قصاصات

لوووول والله ما عرفنا

امس احد الصحف قالت ان الحبيب شوي ويموت

واليوم صحيفه ثانيه تنفي الخبر

والله اهوه شي من الأثنين

اول شي يا ان جرايدنا ما تعرف تاخذ اخبار

او ان الأخ مايكل يتدلع هاليومين
-----------------------------------

سؤال ييطرح نفسه

شكو مستوى الطلبه بعدم توفر الباصات

الله يرحم ايام الي كنا نروح ونرجع مشي

---------------------------------------

ظاهره غريبه بالمطار

ليش الوافدين يوقفون جددام الزجاج الحاجز هذا

يعني شنو تبون تشوفون

خو ربعكمم الي داخل يبون يحطون جناطهم ويضبطون شغلهم

بس جباتي كثير سمبوسه كثير مخ يصير مثل مخ البعير
----------------------------------------

شلخوناا بسالفة الأخ بو دياب هذا

غصب يبون يخلونه معتنق المسيحية

الجرايد ما عندها غير سالفته هاليومين

------------------------------------

لوووول ضحكني العنوان

والله عندنا كتاب مشالله عليهم دمهم ظريف
:)

------------------------------------

انزين اوكي حاولت الإنتحار ما قلنا شي

بس الف حبة بالعه

اول شي من وين لها الف حبه

وشنو هالمعده الي تشيل الف حبه

اتوقع السالفة مبالغ فيها

------------------------------

لمشتركي زبن

يعني الإعلان صارله دهر يحطونه كل ما اشوفه اقول اي المره اليايه يعدلون البدليه

بس شكلهم مو ناوين

بس هم ما ابي اظلمهم يمكن الحبر مالهم لك عليه

تفاؤل مع بسمة أمل

العنوان يمكن ما يعبر عن الموضوع ولكن هذا الي في بالي

العنوان هذا لزق في مخي بعد ما صار الموقف الي اول مره يحوشني شي مثله

اليوم وكعادتي قعدت الصبح ولكن

حسيت نفسي مالي خلق اداوم لإن متملل من الدكتور

ودام ما عندي غيابات يعني كمل نومتك

وطبعا ما ترددت

اخذت قراري وعدلت مخدتي وكملت النومه

قعدت الساعه 11 وانا شبعان نوم والمزاج اوكي

خذيت شور وتذكرت ان ابوي موصيني على شغله طلعت رحت خلصتها

بعدين رحت الحلاق ضبطنا الشغل

رديت البيت صليت

وبعدها مواعد رفيجي نروح السينما

دخلنا فلم محمد هنيدي

رمضان ابو العلمين حموده

لوووووووول اسمه عجيب كاااك

والفلم جيد

المهم طلعت من البيت توجهت حق سوق شرق

وقفت السياره وقفلتها ونزلت

بنفس اللحظه وقفت ام مع ولدها

وشكله كان مستانس يحليله

المهم اول ما وقفت امه فتح الباب ونزل

قاعد يقول السلام اشلونك

انا شفته جان ارد عليه السلام وانا مبتسم

الولد كان فيه متلازمة الداون

المهم سلم من بعيد ويايلي ركض

وانا واقف اطالعه

وصل عندي جان يمد ايده

مديت ايدي وسلمت عليه

بعد عمري نزلني يبي بوسه

لووووول اي ديكاتي اليوم صاير ابو الأحاسيس

بس صج موقف خلاني اسرح وانا امشي بالمجمع

ولما سلمت عليه

يت والدته عاد

جان تسلم

وانا مبتسم جان اقولها الله يخليه لج ويتربى بعزج يا رب

يحليله صج صج كان ونيس هالولد

ساعات في يهال حتى لو اهوه مريض او شي تلقونه دايما مستانس

ويحب يحتك بالناس

وما يخلي مشكلته تأثر على حياته الإجتماعية

موقف راح يكون بالذاكره طول العمر

لإن تأثيره كان قوي

:)

