دا وقت اشعاري
ولو انها useless..
لكن يادوب مقدرتي
اكتب و اكون مخلص..
للطفل اللى راح
وسايب لأمه جراح
ولا يوم يقدرها
غير قلب فقد الروح..
طفلي دا كان نايم
كالعادة رافض يقوم
بالعافية صحيته
و ياريته كمل نوم
طفلى دا كان رايح
مدرسته امبارح
فجأة حياته انتهت
و حياتي خدها معاه
ابنى خلاص مات!!
دنا كنت بستناه!!
راح البريء من دنيتي
و سايبنى وحدي ف غربتي
كان هو سندي ف وحدتي
كان كل اكواني
مع انه طفل صغير
و لكنه كان انسان
كان قلبه قلب كبير
كان اعظم الفرسان
سامعه نداه ليا
يا ماما ماتزعليش
كنتي بتدعليلي
في الجنه عمري اعيش
ونا فيها دلوقتي
ارجوكي مااا تبكيش...........
