مــــديـــنــــــة ..............

نفسى مرة تعودى ليا 
_________________________


حرفين وطاروا فى الهوا


مشتاق قوى ...


تتلاقى احلامنا سوا


بتهزنى ايديك وانتى بتبعدى 


وبرغم دا


ع البعد عمر  قلبى يوم مرة انتوى 


بردانة ايديك


والحروف من غير معانى 


والقلق عارف مكانى


والقليب ...


لساه بيعشق طلتك 


يا مغلبانى


...


هو انا ....


عنك غريب ؟! ....


ولا أنتى اصلا رافضة يبقالك حبيب ؟! ...


بتخافى يمكن 


م اللى حاصل 


جمع قلبى ويا قلبك صعب جدا ...


اصل فيه ....


بينهم فواصل 


من خيالك ....


ايه جرالك ...؟!


ناسية فجرك لما أدن 


كنت واقف ليه بطمن 


لاجل يتحقق شروقك 


هو ليه بعدك ..


بشوقك ؟! ...


نفسى مرة ...


تعودى تانى ...


.......


لما كنا بنستخبى جوا منك 


من قلقنا ...


كنتى نسمة 


كنتى طوق بيشدنا لحظة غرقنا ...


نفسى اعرف ..


فى اى لحظة افترقنا .....


وإبتدت تبهت مشاعرك ؟!!!!!!!!!!!!!


كل حاجة اقولها ليكى ....


شئ مُعاد ...


نكتة بايخة قولتها فى لحظة ...


وداد


كنت فاكر انها 


هترد اجمل ميلاد ...


.....




والضحكة ترجع للصبايا والولاد 


والشمس تبعت ضيها وبتسألك 


راح تلتقيه 


ولا هتخطى الملامح من فوقيه ....؟!!


يا مدينة عجيبة ....


ليه ؟! ....


مبقاش مبيظهر ....


فيكى عنوانى !!!!!!!!!!!!!


................


شكر وافر يا مدينة 


لاجل طيبتك .....!!!


كل احلامنا سجينة 


وابتساماتى 


لحظة  ممسوخة 


لعينة 


شدى حيلك 


وابتدى خطوك علينا 


لما يمكن ........


تهجريبنا 


نلقى دنيا تبتدينا 


وسط هامش 


مش انانى ....................................




______________________________________________________


أيمنْ سيفْ