Litli töffarinn

Guttinn þurfti aðeins að fá að stíga á bretti stóru systur.

Tekur hann sig ekki vel út?

3500

Einn eftir í 3500, hver verður það???
Láttu vita, það er svo gaman.

Jólin

Við héldum yndisleg jól, þau síðustu í Koltröðinni.

Borðuðum frábæran mat, nutum þess að vera saman

og slappa af, lékum okkur, spiluðum,

fórum í göngutúr, heimsóttum góða vini,

eyddum kvöldstund með fjölskyldunni.

Niðurstaða: góður fjölskyldutími.

Jólatré

Við fórum í skóginn um síðustu helgi og náðum okkur í þetta fína jólatré.

Að sjálfsögðu var svo drifið í að skreyta það og Katrín fór fimum höndum um skrautið.

Jæja

Kannski kominn tími á nýja færslu ... eða hvað?

Helstu fréttir eru þær að við töldum okkur vera búin að selja húsið, komin með undirritað kauptilboð ... en eitthvað virðist vera að klikka hinumegin. Frekar fúlt, en það hlýtur að koma síðar eitthvað annað og jafnvel betra. Við flytjum allavega ekki fyrir jól.

Helgin fer í tiltekt, skreytingar, sækjum jólatré í skóginn, laufabrauðsgerð og eitthvað fleira skemmtilegt. Hlakka til að takast á við þetta, síst þó tiltektina ...

Tveir vinnudagar + eitt jólaball eftir fram að jólafríi. Jólafrí er dásamleg uppfinning!

Meira síðar ...

Varðandi síðustu færslu ...

Til að koma í veg fyrir misskilning þá vil ég taka fram að ég er hlynnt tölvunotkun barna, ef það er undir eftirliti foreldra og það sem þau fást við er uppbyggilegt og þroskandi. Spurningin mín snerist frekar um það hvort fjögurra ára börn ættu að stunda þetta í herberginu sínu.

Þar til næst ...

Framtíðin???

Er þetta framtíðin? Fjögurra ára guttar í tölvuleik í herberginu sínu? Þegar ég kom heim í gær var þetta staðan. Mér fannst þetta pínu fyndið, en um leið ekki óskastaða. Er ég skrítin?

Jæja ...

Finnst ykkur kominn tími á nýja færslu?

Hvað verðlaun varðar fyrir getraunina þá er ég í vandræðum því svörin voru öll góð.

Myndin er af okkur mæðgunum, þ.e. ef við teljum frá vinstri: ég sjálf, mamma mín, eldri systir mín. Einhverjir voru með rétt svör. Ef þið krefjist verðlauna þá skuluð þið tjá ykkur og koma með hugmyndir.

Annars er lítið að frétta af okkur, húsið ekki selt enn, jólin á næsta leiti (kannski vissuð þið það) og allir bara kátir. Búin að baka þrjár smákökusortir.

Getraun

Þekkið þið fólkið?

Verðlaun verða hugsanlega veitt

fyrir "besta" svarið.

Sjáum a.m.k. til.

Það er margt skrítið í kýrhausnum

Pestin á undanhaldi og bjartari tímar framundan.
Mikið óskaplega er nú annars leiðinlegt að ligga í pest í marga daga. Bara niðurdrepandi og hundfúlt. Sem betur fer er legan á enda og það var gott að mæta í vinnuna í morgun aftur.


Smelli inn til gamans tveim vísum eftir miðlunginn.

Farðu Dani
þú pirrar mig.
Þú ert jafnleiðinlegur og krani,
farðu að hypja þig.

Jæja Finni
farðu brátt.
Þú ert heimskur pinni,
aldrei verðum við sátt.

(Hún segist ekki vera útlendingahatari!!)

Þrjúþúsundasti gesturinn?

Nú fer að líða að því að þrjúþúsundasti gesturinn líti hér við. Ruglaðist aðeins um daginn, þá var víst lengra í það en ég hélt. En nú væri gaman að fá að vita hver það verður. Í "kommenti" við síðustu færslu nefnir góð vinkona verðlaun ..... hmmmmm ..... ég þarf nú aðeins að hugsa það. Læt vinningshafann vita.

Vetrarríki

Já veturinn er svo sannarlega kominn til okkar.

Sofðu rótt ...

Þau eru svo falleg þegar þau sofa!

Reyndar líka þegar þau vaka

Sætar systur

Báðar komnar með beisli og bara ánægðar með sig!

Spennandi ...

... að sjá hver verður gestur nr. 3000. Endilega láttu mig vita, gaman að fylgjast með því hverjir koma hér við.

Grasekkja

Já, við erum bara tvö í kotinu. Karlinn keyrði af stað til höfuðborgarinnar í dag með dæturnar með sér. Við mæðginin ætlum svo að fljúga þangað á föstudag. Vetrarfrí í skólanum og um að gera að nýta tímann til að gera eitthvað annað en að hanga heima. Pöntuðum miða á Ronju ræningjadóttur á sunnudaginn kemur og tilhlökkunin er mikil á bænum.

Annars allt gott að frétta og spennandi tímar framundan.

Flottur

Lofaði víst myndum af guttanum bólóttum.

Hann fór vel út úr þessu og fékk ekki margar bólur

en finnst þær ljótar og ekki góðar fyrir fjögurra ára stráka.

Myndarlegur

Þessi verður einhvern tíma góður í heimilisstörfunum.

Bólan mætt

Já, bólan hefur stungið sér niður hér á bæ og er það vel. Síðasta heimsókn hennar á þetta heimili. Drengurinn er ekki ánægður með bóluna og vill ekkert hafa svoleiðis á sér. Ég smelli inn mynd þegar hann er fullsprunginn út.

Netfang

Jæja, ég smellti netfanginu mínu inn í "prófílinn" minn. Þannig að nú getur þú, Dísa mín, bara skoðað "prófílinn" og þar áttu að geta smellt á "ímeil" og sent mér póst. Þið hin megið alveg líka senda mér póst sko ef ykkur langar.

