبُك وكفى ..
وبيني وبينكِ شئ خفيّ ..
شئ نقيّ ..
كمثل نقاوةِ قطرِ المطرْ
أحِبُّك وكفى ..
وحُبّي إليكِ ليس بحُبٍ
حُبّي إليكِ يفوق المحبة بين البشرْ
وسر التقائي يا عمري بعينك
روحان سارا لنفس القدرْ
أحِبُّك وكفى ..
ولقانا هنا في الدنا مستحيل
وإن كان قلبي لقلبكِ يميل
فهل سوف تلقى الشمس القمر؟
أحِبُّك وكفى .. بدون لقانا
بدون السهد ..
بدون السهرْ
بدون الدموعِ وخوض المذلةْ
بدون انقياد وطمس البصرْ
أحِبُّك ويكفى ..
الحب اصطفانا
وبالخلد يومًا
يكون التقانا
بجنة ربي ..
ويحلو النظرْ
فتكونين حُبًّا
تكونين زوجة
تكوني القدرْ
أحبك وكفى ..
وحبك هنا .. بهذي الدنا
أكبر خطرْ !

أكــــتــــــــبْ وامّـــسْـــــــح ..

أكتُبْ وامسح

هذا دومًا حالُ الكاتبْ

يكتب جمله .. تُعِجِبُ ذاته

يمسحُ أخرى .. كيما يكتب أحسن منها

ترضي حياته

أو يتوصل حد اليأسْ ..

هل أدركت بأن النظم

كمثل الرقصْ ..

لكن فن الرقص بذاته

لا يتحقق إلا بشرط وجود الشوك

الشاعر يرقص فوق الشوك

الشاعر ينظم عقدة نقصْ! ..

أكتب وامسح .. كيما ترضي

بعض ذواتك ..

لكن تبقى تبكي وحدك ..

طلل رفاتكْ

أكتب وامسح .. ياللخيبة

هل تتوارى بجرح سكاتك؟

أقتل واذبح

أنزف وامسح

كل حياتك!

أهــــــــــواكِ .. وأهـــــــــــواه

أهواكِ .. وأهواه


هذا الذي أنتِ ..


طوع بيُمناه


فكيف أختارُ؟


وكلُ ما فيكِ ..


بعض من سجاياه


إنني أهواكِ ..

ولكنني أسأل

إلي متى نبقى

نتمادى وننساه؟

إني لأشكره ..

إذ كنتِ مفاجأةً

وما أحلى ..

مُفاجآت الله

إنني أهواه ..

وأهواكِ أنا أيضًا

فأرجوكِ كفانا ..

أننا يومًا ..

وأيامًا عصيناه!

هيا لنتفارق ..

ونطفئ الأشواق ..

ونخبره إذ نسجد ..

بصلاتنا نلقاه

أننا تُبنا ..

ولسنا كما العشاق ..

وأننا والله ..

جدًا لنخشاه

عله يجمعنا ..

زوجين في الجنّه ..

أو يكافئنا ..

فنُكملَ السُنّه ..

ونسير في العمرِ ..

معًا رفاق حياه

فيسمعني من شفتيك ..

ما كنت أتمنى


 حبيبي يا زوجاه!

فـــــــــــاكر لــــــما.................

