انتقلت المدونة الى wordpress

رسميا

انتقلت المدونة بشكل كامل الى الووردبريس

على الرابط المعهود www.ducatiq8i.com

أراكم هناك

إيقاف مؤقت للمدونة

ستتوقف المدونة لمدة قصيرة

لأن المهندس الفطحل معاذ يبدأ بنقل المدونة

من الى

أراكم في مملكتي الجديدة

الى اللقاء

The new ducatiq8i

مسا الخير

موضوع بسيط صغير

مجكنم

مدلقم

ديكاتي

اسم تعرفه وتثق به

تدوين منذ زمن

مواضيع مختلفة

متعدده

تنصب كلها في الأكل والمغامرات

لووول متشوقين صح

ههههه

عطوني رايكم

هنا ديكاتي

ليس الشكل النهائي

ولكنه التصور المبدئي للشكل القادم

نراكم لاحقا

Gelato italiano-kuwait

بما اني متعدد المواهب

والقدرات

والأذواق

ذاك اليوم مدامي كانت بتروح يمعه عند رفيجاتها

فكانت المهمه

يا ديكاتي

لازم تشتري شي مميز

وحلو

ومحد راح اييبه اليمعه

حلو حلو

فتحت الأرشيف

وبدأت بالبحث

لقيتها

جيلاتو ايتاليانو

محل للأيس كريم الأيطالي

مكانه بالديره

محلات التلفونات على يساركم

جدامكم دوار المخفر تاخذونه يمين

ركزوا على ايدكم اليمين تشوفونه

أحلى شي عنده تعدد النكهات

واشياء تكون مألوفة ومقبوله

لوول مثل برد الكنافة

وبرد ليمون نعناع الي حده حلو

وايضا هناك نكهة غريبه

جربتها المدام جان تضحك

اقولها شفيج تقول مادري بس يضحك الطعم

لووووووووووووووووول

نكهة اللافندر او البنفسج

المهم

اخذنا كيلو

تختار 6 نكهات

ويحطهم في علبه خاصه تحفظلك البرد

سعرها 5 وربع

بصراحة شي حلو للتقديم

اعتقد يمعة الأهل الياية راح اخذ منه بعد

وعندهم كيك البرد والعواده


وهذي قائمة الأسعار

يستاهل التجربة

مرينا اف ام

مسا الخير

من زمان عن التدوين

ولكن في طور تحديث المدونه

واتييكم الأخبار لاحقا

انشاء الله

بس حبيت اقولكم انا صاحي لكم

وهم ترا عيني عنكم مش غافله

اليوع ذبااح

لووول خل نشكي شوية

والله من غدا امس وسلامتكم

ما كليت شي يحسب حسابه

يعني بعد الغدا

شربت بيبسي دايت

بعدين بطل ماي

حب شمسي

كاكاو

صمدي

لووول بس ترا ما كليت شي يعني

مرينا اف ام

88.8

الموضوع شيق جدا

من يوم الأحد

راح ابلش العمل كمتدرب في اذاعة المرينا اف ام

طبعا التدريب الميداني في الجامعة يقولنا اختاروا مكان تتدربون فيه

يمكن انا اول طالب يسوي التدريب اهناك

دكتورة هبة المسلم قالت اختار مكان غير

فكانت المرينا اول اختيار

تقول ان ولا طالب جرب يروح اهناك فأنت كون اول واحد وجرب

استقبلني المذيع خالد الأنصاري

وشرحتله الموضوع

رحب بالفكرة ما قصر

لوول على قولته ماكو نوم تعال من الصبح

ههههه وان شاء الله قدها

تجربة راح تكون حدها حلوة

وايد متحمس

وان شاء الله اكون قد هالشي

كبير يا دوكي

لووول ونسويلكم تغطية صغيرة لا تحاتون ادري فيكم تحبون الأخبار

وايضا شكرا عبدالله

وكتبنا البوست ولما الحين الغدا ما طاح

Instagram new update

برنامج التصوير المعروف

وايد حلو

خصوصا مع كامرة الايفون يبدع

يسمحلك تصور وتركب فلاتر على الصورة

من أحلى البرامج

والحين ابديت يديد

زياده ٤ فلاتر

مع تحسينات نوعية مختلفة

الأبديت وايد حلو

Nbk app

