I dag har vi hatt ein nydeleg dag på Hakallegarden
♥ Vi feira dobbel bursdag for dei to flotte
damene der, gardakjeringa og odelstausa ♥
Vi var innom og helste på alle dyra og ein av minigrisane hadde fått to nydelege små grisungar! Det vart grilling av pylser m.m. i lavoen. Vi var nede på stranda og leika med båtar og teikna i sanden :) Og sjølvsagt eit ekte sunnmørsk kaffislaberas til slutt!
Og gåver sjølvsagt! Eg har endeleg funne fram symaskina igjen og sydde odelstausa blyantetui og veske til å ha etui og tegneblokk oppi.
Alma var så fornøgd med gåva vi skulle gi til syskenbarnet at ho helst ville ha den sjølv…
Eg måtte love å sy sameleis til henne før ho klarte å gi den frå seg for innpakking…
Eg må også vise fram dei fine tinga eg har handla i det siste! Desse fine pungane og penalet kjøpte eg hjå ZNdesign. Mykje fint i denne butikken, vel verdt å ta turen innom!
Eg fall også pladask for desse eggehønene som eg kjøpte hjå Dottie.
Og då eg kom heim i kveld såg eg at eg var blant forelskelsane på framsida av Epla i dag ♥ Det er no alltid like kjekt! Tusen takk til Silje med butikken Stingeling!
Tusen takk til alle som kikar innom her hjå meg! Og tusen takk for alle dei søte, fine og gode kommentarane! Eg har ikkje hatt det store overskuddet siste månadane og har difor ikkje klart å svare eller takke kvar enkelt av dykk.. Men de skal vite at eg set uendeleg stor pris på den gode tilbakemeldinga! Eg er så smått i gang igjen her, og håper at eg snart har nye og spanande ting å vise fram til dykk.:)
God helg vidare til alle som er innom ♥
