نـــــــــــــــــــــــــــــاس.......

ﻧﺎﺱ ﺑﺘﻤﺸﻲ ﻭ ﻧﺎﺱ ﺑﺘﻴﺠﻲ ﻭ ﻧﺎﺱ ﺗﺮﻭﻭﺡ ....


ﻭ ﻧﺎﺱ ﺗﻌﻠﻢ ﻓﻲ ﺍﻟﻘﻠﻮﺏ ....


ﻭﻧﺎﺱ ﺗﺴﻴﺐ ﺣﺒﺖ ﺟﺮﻭﺡ ......


ﻭﻧﺎﺱ ﺑﻴﻤﻠﻜﻬﺎ ﺍﻟﺴﻜﻮﺕ ....


ﻭﻧﺎﺱ ﺗﺴﻴﺐ ﻛﻼﻡ ﻋﻠﻲ ﺟﺪﺭﺍﻥ ﺑﻴﻮﺕ ....


ﻭ ﻧﺎﺱ ﺗﻌﻴﺶ ﻭ ﻧﺎﺱ ﺗﻤﻮﺕ .....


ﻭﻧﺎﺱ ﻋﺎﻳﺸﺎﻫﺎ ﺑﺎﻟﻌﺎﻓﻴﺔ ...


ﻭﻧﺎﺱ ﺭﺍﻳﻘﺔ ﻭ ﻧﺎﺱ ﺣﺎﻓﻴﺔ ...


ﻭﻧﺎﺱ ﻟﺴﺎ ﺍﻷﻣﻞ ﻓﻴﻬﺎ ... ﻭﻧﺎﺱ ﺃﺣﻼﻣﻬﺎ ﻣﺶ


ﻛﺎﻓﻴﺔ ....


ﻭ ﻧﺎﺱ ﻛﺎﺭﻫﻪ ﻭ ﻧﺎﺱ ﺑﺘﺤﺐ ....

ﻭﻧﺎﺱ ﺗﻠﻌﻦ ﻓﻲ ﻧﺎﺱ ﻭ ﺗﺴﺐ ....

ﻭﻧﺎﺱ ﻋﺎﻳﺸﺎﻫﺎ ﺑﺲ ﻫﺰﺍﺭ .....

ﻭﻧﺎﺱ ﻣﺶ ﺷﺎﻳﻔﻪ ﻏﻴﺮ ﺍﻟﺠﺪ ....

ﻭﻧﺎﺱ ﺗﺤﺴﺒﻬﺎ ﺑﺎﻟﻤﻠّﻠﻲ ....

ﻭﻧﺎﺱ ﺍﺻﻼً ﻣﺎﻫﻴﺶ ﺑﺘﻌﺪ .....

ﻭﻧﺎﺱ ﺗﻌﺸﻖ ﻓﻲ ﺣﺒﺖ ﻧﺎﺱ ....

ﻭﻧﺎﺱ ﻋﺎﻳﺸﺔ ﺑﺪﻭﻥ ﺃﺣﺴﺎﺱ ...

ﻭﺍﻧﺎ ﻭ ﻓﻮﺳﻂ ﻛُﻞ ﺍﻟﻨﺎﺱ ....

ﻭﺑﺮﺿﻮﺍ ﻭﺣﻴﺪ !!!!

ثـــــم !!!!!!

ثم ان الحزن عورة

ثم ان الفرح سُترة

ثم ان العشق خبرة

ثم ان نهايته مرة

ثم انك دقت منه

واتكسيت مرة ومرة

واتفضحت الف مرة

ثم انك حينَ غرة

قولت شعرك من عنيها

قولت شعرك عن صحابك

سبتها تفلت اديها

قام جنون الغنوة صابك

قمت فالت من عيارك

قمت دايس ع اللي سابك

ثم اصله حتة منك

ثم انك ف الخسارة

كنت أشطر وبجدارة

من مناورة تلاقي غارة

من متاهة تخش حارة

ثم انك من ده كله

ايه اللي نابك يا عزيزي

ثم ثم ثم ايه

اللي فيك ده شئ غريزي

ثم انك بالأمانة

مش لوحدك ف القصيدة

انت خانة ف ألف خانة

ثم ان كتير سوانا

قلبهم محتاج اعانة

كاس وداير م البداية

ثم انك دقت منه

ثم كَمِل للنهاية

أحـــــــبـــك وكـــفي ......

