Garðvinna

Sjálfsagt stunda margir þá iðju um þessar mundir. Ég sagaði niður nokkur víðitré um daginn og svo tókum við okkur til í gær og rifum upp eitthvað sem ég veit ekki hvað heitir, en það var að minnsta kosti kominn tími á þær jurtir. Þetta voru mikil átök og við vorum þrjár að berjast við þetta. Hefði gjarnan viljað vera áhorfandi því atgangurinn var ógurlegur. Strákarnir léku sér með keðjusög og rafmagnsklippur á meðan við stelpurnar notuðum handaflið. Er það ekki dæmigert ...

Hér er svo mynd af 10 ára dömunni minni ... ótrúlegt hvað þetta stækkar allt hratt og eldist ... nema ég!

Allt og ekkert

Af okkur er ósköp lítið að frétta, helst það að tölvan er að stríða okkur og maður kemst ekki á netið nema endrum og sinnum og alveg spurning hve langur tími líður þar til mótmælin hefjast á nýjan leik. Bloggfærslur því fremur fáar um þessar mundir.

Lífið gengur sinn vanagang, ég sinni kennslunni eins og vel og mér er unnt (spurning hvort það er fullnægjandi), Bjartur sér að mestu um heimilið og finnur sér eitthvað til dundurs í bókhaldi Eyjólfsstaða, drengurinn elskar leikskólann sinn og stelpurnar standa sig alveg hreint ágætlega í skólanum og tónlistarskólanum.

Læt fylgja með eina mynd af frumburðinum, styttist í að 12 séu frá því daman leit dagsins ljós þarna um árið.

Gleðilegt sumar ...

... og takk fyrir veturinn.

Eitthvað hefur lítið farið fyrir skrifum undanfarið, ástæðurnar sjálfsagt margar, fyrst og fremst framtaksleysi (stundum nefnt leti). En betur má ef duga skal.

Allt gott af okkur hér, allir kampakátir og við góða heilsu.

Kvenkostur heimilisins fór í bænagöngu um Egilsstaði í morgun ásamt góðum vinum.

Allir fengu sumargjafir í dag, börnin útileikföng og settið sælgæti. Ekki slæmt það.

Framundan lokatörn í skólastarfinu, Oslóarferð í maí og Holland tekur svo á móti okkur í júní. Margt til að hlakka til.

Læt fylgja með mynd af afkvæmunum með litlu heimatilbúnu páskaeggin sem féllu heldur betur í kramið. Loksins fengu stelpurnar egg sem þær gátu borðað!

Pælingar

Er bara einhver maður niðri í jörðinni sem hitar vatnið?

Er Jónsi í alvörunni til?

Gengur það að pabbi sé alltaf að tala?

Hvar á Eiríkur Hauksson heima?

Á Jesús heima í öllum hjörtunum?


Ég elska svona "spekúlasjónir" ...

Reykjavik, Iceland

Já, við erum stödd í höfuðborginni okkar. Kom keyrandi með börnene á laugardaginn. Karlinn kemur í dag. Ætlum að dvelja hér fram yfir páskahátíðina. Búin að fara í tvær fermingarveislur og á eina eftir. Alltaf gaman í veislum. Reynum að heimsækja eitthvað af góðvinum og fjölskyldu, verst að hafa ekki tíma fyrir alla. Búðirnar býsna vinsælar líka. En umfram allt er ætlunin að eiga góðan tíma saman sem fjölskylda og njóta páskafrísins. Er það ekki málið?