طـــــريــــــق ســـــــفـــــــر

ف طريق سفر..


يمكن قمر..

يمكن شجر



يمكن وصول


جايز صحاب..جايز سراب


جايز غياب هيطول

ف طريق سفر..

الاتجاه وجهة نظر

والانتباه منحة قدر

والاشتباه..

عاجز بصر مسطول

صاحب جبان خايف

صاحب ملول مشغول

صاحب كفيف شايف

اخر الطريق مقفول

ف طريق سفر..مبلول

مرسى الوطن مالح

من صدق دمع الشوق

يزعل ويتصالح

و ف الدلال بيسوق

فيقصر المسافات

ويكسر المجاديف

ويريح القاتل

ويغسّل المقتول

_____________________________________________

أيمنْ سيفْ

مـــــــن بــــــــــــــعـــــدك

من بعدك ..

صاحبتني الوحدة

وبقينا احباب

بتزورني وتطمن دايما ..

وكأننا مـ الأول أصحاب

بتنام على رجلي وتحكي لي ..

وأشكي لها من اي عذاب

وفـ عز البرد تغطيني ..

وتوارب على قلبي الباب

من بعدك ..

الوان الدنيا ..

تتوحد ..

وأنا مابشوفهاش

والجرح بيكبر جوايا ..

ولكنه أكبر مـ الشاش

من بعدك ..

قررت أكمل ..

بني آدم وبقلب قماش !!
__________________________________________________

أيمنْ سيفْ

بتــــمـــــشى الـــــحـــبــايـــــب

بتمشى الحبايب

فتقعد لوحدك

تسامر همومك

ويمكن تعاندك

فتقعد معاك

تغير مكان القمر من سماك

وتفضل وحيد ......

 .....

وتمشى الحبايب ...

مايمكن يكون انسحابهم صحيح .....!!

وخطوة خروجهم من الصورة ..

يمكن تكون البداية لواحد صحيح

ولكن بتفضل تقلب عيونك

فى كل النواحى

وكل الخطاوى

اللى دبت فى قلبك

بتهتف جراحى .....

وتسأل ملامحك ...

صحابك فاتولى إبتسامة جريح

....

وبتمشى الحبايب

بتوقف تراجع خطوطهم زمان

ووقت اما  كانت رددودهم حكاية بترمى النسايم

تزف المكان

وتثبت ثوانىتراجع ردودك

وفكرة وجودك ...

ومعنى اختفاء البريق اللى شدك

وثبت فى عودك

فتسأل .....

تكنشى النهاية بتعشق

تخبط تمللى علينا ...

قبل الآوان ....!!

....

وتمشى الحبايب

وتفضل حروفك 

تضحك بخوف

ويمكن يكون كلامك

 يسهى اللى قولته

ويرمى الحروف ....

وتفضل تشاور

وكل المعانى بترفض تفكر

فى معنى الوقوف

طريقك طويل .....

وكل اللى عدا مجرد بداية

بدون الحبايب 

بتصبح خطاوى

فى درب النهاية ....

وقربت تعلن دقيقة حدادك

لكل انتشاءة بتظهر فى قلبك

نتيجة خطوطك

ودق الكفوف ...

_______________________________________________أيمنْ سيفْ