أحِبُك وكفى ..
وبيني وبينكِ شئ خفيّ ..
شئ نقيّ ..
كمثل نقاوةِ قطرِ المطرْ
أحِبُّك وكفى ..
وحُبّي إليكِ ليس بحُبٍ
حُبّي إليكِ يفوق المحبة بين البشرْ
وسر التقائي يا عمري بعينك
روحان سارا لنفس القدرْ
أحِبُّك وكفى ..
ولقانا هنا في الدنا مستحيل
وإن كان قلبي لقلبكِ يميل
فهل سوف تلقى الشمس القمر؟
أحِبُّك وكفى .. بدون لقانا
بدون السهد ..
بدون السهرْ
بدون الدموعِ وخوض المذلةْ
بدون انقياد وطمس البصرْ
أحِبُّك ويكفى ..
الحب اصطفانا
وبالخلد يومًا
يكون التقانا
بجنة ربي ..
ويحلو النظرْ
فتكونين حُبًّا
تكونين زوجة
تكوني القدرْ
أحبك وكفى ..
وحبك هنا .. بهذي الدنا
أكبر خطرْ !

أكــــتــــــــبْ وامّـــسْـــــــح ..

أكتُبْ وامسح

هذا دومًا حالُ الكاتبْ

يكتب جمله .. تُعِجِبُ ذاته

يمسحُ أخرى .. كيما يكتب أحسن منها

ترضي حياته

أو يتوصل حد اليأسْ ..

هل أدركت بأن النظم

كمثل الرقصْ ..

لكن فن الرقص بذاته

لا يتحقق إلا بشرط وجود الشوك

الشاعر يرقص فوق الشوك

الشاعر ينظم عقدة نقصْ! ..

أكتب وامسح .. كيما ترضي

بعض ذواتك ..

لكن تبقى تبكي وحدك ..

طلل رفاتكْ

أكتب وامسح .. ياللخيبة

هل تتوارى بجرح سكاتك؟

أقتل واذبح

أنزف وامسح

كل حياتك!

أهــــــــــواكِ .. وأهـــــــــــواه

أهواكِ .. وأهواه


هذا الذي أنتِ ..


طوع بيُمناه


فكيف أختارُ؟


وكلُ ما فيكِ ..


بعض من سجاياه


إنني أهواكِ ..

ولكنني أسأل

إلي متى نبقى

نتمادى وننساه؟

إني لأشكره ..

إذ كنتِ مفاجأةً

وما أحلى ..

مُفاجآت الله

إنني أهواه ..

وأهواكِ أنا أيضًا

فأرجوكِ كفانا ..

أننا يومًا ..

وأيامًا عصيناه!

هيا لنتفارق ..

ونطفئ الأشواق ..

ونخبره إذ نسجد ..

بصلاتنا نلقاه

أننا تُبنا ..

ولسنا كما العشاق ..

وأننا والله ..

جدًا لنخشاه

عله يجمعنا ..

زوجين في الجنّه ..

أو يكافئنا ..

فنُكملَ السُنّه ..

ونسير في العمرِ ..

معًا رفاق حياه

فيسمعني من شفتيك ..

ما كنت أتمنى


 حبيبي يا زوجاه!

فـــــــــــاكر لــــــما.................

