FranKophone

Yun tumse milkar aaj woh puraani baatein yaad aa gaye , Woh wafayein yaad gaye , woh deewane yaad aa gaye. Shayad tumhe bissra diya thha, tumhare shabd yaad aa gaye,  Miley jo thhe kisi mehfil mein kabhi, woh taraane yaad aa gaye. Bhuley nahin jo hum kabhi, woh nazraane aaj yaad aa gaye, Bataye nahin jo kissey kabhi, woh afsaane yaad aa gaye. Dekhe thhe jo khwab kabhi, woh bulandiyaan yaad aa gaye, Ki nahin kabhi shikayat jinse, woh anjaane yaad aa gaye. Gul jo murjhaaye thhe kabhi, woh bahaarein yaad aa gaye, Dil k kisi koney mein sajaaye huye armaan aaj yaad aa gaye. Tumhari woh muskurahat , woh giley shikwe yaad aa gaye, Yun tumse milkar aaj woh beetey zamaane yaad aa gaye.

Kisi din meri kavitaayein Bhi tumhe rulaayengi, Tumhe yaad dilaayengi Tumne mujhmein kya khoya. Kya payaa woh tum jaano Par humein yun hi kho diya... Kisi din tum bhi mujhe Aasmaano mein dhoondte huye Bhatak jaoge hawaon mein. Kho kar bhi humein naa paoge, Kyunki hum toh honge Kisi aur vriksh ki chaaon mein.

Na sukh, na dukh, Na mitr, na shatru, Main keval chalaa karta hoon Jivann ki raah par. Na satya, na bhram, Na janm, na moksh, Main keval socha karta hoon Jivann ki abhilasha par. Na prem, na dwesh, Na asha, na niraasha, Main keval dekhaa karta hoon Jivann ki  vibhinn roopon ko.

Tujhe dene ke liye Abb kuch nahin mere paas... Ek toota sa khaali dil Aur kisiki wafaa ki aas... Tujhe dene ke liye Abb kuch bhi nahin mere paas... Bas ek dukh ki pyaali Aur khaalipan ka ehsaas... Tujhe dene ke liye Abb kuch nahin mere paas... Bas teri aankhon mein Apne aap ki talaash.... P.S. : My first "poem" in Hindi Welcome 2011 !