قبل شوي نزلت تطبيق البنك الوطني

لوول للأمانة ما توقعت مرتب جذي

وأحلى شي ان يعطيك تفاصيل عمليات السحب والايداع

ولو كنت دافع بالكي نت يقولك منو الجهة الي سحبت المبلغ

أنصحكم فيه وايد

وعملية التسجيل بسيطة جداً

ولازم يكون عندك اكاونت وطني أونلاين علشان تقدر تفعل التطبيق

blogger or wordpress

هذا هو السؤال

البلوقر

ام الووردبريس

كلاهما يختص بالمدونات

البساطه

المرونه

أيهما اكثر ؟

يعتمد على استخدامك

البلوقر مريح جدا

غير معقد

جاهز من مجاميعو

ولكن ما زلت افكر بالإنتقال الى الووردبريس

فإنطلاقا من المبدأ القائم على الديمقراطية

وحرية الرأي

أفتح المجال لكم انتم مؤسسوا هذه المدونه في مشاركتي في هذا الموضوع

وأيضا

هل تقترحون تغيير ثيم المدونه ؟

ولا زين ما فيه شي

رايكم يهمنا

حياكم الله بالمدونتكم

طاح الغدا

فمان الله

Altissimo-kuwait

عندما تشطح بالسماء العالية

في الدور ال32

وتطل على مدينة الكويت

وفي جو هادىء

رومانسي

جميل

اضاءة خافته

طعم رائع

ضيافة ايطالية راقية

اي نعم

مطعم التسيمو الإيطالي

امس نفس هالحزة ونفس القعده كتبت بالتويتر

يبيله مطعم هادي

فأتتني المبادرة من احدى الزميلات الي اعزهم وتصادفت معاهم اكثر من مره

نصحتني بتجربة مطعم التسيمو الإيطالي

يقع في مدينة الكويت

برج النصار

بالضبط بجانب الشيراتون

وصلت في الساعه 10

احم احم مع المدام طبعا

اول ما دخلنا المصعد

اخر دور هو 31

ولكن في حرف
R

الروف هو المطعم

والله ونصعد

واثناء الصعود تمر عليك عوامل الإرتفاع

الأذون تنسد

والضغط يهبط

ههههههه بس شعور حلو

دخلنا ولا الجو داخل عجيب

هدوء كل من بحالة

الا ال3 حريم الي من اول ما دخلنا لما طلعنا واهما يتكلمون عن نفس الموضوع

شنو هالسالفة الي ما تخلص

بالبداية يابولنا الخبز الإيطالي المعروف

وكان حلو

العواده الطوال تقرمش عجيبه

وطعمها مألوف

المنظر من فوق


المقبلات كانت

شوربة الفطر وسلطة الروبيان


الشوربة وايد عجبتني


الي عجبني من اول شي

ان الطبق اييك مرتب بكل التفاصيل

احب الشيف الي يهتم يتفاصيل شغله

والعصير كان خلطه عجيبه

فراولة مع لفحة ليمون

وبالنسبة للأطباق الرئيسية

طلبت البيتزا بالبيبروني وباستا


لوول وكل طبق يقول الزين عندي

تجربة ناجحه جدا

وايد عجبني والله

ماكو شي طلبته وكان دون المستوى

تتكرر الزيارة اكيد

وبالنسبة للسعر فهو مناسب جدا
بعدين الحبيب يابلنا شي اول مره اشوفه

حطاه وراح

يمكن قال شي ولكن ما سمعته

يجوز


لوول هذا كلنكس

تفتحه تحطه بالماي

يقوم يكبر بعد ما يمتص الماي وتستخدمه

انا اول ما شفته

قلت هذي الحلاوة مالت بعد الأكل

والي بالقلاص الليمون الشوت

لووول بيني وبينكم بطلت الكلنكس ذقته بعدين استوعبت ان هذا مو حلاو

ولما شميت ريحة السائل اكتشفت ان معطر مو ليمون شوت

لوووول وا فشيلتاه

بس عجيب حده



الي يبي جو هادي ومناسب

انصحه الف مره والله

وما راح تتحسفون

لووول بس على فكرة ما ينفعع حق الرجيم

اضطريت اخرب نظامي الغذائي شوي امس

ولكن لا بأس

التجربة تستحق المغامرة

استديوهات التصوير

مسا الخير

ييييووو