ﻓﺎﻛﺮ ﻟﻤﺎ ﺃﻧﺎ ﻛﻨﺖ ﺻﻐﻴﺮ
ﻭﺍﻣﺎ ﺍﻟﺪﻧﻴﺎ ﻛﺎﻧﺖ ﺑﺘﻤﻄﺮ
ﻛﻨﺖ ﺑﺤﺐ ﺍﻓﻀﻞ ﻓﻲ ﺍﻟﺸﺎﺭﻉ
ﻭﺍﻓﺮﺩ ﺇﻳﺪﻱ ﺍﻋﻤﻠﻬﺎ ﺟﻨﺎﺡ
ﻭﺍﻋﻤﻞ ﻧﻔﺴﻲ ﻛﺈﻧﻲ ﺑﻄﻴﺮ
ﻛﻨﺖ ﺑﺤﺐ ﺍﻋﻤﻠﻬﺎ ﻛﺘﻴﺮ
ﻭﺍﻋﻤﻞ ﺻﻮﺕ ﺯﻱ ﺍﻟﻄﻴﺎﺭﻩ
ﻭﺍﺟﺮﻱ ﻭﺍﺩﻭﺱ ﻓﻲ ﺍﻟﻄﻴﻦ ﺑﻀﻤﻴﺮ
ﻭﺍﻣﺴﻚ ﻭﺭﻗﻪ ﺍﻋﻤﻠﻬﺎ ﺳﻴﺠﺎﺭﻩ
ﻭﺍﺿﺤﻚ ﺟﺪﺍ
ﻭﺍﻧﺎ ﺑﻄﺮﺩ ﻣﻦ ﺑﻘﻲ ﺯﻓﻴﺮ
ﻭﺍﻣﺎ ﺍﻟﺪﻧﻴﺎ ﺗﺒﻄﻞ ﺗﺸﺘﻲ
ﺑﺎﺭﺟﻊ ﻻﻣﻲ ﻭﺍﻧﺎ ﻣﺘﻐﺮّﻕ
ﻭﺍﻓﻬﻢ ﻣﻨﻬﺎ ﻟﻤﺎ ﺗﺒﺮّﻕ
ﺇﻥ ﺍﻟﻄﻴﻦ ﻓﻲ ﻫﺪﻭﻣﻲ ﻛﺘﻴﺮ
ﻓﺎﺿﺤﻚ ﻟﻴﻬﺎ ﻭﻣﺎ ﺍﺗﻜﻠﻤﺶ
ﻭﺑﻌﺪ ﻣﺤﺎﻳﻠﻪ ﻣﺎ ﺑﺘﻄﻮّﻟﺶ
ﺑﺎﺧﺪ ﻣﻨﻬﺎ ﺭﺑﻊ ﺟﻨﻴﻪ
ﻭﺍﺟﺮﻱ ﺑﺴﺮﻋﻪ ﻭﺍﺟﻴﺐ ﻛﺮﺍﺗﻴﻪ
ﻭﺍﻗﻌﺪ ﻭﺍﻛﻠﻪ ﺗﺤﺖ ﺍﻟﺴﻠﻢ
ﻭﺍﻧﺎ ﻟﺴﻪ ﻫﺪﻭﻣﻲ ﻣﺎﻧﺸﻔﺘﺶ
ﻭﺑﻌﺪ ﻣﺎ ﻳﺨﻠﺺ ﻣﻨﻲ ﺍﻟﻜﻴﺲ
ﺑﻠﺤﺲ ﺻﺎﺑﻌﻲ ﺍﻟﻨﻮﻧﻮ ﺑﺬﻣﻪ
ﻭﺍﺭﻣﻲ ﺍﻟﻮﺭﻗﺔ ﻭﺍﻗﻮﻝ ﺧﻼﻭﻳﺺ
...
ﻭﺍﻣﺎ ﻛﺒﺮﺕ
ﻛﺒﺮﺕ ﻓﻴﺎ ﺣﺎﺟﺎﺕ ﻣﺎﻣﺎﺗﺘﺶ
ﻭﺍﻣﺎ ﺗﻤﻄﺮ