ﻓﺎﻛﺮ ﻟﻤﺎ ﺃﻧﺎ ﻛﻨﺖ ﺻﻐﻴﺮ
ﻭﺍﻣﺎ ﺍﻟﺪﻧﻴﺎ ﻛﺎﻧﺖ ﺑﺘﻤﻄﺮ
ﻛﻨﺖ ﺑﺤﺐ ﺍﻓﻀﻞ ﻓﻲ ﺍﻟﺸﺎﺭﻉ
ﻭﺍﻓﺮﺩ ﺇﻳﺪﻱ ﺍﻋﻤﻠﻬﺎ ﺟﻨﺎﺡ
ﻭﺍﻋﻤﻞ ﻧﻔﺴﻲ ﻛﺈﻧﻲ ﺑﻄﻴﺮ
ﻛﻨﺖ ﺑﺤﺐ ﺍﻋﻤﻠﻬﺎ ﻛﺘﻴﺮ
ﻭﺍﻋﻤﻞ ﺻﻮﺕ ﺯﻱ ﺍﻟﻄﻴﺎﺭﻩ
ﻭﺍﺟﺮﻱ ﻭﺍﺩﻭﺱ ﻓﻲ ﺍﻟﻄﻴﻦ ﺑﻀﻤﻴﺮ
ﻭﺍﻣﺴﻚ ﻭﺭﻗﻪ ﺍﻋﻤﻠﻬﺎ ﺳﻴﺠﺎﺭﻩ
ﻭﺍﺿﺤﻚ ﺟﺪﺍ
ﻭﺍﻧﺎ ﺑﻄﺮﺩ ﻣﻦ ﺑﻘﻲ ﺯﻓﻴﺮ
ﻭﺍﻣﺎ ﺍﻟﺪﻧﻴﺎ ﺗﺒﻄﻞ ﺗﺸﺘﻲ
ﺑﺎﺭﺟﻊ ﻻﻣﻲ ﻭﺍﻧﺎ ﻣﺘﻐﺮّﻕ
ﻭﺍﻓﻬﻢ ﻣﻨﻬﺎ ﻟﻤﺎ ﺗﺒﺮّﻕ
ﺇﻥ ﺍﻟﻄﻴﻦ ﻓﻲ ﻫﺪﻭﻣﻲ ﻛﺘﻴﺮ
ﻓﺎﺿﺤﻚ ﻟﻴﻬﺎ ﻭﻣﺎ ﺍﺗﻜﻠﻤﺶ
ﻭﺑﻌﺪ ﻣﺤﺎﻳﻠﻪ ﻣﺎ ﺑﺘﻄﻮّﻟﺶ
ﺑﺎﺧﺪ ﻣﻨﻬﺎ ﺭﺑﻊ ﺟﻨﻴﻪ
ﻭﺍﺟﺮﻱ ﺑﺴﺮﻋﻪ ﻭﺍﺟﻴﺐ ﻛﺮﺍﺗﻴﻪ
ﻭﺍﻗﻌﺪ ﻭﺍﻛﻠﻪ ﺗﺤﺖ ﺍﻟﺴﻠﻢ
ﻭﺍﻧﺎ ﻟﺴﻪ ﻫﺪﻭﻣﻲ ﻣﺎﻧﺸﻔﺘﺶ
ﻭﺑﻌﺪ ﻣﺎ ﻳﺨﻠﺺ ﻣﻨﻲ ﺍﻟﻜﻴﺲ
ﺑﻠﺤﺲ ﺻﺎﺑﻌﻲ ﺍﻟﻨﻮﻧﻮ ﺑﺬﻣﻪ
ﻭﺍﺭﻣﻲ ﺍﻟﻮﺭﻗﺔ ﻭﺍﻗﻮﻝ ﺧﻼﻭﻳﺺ
...
ﻭﺍﻣﺎ ﻛﺒﺮﺕ
ﻛﺒﺮﺕ ﻓﻴﺎ ﺣﺎﺟﺎﺕ ﻣﺎﻣﺎﺗﺘﺶ
ﻭﺍﻣﺎ ﺗﻤﻄﺮ
ﻭﺍﺑﻘﻲ ﻟﻮﺣﺪﻱ ﻓﻲ ﺍﻟﺒﻠﻜﻮﻥ
ﺑﻌﺪ ﻣﺎ ﺍﺑﺺ ﺷﻤﺎﻝ ﻭﻳﻤﻴﻦ
ﺑﻔﺮﺩ ﺇﻳﺪﻱ ﺍﻋﻤﻠﻬﺎ ﺟﻨﺎﺡ
ﻭﺍﻋﻤﻞ ﻧﻔﺴﻲ ﻛﺈﻧﻲ ﺑﻄﻴﺮ
ﻭﺍﻋﻤﻞ ﺗﺎﻧﻲ ﺻﻮﺕ ﺍﻟﻄﻴﺎﺭﻩ
ﻭﺃﺳﺮﺡ ﺟﺪﺍ ﻭﺍﻧﺎ ﺑﺘﺒﺴﻢ
ﻭﺍﺧﺪ ﻣﻨﻲ ﺧﻤﺴﻪ ﺟﻨﻴﻪ
ﻭﺍﻧﺰﻝ ﺗﺤﺖ ﻭﺍﺟﻴﺐ ﻛﺮﺍﺗﻴﻪ
ﻭﺍﻓﺘﺢ ﻭﺍﺣﺪ ﺗﺤﺖ ﺍﻟﺴﻠﻢ
ﻓﺎﺳﻤﻊ ﺻﻮﺕ ﺍﻟﻨﺎﺱ ﻧﺎﺯﻟﻴﻦ
ﻑ ﺍﻣﺸﻲ ﺍﺩﺍﺭﻱ ﺍﻟﻜﻴﺲ ﻓﻲ ﻫﺪﻭﻣﻲ
ﻭﺍﻃﻠﻊ ﻓﻮﻕ ﻭﺍﻛﻞ ﻛﻴﺲ
ﻭﺍﻟﺤﺲ ﺻﺎﺑﻌﻲ ﺯﻱ ﺯﻣﺎﻥ
......
ﻃﻌﻢ ﺍﻟﻜﻴﺲ ﻣﺎﺑﻘﺎﺵ ﻳﻤﺘﻌﻨﻲ
ﺣﺘﻲ ﺻﻮﺍﺑﻌﻲ
ﻛﺎﻧﺖ ﻃﻌﻤﻬﺎ ﺃﺣﻠﻲ ﺯﻣﺎﻥ
ﺯﻱ ﺍﻟﺪﻧﻴﺎ
ﻛﺎﻧﺖ ﻓﺮﺣﺔ ﻋﻤﺮﻱ ﺑﺸﻮﻓﻬﺎ
ﻑ ﻛﻴﺲ ﻛﺮﺍﺗﻴﻪ
ﺑﺮﺑﻊ ﺟﻨﻴﻪ
ﺃﻣﺎ ﺍﻵﻥ
ﻫﻢ ﺍﻟﻘﻠﺐ ﻣﺎ ﻳﻤﺴﺤﻬﻮﺵ
ﻭﻻ ﻛﺮﺗﻮﻧﻪ ﻣﻦ ﺍﻟﻜﺮﺍﺗﻴﻪ
ﻭﺍﻋﻤﻞ ﺇﻳﻪ
ﺣﺎﻝ ﺍﻟﺪﻧﻴﺎ
ﻭﺣﺎﻟﻲ ﻣﻌﺎﻫﺎ ﻟﻤﺎ ﺗﻤﻄﺮ
ﻭﺍﺩﻓﻊ ﻋﻤﺮﻱ
ﻭﺍﺭﺟﻊ ﺗﺎﻧﻲ ﻃﻔﻞ ﺻﻐﻴﺮ
ﻋﻤﺎﻝ ﻳﻠﺤﺲ ﺻﺎﺑﻌﻪ ﺑﺬﻣﻪ
ﺑﻌﺪ ﻣﺎ ﻛﻞ ﻛﻴﺲ ﺍﻟﻜﺮﺍﺗﻴﻪ
ﺗﺤﺖ ﺍﻟﺴﻠﻢ !