خبركم ماكو شغاله بالبيت

هههه توني ضبطت الغدا حق العيال وجذي

وسنعت المكان

وفرشت السفرة

وسخنت الدقوس

لازم نوفر الأجواء المناسبة للجميع

ويقولون رياييل الكويت مو شي

كاني شوفوني شزيني

اطبخ واغسل واشتغل

وحبوب وشاطر

ومصري وناجح احم احم ماشاء الله علي

ويقولون رياييلنا مو زينين

ههههه

المهم لا افتح على نفسي باب الحين بعد

اليوم بسولف عن استديوهات التصوير

يعني وايد ماشاء الله عليهم

يعني فوتوكينا وربعه

كنت اتسائل مع نفسي

لما البنت تصور

خصوصا اذا كانت لقطات يعني

من الذي يقوم بمونتاج الصورة ويضبطها ويركب عليها الديزاين والفلاتر وغيرة

احد الإستديوهات الي كنت اصور فيها

في مجمع بمنطقة السالمية

كنت بروح استلم صوري قالولي خالصين بس اذا تبيهم الحين روح فرعنا الي فيه شغل

قلت مو مشكله

رحت مكتبهم

ولا الناس مجابلة الكمبيوترات ويسنعون بالصور

وانا واقف لاحظت ان الفلبن والهنود الي يشغلون رياييل طبعا

وحاط صورة واحد مع مرته وقاعد يعدلها

ولا ذيج الي لابسه لبس حفله ومصورة وهذا يشتغل على صورتها

مممم واللبناني الحبيب الي اهوة المسؤول

قاعد ويشوف ورايح راد على الصور

طبعا انا دخلت عندههم جني ما ادري بشوف شنو يصير داخل احم احم

انزين فرضا هالبنات متحجبات

حتى لو مو متحجبه ولكن لبسها ما يسمحلك انت تطالع

من جم يوم قررت اصور صورة مع المدام

قعدت ادور واسأل عن استديو

يكونون الي يشتغلون داخل بنات يعني مو من هب ودب يشوف

والله وبعد ما سألت

حصلت محل عنده هالشي الي ابيه

ستوديو مومنتس

مكانه بحولي يم حنان دشتي والمطعم الصيني

رقمهم 22669030

ومستوى التصوير ممتاز

وشي مرتب

قابلت صاحب المحل

كويتي طبعا

فكلمته عن هالموضوع

ماا قصر شرحلي كل شي

وقالي ان اهمه ااغلب زباينهم من البنات

لإن معروفين ان شغلهم بأيادي بنات

وماكو ولا ريال يدش غرفة المنتجه

ورحت شفت مكانهم الي يشتغلون فيه

والله فعلا مثل ما قال

وحسب ما عرفت

ان في بعض المحلات الي تصور وحده وتستلم وتسوي كل شي

ولكن داخل الشغل رياييل اهمه الي يخلصون كل شي

عاد والله ما قصر معاي

خصوصا ان الي ماسكه المحل وحده من بناتنا

تعاملها جدا محترم

ولما اتصلت علشان احجز موعد

وصلت ولا الستديو جاهز ودخلنا وكل شي مرتب وخذينا راحتنا

عاد وانا ادردش مع صاحب المحل

قتله انا بكتب عن هالشي في مدونتي

اذا ما كان عندك مانع

رحب بالشي هذا وقالي الي بيي من طرفك ما راح نقصر معاه انشاء الله

فأنا اقولكم يا قرائي

لووول مو عبالكم دعاية ههه بس ابيكم تستفيدون مثل ما انا استفدت

الي يبي يروح بس يدزلي ايميل صغيرون

اعطيه كل المعلومات الي يبيها

وراح اخبر المحل لو حابين

اعتقد مو من حق اي واحد يشوف كل شي

حتى لو كانت هذي شغلته

مشروب مع صغيرات للتان

انا اخجل اني اكتب شي مثل هذا

عمري ما كتبت عن هالسوالف في مدونتي

ولكن الي شفته صدمني

صدمني وايد

ما توقعت في ناس وصلت لما هالمرحلة

فتاتين اعمارهم لم تتجاوز 18 سنه

راح اكون متحفظ على بعض المعلومات لإني مابي اتسبب لضرر للمصدر

في مكان هالشخص مسئوول عن النظام والسلامة العامه

وصلت اليه شكوة ان في بنتين معاهم مشروب كحولي