Annars er bara allt gott af okkur hér. Nóg að gera í kennslunni, bæði barna og fullorðins. Allt voða gaman. En akkúrat núna finnst mér skemmtilegast að það sé komið helgarfrí. Ætla að nota það í afslöppun og eitthvað skemmtilegt.

Hjalti bró mætti á svæðið í gær. Frábært að fá karlinn í heimsókn. Góð tilbreyting fyrir húsbóndann á bænum.

Endilega mætið fleiri!

Hugs, hugs ...

Ég veit að þetta er orðið þreytandi, alltaf með sögur af syninum. En stundum skil ég bara ekkert í því hvað veltur upp úr honum.

Nú rétt í þessu átti hann að vera að hátta sig og gekk eitthvað hægt. Hann var kominn úr buxum og bol en sokkabuxurnar dvöldu heldur lengi á peyjanum. Ég var búin að biðja hann nokkrum sinnum að halda áfram en þegar ekkert gekk þá hækkaði ég róminn lítillega og sagði: "Drífðu þig nú úr sokkabuxunum, drengur!"
Ég hafði vart sleppt orðinu þegar sá stutti horfði í augun á mér og sagði: "Það jafnast ekkert á við brauð!"

Hvad skal man gjore?

Húsmæðraorlof

Átti hreint frábæra helgi norður á Akureyri um helgina. Þar dvöldum við Íris í bústað í Kjarnaskógi frá föstudagskvöldi og þar til rúmlega hádegi í dag. Prjónuðum, horfðum á "stelpumyndir", borðuðum ekki mikið, kjöftuðum, fórum tvisvar í Jólagarðinn og nutum þess að vera bara í rólegheitunum. Á myndinni má sjá hluta af varningnum sem við náðum okkur í fyrir jólin. Við erum ákveðnar í að gera þetta að hefð, hversu oft er ekki komið á hreint, Íris stakk upp á einu sinni í mánuði ...

Litli prófessorinn

Hann er snillingur þessi drengur sem ég á!

Nú liggur hann inni í rúmi og á að vera sofnaður, í staðinn syngur hann hástöfum og hefur greinilega verið að læra A, b, c, d ... í leikskólanum. Textinn er eitthvað á reiki, en þegar ég fór að leggja við hlustir hljómaði þetta einhvern veginn svona:

„l, m, l, m, l, m, l"

og svo

„e, d, e, d, e, d, e"

sem varð að

„Ed og Edda, Edda og Ed"

og svo

„Ed og Edda og Edda og Kent

Ke-ent talar e-ensku

Enska er ekki flo-ott rödd

Íslenska er bara flo-ott rödd!"

Segið svo að börn séu með ekki skemmtileg innlegg!!!

Hraði

Svakalegur hraði er á nútímanum! Vikan rétt nýbyrjuð en samt að verða búin!!! Hvernig er þetta hægt? Það hlýtur að vera gaman að vera til fyrst þetta flýgur svona áfram.

Komin heim ...

... eftir góða ferð á suðvesturhornið.
Byrjuðum í Reykjavíkinni, eyddum lengstum tíma á tannlæknadeild Háskólans þar sem Kristjana var sett í tannréttingaprógram. Hún sjálf hæstánægð með það enda opnar hún varla munninn þessi elska svo ekki sjáist í skökku tennurnar. Eins og hún er nú sæt eins og hún er. En þetta gengur vonandi vel og lætur henni líða betur í sálinni.
Helginni var svo eytt í Vatnaskógi, áttum þar frábæra helgi með vinum úr kirkjunni. Bjartur mætti á laugardagsmorgninum, undir amerískum áhrifum, í skjannahvítum Nike skóm, eldri dótturinni til mikillar armæðu ... hehe.
Annars bara allt gott, meira síðar.

Ferðalag

Ætla að leggja í hann á morgun áleiðis til Reykjavíkur með börnin. Keyri seinnipartinn til Hafnar í Hornafirði og gistum hjá móðursystur minni og hittum ömmu og afa líka. Hlakka til að hitta fjölskylduna. Höldum svo áfram til höfuðborgarinnar á fimmtudag. Stelpurnar fara svo í tannréttingar á föstudag og svo er ferðinni heitið í Vatnaskóg um helgina. Bjartur kemur svo til landsins á laugardagsmorguninn og kemur til okkar í Vatnaskóg. Mikið verður gaman að sameinast aftur.
Læt heyra frá mér aftur eftir helgina.

Áhugamál

Mér finnst gaman að púsla og get setið nánast endalaust við þá iðju. Um síðustu helgi púslaði ég eitt púsl sem mér áskotnaðist í sumar og við lá að ég svæfi ekkert þá helgi. En það slapp fyrir horn. Púslið kláraði ég svo í vikunni og brutust út fagnaðarlæti mikil hér á heimilinu.
Ég ætla ekki að púsla þessa helgina, frekar sofa mikið.

Skólasaga

Sjö ára nemandi minn átti að ganga frá í lok dags og stóð með talnagrind í höndunum.
"Á ég að setja beinagrindina fram?"

Draumaprins

Drengurinn segist vera draumaprins ...

"víst mamma, draumaprinsar ERU með sítt hár!!!"

Grasekkja

Skilaði karlinum af mér í flug í morgun, stefnan hjá honum er sett á stóra landið í westri. Ég á von á því að hann eigi góðan tíma þar með systur sinni og hennar family.

Við hin reynum að eiga góðan tíma hér saman, í sátt og samlyndi en erum strax farin að hlakka til að fá þann gamla heim aftur. Hittum hann í Vatnaskógi um mánaðamótin.

Annars ekkert ...

Ný vinna

Var að koma heim úr nýju vinnunni minni. Lét gabba mig út í að kenna útlendingum íslensku. Ótrúlega skemmtilegt en ég er eins og undin tuska. Kvöldið fór í að endurtaka dálítið oft;
"Ég heiti Álfheiður, hvað heitir þú?"
"Ég er frá Íslandi, hvaðan ert þú?"

