Kempervennen

Eg verd sennilega ad skrifa a hollensku ... engir islenskir stafir her ... weer ist gut ... ja ... toilet ... in de omgeving van Kempervennen

Laet tetta duga i bili

alf...

Amsterdam rokkar

Já, haldið að það sé munur ...

Höfum það mjög gott hér í Hollandinu, Amsterdam centrum aðeins skoðað í dag, fórum á Madame Tussaud og í hús Önnu Frank. Svo ráfuðum við um og kynntum okkur hollenskt mannlíf.

Halló frá Houten

Jæja, við erum komin til Hollands og sitjum í borðstofunni hjá Þóru frænku (Bjarts) og borðum morgunmat. Við flugum frá Egilsstöðum til Köben í fyrrakvöld, gistum hjá Íslendingum rétt hjá Kastrup og könnuðum svo næsta nágrenni flugvallarins fyrripartinn í gær. Flugum svo áfram til Amsterdam seinnipartinn í gær og vorum sótt á flugvöllinn og farið með okkur hingað til Houten sem er í u.þ.b. 30 mín. akstursfjarlægð frá Schiphol. Voða notalegt að koma hingað og vel tekið á móti okkur. Ætli við fáum okkur ekki göngutúr um svæðið í dag og slöppum bara af í dag. Held það sé kærkomið fyrir alla.
Læt heyra betur frá mér síðar.

Sumarfrí

Já, sumarfríið er runnið upp ... eða svona því sem næst. Þarf reyndar að fara á tvo fundi eftir helgina, annan bara stuttan á mánudag en hinn öllu lengri á þriðjudag. Það er í lagi ef ég bara kemst út á flugvöll um kl. sjö á þriðjudagskvöldið. Það er nefnilega komið að ferðinni okkar til Hollands. Myndin er af sumarhúsagarðinum þar sem við ætlum að vera í 2 vikur. Ég er farin að hlakka svo til, ekki síst að hitta Kíu mína og Ragga og börnin tvö. Þetta verður frábært hjá okkur.

Samskipti

Hef mikið verið að hugsa um samskipti upp á síðkastið, eins og þau eru nú nauðsynleg þá geta þau líka reynt á okkur mannfólkið. Þess vegna finnst mér svo dásamlegt að fylgjast með dætrunum, hvernig þær eru að tengjast öðruvísi nú eftir að við fluttum í sveitina og þær þurfa meira á hvorri annarri að halda. Þær eru orðnar miklu nánari en þær voru áður.