THE GIANT:)

ههههههههههههههاي

كيف الحال

شالخبار يا شعب

دوهوهوهوهو

اليوم الموضوع حامي يا جماعه

انا كل ما ابي اكتب يا جماعه اكتبها يا جامعه

والله هالجامعه ما خلت فينا شي صاحي

خصوصا دكتور الإحصاء

انا ما ادري اشفيني على هالدكتور

لووول شكلي من كثر ما احش فيه راح اسقط بالماده

المهم

وطبعا دام الموضوع حامي لازم يكون فيه بلعه عيل

اي نعم الموضوع فيه بلعه بس طبعا على الطريقة الديكاتيه

لوووووول طبعا الأخ العزيز معاذ كان يبي يعرف شنو هالشي العظيم الي سويته بس ماا عطيته مجال

مو خبركم كنت قاعد اكلمه اليوم اسأل عن احواله

لوووول وابشركم يا جماعه معاذ بخير وللحين يفرمت كمبيوترات

:)

اول شي صورة الإفتتاحية

ايتها السماء اشهدي ان ديكاتي مصورك

هي هي هي امس كنت اطالع مراهق بن خمسين وزهره الخرجي كل كلمه والثانيه تقول ايتها هالشمس

لووول ما ادري ليش فصلت عليها

واليوم صندوق النجمه منزل خوش شي قهوه


دبل ما ادري شنو مكياتوو ترا حدها كول
(دابول لاب لاب لاب ماقياطوا بليزز,وذ اكسترا جوقليت انذا تووب)
اكسكيوز ما انقلش بليز

واييكم الموضوع


من جم يوم اتوقع وايد ناس شافوا هالإعلان بالجريده

اي اعلان هالبرجر العجيبه من بلاك اند وايت

طبعا قلت لازم اجربها

وبعد اعداد الخطه الخمسيه والإتفاق مع الوصيف الأول مستر جوكليت

والوصيف الثاني عبيدو

اليوم رحنا المطعم

وطلبت الوجبه الي ابيها دايركت بدون تفكير

وصلت الصمونه

لوووووووووووول لا هذول مو قاعد يتتغشمرون الصمونه صج كبيره

عاد دردشت مع الحلو الي اخذ الطلبات

قتله هل اهي صج كبيره جان يقول اي

ويقول ان ستاف المطعم لما اجتمعوا علشان ياكلونها

كل واحد قاعد يفكر اشلون ياكلها واهوه شخصيا ما كلاها يقول هذي يبيله جهد جهيد

ولكن مع ديكاتي الأفكار تطلع وخصوصا اذا الموضوع فيه اكل

وصلت الوجبه

لووووووووووووووول شكلها مرعب مره

:)

علشان اكون صريح معاككم

الصمونه ما تنوكل كلها لإن صعبه

انا قسمتها طبقات لما وصلت إلى الشبعان وبس ما قدرت اكمل


:)

طبعا حوسه بالصحن

انا كنت اقدر اكملها بس خفت اخرب رجيمي ;)لووول

بس الشي الي خلاني استانس ان هالصمونه غير عن البرجرات الثانيه

لإنها ما تغث وتنوكل بشكل كوول

وما تقعد على الجبد

بصراحه اول مره اكل برجره جذي ويكون الوضع عادي والأمور مستقره

هالله هالله بالكومنتات الزينه وذكروا الله

لووووول

نشوفكم على خير

الا شصار على مرقة الباميه ترا ما يصير هيك
;)

خربشات

مساءكم ورد وعسل وريحان

كيف الحال اخواني واخواتي المدونين والمدونات والمتابعين والمتابعات

:)