Bara skemmtilegt og ég hlakka til fimmtudagskvöldsins.

Gullkorn

"Þegar ég fæddist þá læddist ég bara út úr maganum á henni mömmu minni!"

Svo sem ekkert merkilegt

Skemmtilegur dagur í skólanum dag. Krakkarnir í góðum gír og verkefni dagsins heppnaðist vel. Þá er gaman.

Bókaði flug til Ameríkunnar fyrir húsbóndann um miðjan mánuðinn. Sagði honum að það væri afmælisgjöfin í ár.

Skrepp sjálf til höfuðborgarinnar um helgina með miðlunginn með mér.

Púff

Eins gott að þessi vika er að líða undir lok. Ákaflega erfið vinnulega séð, hvert áfallið á fætur öðru dynur á . Vonast til að eiga góða og rólega helgi með fjölskyldunni og að þessi skrítna skólabyrjun fari að taka nýja stefnu.

Í berjamó

Við Katrín skelltum okkur í smá berjatínslu í gærmorgun. Drifum okkur inn í Hallormsstað og tíndum nokkur hrútaber. Áttum yndislega stund í rennblautum skóginum. Búnar að gera hlaup.

Skólasetning

Já, hún var í morgun, blessuð skólasetningin. Þar með er allt að detta í rútínu. Það verður gott. Eins og það er nú gott að vera í fríi þá er einhvern veginn líka gott þegar allt fer aftur í röð og reglu.

Stelpurnar býsna spenntar að byrja í skólanum. Maður man nú hvernig tilfinningin var að hausti hér í "den tíð". Gaman að upplifa þetta núna með afkvæmunum.

Meira síðar ...

Löt við bloggið

Ekkert skrifað í heila viku. Sjáum til hvort bragarbót verður gerð á því.

Gott ættarmót í Hörgslandi um sl. helgi. Móðurfjölskyldan mín hittist þar og gerði sér ákaflega glaðan dag. Alltaf gaman að hitta þessa skemmtilegu fjölskyldu. Stefnan sett á annað mót að ári. Ættfaðirinn og ættmóðirin orðin gömul og ákveðið að hittast aftur svo fljótt svo líkurnar séu meiri á að þau geti tekið þátt aftur þá. Bara skemmtilegt.

Vinnan býsna skemmtileg, spennt að hitta börnin á fimmtudag og byrja svo af krafti á föstudag.

Bókuðum sumarhús í Hollandi í tvær vikur í júní nk. Spenningur yfir því á heimilinu.

Fríið búið

Þá er fyrsti vinnudagur nýs skólaárs á enda. Sat á námskeiði í dag um einstaklingsmiðun í námi og það var bara býsna áhugavert, enda málefni sem ég er að reyna að temja mér æ betur í minni kennslu, þ.e. að koma til móts við hvern nemanda eins vel og mér er unnt. Ýmsir fróðir menn (og konur) töluðu í dag og alltaf getur maður lært eitthvað nýtt. Vonandi tekst mér að framkvæma eitthvað af þessum góðu punktum og bæta þannig mína kennslu.

Hlakka til morgundagsins, þá er dagur tvö og um leið seinni dagur þessa ágæta námskeiðs.

Eins gott og það nú er að vera í sumarfríi þá er eitthvað við það að byrja að hausti. Eins gott kannski, ef svo væri ekki þá ætti maður sennilega að fara að hugsa sér til hreyfings. Ég geri það sem sé ekki, a.m.k. ekki í bili.

Nýjar myndir frá útilegu

Ó já!

Sú fyrsta sem springur út í garðinum.

Er hún ekki falleg?

Stór strákur

Jæja, þá er drengurinn orðinn fjögurra ára ... ótrúlegt hvað tíminn líður hratt. En hann er nú strax farinn að hlakka til að verða fimm!!!!

Annars hefur ýmislegt gerst síðan síðast, búin að fara í dagsferð til Akureyrar, fara á verslunarmannahelgarmót á Eyjólfsstöðum og fara í útilegu á Kirkjubæjarklaustur. Meira af því öllu síðar.

Eru kannski allir hættir að lesa þetta nema Svanfríður???

Gullkorn

"Guð er inn í´ann!!"

Sumarið er tíminn ...

... til að gera svo margt skemmtilegt. Sem dæmi má nefna að vaða í íslenskum ám og lækjar-sprænum. Það er eitt af því sem dætur mínar elska út af lífinu og gætu gleymt sér við heilu dagana. Og best er ef maður blotnar vel við þessa iðju.

Annars hafa síðustu dagar farið mest í garðvinnu, loksins erum við hjónakornin búin að útbúa blómabeð ... það fyrsta ... kannski og vonandi ekki það síðasta, setja niður rifs- og sólberjarunna og svo smíðaði karlinn kassa utan um jarðarberjaplönturnar sem mér áskotnuðust frá ágætri nágrannakonu. Ekki má svo gleyma snúrustaurnum sem komst niður ekki alls fyrir löngu. Frúin hengir í gríð og erg út á snúru og nýtur þess í botn. Það er bara snilld að vesenast þetta.

Samræður

"Mamma, af hverju ertu svona risastór?"
"Mmmmm, af því ég er svo dugleg að borða."
"Þegar ég er búinn að borða mikið þá verð ég risastór eins og þú. En ég vil samt vera pabbinn eins og pabbi minn!"

Ættarmót

Ættarmótið var skemmtilegt, alltaf gaman að eyða tíma með ættingjum sem maður sér ekki svo oft og ekki síst þegar veðrið leikur við mann. Við sváfum í tjaldvagninum, prófuðum hann í fyrsta skipti og alveg örugglega ekki það síðasta þar sem okkur líkaði það vel. Sundlaugin á staðnum var mikið notuð, Kristjana eyddi ófáum mínútum í vatninu. Komum heim í gær, ógurlega þreytt enda vakað lengur en venja er.