تم استدعاء الفتاتين

تم طلب الهويات واتضح انهم قاصرات

سألهم شنو هذا

قالوله تان

كرر السؤال مرتين و3

نفس الإجابة

استدعى صديقتها الثانية وكرر نفس السؤال

كانت الإجابة مماثله

سأل عن سعره

قالوله بعشرة دنانير

وكان مصدر هالمشروب

من احدى صالونات التجميل

والي تبيعه لهم وحده مغربية

بطل ماي معبيته

يقولون انه فعلا يعطي صبغه للجسم

الفتاتين ما كانوا يدرون ان هذا مشروب حسب علمهم

كل الي يعرفونه ان يعطي صبغة ممتازة وبس

وصلنا لما هالمرحلة

والله خافوا الله

والخافي اعظم

Rise of the planet of the apes

من جم يوم رحت السينما

ودخلت فلم القردة

كما سموه الكثير من الناس

والي اسمه الحقيقي والفعلي

Rise of the planet of the apes

من الأفلام المثيرة والشيقة الي دخلتلها مؤخرا

تسلسل القصة اكثر شي عجبني وهذا الي خلاني اندمج وايد

حلاته بالنهاية بس كانوا متعبين نفسهم شوي ومكملين القصه

ولعل التكنولوجيا المتقدمه المستخدمه في هذا الفلم

ساعدت وايد ان تعيشان الجو المطلوب


فلم وايد حلو بصراحة

لووول ويبجي نوعا ما

اراكم لاحقا

تصادم طيارات كويتيه

فيديو قديم

ما ادري مال اي سنه

ولكن شفته وانا اتصفح اليوتيوب

magic cube- icity

صباح الفجر

لووول لو تلاحظون بوستاتي كلها صباح ولا مساء

والله انا شخص اقدر الوقت

واحيي جمهورنا الكبير

بسم الله الرحمن الرحيم

سيداتي انساتي سادتي

من استاد الصداقة والسلام احييكم

معاكم من خلف المبكروفون دوكي ولد ام دوكي

مباراتنا اليوم

او موضوعنا اليوم بمعنى اصح

ال
magic cube

كيبورد يعمل بالليزر

بوضوح تام

للأمانه ما جربت استخدامه

ولكن رحت تفحصته بشكل مباشر بمتجر آي سيتي


والله مثل ما اهو موجود بالفيديو

3 الوان

صغير الحجم

وشكله ظريف

ولكن انا من المدرسة التقليدية احب الشيء الملموس

كيبورد ملموس وليس باللمس

هكذا تعودنا

ولكن اختراع يستحق الإشادة به

سعره 55 دينار كويتي

بأحد المواقع الخاصة بالتكنولوجيا

قايلين سعر

169 دولار

اي ما يعادل

46 ونص تقريبا

يعني اعتقد سعره مناسب عندنا

وزنه 78 جرام

طبعا يعمل بالشحن

وتشحنه من ال
USB

واضافة الى انه كيبورد

يمكن استعماله كماوس

وعشنا وشفنا

عودة طلال الياقوت ومايك مبلتع

مسا الخير

خبر سريع

عودة المعلقين

المتألقين

المتأقلمين

اللإقين

القليلين الوجود

الكثيريْن الحضور

الفاتحيْن للنفوس

طلال الياقوت

ومايك مبلتع

في برنامج هنا القايله

على كويت أف ام

من ٢ اكتوبر

من الساعه ١ الى ٣

بإنتظاركم

بنوك وعملاء

نعم انها البنوك

ببساطه الموضوع لا يحتاج الكثير من الشرح

انا عميل لدى البنك الوطني

والبنك الأهلي

مقارنه للخدمات

حبيت افعل خدمة الرسائل القصيرة في البنكين

اتصلت على هلا وطني

طلبت الخدمه

قالت دام حساب الشباب اذن الخدمة مجانية

وخدمه كاملة على كل حركة بالحساب

ممتاز جدا

اتصلت على البنك الأهلى لنفس الطلب

طلع الموضوع مختلف عندهم

اولا السالفة فيها باقتين

باقة ال10 دنانير

وهي للتحركات على الحساب فوق ال40 دينار سواء سحب او ايداع

وباقة ال14 دينار