اعذروني مخي ضارب

عطونا عطله اسبوع وطلعوها من عيوني

ما تسوى علينا والله

يبوووي باقيلي 3 ميدتيرمات بعد

والإحصاء مشلخني

لو اقولكم مغرز شويه

الله يعين

لوووووول

طبعا افتتاحية البوست لازم بلعه

اليوم هذا غدانا

كبسه يا جماعه

يا ويلي

كانت طبخه ماكو منها

خصوصا انا اليوم كدحت وايد وكان عندي لاب احصاء

يعني كنت لازم اتغذى علشان اكتسب طاقه وانمو

الا يقولون الواحد ياكل وايد بالشتاا هل هذا صحيح؟

عموما انا مو فارقه معاي شتا صيف ربيع

الحياة حلوه والأكل احلى

:)

لووول على طاري الأكل

الوالد الله يسلمه شاري شي رهيب

لوووووووول يعني شدعوه عليك



لوووول ها منو قال كتشب ترا قمنا نوزع

شدعوه شاري قلن الي يسمع احنا نشرب الكتشب شرب

------------------------------------------------

وطبعا للحين ولما باجر

راح اضل اصور السما والغيوم





----------------------------

منو يذكر هالدفايه

لووول يدتي الله يحفظها للحين تستعملها

واحلى شي لما تحط عليها كستنه

يا سلام

ترا حدها خوش

وحدها قديمه بعد

الي عينه حاره لا يضربها بوحده لو سمحتوا
:)

---------------------------------------

انا بفهم اشلون للرجال واقمشتها

ابي احد يفسرها لي هذي



ادري اني مقصر هالفتره بس مشغول شويتين

انا ما ابي اخذ اجازه تدوينيه مثل معاذوو

الي ما ندري عنه

حشى مو اجازه بيات شتوي

المهم

:)

نشوفكم على خير

تناتييف

المود طافي هاليومين

لإني ما رحت مطعم يديد

:(

بس مو مشكله اليوم موضوع سريع طياري

اول شي يوم الخميس الجو كان فضيع حده

خصوصا على البحر كانت الدنيا مضببة

طقيتلي جم صوره
اول صوره صوب سنترال كيفان

البرج مو مبين ككله من الضباب

صج الجو كان مال بر

بس الله يسامح دكتور الإحصاء مخلينا نداوم



-----------------------------------

بمواقف سوق الكويت

في لافته صورتها

لووووووووول عاد انا اهني حاشني الغباء المستحكم لما قريتها

قاعد اقول يعني علشان ما يسحبون سيارتي هل اخليها تمشي بالمواقف وانا انزل اخلص شغلي وارجع لها

:)

--------------------------------

هذا واحد من طلبة الجامعه الفلتات

يعني مبرشم مع الويه
لووول الدكتور من بعد كيلوا يقدر يشوف الطاوله والي عليها من كثر ما لونها قالب على ازرق

مع انا ساد سمايل قالي ان عندهم طاوله كامله واحد مبرشم عليها كل المواد ومقسمهم بعد

بس الصوره مو متوفره

--------------------------------

يوم اليمعه في بيت الجده الله يحفظها

كانوا يايبين صينيه فيها حلو

المهم

كان في نوع من الكاكاو طعمه عجيب

بس اسمه مو عجيب

بس انا ابيكم تشدون حيلكم وتقولون لي شنو اسم هالنوع

:)