Frábærir dagar

Sl. daga hafa dýrmætir vinir verið í heimsókn hjá okkur. Raggi, Kía og krakkarnir komu til okkar á miðvikudag og við kvöddum þau nú áðan. Það var alveg meiriháttar að hafa þau og eyða með þeim tíma. Svo langt síðan við höfum hist, 3 1/2 ár síðan þau fóru til Eþíópíu. En bara eins og við höfum hist í gær. Krakkarnir smullu og allt í "gúddí". Þannig eru góðir vinir.
Stefnan svo sett á sumarhús í Hollandi í júní á næsta ári þegar dvöl þeirra lýkur í Afríkunni. Það verður snilld. Ég er strax farin að hlakka til.
Vorum í mat á Eyjólfsstöðum hjá Unnari og Öldu. Það var góð og blessuð stund. Við þyrftum eiginlega að hittast oftar.
Hætt í bili, líður skringilega, gæti farið að skrifa eitthvað undarlegt ... hehe!

Bakstur og ættarmót

Bakaði slatta í dag, var bara rosa dugleg ... eða ekki. Eigum von á góðum gestum um miðja vikuna svo það er eins gott að eiga eitthvað handa þeim að eta. Stefnan svo sett á ættarmót á Jökuldalnum um helgina og vígja þar með tjaldvagninn. Æfðum okkur að tjalda honum í gær og vorum bara býsna fljót, a.m.k. miðað við fyrsta skiptið sem tók liggur við marga klukkutíma.
Annars var ég að frétta af fyrirhuguðu fjölskyldumóti í ágúst og ætlar fólk að koma alla leið úr Svíaríki. Þetta verður snilldarhelgi.

Afmæli

Já, þá er maður orðinn árinu eldri. Ég ætlaði nú svo sem ekkert að fara að fjölyrða neitt um það, en má þó til með að segja frá ágætri afmælisgjöf sem eldri dóttirin gaf þeirri gömlu. Myndin er að sjálfsögðu af þeim grip en þeir sem mig þekkja vita að ég hef ákaflega gaman af þeirri keppni sem um ræðir á disknum.
Að sjálfsögðu kíkti fjölskyldan saman á nokkur myndbönd í dag og hreifst yngsti meðlimurinn af lagi sem sigraði árið 1984. Lagið sungu þrír sænskir bræður og það sem heillaði guttann helst var skótau bræðranna. Ef þið munið ekki eftir þessu þá voru þetta Herreys bræður með lagið Diggi-loo-diggi-ley og voru þeir allir íklæddir gullskóm. Guttinn vill fá svona skó í afmælisgjöf!!!

Blíða

Já, sólin skein hér í dag og hitastigið var í kringum 20 gráðurnar. Við hjónin eyddum deginum að mestu í garðinum, reyttum arfa og settum niður nokkrar hríslur. Þegar því var lokið og við vorum komin inn kom í ljós að frúin hafði brunnið þokkalega á bakinu og öxlunum. Haldið þið að það sé nú.

Komin heim

Þá er maður nú komin heim eftir útlegðina.
Keyrðum norður- leiðina í gær og áttum góðan dag.
Fórum í sund á Akureyri og skoluðum af okkur skítinn.
Stoppuðum aðeins við Goðafoss og fannst stelpunum mikið til hans koma þó myndin beri nú annað með sér.
Fer í það mjög fljótlega að koma inn myndum úr fríinu í albúm. Læt vita.
Dagurinn í dag fer í að taka upp úr töskum, slá garðinn og fleira skemmtilegt.

Komin í menninguna

Fórum vestur í Húsabæ á mánudaginn og dvöldum þar fram á föstudag. Áttum frábæran tíma þar. Ótrúlegt hvað tæknileysið gerir manni gott. Þarna er maður í rólegheitunum, enginn sími að trufla, ekkert sjónvarp í boði, varla útvarp og hvað þá tölvur, og maður endurnærist allur og kemur ný manneskja til baka. Set inn myndir af höllinni og dvölinni þegar heim verður komið.

Fjölskyldan er nú sameinuð á ný, í höfuðborginni þó, ætlum okkur að dvelja hér fram yfir næstu helgi og eiga góðan tíma með vinum og vandamönnum. Svo er brúðkaup á laugardag.

Ekki getum við keyrt heim á sunnudag því þá er úrslitaleikurinn á HM og það gæti skaðað sálartetur bóndans að sjá ekki þann leik. Það er mér að meinalausu að för verði frestað fram yfir leikinn. Ekki vill maður eiga skaðaðan bónda!

Klukk

Var klukkuð af Helgunni í bakgarðinum.

Hvaða bók hefur haft mestu áhrif á þig?

Verð að segja Biblían.

Hvers konar bækur lestu helst?

Skemmtilegt að lesa íslenskar heimildaskáldsögur og sakamálasögur. Les þó stundum eitthvað uppbyggilegt og gott en geri sennilega of lítið af því.

Hvaða bók lastu síðast?

Var að ljúka við Vetrarborgina eftir Arnald Indriðason og fannst hún alveg ágætis lesning.

Klukka hér með Védísi systur mína og Heiðdísi frænku.

Höfuðborgin ...

... heillar ekki sem slík, en þó eigum við góðan tíma hér. Hittum góða vini og skemmtum okkur með þeim og líka án þeirra.
17. júní var fagnað í miðbæ Reykjavíkur með candy-floss, gasblöðrum og öðru tilheyrandi. Börnin nutu sín í botn og ég bara svolítið líka.
Afmælisveisla hjá Lilju Rós prinsessu, gaman að geta tekið þátt í fagnaðarlátum fjölskyldunnar.
Stefnan sett í Skorradal nú á eftir, heimsókn til góðrar vinkonu sem þar býr.

