حاجات كتير اتغيرت في اللي بيكتب الكلام ده عن ما كان عليه لما كان بيكتب من كام سنة .. لحد من سنتين فاتوا بس مثلا
بقيت شخص مختلف .. مش للأحسن أو للأسوأ .. بس بقيت مختلف
أو يمكن مابقيتش مختلف ولا حاجة وأنا بيتهيألي
بس الأكيد إن حاجات كتير اتغيرت
حياتي اختلفت تماما عن ما كانت عليه من سنتين
بس المرة دي الأكيد إنها اختلفت للأحسن
اهتماماتي اختلفت وطريقة تفكيري اختلفت
بقيت أحسن من قبل كدة
أقوى من قبل كدة
أنضج من قبل كدة
بقيت عارف كويس انا عايز ايه أكتر مما كنت متخيل إني عارف قبل كدة
طموح ما قبل المعركة مختلف عن طموحك وانت كل يوم بتكسب جولة واخسر التانية وبتتقدم ف حياتك وبتحقق النجاح ورا التاني
الحمد لله على كل شئ