الي يعرفه ترا يعتبر انسان واصل

لوووول

golden chopsticks

لووول ما اقدر ما انزل بوست عن اكل

البوست الي طاف ما ادري اشلون مر على خير

لا بس اليوم تجربه مميزه

اول شي هذول اخر صورتين صورتهم

لووول حدهم كول

وبعدين ثاني شغله شعندهم الشباب

هابين برمانه

حق الي ما يعرف الرمانه هذي شغله يحطونها على السيارة يقلصون عربانه او طراد

بس الرمانه الي طالعين فيها هاليومين مو طبيعيه

يعني هذي يقلصون فيها شي ولا بس شكل

اي وشرايكم بالتلفون هذا لووول

مال اخوي الصغير بس توني اكتشف

ان لما تطق رقم

كل رقم يطلع بالشاشه لونه غير

كول والله


----------------------------------------

امس انا ومستر جوكليت و عبيدو

رحنا مطعم جولدن جوبستيك

مطعم ياباني

اول ما دخلنا واستلمنا المنيو

وديكاتي شغال بالطلبات

لا اله الا الله علي

لووول

طبعا ديكورات المطعم وايد حلوه

والأحلى ان هدووء وايد

لووول

اول شي جوكليت طلب دياي بالسويت صوص

يا سلام هذي من احلى الأشياء بصراحه

بعدين اييكم الشوربه الطيبه

والطبق الرئيسي

ما ادري ليش لما نروح مطعم ياباني او صيني ما اتشجع اطلب عيش او شومان مالتهم
تمت
:)

لوول لا ولما خلصنا انا وعبيدو بغينا نشرب جاي صيني

لما كنا نبي نطلب الجاي الصيني يت في بالي صورة لما الصينيين يشربون جايهم يدوخون ويصير على خشمهم احمر

لووووووووووووول

طبعا تفكير مفلص ولكن ما طلبنا

طلعنا من المطعم رحنا توت ومشمش بشارع المطاعم

واحلى هونولولو

وصلحوااااااااا
------------------------
تحديث

لووول جيكوا على اول كومنت بس

:)

والله ان مشهور على مستوى عالمي

taken-movie

هاي بيبول صباح الخير

قود مورنينغ

:)

شحالكم شمسوين

حق الي يقول بقلبه اكيد ديكاتي بيتكلم عن اكل


الموضوع ترا ما في اكل اليوم

اليوم انا مع
3beedo

قلنا نطلع لإني حدي كنت مغموت مالي خلق

قلت نغير جو شويه

طلعنا تمشينا عالبحر جان عبيدو يقترح ندش سينما

ومالو ندش سينما ما ورانا شي

رحنا سوق شرق شفنا الأفلام طبعا لازم اتصفح المجله اقرا نبذه عن الفلم

قلنا ندش
taken

انا شفت مقاطع منه شكله حلو

عاد على حظنا ان العرض الياي باقيله ربع ساعه وييبلش

والله حجزنا وخذينا نفيشنا ودخلنا

الفلم بالمختصر حده روعه

صج كان في تقطيع شوي

بس فلم قوي والبطل كان عجييب

بصراحه نقدت على فلم جيمس بوند الي دخلته اسبوع الي طاف

هذا الفلم كان احلى حتى الاكشن كان عجيب

----------------------------------------

صار موقف بالفلم ان البطل دخل على بنات مختطفينهم ويخلونهم ياخذون مخدرات

المهم ان في وحده ماتت

وحطوا الإبره

جان عبيدو يقول اكيد جرعه زايده

لوووووووووووول اهني بلش الضحك

والله هسترنا انا معاه

اقول حق عبيدو بعد مخدرات وفي واحد ميت ماكو غير الجرعه الزايده

بعدين قتله

انت ما تشوف نص عيالنا كلهم ميتين بجرعه زايده والجرايد ما تقصر

شاب ما ادري شنو وجرعه زايده

هندي ما ادري شقصته وجرعه زايده

مراهق ما ادري شسالفته وجرعه زايده
جان اقول

يعني الحين انت يالي مقرر تفقد وتاخذ مخدرات

يعني ما عندك
limit

يخرب بيت هالشعب الي كل ما واحد ادمن الا بعد جم يوم ميت بجرعه زايده


لوووووووول ماكو كنترول كلش

خو تبي اخذ شويه مو تزيد الجرعه ونبتلش فيك

لا واليوم بالجريده كاتبين امريكا ثاني او ثالث دوله بزراعة المرجوانا

والحبايب حاطين هيئة ما ادري منظمة محاربة تجار المخدرات

التناقض ازرق ولا احمر

:)