Allt á fullu

Já hér hefur verið mikið um að vera. Fjölskylduvika í gangi á Eyjólfsstöðum og við höfum tekið þátt í henni svona eins og hægt er, þ.e.a.s. ég og börnin. Karlinn að sjálfsögðu að vinna. Árni Jökull hitti góða vinkonu sína, hana Margréti Maríu og þau eru búin að eiga góðan tíma saman.

Annars hefur dagurinn farið í að pakka niður fyrir tveggja vikna ferðalag til höfuðborgarinnar. Ætla að drífa mig með skrílinn og eiga góðan tíma með þeim. Kannski við skellum okkur aðeins vestur í Húsabæ á tímabilinu, sjáum til, fer allavega með lykilinn með.

Læt kannski heyra í mér ef ég kemst einhvers staðar í tölvu. Er það nú ekki frekar líklegt?

Hafið það gott í bili og verið góð hvert við annað ...

Friður

Ég er alein heima. Það gerist ekki voða oft. Dömurnar á Eyjólfsstöðum og feðgarnir í sundi. Ég nýt einverunnar í botn. Er samt að hugsa um að fara og fá mér ís. Gæti verið gott fyrir mig.

Það passaði til ...

... þegar við vorum búin að reisa þá kom rigning.

Sumarfrí

Já, langþráð sumarfrí er runnið upp og nú er bara að slappa af og kannski eitthvað meira.
Tjaldvagninn kominn í hlaðið og ég bíð spennt eftir karlinum til að hjálpa mér að tjalda.
Annars er ekkert að frétta, allir nokkuð kátir bara.

Lýk þessu með speki frá syninum:
- Þú ert austfirskur Árni Jökull.
- Nei ég er sko enginn fiskur!!!

og þar hafið þið það.

Farin ...

... í Hornafjörðinn fagra.

Sól, sól ...

Veðurblíðan heldur áfram, dömurnar skelltu sér í úðarann og skríktu mikið og hlógu. Karlinn býsna duglegur í garðinum í dag og hrýtur þessa stundina í hvíldarstólnum sínum. Ég náði að pota kartöflunum niður ... loksins. Sjáum til hvort við náum einhverri uppskeru í haust.

Heimsókn

Íris og Aníta Sif eru í heimsókn hjá okkur og við áttum skemmti- legan dag í dag í frábæru veðri. Fórum á Reyðarfjörð og versluðum aðeins (við Íris verslum alltaf eitthvað ef við erum saman) og svo á Fáskrúðsfjörð og Stöðvarfjörð. Heimsóttum gamla konu þar og fórum svo og skoðuðum steinasafn Petru. Dásamlegur staður það. Í kvöld er það svo dvd og prjónarnir.

Tendrum ljós ...

... í minningu góðrar ömmu.

Vorhátíð

Í dag var vorhátíð leikskólans haldin og sáu börnin um skemmtiatriði. Guttinn söng krummalög og íklæddist "krummalegum" fötum eins og hann sagði. Hann var skemmtilegur á sviðinu, hljóðneminn var rétt fyrir framan hann og hann sagði hátt og snjallt svo allir heyrðu að mamma hans væri þarna og hún héti Álfheiður Ingólfsdóttir! Stórkostleg þessi börn.

Sköpunin

Fór á tónleika í dag og hlustaði á Sköpunina eftir Haydn. Fimm einsöngvarar ásamt hljómsveit og 100 manna kór. Ótrúlega magnaður flutningur og ég varð eitthvað svo upptendruð.

Fór á samkomu í Eyjólfsstaði og átti þar góða stund með góðu fólki.

Gleðin kom aftur.

Held það sé komið

Þrír ágætir dagar í röð, liðið úti næstum fram á nótt og guttinn farinn að hjóla bara af þó nokkrum krafti.

Mikið búið að borða þessa helgina, saumó í gær, afgangar úr saumó í dag, grill með mö+pa í kvöld, amerískar pönnsur í fyrramálið. Þetta er sennilega ekki gott afspurnar. Þið látið þetta ekki fara lengra.

Styttist í sumarfrí .... ferfalt húrra fyrir því!!!

Er það komið?

Góður dagur, hægt að vera úti án þess að vera í kuldagalla. Drengurinn æfði hjólreiðar stíft í dag og er þetta nú allt að koma hjá honum. Flettum grasi af einu horni garðsins og ætlum að pota nokkrum kartöflum þar niður um helgina.

Og btw ... hver verður nr. 800???

Andleysi ...

... ræður ríkjum þessa dagana og er þá sama um hvað er verið að tala, vinnuna, uppeldið, bloggið og bara allt. Þetta hlýtur þó að koma um leið og fer að hlýna (það hlýtur að gera það á endanum). Próf standa yfir hjá dömunum og þær læra eins og þær fái greitt fyrir það. Duglegar stúlkur.

Sumarið ...

... er ekki komið.

Júró

Sátt við niðurstöðu gærkvöldsins. Annað ekki í bili.

11 ára

Frumburðurinn er 11 ára í dag og dásamlegur gleðskapur í gangi þessa stundina. Góðar stelpur í heimsókn og allir í Sing Star. Daman ánægð og ekki spillir fyrir að vinkona hennar, Silvía Nótt kemur fram fyrir alþjóð í kvöld.

Vorið vonandi að koma

Já, það er aðeins að hlýna. Vonandi er þetta allt að koma og ekki fleiri kaldir dagar í vændum fyrr en bara í haust. Sjáum til. Við búum jú á Íslandi þar sem allt getur gerst.

Styttist í skólalok, eftir þrjár vikur verð ég komin í sumarfrí. Ótrúlega lítið eftir en samt svo margt sem er eftir. Þetta klárast nú allt og allir fara kátir út í sumarið.

Frumburðurinn verður 11 ára á morgun. Framundan því afmælishöld með tilheyrandi stússi.

Svo horfum við að sjálfsögðu á Eurovision annað kvöld. Höldum ekki með vorri þjóð þetta árið.

