Visa Granted

Hari tu start enggau berita manah laban aku baru udah nerima email madah ke Visa aku udah di luluska...Nyadi meh pengawa aku ke Melbourne tok laban nadai utai bukai agi ke nanggul...Sigi nganti pemutus Visa tok aja meh aku ngelamatu...Tu udah mujur, senang aku ka berbook ke bala tiket bilun enggau begiga ke bilik endur diau leboh din ila...Enti bisi bala pemacha blog aku tok diau ba menua Australia din, aku cukup gaga ati enti nyema kitaknya ulih berkungsi enggau aku senentang menua Australia...

Terima kasih ke sampi kita lalu terus bersampi ke pengawa aku tok terus mujur....Mupok aku

Ngitung Ari

Lebih kurang sebulan agi aku diau ba Bintulu ditu sebedau nurun ngagai menua ba genturung selatan Sarawak. Ati cukup bebagi dua. Bisi cukup pengaga laban ka ngagai menua ke enda kala di lawa ngelama tok. Tambah mega mayuh bala kaban ke udah kin madah menua tu cukup manah. Bisi bermusim-musim ko sida ia. Aku enda ga nemu pegamat ia laban ka enda kala kia. Enti baru ia nemuai ngagai menua orang sigi jakun-jakun opendiau kitai wai.haha..Ngenang ke utai baka tu cukup enda sabar ga ati ka pegi. Ke bendar ia pengawa aku kin ukai ke melancong, tang ka belajar baru. Selalu aku ngingat ke diri ba senentang hal sitinya. Enggai ke melencong (ko jako melayu) ari tujuan asal. Lelak isi enda tujuan asal enda tercapai.

Tang ba siti side agi sedih bisi gak laban ka ninggal ke bala kaban, family ngau kaban-kaban office ke udah begulai cukup manah ngelama tok. Cukup enda confidence gak enti kitai ngagai menua ke enda kala ditujah kitai ngelamatu kediri-diri. Utai ke amat ngirau ke aku ianya alai endor diau. Udah ga aku ngechek ba website, tang sewa rumah din cukup mar. Sewa sida ukai baka kitai ditu tang daily and weekly basis. Bisi ga monthly basis tang cukup mar ba penemu aku. Enti bisi orang ka di kelala nyamai gak ngambi ka ulih ditumpang seminggu dua minggu. Tok tak nadai ngelala orang wai. Irau amat ati. Ngarap ke semua mujur meh wai...Betemu baru..

Berita Manah ke di anti Ngelamatu

Tu meh utai ke di anti aku ngelama tok...Scholarship untuk cuti belajar aku..Udah di approved lalu diterima aku dua ari lepas..Terima kasih Tuhan laban udah ngemujur ke pengawa cuti belajar aku tok...Aku mungkin mupok ke Melbourne ujung bulan tiga tok ila...Sepatutnya, register 2 hb 3 tok tang aku laun nerima surat scholarship tok..enda sempat laban perlu apply ke sida Visa ngau pengawa ke bukai-bukai...Nya kebuah aku nyau minta postpone...enda nemu baka ni perasaan aku diatu...Gaga bisi, takut pun bisi...Gaga laban udah diberi orang peluang belajar ngagai luar negara...sigi utai ke di kingin ke ati ari suba..Tang ke ngasuh udu kesal laban keterubah ia pegi ngagai menua ribai...Fuhhhh....Mayuh perlu di runding..Hal begiga ke alai diau, pemakai, transport enggau orang ke bakal begulai enggau aku din ila...Hal-hal belajar sekian gak ngasuh tusah ati...Besampi ngambi ke pengawa aku ke ka belajar baru tu ila mujur meh lalu pulai enggau kelulusan yang cemerlang...amennn...

BBQ di Rumah Bill

Ngambi kesempatan sebedau cuti tahun baru cina tok tadi ngaga BBQ ba rumah kaban- Mr. Bil. First time ngelawa rumah orang bujang tok (diragui kebujangannya..hahaha), cukup bersi ngau manah amat rumah ia. Cukup pemesai ngau cukup endur besai untuk lepak-lepak ngau pengawa BBQ. Di rumah tok mega bisi disedia ka ia meja pool. Apu....sigi ngam amat tempat ia tu endur lepak. BBQ start pukul lapan tang bala kaban enda sertai datai laban masing-masing bisi pengawa. Pengawa tembu dalam pukul 11pm bakanya. Program2 malamnya enda ibuh di padahka laban enda sesuai untuk tontonan umumThank you Mr. Bil. Terima kasih daun keladi, ada masa jemput la lagi...hahaha...