الله يحفظنا ويحفظكم من كل شر

بس هم دربالكم من الجرعه الزايده

يوم طوييل وختامها مسك

هلاااااااااااااااو يالربع والربيعات كيف الحال

لحظه خل اقوم ابطل الليت ظلمه بالغرفه

برب ثواني

اي باك

لوووووووول

اليوم من الصبح طالع لما الحين توني داخل البيت

يبووووووووووووي شكثر تعبان

هي هي بس لازم نسوي بوست شطانه بعدين نخمد

اليوم كالعاده صباحي الدوام قمت وانا متكيسل مالي خلق

رحت الدوام خلصنا احصاء وبعدها مادة بالإدارية

والمليق باليوم هذا ان عندي مختبر احصاء من 1 لما 2

بس انا اطلع مبجر من الإداريه والحق على مختبر 12 لما 1

ولكن اليوم الله يهداه الدكتور اخرنا وايد فما وصلت بالتايم المناسب

وكانت المعيده طايره فما فهمت شي

واظطريت اقعد نص المحاضره الاولى واقعد حق المحاضرة الثانيه

صج مليت

بين المحاضرتين قعدت اسولف معاها

عن الدكاتره واشلون ان بعضهم ما يقدرون يوصلون المعلومه للطالب

وقتلها الدكاتر المفروض قبل لا يدرسون يعطونهم دوره في توصيل المعلومه واسس التدريس

خو مو كل دكتور معناته فاهم ويقدر يفهم

وبعد سولفنا بمواضيع مختلفه

طلعت من المحاضرة قلت اخاف ارجع على الخامس يكون زحمه قلت اخذ البحر

ولا هم زحمه غريبه

ولكن عند جسر المرينا طلع في حادث

كان ودي اصور بس مالي خلق ومتنرفز من الطريج

وخصوصا القيزي الي كان قاعد يتحرش بوحده جدامي افففف زهقني

المهم الظريف بالحادث

ان الي داعمين بورش ومرسيدس وجاكوار والبدلية الي بينهم الهونداي

لوووووووول

كل ما اقول حق واحد السالفه يقولي حلاته راعي الهونداي اهوه الي غلطان

جان الله يعين شنو يصلح شنو يخلي

:)

المهم وصلت البيت ولا ابوي توه بيطلع

جان ينزل الدريشه ويقولي ود اخوك المعهد

انا كنت بعفس ويهي لإني تعبان ومالي خلق

بس شفته فتح البوك اهني قلتله افا عليك بس

ما طلبت شي انا اوديه وارده اذا تبي

لوووووووووول كللش مو مصلحجي

المهم قبضنا جم بيزه

وديت اخوي

ودقيت على عبيدو وطلعنا

وبليل كان ختامها مسك حده

رحنا انا وعبيدو وجوكليت مطعم بندروزا

يا سلااااااااااااااام

عاد ما كنت متغدي فيعني اليوع كان حده

ما يبيله طقيناها بوفيه

طبعا في بعد اقسام من البوفيه بس ما قدرت اصور لإني كنت مشغول

تدرون الرجيم لزوم تاخذ بوفيه

اي هين يا ديكاتي

انا ما كليت وايد عاد كله خفايف

عاد عبيدو مو تفضحنا
:)

بس صج حلو المطعم

شغله كويس

واحلى شي عندهم مكينة البرد يا سلاااااااااااااااااااااااااااااااااام


طبعا اخدم نفسك بنفسك من اكل وحلو وحتى الشرب

ولكن بدعنا اليوم

احلى شي لما يكون يومك طويل وتختمها بشي حلو

:)