Heimsókn

Fékk góða heimsókn um helgina, þrjár fyrrum samstarfs- konur úr Grafar- voginum komu austur og áttum við sérlega góðan tíma saman. Tvær þeirra höfðu ekki komið hér áður og þvældumst við eitthvað um næsta nágrenni, fórum út að borða og spjölluðum um heima og geima. Myndin er tekin í útikennslustofu Hallormsstaðaskóla.

Snjór

Já ... í morgun var hvít jörð og því til stað- festingar set ég inn mynd sem var tekin kl. 07:43 að staðartíma.
Verið sæl!

Blíða

Frábært veður hér í dag eins og víða annars staðar um landið. Það lá þó við að manni yrði of heitt, maður er barasta ekki í æfingu ...

Vinnuhjal

Það var svo gaman í skólanum í morgun. Fyrsta allsherjaræfing hjá 1. og 2. bekkjum fyrir árshátíð skólans. Þau stóðu sig eins og hetjur. Ótrúlega dugleg. Einsöngur og samsöngur, leikræn tjáning og myndlist. Allt í bland. Hlakka til 19. maí.

Fuglafræðingur

Drengurinn er nú alveg milljón! Ég má til að segja bara eina litla sögu.

Í gær vorum við að keyra suður í Hornafjörð og fórum fjarðaleiðina suðureftir. Í Fáskrúðsfirðinum gellur allt í einu í þeim stutta: "Þarna er mörgæs!" Við foreldrarnir sprungum úr hlátri og hlógum mikið og lengi að fáfræði drengsins og vanþekkingu hans á fuglum.
Þegar komið var til Hafnar heimsóttum við langömmu og langafa drengsins og sögðum þeim að sjálfsögðu frá þessari skemmtilegu athugasemd. Þá heyrist í guttanum: "Ég sagði MÖRG GÆS!"

Ég er steinhætt að hlæja að fáfræði drengsins og lít bara í eigin barm.

Sumardagur

Þvílíkt veður í dag. 17 stiga hiti og sól. Eins og um mitt sumar. Alveg frábært að fá svona dag.

Drengurinn æfði sig aðeins að hjóla, en mikið svakalega er hann latur þessi elska. Ég þarf greinilega að herða hann aðeins og ýta undir dugnaðinn og eljuna. Þetta gengur ekki svona.

Saumó í kvöld og vonandi eitthvað gott að borða. Gengur þetta ekki út á það? Allavega meðal annars.

Vorveður, heimsóknir o.fl.

Ótrúlegur fjöldi fólks sem sækir mig heim hér í bloggheimum. Ég furða mig á því um leið og ég gleðst yfir því.

Veðrið indælt í dag, hlýnaði eftir því sem leið á daginn og spáin lofar góðu fyrir morgundaginn. Maður lifnar allur að innanverðu þegar svona er.

Heilsa karlsins að hrynja eina ferðina enn. Ekki gott. Rannsóknir framundan.

Frumburðurinn fór á snjóbretti í morgun með skólafélögunum. Það var kát stúlka sem kom heim upp úr hádegi í dag. Spurning um að útvega dömunni bretti og kannski mér skíði einhvern tíma í fremtiden. Nei, það er kannski ekki ráðlegt, maður gæti brotnað eða eitthvað...

Mennt er máttur

Átti góða ferð til Akureyrar. Lögðum af stað þrjár kennslukonur saman á föstudagsmorguninn og keyrðum sem leið lá til höfuðstaðar Norðurlands. Þar lærðum við ýmislegt nýtt og gamalt um skólastarf og hafði ég gott og gaman af. Skelltum okkur í leikhús á föstudagskveldið eftir góða máltíð á Greifanum og sáum Litlu hryllingsbúðina. Skemmti mér ágætlega þar. Gistum á "kántrý-hóteli" og svaf ég vel. Héldum áfram á ráðstefnu á laugardeginum og lærðum meira nýtt og gamalt. Keyrðum svo heim í allt öðru en blíðskaparveðri, hundleiðinlegt, hvasst, blint og á köflum sá maður ekki á milli stika. Vorum heldur litlar í okkur og leið ekki sérlega vel. En við lögðumst allar á eitt og studdum hvor aðra í gegnum ósköpin. Helga leysti mig af í akstrinum um stund og það var snilld. Heim komumst við að lokum og mér leið eins og hetju, enda stóðum við okkur hetjulega.

Niðurstaða ferðarinnar:
- Góð ráðstefna
- Skemmtileg leiksýning
- Erfið heimferð

Síðasti vetrardagur

Já, sumardagurinn fyrsti er á morgun. Tíminn líður aldeilis hratt. Vonandi fer bara að vora hér hjá okkur, snjórinn að fara og allt að lifna. Maður er nú farinn að vakna við fuglasöng og það er nú alltaf vorboði.

Langur vinnudagur í dag, frí á morgun og svo skal haldið til Akureyrar snemma á föstudagsmorguninn, til að læra að verða betri og faglegri kennslukona sem getur komið til móts við alla nemendur, á þeirra sjálfra forsendum. Það er ákaflega spennandi verkefni sem maður getur vonandi tekist á við og skilað sæmilega til litlu skinnanna sem sitja uppi með mig sem kennara.

Páskar

Jæja, kominn annar páskum og við búin að hafa það ákaflega gott. Mikið borðað eins og vera ber á þessum dögum.

Drengurinn spólvitlaus eftir páskaeggjaátið, hann var nú ekki lengi að stúta því. En þannig á þetta víst að vera.

Matur hjá vinafólki á eftir. Meira gott að borða. Svona á lífið að vera.

Nei, nei ...

... ég skal bara ekki biðja aftur um athugasemdir. Það virkar greinilega ekki vel á ykkur.

En hvað um það. Góðir gestir litu hér við í dag, Edda og Kent á svæðinu og létu sig ekki vanta í smá innlit. Það er svo gaman að fá skemmtilega gesti. Kent og Bjartur drifu sig svo í bíltúr og skoðuðu Kárahnjúka en við Edda fórum í smá gönguferð um bæinn.