بــــــــــرد وســــــــــــــــــلام

_____


احتمالات التفرد فى القصيدة


تبتدى


لحظة خروجك وردة


من بين السطور


انا وانتِ والحلم الشقي


ومرح الطيور


والشوق ما بيننا 


جزيرة خضرة 


بعيدة عن كل البشر

تفتكرى ممكن يحصل ايه؟؟

..............
..........
ما تكمليش

ما تفكريش غير ف اللى جىّ

هابعت احاسيس البنفسج

تحضنك

واخفض جناح العشق

لعنيكى الربيع

واهاديكى بالرطب الجنينة كلها

ونهز جذع الفرحة

بخيالنا الوسيع

والشوق سنابل وردى

يرميها القمر

برد وسلام ف قلوبنا

ونضارة النعيم

تفتكرى ممكن يحصل ايه؟؟

....................

ما تكمليش

ما تكمليش

قــــــام مــــن نــــومــــه

قام من نومه
بس عيونه
خايفة تفتح
كرمش قلبه 
من الاحزان
بخ الميه 
على القمصان
وقعد يكوى 
ف كل هدومه
***
دقنه طويلة
قالك يحلق
قالك يسرق
لحظة قصيرة
يغير فيها
كل ملامحه
ويمكن حتى
يغير لونه
بس مصيبته
كان مستعجل
زود جرحه
وجرح الوش
وقبل ما حتى مرايته تلومه
قالها اسف ..معلش !
***
عمل القهوة
وطلعت شاى
بس ازى
هيحط السكر
عمره ما فكر
يضحك اكتر
من جواه
كان وياه
الحلم زمان
بس زمان
مبقاش وياه
فاته امبارح
علشان بكرة
وبكرة مجاش
***
قضى سنين العمر بلاش
من غير حتى
ما يفرح مرة
واما ف مرة
حب يسيب احزانه المره
فتح القلب على الشباك
لا النور دخل
ولا الضلمة
طلعت برة !