سوق السالمية(سالمية ستايل)صوب دوار الجوازات

سعر البوفيه 4 و 600 يعني قول 5

بس حلو ويستاهل

يوم الكفاح

مساااااااااااااااااااااء الورد

اليوم يوم الكفاح وعصرة المخ

اليوم ما ادري شقول

ترا حدي مقفل

بس من كثر التعب مو يايني نوم

احس في باور بس مخشوش فقلت اطلعه بالبوست هذا

اليوم طبعا مثل ما قتلكم حق الي متابعين مغامراتي

اليوم عندي امتحانين والسبب الأخ الي رفض يأجل الإمتحاان

بصراحه اليوم من كثر ما انضغطت وحسيت وايد امتحانين دعيت عليه

بس هم الله يسامحه

المهم االيوم ما نمت عدل طبعا قمت رحت الجمعيه خذيت صمونة الفيصل طبعا زعتر يعني طالع فيها بصير ذكي ليوم واحد

وخذيت باور هورس مشروب الطاقه علشان اقص على نفسي اني راح يكون عندي باور
شويه

مشكلة الإمتحانين ان احس ما اقدر ادرس شيين مع بعض صعبه

فإختصرت الموضوع

ودرست نص من الماده الأولى ونص من الماده الثانيه

والباجي على الله

واتجهت إلى الكليه وقفنا بالمواقف وقلت اراجع

والله دخلت الإمتحان الأول وقدمت طبعا خرتها شويه بس مو مشكله الإمتحان ما كان صعب وايد

طلعت اول واحد ورحت الإداريه حق لإمتحان الثاني





طبعا اهني الحاجز وتحت الطلبه الي قاعدين بالكافتيريا

ولا تسمعون الإزعاج يبووووووي

شلخونا

خو البنات شكثر يسولفون صوتهم شاق الأرض

الله يسامحك يا دكتور ما لقيت الا نمتحن اهني



لا واهني الشباب قاعدين

لوول وانا اطالع الصوره اقول كلهم دشاديش الا انا الصايع لابس جينز

هي هي يالله عادي


ولا حاطلنا 20 سؤال صح وخطأ قلت يالله على بركة الله

هي هي هي

خلصت الإمتحان ب10 دقايق ومال خلق اراجع تعبان

قلت حق الدكتور بطلع

جان يقول لما 11 ونص تقعد

والإمتحان مبلش 11

عاد انا بروحي كنت ابي البي نداء الطبيعه

وهذا يقولي انطر لما 11 ونص

يا عمي يمين يسار ماكو الحبيب ما يبي يطلعني

بس قال يالله الي يبي يطلع

ما تشوفون الا ديكاتي اول واحد قام

عطيته الورقه بغيت اقوله اخذ ورقتك فكنا بس

طلعت توجهت للسياره

وطيران إلى البيت

(الجمله هذي اهداء حق شلالات )اهي فاهمه ليش

لووووووووووووووووووووووول

المهم وصلت البيت والحمدلله الأمور جت سليمه

قعدت شويه قلت لا انا صج تعبان بس ما ابي انام

ولا اييني فون ديكاتي يالله سينما


يهببببببب محد يطوف سينما

جان اقول خل اروح حق البربر احلق لإن اللوك مال الإمتحان كان مو شي

طلعت من البربر ورحت الفنار ودخلنا فلم

nicolas cage - bangkok dangerous



الصوره خذيتها بالفلم بس خوش لقطه ولا شرايكم

انا شنو احب افلامه هالولد

صج صج مبدع يعجبني والفلم مش بطال يعني

وايد حلو ويستاهل

بس اليوم ماكو اكل علشان ما تملون كله اكل اكل اكل

هي هي
-----------------------------------



الي يدخل الإداريه ويبي موقف يشوف الحلو بو الأزرق وين واقف

تلقون لازم يمه موقف فاضي

الله يعطيه العافيه موفر علينا الدواره اول ما ادخل ادوره اهوه وينه واروح صوبه

تلقونه يأشرلي في موقف اهني

:)

الجامعه موفرين لنا كل شي لا اله الا الله عليهم