ﻭﺍﺑﻘﻲ ﻟﻮﺣﺪﻱ ﻓﻲ ﺍﻟﺒﻠﻜﻮﻥ
ﺑﻌﺪ ﻣﺎ ﺍﺑﺺ ﺷﻤﺎﻝ ﻭﻳﻤﻴﻦ
ﺑﻔﺮﺩ ﺇﻳﺪﻱ ﺍﻋﻤﻠﻬﺎ ﺟﻨﺎﺡ
ﻭﺍﻋﻤﻞ ﻧﻔﺴﻲ ﻛﺈﻧﻲ ﺑﻄﻴﺮ
ﻭﺍﻋﻤﻞ ﺗﺎﻧﻲ ﺻﻮﺕ ﺍﻟﻄﻴﺎﺭﻩ
ﻭﺃﺳﺮﺡ ﺟﺪﺍ ﻭﺍﻧﺎ ﺑﺘﺒﺴﻢ
ﻭﺍﺧﺪ ﻣﻨﻲ ﺧﻤﺴﻪ ﺟﻨﻴﻪ
ﻭﺍﻧﺰﻝ ﺗﺤﺖ ﻭﺍﺟﻴﺐ ﻛﺮﺍﺗﻴﻪ
ﻭﺍﻓﺘﺢ ﻭﺍﺣﺪ ﺗﺤﺖ ﺍﻟﺴﻠﻢ
ﻓﺎﺳﻤﻊ ﺻﻮﺕ ﺍﻟﻨﺎﺱ ﻧﺎﺯﻟﻴﻦ
ﻑ ﺍﻣﺸﻲ ﺍﺩﺍﺭﻱ ﺍﻟﻜﻴﺲ ﻓﻲ ﻫﺪﻭﻣﻲ
ﻭﺍﻃﻠﻊ ﻓﻮﻕ ﻭﺍﻛﻞ ﻛﻴﺲ
ﻭﺍﻟﺤﺲ ﺻﺎﺑﻌﻲ ﺯﻱ ﺯﻣﺎﻥ
......
ﻃﻌﻢ ﺍﻟﻜﻴﺲ ﻣﺎﺑﻘﺎﺵ ﻳﻤﺘﻌﻨﻲ
ﺣﺘﻲ ﺻﻮﺍﺑﻌﻲ
ﻛﺎﻧﺖ ﻃﻌﻤﻬﺎ ﺃﺣﻠﻲ ﺯﻣﺎﻥ
ﺯﻱ ﺍﻟﺪﻧﻴﺎ
ﻛﺎﻧﺖ ﻓﺮﺣﺔ ﻋﻤﺮﻱ ﺑﺸﻮﻓﻬﺎ
ﻑ ﻛﻴﺲ ﻛﺮﺍﺗﻴﻪ
ﺑﺮﺑﻊ ﺟﻨﻴﻪ
ﺃﻣﺎ ﺍﻵﻥ
ﻫﻢ ﺍﻟﻘﻠﺐ ﻣﺎ ﻳﻤﺴﺤﻬﻮﺵ
ﻭﻻ ﻛﺮﺗﻮﻧﻪ ﻣﻦ ﺍﻟﻜﺮﺍﺗﻴﻪ
ﻭﺍﻋﻤﻞ ﺇﻳﻪ
ﺣﺎﻝ ﺍﻟﺪﻧﻴﺎ
ﻭﺣﺎﻟﻲ ﻣﻌﺎﻫﺎ ﻟﻤﺎ ﺗﻤﻄﺮ
ﻭﺍﺩﻓﻊ ﻋﻤﺮﻱ
ﻭﺍﺭﺟﻊ ﺗﺎﻧﻲ ﻃﻔﻞ ﺻﻐﻴﺮ
ﻋﻤﺎﻝ ﻳﻠﺤﺲ ﺻﺎﺑﻌﻪ ﺑﺬﻣﻪ
ﺑﻌﺪ ﻣﺎ ﻛﻞ ﻛﻴﺲ ﺍﻟﻜﺮﺍﺗﻴﻪ
ﺗﺤﺖ ﺍﻟﺴﻠﻢ !

