Skólabyrjun

Allt fer þetta vel af stað og það er svo gaman að hitta krakkana aftur eftir sumarfríið. Þau koma bara býsna vel undan sumri og þetta lítur bara vel út þykir mér. Ég er ánægð með að vera komin í margmennið í Egilsstaðaskóla þó fámennið sé gott á Eiðum líka. Allt hefur þetta sinn sjarma.
Nú fer að styttast í afmælisveislu bóndans, það verður gaman að fá vini að sunnan til að taka þátt í herlegheitunum með okkur austantjaldsfólkinu.
Svo helgina eftir það verður brunað á heimaslóðir, suður í Hornafjörð, þar sem sá elsti verður heiðraður á níræðisafmælinu. Ég hlakka mikið til að hitta frændfólkið og eyða með þeim helgi.
Þar til næst ...

Nothing to do ...

Laugardagur

Góður dagur langt á veg kominn.
Fórum í morgun og tókum þátt í Ormsteiti sem er hátíð sveitarfélagsins. Það var voða gaman að taka þátt í því að grilla brauðorma og drekka ormagos.
Fór svo í garðinn hjá mömmu og hirti rabarbara og er núna að sjóða mér sultutau. Ómissandi.
Þreytt og löt núna.
Er að spá í að leggja mig aðeins.
Skólasetning annað kvöld.

Skoðið þetta

Langar að benda ykkur á þessa síðu:

www.kisamin.is

Endilega kynnið ykkur hvað þarna er í boði.

Meistari!

Drengurinn er að verða þvílíkur byggingameistari.



Hann fékk þessa líka forláta flugvél í afmælisgjöf og hann setti hana saman (með dyggum stuðningi) í tveim áföngum.



Takk Íris!!!

Fyrsti vinnudagurinn ...

... er að hefjast. Spennandi!

Dugnaðardrengur!

Ó hann var svo ánægður með sig!

Sumarleyfi ...

Já, það er nánast á enda. Afslöppun ráðgerð á morgun og svo hefst alvara lífsins. Ég hlakka til þess að takast á við kennsluna á nýjan leik.

Lions

Þeir eru yndislegir þessir tveir.
Afmælisdagur drengsins var góður, partýið gekk vel fyrir sig enda prúðir drengir þar á ferð. Þessir tveir fengu svo að leika sér saman fram eftir degi eftir að veislu lauk.

5

Elsku kallinn orðinn fimm ára.
Fær fimm vini sína til sín á eftir, allt þarf þetta að passa!

Javel!

Tölvan komin í hús og maður svona að fikra sig aðeins áfram með græjuna.
Annars er nóg að gera, verslunarmannahelgarmót framundan og við á fullu í undirbúningi fyrir það. Á milli 80 og 90 manns verða hér um helgina svo það verður stuð hér.