Leit svo til Fanneyjar seinnipartinn. Allir kátir þar á bæ. Árni Jökull og Salómon léku sér saman en ég sat og dáðist að nýjasta eintakinu þeirra, Davíð Pálma. Það er nú meira hvað drengurinn er fallegur. Reyndar eru flest, ef ekki öll lítil börn falleg.

Heimsóknir

Þegar ég skoðaði síðuna í morgun voru komnar 317 heimsóknir á síðuna mína. Ég furða mig á því hverjir séu svona duglegir að koma við. Endilega verið dugleg að skilja eftir athugasemdir svo ég sjái hverjir koma hér við. Og takk þið sem skrifið reglulega athugasemdir.

Letidagar

Við erum svo löt, við gerum nákvæm-lega ekki neitt. Það er ótrúlega gott að eiga nokkra daga svona til að gera ekkert.
Guttinn er reyndar orðinn leiður á því og biður u.þ.b. á klukkutíma fresti um að fá að fara í leikskólann. Kannski maður reyni að gera eitthvað skemmtilegt fyrir hann í dag.

Vor í lofti

Dásamlegt veður í dag. Fórum í smá göngutúr við mæðginin og að sjálfsögðu heilluðu pollarnir. Eitthvað endaði skemmtunin þó illa fannst guttanum. Setti inn nokkur myndbrot í albúmið.

Páskafrí

Langþráð páskafrí er runnið upp.
Það verður nánast eingöngu notað í afslöppun.

Einmana ... eða ekki

Guttarnir voru að ræða saman og voru samræðurnar með dýpsta móti.
"Við erum ekki einmana!"
"Nei, nei, við erum bara sjömana!"

Hvort þetta tengist því að fjölskylda hins guttans er nýlega búin að festa kaup á sjö manna bíl veit ég ekki ...

Fjölgun og fækkun

Já, fjölgun að því leyti að lítill drengur leit dagsins ljós í morgun hjá F+F. Ótrúlega fallegur. Fæddist hér á Egilsstöðum sökum ófærðar. Var að koma frá því að berja hann augum. Mæðginunum heilsast vel.

Fækkun að því leyti að karlinn og frumburðurinn fóru til höfuðborgarinnar nú fyrr í kvöld. Tannréttingatékk í fyrramálið og ferming hjá Árna frænda á laugardaginn. Þau koma aftur heim á pálmasunnudag.

Lestur er bestur

Þetta er yndisleg sjón. Stóra systir að lesa fyrir litla bróður og hann elskar það út af lífinu. Það er gott að eiga systkini. 

Aprílgabb ...

Það er verið að væna mann um lygar hér á síðunni ... en svo er nú ekki. Bílskúrinn er fínn sem aldrei fyrr Kristjana Helga og ef þu trúir mér ekki, þá verður þú bara að hunskast hingað austur í eftirlitsferð. Vertu bara velkomin góða!

Annars er lítið að frétta, fór út að borða með vinkonum í gær, ein þeirra á leið í hnapphelduna og "útaðborðað" í tilefni þess. Voða gaman að hittast svona nokkrar stelpur, borða gómsætan mat og spjalla eins og stelpum einum er lagið.

Tiltekt ...

... í bílskúrnum í dag. Vorum voða dugleg hjónin og kláruðum svona það allra mesta. Nú er bara eftir að henda smá rusli, hengja upp nokkra snaga, skipta um vask, setja upp alvöru ljós og svo náttúrulega flísaleggja. Það kemur síðar.

Snjór

Já, hann er vinsæll snjórinn. Kristjana og fleiri krakkar í götunni eru á fullu þessa dagana að grafa holur og göng í snjó(ruðnings)skafl sem er hér úti við bílastæðið okkar. Ótrúlega skemmtilegt. Og í dag fór guttinn í skoðunarferð og undi sér vel í holunni. Spjallaði heilmikið við stóru strákana en það endaði nú með því að þeir fengu nóg og fóru heim. Þeim hefur sennilega ekki fundist félagsskapurinn góður ...

...fréttir...

Í fréttum er það helst að það er ekkert að frétta.
Þannig er það nú bara stundum.

Viðbrögð

Mikið finnst mér nú gaman að lesa kommentin ykkar gott fólk!

• Védís elskulega systir mín
• Svanfríður frænka í Ameríkunni
• Heiðdís "litla" frænka og snilldarkokkur
• Kolbrún vinkona í USA

... regluleg komment frá ykkur, alger snilld.

• Kiddý mín kær vinkona og fyrrum sambýlingur
• Ásgeir Páll yndislegur dóni með meiru
• Ellen frænka í Svíaríki
• Ágústan mín
• Helga sæta ...

þið sjáist hér stundum og gleðjið mig í meira lagi með nærveru ykkar.

Og ekki má gleyma sjaldséðum gestum ...

• mín kæra Olga, ótrúlega gaman að sjá þig hér inni, hlakka líka ógeðslega mikið til að fá þig í heimsókn í maí
• Silla, fyrrum samstarfskona úr Borgaskóla, frábært að sjá nafnið þitt hér
• og síðast ekki síst, mín elskulega vinkona KÍA sem skrifar hér inn frá Afríkunni, ég sakna þín líka og það verður snilld að hitta ykkur í sumar

Takk enn og aftur fyrir athugasemdirnar og kveðjurnar ykkar. Það er nú einmitt það sem heldur þessari síðu gangandi. Það er eitthvað við það að fá viðbrögð við því sem maður "segir".

Óver end át ...

Árni Grautur ...

... er nýja nafn sonarins. A.m.k. kallaði faðir hans hann þessu nafni nú áðan þegar drengurinn var að borða makkarónugrautinn sinn ...

Ætli mannanafnanefnd gefi grænt ljós á þetta???