بــــــــــرد وســــــــــــــــــلام

_____


احتمالات التفرد فى القصيدة


تبتدى


لحظة خروجك وردة


من بين السطور


انا وانتِ والحلم الشقي


ومرح الطيور


والشوق ما بيننا 


جزيرة خضرة 


بعيدة عن كل البشر

تفتكرى ممكن يحصل ايه؟؟

..............
..........
ما تكمليش

ما تفكريش غير ف اللى جىّ

هابعت احاسيس البنفسج

تحضنك

واخفض جناح العشق

لعنيكى الربيع

واهاديكى بالرطب الجنينة كلها

ونهز جذع الفرحة

بخيالنا الوسيع

والشوق سنابل وردى

يرميها القمر

برد وسلام ف قلوبنا

ونضارة النعيم

تفتكرى ممكن يحصل ايه؟؟

....................

ما تكمليش

ما تكمليش

قــــــام مــــن نــــومــــه

قام من نومه
بس عيونه
خايفة تفتح
كرمش قلبه 
من الاحزان
بخ الميه 
على القمصان
وقعد يكوى 
ف كل هدومه
***
دقنه طويلة
قالك يحلق
قالك يسرق
لحظة قصيرة
يغير فيها
كل ملامحه
ويمكن حتى
يغير لونه
بس مصيبته
كان مستعجل
زود جرحه
وجرح الوش
وقبل ما حتى مرايته تلومه
قالها اسف ..معلش !
***
عمل القهوة
وطلعت شاى
بس ازى
هيحط السكر
عمره ما فكر
يضحك اكتر
من جواه
كان وياه
الحلم زمان
بس زمان
مبقاش وياه
فاته امبارح
علشان بكرة
وبكرة مجاش
***
قضى سنين العمر بلاش
من غير حتى
ما يفرح مرة
واما ف مرة
حب يسيب احزانه المره
فتح القلب على الشباك
لا النور دخل
ولا الضلمة
طلعت برة !

الطــــفل اللـــــى راح

دا وقت اشعاري 


ولو انها useless..


لكن يادوب مقدرتي


اكتب و اكون مخلص..


للطفل اللى راح

وسايب لأمه جراح

ولا يوم يقدرها

غير قلب فقد الروح..

طفلي دا كان نايم

كالعادة رافض يقوم

بالعافية صحيته

و ياريته كمل نوم

طفلى دا كان رايح

مدرسته امبارح

فجأة حياته انتهت

و حياتي خدها معاه

ابنى خلاص مات!!

دنا كنت بستناه!!

راح البريء من دنيتي

و سايبنى وحدي ف غربتي

كان هو سندي ف وحدتي

كان كل اكواني

مع انه طفل صغير

و لكنه كان انسان

كان قلبه قلب كبير

كان اعظم الفرسان

سامعه نداه ليا

يا ماما ماتزعليش

كنتي بتدعليلي

في الجنه عمري اعيش

ونا فيها دلوقتي

ارجوكي مااا تبكيش...........

كــــل عــــــام وانـــــت وحــــيـــد !!

كل عام ..

وانت وحيد ..

ومفيش جديد ..

الصورة هي في المرايه ..

بس يمكن ..

فيه فـ وشك ..

رسم للتجاعيد ـ شديد ـ

رغم انك ..

لسا سنك ..

حاجه نونو ...

مش كتير

كل عام ,,

وانت وحيد

والالم جواك .. مجيد

والحياه بتطل دايما ..

لابسه ليك في الوش عيد

كل عام وانت وحيد

مــــا بــــيـــــن ســــطــــريـــــن ....

السطر الفاضي ما بين سطرين

بقى وحده التأكيد الفاضل

على اننا كنا ف يوم اطفال

و الخط المغروز ف الورقة

و بفعل النرفزة ف المَسْكة

علشان خايفين يفلت منّا

سن قلمنا

بره التظليل ،، لو مرة اتشال

اول مرة هتكتب بالجاف

رعبك من أثر الكورّيكتور

لحسن يتشاف

برّايتك و قلمها البينسل

و زميلك لما هيتحوّل

للفصل التاني ف سنة تالتة

بعد ما قضّى

ويّاك سنتين

و الفاضل لسه ف استيكتك

بعد ما مسحت كشكول و اتنين

و برغم التحذير من اهلك

ضد التسليف

و إيّاك يا ايمن

بس انت تخاف

من الولاه عتريس

دايما ييجي

معاهوش كراريس

و بياخد منك

اكمنك

طيب و ضعيف

و حاجات ، و ساعات

اوقات فاتت

عيشناها بمتعة على الآخر

او خرجت برانا و ماتت

فاكرين ،،، ناسيين

مبقاش يفرق

ف جميع أحوال ،،

السطر المليان بين سطرين

بقى هوّه التأكيد الفاضل

على اننا صعب نعود اطفال

يـــــا طــــفــــلــــتــــــي ......

يا طفلتي . 

 قد شاب قلبي في الهوى .. 

 حتي هرمْ 

الحبُ صاحبَ مُقلتي .. 

وزمان عمري قد هوى .. 

 حتي ندمْ 

كم مرة في عِلتي ..