تكون على كل حركة بالحساب

يا سلااام

من صجكم انتوا

الحين حتى هالخدمه صار فيها مساومه

للأسف خاب ظني في البنك الأهلي

ما ادري عن البنوك الثانية ولكن عرفنا منو البنوك الي شايفة خير

والبنوك الي تدور الفلس

تورا بورا- الكويت

تورا بورا

هو أخر فلم كويتي

بطولة الفنان الكبير سعد الفرج

واخراج وليد العوضي

فلم يستحق الشيء الكبير الصراحة

عملية الإنتاج ضخمة

ما توقعت هالشي

العادة فلم كويتي يكون شي عادي

ولكن ابهرني وايد العمل

تعبانين عليه

النص جيد جدا

والممثلين تغمصوا الشخصيات

عمل اكثر من رائع بصراحة

يعني ما ابي ادخل بإنتقادات القصة

ولكن اخراج ممتاز

حوار حلو

تمثيل ما يعلى عليه بصراحة

ربما شخصية احمد اضعف شخصية كانت بالفلم

اقوى شخصية كانت ما بين سعد الفرج والفنان خالد امين

عمل يستحق الإشادة

جريدة الرؤية السمعية للمكفوفين

هي اول جريدة من نوعها على المستوى المحلي والعالمي

تنطلق من الكويت

مؤسسها عبدالرحمن العدواني

ــــ طبيعة عمل الجريدة السمعية مثل أي جريدة مقروءة، تتناول جميع أنواع الأخبار المختلفة باستثناء الدعايات والإعلانات التجارية، كما أن لها اشتراكات للراغبين في توفير هذه الخدمة، سواء اشتراكات شهرية أو نصف سنوية أو سنوية، ولكل فئة وفق قيمتها المالية، على أن تصل الجريدة يومياً للمشترك ويتم توصيلها باستخدام «الفلاش ميموري» الذي عن طريقه يستطيع المشترك سماع الأخبار والمعلومات المتوافرة في الجريدة المقروءة، وبعد ذلك يتم استبدال الفلاش بآخر جديد، وبهذا تكون المادة جاهزة للاستماع إليها.

كما يتم تزويد المشتركين بصندوق يعبر عن الجريدة السمعية ويحمل شعارها بحيث يحصل من خلاله على الفلاش ميموري «القارئ الإلكتروني» وبرسوم رمزية في متناول الجميع.

فكرة جميله جداً

إخوانا ذوي الاحتياجات الخاصة لهم مكانهم بمجتمعنا

الواحد ينشرح صدرة لما يسمع عن شي جذي

مطعم ريوق

صباح الخير

وصفة من وصفات دوكي تخلي الدنيا تضحك وتفرفشوكي

ههه اشلونكم ااصدقائي

يوم جديد

صباح جديد

ومطعم جديد بالنسبة حقي

مطعم ريوق

لوووول اي دوكي قديم تو الناس باجر روحلة

تدرون فيني انطر الزحمة تخف بعدين اروح

ولكن هالمطعم كله زحمة

ولكن يستاهل

رحتله انا وبويعقوب بو علي ومعاذو

صايرين نشيطين الشباب هالأيام

عدلنا النومه وصرنا نطلع صباحي

حلاته الجو شتى بس

يكون الوضع احلى

بس الحمدلله

مطعم ريوق بالشعب البحري

دخلة فيلا فيروز من طريق الفحيحيل

تكملون سيدة تشوفونه على يمينكم

انتظار 5 دقائق

ربما المساحة الداخلية للمطعم صغيرة نوعا ما

ولكنه جيد نسبيا

منيو مرتب

ماكو شي صعب

الأكلات مألوفة وفيها نوع من الإبداع

طلبت وجبة ريوق بيت

متنوعه وحلوة

المربى مالتهم الكل يمدحها

واحلى شي الخبز الايراني مالهم حده عجيب يذكرني بربوع الرميثية

لوول اهم شي انهم يقدمون دقوس بو ديج

يعرفون حق الكويتيين

المطعم حلو اطباقة متنوعه

واحنا 4 اشخاص هذا حسابنا



يستحق الزيارة

فعلا وجبة الريوق مفيدة

ولكن منو الي يلتزم يا دوكي

--------------------------------

update

ايضا قبل شوي رجعت من مطعم ريوق




المطعم اثبت جدارته