Góð áminning

Ég er áskrifandi að "konublaði" sem heitir því skemmtilega nafni Húsfreyjan.

Góð áminning í nýjasta eintakinu og læt ég hana fylgja með:

Einmitt í dag er kjörið að:

- hringja í ættingja eða gamlan vin
- fitja upp á nýju handverki
- fara út að ganga eða synda
- drekka te úr fallegasta bollanum
- hella angan og mýkt í baðvatnið
- hlusta á yndislegan hljómdisk og syngja með
- klæðast fallega mjúka bolnum
- kveikja á kertum
- skoða fjölskyldumyndir
- læra eitthvað nýtt af bók í bókahillunni

Halda ákveðið um stýrið í eigin hversdegi og brosa meðvitað.

Láttu þér líða vel!

Við getum gert margt til að gera daginn í dag að sérstökum degi á einhvern hátt en ekki bara sitja með hendur í skauti og upplifa væntinga- og verkefnalausa daga sem gefa okkur ekkert annað en tilgangsleysi og leiða.

Vetur

Já, það er kominn snjór ... aftur!
Mér finnst nú alltaf eitthvað spennandi við snjóinn þó maður geti nú alveg fengið nóg af honum á stundum og allt sé einhvern veginn auðveldara í snjóleysinu.
Allt er þetta sjálfsagt gott í hófi.

Afmælishöld

Afmæli eru skemmtileg ... a.m.k. á mínu heimili. Við héldum afmælisveislu fyrir fjölskylduna og "fullorðna vini" (eins og stelpurnar kalla það) á laugardaginn. Þessi afmælisveisla var sem sé í tilefni af því að "miðjubarnið" verður 9 ára gamalt á þriðjudaginn. Þá ætlar daman hins vegar að bjóða til sín bekkjarsystrum og öðrum vinkonum. Mikið gaman, mikið fjör.
Við hjónin gáfum henni afmælisgjöf í gær, nýtt reiðhjól, og hún var svo glöð, þessi elska. Hún fagnar nú aldrei mjög hátt eða mikið, en fagnaðarlætin í gær voru með mesta móti. Ótrúlega ánægð stelpa.

Myndir og video á myndasíðunni hér til hliðar.

Börnin

Það er svo dásamlegt að eiga börn. Þau lífga svo upp á tilveruna og gefa manni svo mikið. Búin að vera aðeins að skipuleggja afmælishöld í dag með miðlungnum mínum, en daman er að verða 9 ára. Það er snilld að spjalla við þessa stelpu.

Ótrúlegt að manni skuli vera treyst fyrir svona dýrgripum. Eins gott að standa sig vel í uppeldinu, a.m.k. reyna það.

„Gerum okkar, gerum okkar, gerum okkar, gerum okkar besta, og aðeins betur ef það er það sem þarf..." eða eitthvað svoleiðis var sungið hér um árið. Stefni ótrauð að því líka.

Óver end át ...

Miðvikudagur til ...

... þreytu kannski? Eða leti? Eða kannski eymingjaskapar?

Nei, ég segi bara svona. Langur vinnudagur en ágætur samt.

Fanney bjargaði mér svo og bauð mér í súkkulaðiköku og spjall. Notalegt í lok dagsins.

Göngutúr að því loknu. Ein að reyna að gera eitthvað í hreyfingamálunum.

Heimavinna í kvöld fyrir hjónanámskeiðið góða.

Sef svo eins og ungabarn til morguns.

Flott áætlun ...

Löt

Já, ekki búin að standa mig vel í bloggheimum sl. daga. Ástæðan er einföld ... leti!

Annars hefur lítið markvert gerst hér á bæ, miðlungurinn eyddi helginni reyndar í höfuðborginni hjá góðri vinkonu sinni og kom heim í morgun. Ákaflega ánægð með dvölina.

Við hin eyddum helginni heima, fengum til okkar skemmtilega gesti og áttum með þeim góða stund. Þórhallur mágur og Michele konan hans komu ásamt tveimur afkvæmum á laugardag og svo komu góðir "kirkjuvinir" að sunnan í kaffi til okkar á sunnudag. Alltaf gaman að fá gesti og ekki spillir fyrir ef þeir eru skemmtilegir (hverjir eru það nú ekki?)

Endilega drífið ykkur í heimsókn bara ...

Gull

Já ... Bjartur náði gulli í sleðakeppni í Torino. Haldið þið að það sé flott. Hann vildi meina að tilfinningin væri ólýsanleg. Ég þekki hana ekki ... hehe

En ég er komin í helgarfrí, nú uppsker ég laun síðasta fimmtudags og föstudags, þegar ég kenndi (eða kenndi ekki) báðum 1. bekkjunum. Það er góð tilfinning.

Helgin

Helgin fór að mestu í þátttöku í vetrarólympíuleikunum í Torino. Við hjónin og dæturnar höfum tekið þátt í ýmsum vetraríþróttum, m.a. skíðaskotfimi, bobbsleðakeppni, skíðastökki, bruni og svo mætti lengi telja.

Frúin fór sem sé í BT sl. föstudag og festi kaup á PS2 leik sem vakti mikla lukku meðal annarra fjölskyldumeðlima. Haldið að það sé nú ...

Drengurinn er má segja búinn að ná sér, allur annar en í vikunni sem leið. Fór m.a.s. í "leikskólann sinn" í dag og hitti "krakkana sína". Ákaflega glaður yfir því. Ég er með eindæmum þakklát yfir því að þessi ósköp séu afstaðin.

Meira síðar ...

Skemmtileg heimsókn

Mín ástkæra "litlasystir" heiðrar Héraðið með nærveru sinni þessa dagana ásamt krílunum sínum tveimur. Það er nú mikið gaman að hitta þau og eyða smá tíma með þeim. Litlu dömunni finnst ógurlega gaman að pirra frænda sinn sem vill "ekki leika við Lilju Rós, bara litla frænda" (sem heitir Jóhann ... ekki Jóhún!)