قلبي لعقلي قد غوى ..
كم مرة؟؟ ..
حتي سئمْ
يا طفلتي ..
إنني في الحب أعمى ..
قد تمادى بناره ..
حتي أكتوى ..
وبعدَ جُرح قد فهمْ
ياطفلتي ..
إنني هذا المحارب ..
إذ تباهي بانتصارهْ ..
حدَّ الجوى ..
فاستفاق علي فراق ..
يتبعه فراقٌ .. فافتراق
حتي انهزمْ
يا طفلتي ..
ما الحبُ إلا زلة قدمْ
خذيها مني واكبحي ..
جماح قلبك باللجمْ
يا طفلتي ..
ما الحب عندي غير العدمْ
إني رأيت الحب .. فإذا به
وبطياتهِ .. كلُ الألمْ
يا طفلتي ..
أنا لا أحبك ..
ومن أحب فقد ظلمْ ..
يا طفلتي ..
أنا لست أدري ..
لماذا أنا ..
بحُـبِّكِ دومًا مُتّهم!!

الــــنـــبــــي الــــهـــادي

سبُوا النّبيَّ فما يُفيدُ نبيَّكُم


مِن هدمِ صرحٍ أو حريقٍ بادي


هذا النبيّ برحمةٍ عمَّ الوري


لَم تعهدَنَّ البغيَ عنهُ بوادي

أنتُم هجرتُم ما هداكُم سنّةً

كانت تُحَطِمُ كُلَّ كيدِ العادي

أعداؤكمُ في فرحةٍ عَمَّت ولا

يُخفون فرحَتهُم بأي نوادي

فلتسمعوا مني أَيَا مَن بِنتُمُ

بحماقةٍ لاحَت علي الأشهادِ

الله كافٍ سيّدي كُلَّ العدا

مهما تمادَت عُصبَةُ الأَوغادِ

ولِمَن يغاروا للحبيبِ وسُنَّةٍ

هُجِرَت وباتت تَشتكي وتُنادي

أَحبابَ طَهَ في البِطَاحِ جميعِها

هلّا أجبتُم عُصبةَ الآسادِ

فَكَذَا انتِصارٌ للحبيبِ محمّد

أَن تَسلُكوا دَرباً مَشاهُ الهادي

رســـولُ الله كـيـفَ اعـــتــذاري؟!

رسولُ الله كيفَ اعتذاري؟!

كيفَ الحديثُ وَكَيْفَ أَكتُبُ كلمةً

وكيفَ تخرجُ من فمي كلِماتي

أحبيبَ قلبي يا ضياءاً للوري

كيف اعتذاري كيفَ تحلُو حياتي

قلمي حزينٌ قد شكا صمتاً بدا

صلبٌ توَجَعَ مِن صدي الآهاتِ

هذا الفؤادُ يهُزُهُ ألمٌ بهِ

ويَكَادُ يغرقُ في دُجي عَبَراتي

طَهَ حبيبي إنَّ كُلّ تَوَجُعي

هُوَ نابعٌ من شِدّةِ الحَسَراتِ

تِلك الاهانةُ ما بِأَوَلِ مرَةٍ

نحنُ المُهانون كما الأمواتِ

أما جنابُك فهوَ عالٍ في السما

ونتيهُ نحنُ نضيعُ في الطُرُقَاتِ

فحقُوقُنا باتت سنين طَويلةً

بيَدَي جبانٍ ناهكٍ حُرُماتِ

ورِجالُ أُمتنا تفَرَق جمعُهُم

كيف انتصارٌ كيف لم شتاتِ

إني ألوذُ وأستغيثُ بِخالقي

كي يكشفُ البلوي معُ الوُيْلاتِ

ويرُدَ كيداً في نُحورِ عدُونا

ويَرُدَ إيماناً إلي بلداتي

هذي المهانةُ لَن تُفارِقَ أرضنا

إلا بعيشٍ في هدي الطّاعاتِ

يـــا هــمـــوم يــا مــعـــانـــده الـــحـــلــــم ......

يا هموم يا معانده الحلم


و معاكسه سيناريو الفيلم


وبتفردي كل ما الم 


وتملي بقع ف الفخ 


والخ الخ الخ

يا محققه اعلي سكور

فـي طلوع الاخر دور

وفـ طفيك كبس النور

وفنون وأساس النَخ

والخ الخ الخ

ده قرار صادر بالأمر

عن عزلك بكره الضُهر

من اي مكان فـ القلب

طوعاً او ضرب وسب

فاطلعي يا هموم بالذوق

من تحت كمان من فوق

قررت باني هروق

والفرح هيبقي الأخ

والخ الخ الخ